影片
更多
2010-08-11
26 浏览
今天心情非常欠佳 一欠佳便想吃東西來舒壓, 忽然想吃煙三文魚 拿拿林上OP找自助餐, 可能太突然(還有2小時便是dinner buffet 時間)所以間間hotel 都Full House。最後只好硬着頭皮打去這酒店, 問明有冇位, 有冇煙三文魚, 咦......兩樣都有！ Okay, book 咗！ 跟住call 丈夫叫佢放工後去東涌(懶神祕)安頓好d細路就向東涌出發......心想: $188及加一, 今次做大嶼山美食, 大嶼山有什麽傳统食物?? 之前在電話內的waitress說是有海鮮(蝦、螺、花甲、青口)及茶果, 那麽即是傳统食物是海鮮及茶果在東涌mtr和丈夫會合後便拉他到酒店, 他面有難色 甫坐下, 見到很多枱都有OP優惠劵送的特色飲品, 最衰屋企部printer壞鬼咗 首先搶攻刺身檯, 因為唔搶就什麽也沒有(可想而知有幾多人), 哇靠！ 今次d 三文魚、吞拿魚、魚立 魚、八爪魚又厚又肥美, 海鮮有蝦、螺、水蟹、青口但並沒有花甲, 蝦最大隻最甜而且有很多羔, 可惜螺、水蟹、青口太差, 無味道, 重雪味, 螺有砂但得個大字, 水蟹、青口非常細跟着拿熱盤, 有羊脾肉、
安頓好d細路就向東涌出發......心想: $188及加一, 今次做大嶼山美食, 大嶼山有什麽傳统食物?? 之前在電話內的waitress說是有海鮮(蝦、螺、花甲、青口)及茶果, 那麽即是傳统食物是海鮮及茶果
在東涌mtr和丈夫會合後便拉他到酒店, 他面有難色
甫坐下, 見到很多枱都有OP優惠劵送的特色飲品, 最衰屋企部printer壞鬼咗 首先搶攻刺身檯, 因為唔搶就什麽也沒有(可想而知有幾多人), 哇靠！ 今次d 三文魚、吞拿魚、魚立 魚、八爪魚又厚又肥美, 海鮮有蝦、螺、水蟹、青口但並沒有花甲, 蝦最大隻最甜而且有很多羔, 可惜螺、水蟹、青口太差, 無味道, 重雪味, 螺有砂但得個大字, 水蟹、青口非常細
跟着拿熱盤, 有羊脾肉、橙香鴨胸肉、蝦醬琵琶骨、炸魚、炒飯、炒麵、紅咖喱雞、蜜糖豆炒辣雞球、燒海膽八爪魚丸除了沒有吃炒飯、炒麵外, 其餘统统都很好吃而且大件頭(大驚喜)鴨胸肉並不是坊間凍肉鋪賣的那種長方體(題外話, 為什麽我在佳X凍肉鋪見過出售的煙鴨胸肉的成分有大豆纤维蛋白? 有什麽用途? 煙鴨胸不就是肉及調味料嗎?) 酒店用新鮮鴨胸肉煮的, 所以有肉味及質感 紅咖喱雞我用spoon畢的時候感覺很硬, 我以為是骨多肉少的雞件, sorry 我錯了, 放入口後發覺原來是淋的雞球, 咖喱汁並不港式, 正！炸魚的肉質滑溜, 好似吞咗有好多骨膠原落肚 燒海膽八爪魚丸, 我丈夫問我海膽去咗邊?(因為佢食咗成半打都feel唔到), 我話:「可能海膽得一粒,如果你一直企喺嗰度食, 可能終有一天會食到佢。」丈夫話我傻
即煮意粉檔, 可選擇墨汁麵、菠菜寬麵、蕃茄寬麵、全蛋寬麵, 有白汁或茄汁, 白汁配蘑姑和煙肉而茄汁配茄粒, 我比較喜歡白汁因為不是奶加水加麵粉煮的那種, 應是用President牌的奶油加白酒加olive oil加黑胡椒煮成的那種白汁, 外面吃一碟這種的白汁意粉要百元, 因為一盒P牌奶油都要賣五十多元。 茄汁我覺得太酸和有種鐵罐味, 我估計是用罐裝tomato sauce做汁底, 我最怕罐裝茄汁製品。
湯麵類沒有吃, 燒牛柳燒羊架很淋, 有肉味但肉面層即受火的一層非常鹹, 一口鹽 各式沙律, 煙三文魚很大塊且厚, 不知道蔬菜是否他們自己種的有機菜, 因為之前讀過報紙報導, 酒店租用香港基督教青年會(YMCA)於東涌「綠機田」的有機園圃作有機耕種，履行社會責任之餘，員工更可參與其中，收成將會用於炮製自助餐，部份食材會向YMCA採購本地種植的有機農作物及有機香草；更會使用符合世界自然基金會環保海鮮指引的可持續海鮮及有機方法飼養的禽畜。
甜品進步了不少, cream類的味道厚身了許多, 代表作是木糠布甸、Tiramisu, 酒店用很多不同種類的莓做甜品, 有甜之餘也不失莓本身的酸, 莓類甜品很夏日feel, 代表作有雜莓啫喱, 還有幾種cheese cake, 椰子批等, 我從沒吃過椰子批, 它下層是椰子pudding而面層是焗過的椰絲, yummy!
環境是非常noisy, 今次多數是香港家庭, 有少數外籍客及內地客。服務5分, 有禮貌,收碟快,主動倒水, 不過快得滯都有幾次跌野聲(在不同的枱附近)。
上次食到谷到一肚氣, 今次食到飽到一肚食物
丈夫臨離開餐廳同我講:「今次多得你心情唔好咋！」
张贴
