FireBird

营业中

休息中

早幾日同一班同學去銅鑼灣影畢業相影到咁上下就去醫肚餓啦呢間餐廳係其中一個同學卜既，佢之前食過話唔錯一入到去，成個感覺好岩同朋友邊飲酒邊食野同吹水明太子玉子燒厚厚既玉子浸係暖暖地既湯入面，口感好嫩滑呢仲有明太子，小小微辣同咸鮮味火山熔岩鮭魚卷賣相同個名好相襯呀，仲有熔岩既視覺效果壽司上面係炸咗既蘿白絲同薑絲仲加了大量芝士沙律醬淋係炸咗既鮭魚卷上面炸到脆卜卜，非常香口但沙律醬可建議落少一點，感覺好像只食到沙律醬味好好食既厚燒牛舌有一定厚度但不會過韌，仲燒到好Juicy 及爽口滿口油脂香氣我地係食肉獸，繼續食肉🤣叫了約200g嘅A4和牛燒！店員會拎到客人面前磅睇下和牛既紋理分明😍叫了三成熟和牛燒好，上面鋪上甜甜地既蒜片同荳芽減低油膩感肉味好濃，有一種入口即溶既感覺見到隔黎枱叫咗Firebird 火燒雞腿睇到我地大開眼界🔥而且黎到呢間以雞做賣點既餐廳也應該試試呢度既雞吧！店員係客人面前淋上酒，點火火球升到好高呢！大家影完一輪相後，就幫忙剪開雞腿雞腿都幾大隻雞皮上面加入大量炸蒜及孜然粉帶點微辣，忍唔住食多左幾舊仲有半個椰菜及彩椒最後仲叫左和牛茶漬飯飯底稍為香烤過，帶有飯焦，加入熱湯，口感煙韌和牛

自己好多時候喺邊寧頓街等巴士返屋企，期間一直有留意呢間firebird，因為覺得個名唔似日本餐廳，從外面見到餐廳嘅裝修有別一般居酒屋。今日終於忍唔住入去食。餐廳入面擺滿好多萬聖節裝飾，非常應節。樓底非常高，而且有開放式廚房，感覺環境非常開揚舒適。我哋今次座位喺高枱，彷彿happy hour之中，所以我哋即刻叫咗杯fuji mountain coctail。顧名思義外型十足富士山，杯身非常高瘦。藍白色嘅顏色非常吸引，加上整體重荔枝味，酒精濃度唔高，女朋友非常鍾意呢杯fuji mountain。我哋落單叫咗日本霜降A4和牛燒100g之後，職員就會喺我哋面前秤一秤塊霜降A4和牛，真係冇呃枰，貨真價實！處理過程唔需要自己下手，廚師煮完後就會上菜。和牛非常高質素，入口即溶、牛味香濃不在話下，整道菜presentation像是一門藝術，配菜跟和牛非常夾，真係極品享受。唔好睇少呢一個飯團，平時鍾意食煲仔飯飯焦嘅我對呢個醬油燒飯團真係愛不釋手，飯粒粒分明，焦香味非常突出。火焰燒雞脾著火個下非常壯觀，燒完後肉非常嫩滑juicy，雞皮香脆但唔油膩，整體非常惹味。另外旁邊嘅椰菜燒過後仍有水份，食落唔會太乾，

只有在日本才會食拖羅， 平時在香港絕不會隨便食， 這一次沒有令我失望， 每一口咬下去都充满魚油的新鮮, 齒頰留香！300g的牛扒 鮮嫩多汁， 鬆軟無比， 融化在舌尖的高潮 ，對肉食愛好煮者嚟講絕對是情難自禁！

