FAB Kitchen (已結業)

大家都知荔枝角有好多工廈， 今日去既係位於億利大廈既高檔路線餐廳FAB KITCHEN. 牆上既壁畫充滿藝術感同田園風格， 畀人舒服既感覺。lunch set $200 有找， 碟碟都有驚喜， 又高質，唯一不足係主菜份量比較細份， 不過麵包，頭盤，主菜，甜品加飲品其實食到最後都有點兒撐胃。⭐酸種麵包⭐麵包食既時候仲係熱乎乎， 外皮脆卜卜， 裡面可口， 沾一點橄欖油同黑醋就更正。⭐紅椒芒果沙津配香檸油醋汁⭐芒果好鮮甜， 加上紅椒爽口， 同埋酸酸地既青檸汁超級開胃， 好食！⭐泰式燒牛肉沙律⭐燒牛肉食落不會偕， 加上洋蔥及泰式香料及辣椒， 十分惹味。⭐香煎鱈鰵魚柳配菠蘿泡沫（$168/ set）⭐個人冇咁鐘意呢個菜式， 首先鱈鰵魚肉身較硬，而且食落味道較淡， 菠蘿泡沫既酒味唔算太出， 加上本身薯仔都冇咩味， 食落有點單調。 而且份量不夠。⭐烤焗紐西蘭羊架($228/set) ⭐眾所周知紐西蘭既羊肉特別高質美味，今日既羊架有驚喜。 首先羊架大大份， 有3 舊， 嫩滑肉汁， 油脂均勻香滑。 同埋啲鷹嘴豆軟淋淋，甜酸味非常入味，超開胃。⭐是日甜品⭐今日既甜品係藍莓芝士蛋糕，幾好食， 芝士蛋糕味濃

近排工業大廈嘅餐廳越開越多，今次揀咗間西餐廳試吓，餐廳以白色為格調，座位舒服，食物亦非常高質，我哋今次揀左3-course set dinner。餐包麵包加入咗香草，焗至表面少少脆，咬落去鬆軟，可以加埋少少橄欖油同埋意大利醋食。Soup - 尼斯特濃海鮮湯特濃海鮮湯融合左法國與義大利既風格，海鮮味非常濃郁，香氣十足，濃味中帶有味道層次感，完全冇腥味，非常高質。First course - 彩虹茄配紅桑子.韓式辣醬啫喱用咗玻璃裝飾盒裝住鮮紅色嘅啫喱，彩虹茄做點綴，色彩繽紛。啫喱酸酸地，紅桑子味濃，入口後滲出輕微辣味，食完好開胃。Second course - 法式火腿醬凍批將淡粉紅色肉質既火腿加上啫喱做成凍批，不但保留肉質鮮甜，而且口感柔軟甜潤。Second course - 冰島龍蝦 帶子 他他爽口龍蝦同埋鮮甜帶子做成他他，非常有鮮味，可以加埋伴碟上酸酸地蘋果汁，增加層次感。Entrees - 味噌比目魚配日本原木菇鰹魚湯比目魚用左味噌醃製，肉質細嫩細膩，下面加左滑溜豆腐同埋鰹魚湯，鰹魚湯濃郁有鮮味，同豆腐好夾。Entrees - 澳洲牛柳配芥末、松露、皺葉甘藍捲 澳洲牛柳肉質柔嫩，中

每次去D2 Place都會去附近工廈搵好嘢吃，今次就搵到間特色西餐試試。lunch set包前菜、主菜、飲品及甜品，選擇都算多，而且感覺都好健康。前菜：芒果🥭紅椒沙律配香檸油醋汁芒果同蔬菜都好新鮮，酸酸甜甜的醬汁特別開胃。是日餐湯：蘑菇🍄忌廉湯飲到食材的原味道，淡淡的蘑菇向味，口感夠順滑。餐包係自己香草橄欖包，口感鬆軟，配橄欖油同香醋好味。煎西班牙🇪🇸豬柳豬🐷豬柳配上秘製醬汁味道剛剛好，經過慢煮的豬柳保留到肉嘅原味道。焗紐西蘭🐏羊架賣相真係好吸引，羊架煎得有脆邊，保留到肉汁，配菜都一樣有特色。甜品係芝士蛋糕🍰，味道濃郁，口感順滑，配咖啡☕及果茶🍵都好夾。

