Flames (黃埔天地)

营业中

休息中

之前去海濱長廊，食過呢間餐廳，食品質素不錯。見新開了一間在黃埔，放工過來試一試。坐地鐵到黃埔站，大約行7至8分鐘就到。原本以為平日冇乜人，但都滿座，最好先預約。我們叫了一個小食，兩個主菜。小食方面叫了炸魷魚圈，很有𡁻口，份量也頗多。主菜叫了葡式燒雞配薯條，肉的份量很多，雞肉也不會太鞋。附上的辣汁，很惹味，食完2/3隻雞已經食晒，要再問侍應攞多碟😂。另外薯條即炸，是我喜歡的粗薯條😍。另外，我們叫了一份8oz牛扒，薄薄地，火候控制很好，肉質嫩滑！忌廉薯蓉都很香滑！我們還叫了一份燒粟米🌽，感覺可以中和下肉類嘅份量😂

今晚出到去黃埔呢邊食飯。平時都好少黎呢頭，行經見到呢間裝修得又幾有格調，餐牌款式又幾多，咁就入座試下先。由於係閒日晚同埋我都早入座，食客未算太多，不過到我地食飽飽時，見到餐廳已坐了好多食客了。果然大家都好識食。睇下餐牌，呢度一般既西式食物都有，pasta,salad,soup,dessert.....好多唔同野食。我們兩個人決定點幾款唔同既野食再一齊開心share...主日餐湯：蕃茄basil湯蕃茄濃濃好creamy好香。醒胃，為食正餐前提提神😍先講下個主食紅酒燴羊膝，唔係間間西餐廳會搵到呢個菜式，所多數有得食既，我都會點呢款紅酒燴羊膝。呢間餐廳都整得好好味，羊膝炆到好腍身，大大隻羊膝咁，上面好多肉，慢慢地切成一舊舊肉，可以方便食。每啖羊肉再沾多點汁醬，好濃郁好好味。羊又腍又啖啖肉，份量都唔少。味道岩岩好，好好味。除左肉外，仲有少少薯蓉同蔬菜，味道都不錯。另外點了一客炸魚薯條。呢款香口食物好好味，又熱辣辣脆卜卜。薯條炸到好脆，腍度又岩岩好，沾埋茄汁食perfect...另外件炸魚都相當之好味，外皮有薄薄的脆皮，中間魚肉都厚身，啖啖肉。炸得又不會太乾，岩岩好。加上小小檸檬汁，更為清新，之

黃埔最近開咗一間新餐廳叫Flames , 位於黃埔天地。餐廳環境好舒服，吾知以為入左一間高級餐廳12安士安格斯肉眼扒配薯蓉 $298叫得安格斯肉眼扒，當然叫5成熟就已經足夠，肉眼扒煎得外香內軟，吾知以為食緊好高級牛柳，另外配薯蓉，呢個薯蓉意外地有驚喜，因為非常creamy ! 呢個價錢絕對性價比高，拍得住fine dining 西餐節目海鮮龍蝦忌廉汁配扁意粉 $188香濃嘅龍蝦忌廉汁，配上鮮甜海鮮( 青口、蝦) 巴馬臣芝士香燒燒粟米 $48燒粟米就真係食得多，但再加上巴馬臣芝士，層次再豐富好多。芝士熔化係粟米上面，又有另一個口感最後口癢叫左杯 Ginger Ale😎馬上醒神

今晚 即興 一行三人往黃埔花園 吃晚飯🥣 因為可以在OpenRice Apps 訂枱，又可以賺Asia Mile, 覺得很方便👍🏼 就訂了19:30，窗邊位 半圓型cart 位，坐得都舒服只是要面對住馬路間中有途人經過會望住你喇是日order Family Set: 牛扒的薯容好滑滑，燒春雞烤得啱啱熟 所以雞胸肉都滑和juice 好味，House salad 有風乾火腿🤩，餐湯亦非常意外地「正」