時值出左糧的開心時光，忍不住想揮霍一下🤣來到這家firebird餐廳，絕對是一拍即合。餐廳已經布置成聖誕節，而店內亦播放著聖誕歌，非常好氣氛。今晚點了三文魚茶漬飯，飯是烤過的飯團，非常香口。蟹肉蟹膏蟹蓋非常濃厚，加上三文魚子增加了脆脆的口感。烤雞肉盛合五款各有特色，最喜歡雞肉做成的漢堡肉串，蘸著蛋汁來吃又滑又有滿口肉香，令人非常滿足。其他肉串的雞皮都烤得香脆，加上一串烤蔬菜，減少一點罪惡感🤣手握壽司的海膽非常濃郁和順滑，鮮味十足。烤海鰻絕對令人嘩一聲的原條份量，不妨與其他人開心share。

每個月尾都要同男友慶祝下❤️今次選擇左銅鑼灣嘅firebird食日本野居酒屋嘅感覺 播住日本歌 氣氛很好👍🏻🔸 大拖羅刺身 $198有五大片 切得厚身 呢個價錢算抵呀魚鮨豐富 食完口裏還有一點餘香🤤🔸 日本霜降A4和牛燒 100g $200準備燒之前 侍應哥哥會攞塊和牛過來磅一磅 確保足秤呀😎男友喜歡生一點 所以叫左三成我先試了原汁原味的 再配海鹽同大蒜食和牛很juicy 肉又嫩🤩下次要order大塊啲呀🙈🔸 蟹味噌甲羅燒 $68之前去日本都無試過 要試試呀有蟹膏 蟹籽等等 口感很好 而且蟹味好濃🥰🔸 軟殻蟹牛油果壽司卷 $118牛油果分量不少呀 🤤軟殼蟹加牛油果就係好食🔸 厚切牛舌串燒 $58一人一串牛舌串 真係好厚身加少少檸檬汁 好好食呀❤️🔸 明太子芝士椰菜燒餅 $68一半搽滿明太子醬 一半係燒餅醬😍味道不過不失 芝士味也有的👍🏻滿意度: 4.5/5 性價比: 4/5🍽 FireBird🔎 銅鑼灣邊寧頓街13號隆堡柏寧頓酒店地下

上年在銅鑼灣區度過了很多歲月，對邊寧頓街印象尤其深刻，皆因練車考車已在這裡留下了廢氣，至於車牌，哈哈。就是這樣給我認識了這區，有有多出色的餐廳值得光顧。這家是日式料理，臨近聖誕節，店舖門面已經佈置得很暖很有節日氣氛，令人心情也變得開心有情趣起來。裝潢設計理念源於日本風格，闊大的開放式廚房連客席座位，讓食客能欣賞廚師的精湛廚藝。日本產油甘魚刺身，非常新鮮，入口魚感十足，身為漁民子弟也不得不讚，油甘魚亦是小妹至愛。日本產霜降A4和牛燒150g，以四成熟香燒，外皮香脆野味，內裡肉質鮮美多汁，大讚得不能以筆墨形容。雞肉串燒盛合，4款食法，加上秋葵，配合日式溫泉蛋和配味粉，非常不錯，不油不膩，肉質鮮嫩。燒日本甜蕃薯配抹茶雪糕，賣相很吸引，很特別的甜品，底層是日本甜薯，和中層的燒薯條伴抺茶雪糕入口，滑不留口，香點口感十足，亦很飽肚。意大利風芒果雪糕，非常清新的點品選擇，微微甜酸的芒果香，消滯醒胃！柚子綠茶，柚子加了地道綠茶，冰涼清新！Mango-bar de Mocktail，只看餐牌文字點了這杯飲品。上檯被嚇了一跳，整條芒果冰條放在杯子裡！令我驚喜莫名，食落啖啖芒果清香，絕不過甜，非常好味的又食