同朋友喺荔枝角睇完早埸過嚟呢度食晏晝！呢度有set lunch好抵！✨是日餐湯：蘑菇忌廉湯餐湯好濃厚，每一啖都充滿蘑菇味！配合埋熱辣辣嘅麵包超滿足！餐廳職員仲好細心咁行過嚟問我哋使唔使加啲鹽，因為呢個蘑菇忌廉湯嘅鹹味係可以自己調節嘅！咁樣就可以適合唔同濃淡口味嘅人士！✨泰式燒牛肉沙律朋友非常滿意呢個醬汁，辣得來好過癮，而且牛肉都係好多！✨香煎紐西蘭 靈魚 配椰子檸檬蒜蓉泡沫呢個醬汁甜甜地，食得出椰子嘅清新之餘，又唔會好假！靈魚肉質結實，一啲腥味都冇，連埋啲醬汁入口味道真係好難忘！✨烤澳洲和牛M5牛牛肉真係好軟林林！輕輕切一刀，就已經可以分開！而且擺盆都超級精緻！薯蓉非常滑，而且有濃郁嘅牛油味！完全係高級餐廳嘅質素！呢個價錢絕對係值得！✨是日甜品吉士泡芙泡芙表面仲係脆！吉士有別於平時普通嘅忌廉，係有種清新嘅感覺好好味，同埋唔算太甜！✨cafe mocha朱古力味幾突出，亦都唔會覆蓋左咖啡嘅味道！✨flat white咖啡有拉花，味道唔錯，又夠精緻！

餐廳走簡約樸實路線，雖沒豪華裝飾，但微暗燈光，米白色枱布，手繪壁畫，再配上柔和純音樂，好有氣氛！Set dinner 3 course $358👉🏻尼斯特濃海鮮湯足料，有蜆同魷魚，湯身厚稠，入口香滑鮮甜！是日餐包暖度剛好，外脆內軟！👉🏻彩虹茄配紅桑子 韓式辣醬啫喱非常精緻，味道亦好特別，首先彩虹茄好清爽鮮甜，但韓式辣醬又好衝擊味蕾，好開胃！👉🏻法式火腿醬凍批一絲絲的肉，火腿味好有咸香，沒有油膩感，絕對係齒頰留香！👉🏻冰島龍蝦，帶子 他他嫩滑又彈牙，入口即融的感覺！👉🏻澳洲牛柳配 芥末，松露，皺葉甘藍捲牛柳粉嫩，肉味濃，juicy有肉汁！薯仔原個上但已界開一片片，容易切開，千島醬好夾！而葉甘藍捲配芥末真係不得了，口感特別！👉🏻寶雲蘇羊柳配台灣鳳梨擺盤精美，羊肉更香濃細緻，燒過嘅菠蘿好鮮甜，配菜嘅蘿蔔同薯仔都好入味！👉🏻美果洋甘菊茶👉🏻台灣荔枝果蜜飲完好清新，舒服！

今日同朋友嚟呢度附近睇傢俬，見差唔多食飯時間就搵咗呢間餐廳。午餐可以頭盤揀沙律或者湯，要左煙燻三文魚蝦沙律同埋蓮藕甘筍沙律。等食物期間，仲有意式麵包，高質素，簡單點油醋已經好好味。主菜就要咗個蕃紅花白酒蜆肉意大利飯同烤鴨胸。三文魚蝦沙律好新鮮配埋香橙少少酸酸甜甜夠曬開胃,賣相美觀，見到美美純白嘅碗碟，真係食指大動。作為套餐頭盤都算用料十足，超值。蓮藕做沙律都係第一次食，炸得夠薄夠脆身，有咬口，夾埋沙律食，口感特別！賣相咁靚，未食都流口水。個意大利飯又係賣相非常美觀，夠曬吸睛，蜆肉份量都唔少，意大利飯煮嘅時間啱啱好，煙煙靭靭唔會過淋！烤鴨胸味道非常有驚喜，配上紅菜頭醬汁。鴨胸外皮煎得香口，少少嘅脂肪油香，入面肉非常嫩滑亦都多汁！食埋兩件少甜品畫上個完美句號。呢度完工都幾好服務，有fine dining嘅流程服務，等你差唔多食好頭盤先幫你上主菜，而且位置闊落，值得一試。