今晚約咗重口味的同事，一齊去食多國菜式味道濃郁的 Flames。餐廳以黑白灰為主色調，簡約裝修；適合朋友聚會，這裏氣氛一流，音樂輕鬆暢快，開心笑聲滿載餐廳，有種輕鬆自在的感覺。MUNCHIES香辣炸雞 $80香辣炸雞外脆內軟，咬落多汁，入口雞肉依然嫩滑，帶點印度香料的濃郁味道。香草蒜蓉包 $48香草蒜蓉包經過烤焗的蒜蓉，酥香惹味又誘惑，味道留在口腔揮之不去。PASTA蟹肉巴馬臣芝士脆脆蕃茄忌廉汁通粉 $138芝士控推介必叫蟹肉巴馬臣芝士脆脆蕃茄忌廉汁通粉；芝士鹹香充滿了通粉，入口滲出啖啖蟹肉鮮甜味道。通粉充分地包住醬汁，加上蟹肉、洋蔥、蒜蓉、香草同蕃茄忌廉汁一起，令蟹肉同蕃茄忌廉汁融為一體，口感豐富而且 creamy。SEAFOOD炸魚薯條配他他醬 $148正所謂醉翁之意不在酒，炸魚薯條我第一時間會食薯條先，粗身薯條外脆內軟，勁好味。炸魚酥脆可口，魚肉厚身多汁，配他他醬味道更上一層樓。MILKSHAKECHEESE CAKE SHAKE $98香濃雲呢拿味道，係飲品又係甜品，CHEESE CAKE SHAKE 係餐廳重點推介！把自家製蛋糕變成大大杯奶昔，插了朱古力餅同百力滋，重有 ch

「你今天過得好嘛」其實我過得不好，沒有你在的日子都過得不好。我沒有說出口，知道負面情緒不應該暴露太多。說著說著，突然發現沒有再相見的理由。衝口而出的一句：「咁我地再冇藉口見啦」「你都識講，藉口」「要藉口先見到你」不是要一個理由嘛，如果要見面。「都講得出是藉口」「明晚或後晚你那天方便？」這夜我們都不用藉口就見面了，只要一個想見就可以了。飲嘢嘛？好啊 酒啊？ 記得他愛吃飯時飲點酒。點了杯 Cocktail 還有小小表演，用火槍灸燒檸檬，酒味都算出眾，他看似很享受這頓晚餐。前菜來個虎蝦沙律，虎蝦香煎過更加乾身，沙律份量大。另外他點了Ribeye medium rare 剛好，入口肉汁滿溢口中，色澤粉嫩誘人，最怕那些乾柴的牛扒，這個並沒有這個問題，另外配了薯蓉更飽腹。嚷著想吃個truffle risotto 因為可以暖胃一下，飯米煙韌有嚼勁，配料都算頗多的。整體都很吸引，服務貼心主動，值得再次來。

闲来无事约了朋友在黄埔 Flames午膳聊聊天。 这间餐厅的布置看似简单却又隆重，餐厅所有台面也用了云石，视觉上较宽敞光亮，在疫情下，台与台之间的分隔须适中，坐下感觉舒适。 我俩选了午市套餐，先来了是日沙律， 新鲜的杂菜配了Parma Ham 很匹配，咸咸香香，而我特别爱吃杂菜中的火箭菜。 香煎鱼柳配黑松露蘑菇忌廉汁烧蔬菜，鱼柳煎得软滑，黑松露磨菇味道浓郁能提升鱼柳的鲜味。 鲜虾香草蕃茄忌廉汁扁意粉，鲜虾既大只又爽口，香草蕃茄非常惹味能带出其清甜，再与忌廉配搭与扁意粉连在一团，滋味无穷，又有嚼感。 最后叹杯柠檬茶来终结这餐完美的午膳。

因為要去黃埔花園探朋友岩岩出世既BB, 所以需要去到好唔熟悉的地方, 走既時候想同另一個朋友吹多兩句, 所以就係附近搵野食, 見到有間食西餐既, 好似幾正咁, 價錢又適中就入左去啦入面環境都幾靚, 我地都覺得好岩傾計都幾多選擇, 太多想食, 我地選擇困難症患者都揀得幾辛苦避風塘雞翼-$88總共有六隻, 而且都大大隻隻咁, 小食黎講份量都夠, 而且雞翼炸得好香脆, 入面仲保留到唔少肉汁, 而且D炸蒜避風塘味十足, 令我地回味無窮葡式香辣燒春雞配薯條-$218D隻雞好嫩滑, 又夠大隻, 而且有少少辣味可以帶起成個雞味, 唔係好食得辣既友人都話幾正, 而薯條係即叫即炸的, 好可口, 用黎傾計一流紅酒燴牛面肉草菇扁意粉-$128上枱既時候職員講笑話干炒牛河黎啦, 我地都笑左, 因為睇落真係有少少似, 但食落就唔係, 係有佢既獨特味道, 牛面肉炆得好淋, 好易入口, 而意粉就軟硬度適中, 每條都掛到個好味既汁, 唔錯提拉米蘇-$68最後叫埋個CAKE SHARE食, D個CAKE都幾香酒味, 口感都唔錯, 我地都好鐘意總結環境唔錯, 職員幾有趣, 食物好味, 估唔到是但揀間黎食都唔, 黃埔人真係