蟹味噌甲羅燒 - 蟹膏味濃甘香，質感幼滑，加上粒粒脆卜卜的蟹籽，令口感更加豐富。日本產霜降A4 和牛 - 油脂分佈均勻，肉厚鮮甜，肉質緊緻，入口即溶。魔鬼火焰原隻雞腿 - 侍應將原隻雞腿上枱後，之後倒酒落雞腿上面，再點火，夠曬震撼。火熄左之後，侍應將雞腿煎成小塊。雞腿外皮香脆，肉質鮮嫩惹味。宮城蠔殼燒 - 原殼燒蠔肉質肥厚，甜美juicy，海水味唔重，原汁原味，才口感嫰滑。大拖羅刺身 - 拖羅肉質肥美，鮮味，油分豐富。鮭魚茶漬飯 - 飯燒至微脆香口，面頭係燒鮭魚，唔會腥，配埋微溫的湯，味道唔錯。

之前已經嚟過呢度食午市覺得唔錯，今日轉成帶女朋友嚟食餐好既🤓呢度嘢食選擇都好多，價錢亦都唔算貴，味道亦都幾好食，幾推介想食日本野嘅你可以試下👍🏻和牛烏冬壽喜燒$278我哋兩個都好鍾意食牛😍又鍾意食壽喜燒 牛肉嘅雪花好靚 脂肪分布都好好 望落已經好吸引!牛肉入口即溶又吸收左甜甜地嘅豉油味，正😋不過份量就唔算太多，真係超好食！其他配料吸收左湯底嘅精華都變得更加清甜好食😎豆腐同烏冬都好滑😋😋明太子伴玉子燒$48上面嘅明太子好爽口，同埋玉子燒一啖食落去，淡淡蛋香鹽燒鮭魚腩$68出邊燒得金黃香脆，魚腩滑，調味亦都唔錯~FB燒鳥盛合$128哈哈就好似店名甘，分別有四種雞肉串燒同秋葵串，最鍾意嘅就係左手邊呢串，好似雞肉肉丸咁，加上燒汁同七味粉特別惹味，另外，串燒點上生蛋黃亦幾特別燒日本甜番薯配抹茶雪糕$48綠茶雪糕淡淡的綠茶香，唔會好甜，啱晒我，而且甜番薯好味得來又健康👍🏻我點左杯House white wine$68女朋友就點左Tiffany sour $78佢話顏色好靚用嚟打卡一流😂味道酸酸甜甜，有菠蘿同益力多味，幾啱女仔飲🙆🏿‍♂️而且呢間餐廳係唔同節日總會有唔同裝飾，應吓節咁，服務亦都幾好，約

移民美國的舊同學回港探親，抽時間約埋我和一班同學聚一聚，他住在銅鑼灣隆堡柏寧頓酒店，並約我們去酒店樓下的FireBird食晚餐。佢話是酒店侍應介紹，食物吾錯，適合一班朋友聚會傾計飲嘢。特上手握壽司盛合：一望就知道是高質素壽司，原條海鰻鮮嫩、特長三文魚、油甘魚、拖羅油脂豐富又夠香。牡丹蝦、帆立貝和海膽好鮮甜。重量級火焰原隻雞腿：雞腿上枱後，侍應將酒倒落雞腿上即點火，重量級火焰隨即出現，熊熊火焰包圍整碟雞腿，才一殺那就自動熄滅，侍應立即為我們將雞腿煎成小塊，方便進食，雞肉混左一些辣椒和蒜，肉質嫩而味道帶辣，十分惹味。鮭魚腩刺身：三文魚腩新鮮肥美，豐富的魚油甘香。日本產雞肉伴明太子濃汁烏冬：雞肉鮮嫩，明太子帶點辣，鮮甜的濃汁混有蛋花，烏冬掛了濃汁，口感滑溜又美味。鮭魚茶漬飯：鮭魚和飯團都燒過，將茶漬倒入飯內，將飯團推散，有點像食煲仔飯的飯蕉差不多，茶漬湯底鮮甜，鮭魚咸鮮味，飯團有口感，好味！雞翼串：燒得皮香肉嫩，雞肉已經好入味，想有辣味可以加點七味粉。Suntory the Premium Malt's：美國同學話尼款啤酒好好飲。