兔年到，難得周末早起緊喺陪屋企人去辧定年貨迎接🐇年。去完D2 嘅新年市集，諗起附近有同事介紹嘅西餐，一於去醫下肚😚Menu 嘅食物都超吸引，同老媽子叫咗佢哋嘅Set Lunch 。價錢都幾抵，平均款式200 內包Starter ，Main ，Dessert &DrinksStarter （可選餐湯/沙律）會有埋餐包-餐包係意大利歐包，微脆嘅表層，內𥚃又會好軟熟。配搭餐湯食仲正，今次熱辣辣南瓜甘筍湯🥣，非常濃郁。另外煙三文魚 蝦伴香燈沙津亦都好fresh 好開胃Main Sous-Vide Barramundi $178低溫慢煮盲鰽 配西芹白酒醋汁-低溫慢煮過嘅盲鰽，肉質keep都軟身之餘鮮味保留到好，配埋白酒醋汁食更到魚肉嘅味道～Grilled Wagyu Beef(M5) Ribeye $248烤澳洲M5和牛肉眼扒-和牛肉眼扒份量唔少，切開完全粉嫩紅色，食落唔會韌，煎烤得好，而且好重牛味～Dessert 🧁 小件芝士蛋糕，唔會好甜但芝士味幾濃

同朋友想食下西餐，上網見到荔枝角有一間評價都幾唔錯，就上去試下。入到去見到位置都算係闊落，除咗晚餐套餐亦有單點，同朋友就揀咗晚市嘅套餐。一落單之後就有店員上餐包，當日嘅麵包係香草麵包，上枱嘅時候已經好有香料嘅味道，麵包表皮烤至金黃色，外脆內軟。上台時甚至是熱辣辣的，一人有一個拳頭大小嘅麵包，餐廳亦提供橄欖油同醋點包，豐富咗麵包嘅味道。湯就選擇咗尼斯特濃海鮮湯，風味十足，海鮮又夠足料，包括蜆、蝦、魚、甚至魷魚肉係湯入面。湯的黑胡椒及忌廉味亦很濃厚，令整碗湯更加鮮甜，口感好濃滑好舒服。而廣島蠔配薑汁同香蔥橄欖油，廣島蠔有輕輕煮過，所以怕生嘅朋友都可以食，上面仲有好多粒粒好似珍珠咁樣，令到成個擺盤都好似係喺個海度即刻拎上嚟，食落去都係鮮甜，而下面嘅青瓜就吸收曬醬汁嘅味道。前菜方面分別叫咗兩樣，火腿凍批口感軟滑，透明部分非常之似啫喱。同時火腿肉咸香惹味，咬落去口腔頓時充滿如食parma ham的味道，令人食欲大增。龍蝦他他嘅龍蝦，帶子肉鮮嫩彈牙，入口即化，軟嫩滑溜，而且充滿彈性。味道方面，蝦肉味道鮮甜，更帶有一點海鹽香味，唔需要太多嘅調味，簡簡單單帶出到佢哋嘅鮮味。食落去十分之爽口證明好夠新鮮

餐廳氣氛好舒服，白色既餐枱配住柔柔既燈光，好有放鬆既感覺同有浪漫既氣氛❤️3 course $358/1位餐包好厚身，焗得外脆內軟，唔洗任何醬料就好夠味，香味濃濃尼斯特濃海鮮湯海鮮湯🦞味好濃郁，濃稠度岩岩好，鮮味十足彩虹茄配紅桑子，韓式辣醬啫喱好開胃既前菜，仲好精緻好靚，啫喱味道唔會好衝，酸酸甜甜辣辣咁，好得意既味道，彩虹茄味道好清甜，完全無草青味，好似食緊甜甜既梅類水果咁法式火腿醬凍批一咬入口會食到一絲絲既肉，火腿肉肉味好香，愈咬愈有肉香，食完仲會有種齒頰留香既感覺冰島龍蝦、帶子他他好精緻既料理，龍蝦同帶子都好細滑，互相既鮮味都好出寶雲蘇羊柳配台灣鳳梨羊柳勁Juicy，一切開啲即刻聞到勁香既羊味🤤，肉質嫩滑多汁，外面仲有腌料更加提味，愈咀嚼羊味愈散發出黎，台灣鳳梨🍍勁多汁勁清甜，整體都好好食😋味噌比目魚配日本原木菇鰹魚湯呢個係今日既MVP，比目魚勁鮮甜嫩滑，口感一流，佢既魚片仲有微微焦香既，咬入口魚油勁香，配埋清甜既湯頭更加係錦上添花，下面仲有豆腐，外皮煎香左，加埋其他小配菜，味道真係好鮮香甜，超級無敵好食🤩餐飲 熱朱古力咖啡☕️ +$15凍檸茶

