Espuma (H8) (已易手) 新餐厅

喺尖沙咀呢頭食飯，一OpenRice就見到呢間餐廳係第一位，所以忍唔住去試一試！打去book嘅時候，侍應話已經full full地，可惜佢個用餐時間只有一個半鐘，想傾計嘅朋友可能就唔係太適合啦！一去到，待應就同我地講，佢哋嘅最低消費係每人$150，我哋得兩個人，所以就要叫埋飲品先會超過呢個最低消費！我哋叫咗一個黑松露意粉、黑松露薯條同埋蜜糖單骨雞翼！嘢飲方面，就叫左一個水果茶！嘢食嘅質素偏高，黑松露意粉個味好濃，但係食落就會有少少膩！好彩叫咗個水果茶解下膩！黑松露嘅薯條就好好食，黑松露醬做得好出色，同個薯條好夾！蜜糖單骨雞翼係我最推薦嘅小食！單骨嘅設計比較容易食！但係蜜糖同埋啱啱燒完嘅雞翼好好味！雞翼上嚟仲係熱辣辣！

星期日品嚐了一個充滿少女氣息的下午茶。氣球雖只是裝飾，可是用來拍照打卡，可算是滿分之作。食物方面，款式倒是不少。有鬆餅及鹹點、甜點各5款，份量不足當正餐，但作為周日早午餐後的下午茶，它的份量則恰度好處。鬆餅十分符合我的口味。質感鬆軟，既不會太乾，又不會黏口黐牙。玫瑰鬆餅味道不太濃郁，亦不太甜，適合配上鮮忌廉及玫瑰果醬一起品嚐。把鬆餅沾滿香濃的果醬後，再加上一點忌廉添加軟滑感，味道及口感更是昇華不少！其他食物包括八爪魚麥包、忌廉撻、牛柳茄子、紅菜頭烤雞、薯仔蛋餅、檸檬撻、芝士漢堡、野莓蛋糕、伯爵茶奶凍及竹炭蛋糕。味道整體不錯，我特別喜歡鹹食，它們帶著西班牙菜的元素、特色，別具風情！英式下午茶相當常見，而這次品嚐的西班牙式下午茶可算十分新穎。

其實我都係見到好多好評先至會嚟食，可能因為希望高失望就會越大。食物都比較鹹，份量少，本身見到甜品都幾靚但都唔夠膽試。但價錢一啲都唔平。見到好多人嚟排隊但真的覺得值得一試。

呢幢大廈啲餐廳成日轉來轉去得呢間好似真係keep住有人氣第一次過嚟食好彩已經係夜晚九點幾所以唔洗等位肚餓到叫咗勁多嘢食 最後雖然食唔哂 但真係好滿足最特別係煙燻牛扒因為佢拎出嚟嗰下已經好矚目出煙效果好靚同埋真係食到有煙熏味而且份量都好大 雖然有少少太熟 但係整體都好食嘅之後就係我男朋友最喜歡嘅卡邦尼意粉 勁大碟 完全估唔到 仲要係好多芝士所以真係食咗一半就投哂降因為我哋仲叫咗個黑松露薯條 作為薯條寶寶只要佢唔太難食我哋都可以清晒 不過呢間個水準都係返到 所以整體唔錯可以再嚟

星期日約左好朋友high tea 🍵 今次就搞搞新意思，espuma 西班牙餐廳嘆一個靚靚的「告白氣球🎈tea set」西班牙風格的圖案點綴整間餐廳，充滿浪漫氣息。258蚊for two,包括一款homemade 鬆餅，玫瑰果醬。五款咸點，五款甜點。每位可以揀餐茶，加錢有特飲。我地揀左水果茶同朱古力榛子瑪奇朵。暖住的水果茶口感特別好，酸酸甜甜同茶點好match.而朋友的macchiato賣相十分討好，心型拉花好靚。最鐘意系呢款迷你忌廉芝士漢堡，精緻的外型，不會太甜。濃香朱古力竹炭蛋糕好軟滑，濃郁的朱古力味誘人。野菌忌廉Tart ，外脆內鮮，口感幾好。左邊系紅菜頭忌廉伴烤雞柳，口感fresh.右邊系伯爵茶意式奶凍，口感綿密，甜度適中。午後的陽光折射在氣球上，氣氛浪漫，唔怪得坐無虛席了。