之前同女朋友曾經到訪過呢間居酒屋，今日係銅鑼灣又想黎多次享受一下。跟住上菜順序介紹，一開始係灸燒枝豆同厚玉子燒，枝豆係無敵佐酒小食，灸燒左之後食既時候多左一份香味。另一面玉子燒中間軟滑多汁，充滿蛋香。食完小食下一道就係呢個火山熔岩蛙魚卷，上面熔岩係炸蘿蔔絲同蔥絲，中間有芝士沙律醬同炸左既蛙魚卷。食落口感一流，係今晚最愛既一道菜，蘿蔔絲味道偏甜，蔥絲好香口，加上沙律醬都好好味，最特別係佢炸左個蛙魚卷令口感好配合個醬同啲岩漿！跟住係重量級火焰原隻雞脾，一上枱佢個size就好震撼，之後店員會點火，成隻雞脾浴火重生，即時感受到佢既熱力。成道菜最欣賞佢煮到剛剛好，雞肉好嫩滑多汁，上面辣粉都唔算好辣，淨係見佢點火都夠過癮。A4和牛壽喜燒，我地加左蛋同白飯。和牛比平時食既更有肉味，壽喜燒鍋有好多配菜，其中更加入左牛舌，煮完之後牛舌好淋好入味，其餘配菜都係吸收晒啲湯汁，正！隻蛋本身想做月見醬但自己傻仔打左蛋白落去，最後用左黎撈飯😂厚切牛舌串燒，厚度適中，燒到剛剛好，中間仲係粉嫩色，食落柔中帶爽，一啲都唔靱，肉味都充足，鍾意食牛舌既朋友一定要試。叫左兩杯飲品，一個係熱柚子綠茶，唔同其他地方既水果茶會好甜

經過人來人往的 渣甸坊 轉入內街 就會發現清靜的街道有一間好熱鬧嘅居酒屋。 幾個月前食嗰一次覺得唔錯所以再次光臨。雞肉凱撒沙律店員俾我哋影咗相，之後就幫我哋攪勻啲沙律。好貼心。沙律新鮮，雞肉嫩滑配埋清甜的沙律醬，令整體更清新。刺身三點盛帶子新鮮，咬下去鬆軟彈牙！海膽清甜，還細心的包埋紫菜一齊食。呢度的油甘魚非常鮮甜好吃！紫薯條, 即叫即炸, 紫薯爆滿，唔會好似平時個d咁空心, 一條都充滿紫薯餡, 而且又唔會油膩日本A4和牛壽喜燒和牛脂肪分佈平均，牛軟滑有牛味。湯底濃郁，菜吸哂湯頭更添滋味這類嘅餐都好多選擇，下次還會繼續試下。這裡佢員工有禮貌有笑容，值得一讚

今日黎到位於銅鑼灣既FireBird，一入去第一感覺就係呢間野好有日本居酒屋既味道野食都唔算太貴，好岩三五知己收工後過去聚一聚黎到日本餐廳，唔使唸都要黎翻兩碟刺身先啦。首先黎既係拖羅刺身+凡立貝刺身 拖羅刺身無令我失望 入口即溶❤️ 完全無筋 凡立貝都係超新鮮❤️仲要日本直送架不能缺少的當然係我最愛既三文魚，一樣無令我失望 新鮮不在話下，油脂分布都唔錯，淋身得黎又有啲嚼口，，食完更想食燒烤送啤酒🍺，呢啲絕配是不能缺少的啦！可惜今日無叫到酒，但就咁食都超正。雞翼燒到剛剛好 肉質嫩滑，加啲七味粉❤️小小辣，更惹味呢個明太子耶菜燒餅都好正，小小鹹，送酒一流全餐精華當然係呢個A4和牛壽喜燒，和牛輕輕一拖就食得，鮮嫩，牛味十足❤️ 如果湯底淡味小小就更好， 而加就有小小咸啦最後食埋個甜品，甜番薯抹茶雪糕 完美的一餐