今日黎荔枝角D2 行新年市集～ 記得之前呢度有間幾高質既西餐私房菜！ 所以今日行完市集就黎呢度食啦🥰呢度有set dinner 可以選擇～有3道菜～ 湯、前菜同主菜！我地叫左比目魚同牛柳～ 🥰😋先黎餐包～ 呢個餐包都幾好食外脆內軟熟～之後再上個餐湯，我地各選一個是日餐湯同海鮮湯！ 今日既餐湯係芫茜忌廉湯，好彩我朋友鐘意飲🤣因為我係唔食芫茜的～ 另一個海鮮湯幾濃味～ 仲有啲海鮮粒食下😋之後上前菜～ 我哋選擇左法式火腿凍批同冰島蝦帶子他他～ 呢兩個前菜都好精緻，好少食呢款🥰冰島蝦同帶子都係刺身粒咁樣，食落幾好食～ 之後就到主食啦！ 呢道比目魚份量都幾大！好多肉～ 塊皮燒到好脆！ 有焦香🤤上面配日本原木菇～ 加埋用鰹魚湯浸豆腐墊底～食完都真係好滿足😋🥰另一份澳洲牛柳火候煎得岩岩好～唔太生得黎又易咬～ 外層都煎得幾好，好有牛味～！ 配左個芥末卷菜同薯仔～ 都係好夠份量既一個餐！最後配埋餐飲～ 完美左～！🥰整體用餐體驗好好～環境寧靜又舒服～ 適合鍾意座底慢慢享受既人☺️

上次試過Fab Kitchen嘅Lunch Menu覺得好有驚喜，各Fusion嘅配合又出奇地夾！今次同媽咪行完街返去試下晚餐🥣。晚餐可以揀3/4/5-Course，豐儉由人！閒日19:30就Full House，大家記住要預先Book枱呀！🌟是日精選餐湯 - 南瓜湯餐湯可選是日精選/尼斯特濃海鮮湯🦞，可惜👧🏻有啲皮膚敏感唔食得海鮮，不過呢個南瓜湯🎃唔會令人失望！質感順滑，南瓜味頗特出，調味適中。🌟彩虹茄配紅桑子,韓式辣醬啫喱見到辣醬啫喱呢個選擇真係覺得，原來韓式辣醬都可以咁樣食😳。啫喱薄薄一層，辣醬同紅桑子混為一體，非常輕微嘅辣度，容易入口。至於彩虹茄🍅入口爽脆。🌟法式火腿醬凍批滬式鎮江肴肉大家可能食得多，而法式火腿醬凍批就有異曲同工之妙🤭。充滿咸香味道，面層就有啫喱，底層火腿肉肉質鬆軟，幾得意！🌟冰島龍蝦帶子他他有一大舊龍蝦肉🦞+切丁嘅帶子，兩款海鮮味道都鮮甜，再用上柚子味嘅Dressing，非常清新！🌟油浸鴨髀配紅酒醋醃紅椰菜呢到嘅鴨脾🦆表現相當出色，炸得剛剛好，肉質嫩滑可以輕鬆拆肉絲。鴨皮炸得好酥脆，好似食緊薯片，內層仲有少少脂肪，一咬充滿油香。伴菜就有紅酒醋醃紅椰菜、豆角、薯

朋友對荔枝角情有獨鍾今次帶我去位於億利工業中心嘅FAB Kitchen試西餐開頭有d唔想特登去工廠區食晚餐但見網上好評多 覺得一試無妨餐廳都有幾多選擇有單點同Set晚餐set好有彈性  可以自選3course-5course 價錢由$358-$458 朋友一向知我口味叫等佢發辦啦 我地要了2個 3 course 來 share-尼斯特濃海鮮湯-廣島蠔配薑汁，香葱橄欖油-法式火腿醬凍批-冰島龍蝦帶子他他-味噌比目魚配日本原木菇鰹魚湯-澳洲牛柳配芥末松露皺葉甘藍捲 (+ $48)A 尼斯特濃海鮮湯 (一人份)海鮮湯湯味道十足，湯居然用埋蠔、魷魚，同平時海鮮湯用料唔太一樣最特別個湯應該用咗d香料 食落感覺個湯帶點泰式鍾意食泰國野ge朋友可以試下B 廣島蠔配薑汁，香葱橄欖油 (一人份)兩個人share一隻蠔，感覺係意猶未盡 (我地問題)作爲main course前小食，廣島蠔海鮮清淡 C 法式火腿醬凍批有d似鎮江傳統名菜水晶餚蹄少少鹹味 西餐見到都幾得意C 冰島龍蝦帶子他他呢碟我同朋友好鍾意他他食得多 但龍蝦帶子呢個配搭就未試過好鮮味 越食越開胃 ✨如果要揀一款絕對推介  份量都大d✨D 澳洲