話說小弟身邊有一位都成幾廿歲人都仲好童心未泯既女友人，佢好好成日都陪我食均全港九新界， 但就全部都係食我鍾意既野..我知佢童心未泯鍾意食d好靚既小女孩茶點, 今次我就帶左佢去espuma尖沙咀既分店，享用佢既小天地茶點..我地點左個2人afternoon tea set. 佢入面好多包點啊，蛋餅啊，撻子啊。奶凍同蛋糕仔等。。每人仲跟一杯野飲都幾豐富重點係佢環境舒適得黎好有新天地既感覺岩晒女性既朋友,野食方面都算唔錯架好多選擇放埋幾盤透明既盤仔度，再加個大汽球插係盤頂作點綴好值得用黎影相呃like野飲我就叫左鮮桃汁茉莉花茶好鮮甜清新， 佢既甜唔係糖既甜係啖啖果香既鮮甜. 而女友人就叫左招牌熱水果茶佢個果茶係keep住用蠟燭煲住，好warm好怡神.. 整體黎講女友人好滿意我今次安排. 好滿足的說開心子

估唔到係尖沙咀呢d遊客中心既地方，都搵到一d又平又抵食既afternoon Tea Set食，而且環境都唔錯添。今次黎左Espuma 去試下佢個價價$258 for two既afternoon tea set。呢個tea set首先吸引我既點，佢並唔係好似平時d tea set咁用個架分三層咁放，而係用個好靚既透明盒子裝好，上面仲有個裝飾氣球添，真係for你打卡呃like效果一流啊，我都影左好多張相 haha影完一輪相，就開始試下食下佢啦，我同朋友首先試左咸食為主既第二層savouries 先，分別有八爪魚巫包，野菌忌廉撻，牛柳粒茄子，雞柳忌廉紅菜頭，仲有個薯仔蛋餅添，而我最中意既就係「野菌忌廉撻」，佢個撻皮用左曲其做底座，入面既野菌同忌廉個味實在太夾，一淡放到入口，feel到個口感係外脆內軟既！而朋友就覺得個菠菜薯仔蛋餅都幾出色，個餅做出黎係實而不硬，又保留到蛋既香味，上碟時仲係熱熱地，外面有dd香脆，口感非常好。再試埋佢其他sweet treats，分別有檸檬撻，忌廉芝士漢堡，野莓蛋糕，伯爵茶奶凍，朱古力竹炭蛋糕，整體上都好食既，而我就比較推薦伯爵茶奶凍，上面加左個酸酸甜甜既果子作

今日約咗班港女👭👭去食high tea ，之前見到IG有人post過呢個🎈告白氣球tea set，相當吸引！😍所以今次就嚟咗呢度試吓。開頭以為呢度係甜品鋪，原來呢度都有提供正餐，仲要係一間西班牙餐廳黎添😳。黎到之後我哋叫咗一個🎈告白氣球Tea set ，另外再加咗個幾個甜品🍮。⭐️告白氣球Tea set🎈佢總共有三層，中間嗰層係鹹點，頭尾都係甜點。我覺得整體來講佢鹹點係比較出色嘅🧐，佢種類都好多每款有兩舊，我哋四個人，一人食一啲，未必樣樣都試晒。⭐️香烤牛柳粒配茄子🍆呢個熱辣辣牛柳都幾好食，茄子又煮得好林，好有味。⭐️野菌忌廉撻🥧呢個我幾鍾意，野菌同忌廉好夾。⭐️伯爵茶奶凍🍮好香伯爵茶味，普通奶凍嘅口感。⭐️濃朱古力竹炭蛋糕🍰呢個就比較硬😖⭐️奧利奧朱古力🍫布朗尼窩夫配🍦雪糕😍呢一個係高評價嘅❤️佢個窩夫煮得好好食，特別之處係窩夫入面係夾左啲朱古力布朗尼🍫。 除咗窩夫之外出面佢都有朱古力布朗尼，棉花糖。窩夫下面有一啲朱古力吉士，撈埋好好食！😋朱古力雪糕係用一啲比較濃朱古力味嘅雪糕。⭐️留心軟芝士麻薯口鬆餅🥞👍🏼呢一個我哋要等30分鐘左右，但係都值得嘅！一嚟到賣相已經好高分，😍再加上煮嘅時間拿捏得幾好，

約左朋友同佢慶生，諗起好耐無黎過呢度，就直接book左。呢間我之前成日黎，原來佢都係，咁當過黎懷舊下啦開頭攞位既時候，感覺佢地服務安排得差左。我係直接係openrice book左夜晚8點30，咁準時上到去，同一時間都有唔少人係度排緊，一半book左一半walk in，咁佢地都係按排左book左個啲入去先既，但係我就等左20分鐘先入到去，接近9點啲人都開始走緊，咁同walk in差唔多lol。朋友話以前會趕人，宜家就應該book左易啲入咁喇。Anyway, 啲食物係都仲係好味既。我地點左個好濃味既豬仔骨同埋意粉。兩樣都好出色。都仲會再去既，但應該唔去尖沙咀個間喇，除非book到730