之前見到朋友食呢間餐廳，一直都已經好想去食，今日終於有機會約埋朋友一齊去食啦！！位於銅鑼灣老虎堂幸福堂附近轉角位的地舖，裝修時尚，且有設置木枱可看到師傅的製作，富日式風味大拖羅刺身吞拿魚中最富油脂的部分🤤比中拖羅還會多一些筋，所以入口充滿油脂香味之餘，仲會有咬口🤤而且刺身好厚身，一客5片，十分愛吃🤓火山熔岩鮭魚卷呢款壽司都好好味，入面包住熟嘅三文魚，而且配料豐富，醬汁亦很多，份量比想像中的還要大，食落會覺得幾飽肚。蟹味噌甲羅燒要趁熱食！啖啖蟹肉同蟹膏很香濃，是我暫時吃過最好食的甲羅燒，不過份量不算多，是一人份量的大小。A4和牛燒重點的A4和牛燒，$2/g，隨你叫幾多。我地叫左200g，店員會即場磅重量比你睇，我地個份量係201g🤣量得好準確😂黎到嘅時候，已經幫我地切開晒，方便食用，而且有大量蒜片🤤A4和牛剛好能吃到軟腍的口感，亦有很香的牛味！

Firebird位於銅鑼灣的日式居酒屋。酒吧的佈置，門口位置有一排bar枱，坐得頗舒適。食物提供的種類也很多，沙律、刺身、壽司、炸物、鍋物、甜品。酒類飲品選擇繁多，不過今晚要揸車，所以酒類還是留待下次再飲。Firebird 三代目軟殼蟹沙律 $128賣相吸引，材料豐富。店員仲會幫忙將沙律撈勻。沙律菜新鮮爽脆，配料還有水牛芝士、番茄、蘋果等。整體味道十分配合。明太子芝士椰菜燒餅 $68 雙色燒餅有驚喜。一邊是經典燒汁，另一邊是明太子芝士醬。燒餅混入芝士、椰菜，還有隻煎雞蛋。柔軟的芝士和香甜的蛋汁包裹著椰菜絲，口感豐富。自製免治雞肉棒 伴鮮蛋黃 $38免治雞肉口感鬆軟，沾滿鮮蛋黃後更加美味。魔鬼火焰原隻雞腿 $138職員在雞腿周圍淋下酒，一點火，嘩！魔鬼火焰🔥！皮脆肉香，辣椒、蒜粒包著雞肉，經火一燒，非常惹味。雖然用火直接燒過，但雞肉仍保持嫩滑多汁，讓人忍不住一口接一口吃下去。日本產霜降A5和牛&烏冬壽喜燒 $278嫩紅肉質與雪白脂肪交織的A5和牛鋪滿鍋面，牛肉一轉色即放入口中，極之柔軟，雖未到入口即化的程度，但肉味濃郁，肉汁香甜。烏冬軟滑彈牙。燒日本甜番薯配

銅鑼灣有唔少日式餐廳，邊寧頓街有間隆堡柏宇頓酒店，地下有間Firebird, 估唔到有驚喜喎~價錢唔貴且質素高！前菜點選FB三代目軟殼蟹沙律，味道調得好，可能係因為超配既麻醬關係；另外有原隻軟殼蟹，熱辣辣又好味！我至愛既大拖羅刺身啊雖然$198只有5片，但超值得！放入口後會自動溶解，Oishii~珍寶海老天婦羅盛盒 隻蝦天婦羅超大隻啊！炸粉唔會過多，咬落去啖啖肉，蝦頭連殼都可以食埋最後仲點選左日本A4和牛+烏冬壽喜燒！和牛唔會太肥，呢個雪花程度就剛好！壽喜燒就係日式打邊爐，食材新鮮，簡單配上野菜及烏冬就已經Very Good, 好好味~餐牌仲有好多其他選擇哩~