近日又黎到黃埔出差，當然要帶同事去一去呢間Flames，是我的心水之選。餐廳提供多款 lunch set，價位由$78-$278不等，可謂豐儉由人。我當日選的是8安士紐西蘭肉眼扒配薯條，選擇的是5成熟，上枱時已睇得出份量十足，相信絕對沒有偷工減料，切開時肉眼牛扒有適當的靭性，不似用上鬆肉粉的死軟，而且內裏是粉粉的，食落肉汁流出，充滿牛的香味，而且有咬口，而且旁邊配有大大條薯條，配上小小的鹽，食落的口感比起快餐店的即製薯條爽口多了，兩者梅花間竹咁食更是一絕。然後是加點的是日甜品，套餐可以用優惠價$10加配，由於店員極力推介，所以我加點了一份朱古力芝士蛋糕，賣相相當吸引，啱晒我呢啲鍾意打卡嘅人，上方是鬆軟幼滑的奶油，食落很重的牛奶香，再配上下方的芝士蛋糕，絕對值得試。

Flame 係鰂魚涌食過，黃埔分店第一次食，呢間裝修又靚坐得又舒服.香煎半熟吞拿魚車厘茄沙律配青檸青瓜薄荷汁 $118吞拿魚片外圍烤過，令魚肉加添炭燒味但中間仍然係生好嫩滑，配以車厘茄粒同埋清新既沙律汁，非常開胃.8安士紐西蘭肉眼扒配忌廉薯蓉 $188肉眼扒質素正常，因為8安士份量故牛扒唔算厚；忌廉薯蓉好滑好creamy.蟹肉巴馬臣芝士脆脆蕃茄忌廉汁通粉 $138每粒通粉都吸收左蕃茄忌廉汁，醬汁酸度剛好，仲有蟹肉、脆脆同埋芝士粉，令口感豐富.黑松露薯條 $48一大桶炸到外層脆卜卜既薯條加左黑松露醬係面，簡單而美味.抹茶芝士蛋糕 $68呢款抹茶芝士蛋糕非常有層次，底層頂層係抹茶蛋糕，中間夾住芝士慕絲同埋芒果布甸，芒果既酸剛好中和芝士及最表面既抹茶cream既膩感覺

上次食過海濱匯間flames覺得好食，於是今日就走埋黎黃埔天地再食埋另一間分店，做好安心出行同埋量體溫就安排入座了！黎到當然要再食多次個12安士安格斯肉眼扒配忌廉薯蓉，肉眼扒賣相色澤都好靚而且仲有啲烤紋，一切開就見到紅色既肉但流出黎既係肉汁而唔係血水，呢個七成熟做得好好！肉眼扒肉味濃郁，肉質亦都爽口，根既部位唔多而且肥膏都無乜，真係啖啖肉，不過一定要襯熱食先最正！忌廉薯蓉忌廉味特出，薯蓉口感滑身，連配菜都唔馬虎！另外再叫埋蟹肉巴馬臣芝士脆脆蕃茄忌廉汁通粉，汁醬好夾，蕃茄忌廉味岩岩好，無搶走是但一邊既味道，蟹肉量多，同汁醬都環環相扣，反而芝士味就較輕可能被蓋過。通粉軟硬適中有些少咬口，汁醬都平均咁痴住每條通粉，整體感覺清新得黎又帶點小邪惡！呢杯Lychee Blend嘅賣相極吸引，啱哂少女心又可愛嘅女朋友打卡🥰攪勻佢之後連埋啲碎冰一齊飲有種沙冰嘅感覺，入面嘅荔枝味好出，再加埋少少菠蘿味，無得頂！而Tropical Punch賣相同樣有心思，味道方面會飲到有菠蘿味、百香果味同埋有啲紅藍莓既味道，飲落口酸酸甜甜，非常開胃！