第一次黎呢間餐廳，不過應該唔會再黎，因為d野食好麻麻地😂呢碟已經係最受歡迎既薯條😂 唔點黑松露醬個薯條就無乜咸味既，一定要點醬食呢個沙津既牛油果好厚身，好有口感，唔錯Parma ham pizza, 不過不失咁啦，無咩特別呢個意粉好淡味🙈 忌廉味唔算濃，菇味亦唔濃呢個焗雞睇顏色我地以為係好濃味，但食落又竟然係無味！真係似無調味果種，連咸味都無架😅總括黎講呢間野食唔太岩我地口味，都應該唔會再黎😂🙈

幾個女仔一齊梗係鍾意去一啲餐廳偏向Cafe類型嘅地方食嘢， 鍾意啲地方有好嘢食、又可以傾計嘅地方。我哋叫咗一個黑松露醬炒鮮什菌寬條麵、Parma ham pizza、招牌水果茶同埋一個水果雪糕窩夫。闊條麵嘅黑松露醬好香濃，連埋其他菇類一齊炒，令到個意粉除咗有黑松露香味，仲有菇類嘅鮮味。闊條麵嘅軟硬亦都煮得適中，醬汁都能夠包裹每一條麵條，所以闊條麵真係唔錯。Pizza亦烤得好脆，加上配有火箭菜，令pizza味道唔算太油膩，但係parma ham質地比較乾，要成塊放入口慢慢咬。水果窩夫味道正常，窩夫有少少蛋香味同脆。水果茶亦比想像中好，除咗有水果淡淡的甜味， 甜味過後就有茶味散發出嚟，幾啱配甜品。舒舒服服地邊傾計、邊食嘢，差不多坐咗兩個鐘先走。

前菜沙律湯幾好食，可是主菜海鮮好難食，不新鮮！食物如圖片不付，失望！西班牙海鮮燉飯好酸。裹面的蝦好唔新鮮。總括來說，食物水平不如茶餐廳的。環境服務還可以。希望可以改善，但我不會再去！

女仔食下午茶除左要味道，更加要視覺效果，其實好多人都明白呢個道理，將餐廳裝潢得美輪美奐，但要做得好，當然要從食物上碟的一刻開始！Espumer的下午茶出名靚，之前食過灣仔個間嘅主題下午茶已經影左好多相，今次就更厲害！粉紅色主題，仲好夢幻地有氣球！我今次同媽咪來食都激起媽咪少女心，不停影相！加上尖沙咀分店彩光好，夠光猛，影相最適合！食物方面，咸甜點各半，全部都一口可以解決，食物份量剛剛好！蘑菇塔係用好濃郁蘑菇白汁製造，而皮都係鬆軟的！好多人喜愛的伯爵茶mose都好順滑，味道唔會太甜！媽咪最愛泡沫咖啡！我就喜歡呢個水果茶，養生又少女！

是日朋友生日，所以揀左一間睇落幾靚既餐廳。因為朋友生日既關係，事前都問左可唔可以加一張簡單既生日卡或甜品裝飾，甘收到店員覆話可以加甜品裝飾但冇卡既，不過我原先想點既Afternoon tea set係冇得寫野係上面，所以店員話如果想寫野我需要另外點一個甜品。甘我同朋友都係衝住呢個有果波既Afternoon tea set而黎，甘當然要點啦。甘佢有3層啦，第一層係用張湖水綠紙墊住D甜品同插住果波，第二層係鹹點，第三層又係甜點，每款食物都有兩份，岩哂兩個人去食。跟餐仲可以跟兩杯野飲，我地點左伯爵茶。先講第一層，佢有迷你忌廉芝士漢堡、伯爵茶意式奶凍同野莓蛋糕。甘因為我真係唔太中意食甜品，果野莓蛋糕都還可以，不過食唔到太多莓味。果迷你忌廉芝士漢堡食左一啖我就冇食啦，實在太甜啦，而且太厚實，果蛋糕偏硬。食左好幾款甜品，同朋友一致覺得伯爵茶意式奶凍係最好食，伯爵茶味濃又唔會太甜，岩哂本來就唔中食甜品既我，不過美中不足係餐廳冇俾到甜品羹我地，食呢堆甜品都係用一支大叉食。至於第二層係鹹點包括慢煮八爪魚迷你麥包、野菌忌廉撻、香烤牛柳粒伴茄子、紅菜頭忌廉伴烤雞柳同菠菜薯仔蛋餅。果慢煮八爪魚迷你麥包，D慢煮

This Love Confession Afternoon Tea is Espums’s Valentines themed afternoon tea set which is super pink and cute.They have a combination of both sweet and savory items. Most of which matches with the pink theme making it super instagrammable.The food itself is a little average, but for $258/2pp it’s hard to complain.