原來荔枝角工廈入邊，都有咁高質嘅隱世西餐廳私房菜😛呢日我哋嚟到FABkitchen， 見到佢環境好靚好有情調，燈光暗暗地，每張枱都有蠟燭🥰晚餐成日都有唔少選擇，首先係麵包，一開場已經咁高質，個麵包外脆內軟，入邊非常軟熟，仲熱辣辣🙈彩虹茄配紅桑子，韓式辣醬啫喱，咁樣嘅食法真係好有創意，一開始仲擔心會唔會酸，但食落口發現出奇地咁夾，韓式辣醬味好開胃，而彩虹茄鮮甜清爽🥰尼斯特濃海鮮湯，飲落口真係好鮮，而湯嘅質地亦恰到好處👍🏻唔會太稀👍🏻法式火腿醬凍批，作為前菜好適合，而且好香，一上枱已經聞到，整體唔油膩，火腿味都好香🙌🏻冰島龍蝦帶子他他，蝦肉同帶子都好新鮮，肉質細滑😋味噌比目魚配日本原木菇鰹魚湯，整體感覺都好清新，魚肉嫩滑，而且唔會一切開就散😍油浸鴨髀配紅酒醋醃紅椰菜，份量好慷慨，大大隻鴨髀😛店員介紹嘅時候都有話，鴨髀醃咗一個星期，所以非常入味，切開就見到肉質好緊致，一啲都唔韌🥰隨餐仲有餐飲附送，就算係一杯熱朱古力都非常有心思👍🏻👍🏻

睇咗好多食評都話好好食，又話係隱世工廈fine dine咁，所以同個客來試吓。下午1:00來到，環境係ok既，set lunch from $128 to $248 openrice 有9折。星期一客人唔多得三枱，心諗可能附近都太多平嘢食應該合理。想叫$248既M5肉眼，點知話賣晒…然後 lunch 只有呢個 set menu，唯有焗住揀…同枱點了 Risotto 同一個意粉，我就叫了第二貴既越式豬腹肉。先講講個人人都有既麵包，枱上有 oil & vinegar 沾，咁佢無講話係 olive oil 我又無得話佢名不符實既，但個油係好淺色同好稀好似芥花籽油咁，無味既，個黑醋落落去就幾乎 mix 埋咗一齊…個包就咁食好過，要睇相就去其他好評度睇。頭盤叫了煙三文魚沙律，不過不失。另外兩個 main 唔係我食評價唔到，但食完問番個客都係覺得好普通…至於我個豬腹肉就係勁鞋同唔入味…我拎嚟煲湯個豬𦟌湯渣仲滑過佢。我仲特登叫多一個俾客試，佢食咗啖就放低。另有甜品及餐飲，無咩好講了，都係咁囉。侍應就趕住收工咁，個客未食晒就問要唔要幫你收。其實食物質素與價錢不符就當中伏囉，一年都經歷唔少，但見open

FAB Kitchen琴日中午去荔枝角搵野食， 一直知道億利工業中心有間高級餐廳，好想去食好耐啦!點知去到嬲爆，嬲億利竟然無斜板，唔係我帶慣咗斜板喺身，一定要轉場食第二間餐廳啦！旺角創興有斜板提供，完全唔明作為「佳定」點解提供唔到，你收人咁多錢，一塊板1000蚊有找啦，都係唔講「佳定」咁多野住，我會準備做野，保持神秘先！講返餐廳先，佢哋位於7樓，入升降機前要拎起柱，又係擺明唔想輪椅人士入，我會永遠記住「佳定」！上到7樓轉左邊就會見到間餐廳，餐廳門口有一小級，電動輪椅馬力夠強基本上衝到入去，不過我帶咗板無可能唔用！😅1. 低溫慢煮盲鰽 西芹 白酒醋汁+ 蓮藕甘筍沙律 +餐包+甜品$178（8/10）主菜叫咗低溫慢煮盲鰽 西芹 白酒醋汁，經過慢煮嘅盲鰽肉質好軟身，再配埋白酒醋汁一齊食更加令盲鰽鮮味更出！蓮藕甘筍沙律第一次食，蓮藕片好薄，薄到好似食緊炸薯片，蓮藕甘筍呢個組合食落真係好唔錯！餐包係Focaccia意大利麵包，烘到暖暖地，又脆身，店員特別教我點樣食先最好味，佢哋教要加橄欖油同海鹽一齊食先最好味，真係幾唔錯！甜品係芝士蛋糕，芝士味道非常濃郁，唔會好甜！2.烤澳洲M5和牛肉眼扒 +