#黃埔 ‼️環境舒適西餐廳‼️/前排喺黃埔新開左間西餐廳Flame佢喺其他地區都有分店~ 於是去試吓☺️/12oz Angus Rib Eye Steak $298牛排大塊又厚身，肉質鮮嫩，食落去食到grill嘅味道～ 佢配埋嘅薯蓉好香滑，同塊牛扒一齊食一流！/Scallop Linguine $158有三粒太子，同埋魚籽，食落去味道好豐富/Flames Cake Shake $98呢個甜品超正🥰 有一大舊red velvet蛋糕配埋strawberry Milkshake 雖然好邪惡但係真係好滿足! 蛋糕夠濕潤，咁milkshake又唔會太甜~/記得book定位！💕————————————#Flame〰️ Flames (黃埔天地) (Hung Hom)〰️Shop G10B, G/F, Fashion World Site 2 - Cherry Mansions, Whampoa Garden, The Whampoa, Hung Hom————————————#journeyoftwo香港_western

之前被觀塘The Quayside分店落地玻璃自然光的Chill爆環境深深吸引，今次經過另一分店，立刻想Order上次鄰座超吸引的Dish。這分店的環境走溫馨情調路線，由於座落住宅區，平日Dinner Time都有不少一家大細街坊捧場客。座位闊落舒適，坐近半Open Kitchen還可以一邊用餐，一邊觀摩Chef Team的駕勢和鑊氣，店員亦份外細心Friendly。脆皮乳豬配西班牙飯西蘭花苗 Suckling Pig $298必須大讚這個乳豬超高質。自從疫情過後，婚宴少了很久沒吃過乳豬，這天一次吃夠本！乳豬份量很大，大約有1/4 Portion，外皮超鬆脆，火候控制100分。皮下有一層薄薄的脂肪，油香噗鼻，連同嫩滑的乳豬肉，不用沾任何醬汁已非常美味，一點也不覺得肥膩！西班牙飯有酸酸甜甜的蕃茄調味，與乳豬頗Match。好東西要等大約30mins即叫即燒，絕對值得！炸魚薯條配他他醬 Fish & Chips $148即叫即炸熱辣辣，要小心燙口。炸皮薄身香脆不離肉，魚柳大過隻碟，肉質雪白嫩滑，加上檸檬汁味道更有層次。薯條自帶調味粉，同樣新鮮香脆，還配有心愛的他他醬，是個簡單又高質的Fish

跟朋友晚餐，到了一間氣氛不俗的餐廳。我們很早到達，客人不多。但過了不久，客人陸陸續續的到來，很多還是預訂座位的，可見此店頗受歡迎。我最喜歡點「廚師推介」的食品 12安士安格斯肉眼扒配忌廉薯蓉 ： 按我們要求的五成熟安格斯肉眼扒 牛扒香味撲鼻而來。安格斯肉眼扒表面有點焦香，肉質軟嫩，細緻多汁。牛肉味非常濃厚，其實不加添附送的牛肉汁，味道已香濃。忌廉薯蓉口感幼滑，嚐到甜甜的薯仔味道。 脆皮乳豬配香草黃姜蕃茄飯西蘭花苗 ：此道菜即叫即製，所以要等三十分鐘。一嚐之後，我認為非常值得。乳豬皮脆肉嫩，不感油膩。乳豬皮十分香脆，肉汁豐盈，烹調得非常好。西蘭花苗爽脆，而香草黃薑蕃茄飯粒粒飽滿，帶有清香蕃茄味道。食物優質、環境舒適、店員服務態度友善，期待下次再來。

2021.11.22Blue Monday 真係放工要抖下氣😮‍💨近近地同友人去左黃埔呢間澳洲飲食文化既西餐晚飯🍴是日餐湯 - 椰菜花忌廉湯 $48份量多，濃度適中！葡式香辣燒春雞配薯條 $218果然係呢到既招牌菜！色水靚！而且春雞size 大過隻手掌🖐️香脆既外層加上肉質嫩滑！調味好惹味！仲可以配上自家製既葡色辣醬令味道再提升一個層次！薯條金黃色可以沾上茄醬一齊食！蟹肉巴馬臣芝士脆脆蕃茄忌廉汁通粉 $138醬料比例適中，唔會過酸/過鹹！而芝士脆脆令到個口感更加有層次！是日甜品 - 朱古力慕絲蛋糕 $68餐廳有數種款式選擇！不過今日需要朱古力安撫下自己既情緒！上盤精緻，食完會心情好啲😁Mocktail - Lychee Blend $68其實係一杯荔枝沙冰加上一粒荔枝肉！影相係幾靚既😝飲落就甜甜的！食飽飽後又係時候回家休息，明天繼續努力工作👩🏻‍💻