影片
更多
2019-02-19
136 浏览
是日朋友生日，所以揀左一間睇落幾靚既餐廳。因為朋友生日既關係，事前都問左可唔可以加一張簡單既生日卡或甜品裝飾，甘收到店員覆話可以加甜品裝飾但冇卡既，不過我原先想點既Afternoon tea set係冇得寫野係上面，所以店員話如果想寫野我需要另外點一個甜品。甘我同朋友都係衝住呢個有果波既Afternoon tea set而黎，甘當然要點啦。甘佢有3層啦，第一層係用張湖水綠紙墊住D甜品同插住果波，第二層係鹹點，第三層又係甜點，每款食物都有兩份，岩哂兩個人去食。跟餐仲可以跟兩杯野飲，我地點左伯爵茶。先講第一層，佢有迷你忌廉芝士漢堡、伯爵茶意式奶凍同野莓蛋糕。甘因為我真係唔太中意食甜品，果野莓蛋糕都還可以，不過食唔到太多莓味。果迷你忌廉芝士漢堡食左一啖我就冇食啦，實在太甜啦，而且太厚實，果蛋糕偏硬。食左好幾款甜品，同朋友一致覺得伯爵茶意式奶凍係最好食，伯爵茶味濃又唔會太甜，岩哂本來就唔中食甜品既我，不過美中不足係餐廳冇俾到甜品羹我地，食呢堆甜品都係用一支大叉食。至於第二層係鹹點包括慢煮八爪魚迷你麥包、野菌忌廉撻、香烤牛柳粒伴茄子、紅菜頭忌廉伴烤雞柳同菠菜薯仔蛋餅。果慢煮八爪魚迷你麥包，D慢煮
甘我同朋友都係衝住呢個有果波既Afternoon tea set而黎，甘當然要點啦。甘佢有3層啦，第一層係用張湖水綠紙墊住D甜品同插住果波，第二層係鹹點，第三層又係甜點，每款食物都有兩份，岩哂兩個人去食。跟餐仲可以跟兩杯野飲，我地點左伯爵茶。
先講第一層，佢有迷你忌廉芝士漢堡、伯爵茶意式奶凍同野莓蛋糕。甘因為我真係唔太中意食甜品，果野莓蛋糕都還可以，不過食唔到太多莓味。果迷你忌廉芝士漢堡食左一啖我就冇食啦，實在太甜啦，而且太厚實，果蛋糕偏硬。食左好幾款甜品，同朋友一致覺得伯爵茶意式奶凍係最好食，伯爵茶味濃又唔會太甜，岩哂本來就唔中食甜品既我，不過美中不足係餐廳冇俾到甜品羹我地，食呢堆甜品都係用一支大叉食。
至於第二層係鹹點包括慢煮八爪魚迷你麥包、野菌忌廉撻、香烤牛柳粒伴茄子、紅菜頭忌廉伴烤雞柳同菠菜薯仔蛋餅。果慢煮八爪魚迷你麥包，D慢煮八爪魚同果迷你麥包好唔夾，八爪魚亦唔係好爽口，偏un左。野菌忌廉撻只食到忌廉完全唔知佢加左咩菌類係入邊，冇左菌類會帶黎既口感。香烤牛柳粒伴茄子不過不失，味道正常，但偏油左D，同埋擺凍左，油淋淋甘。紅菜頭忌廉伴烤雞柳係令我最有驚喜，果紅菜頭醬汁好唔錯，美中不足中間忌廉放多左，太甜影響左成個小食。菠菜薯仔蛋餅太硬太厚實，又冇咩味，連上面D菠菜都冇咩味，食左一啖就冇食。
第三層又係甜品包括玫瑰鬆餅配鮮忌廉及玫瑰果醬、法式檸檬馬令撻同濃香朱古力竹炭蛋糕。法式檸檬馬令撻超級甜又冇檸檬味，試左一小啖又係成個冇食，朋友試哂每款甜品都話呢個係最甜最難食。濃香朱古力竹炭蛋糕我冇食到俾左我朋友食，因為我本身好唔中意食朱古力同朱古力整既甜品。至於果玫瑰鬆餅配鮮忌廉及玫瑰果醬，玫瑰鬆餅幾好唔會太甜，我配左玫瑰果醬黎食唔錯，不過食唔太到玫瑰味，反而似D莓醬味。
成個Afternoon tea set真係只為果波靚靚用黎打卡炸，食物一D都唔出色唔吸引。果波幾靚，我地仲攞左黎玩同影相，不過唔小心棍同球分離左，諗住叫店員整返再俾返我地影相，點知一去冇回頭。發現佢D波係會俾食客影一陣相就會回收再去整果set俾第二枱食客。
因為朋友生日所以額外點左一個甜品黎寫生日快樂，點左呢個七彩班戟。擺盤幾靚，斑戟顏色七彩幾靚，仲可以攞兩塊砌果心出黎影相。不過都係好睇唔好食，佢果班戟食好硬好難切冇味，要點D醬先有味，食落仲好痴牙，一D都唔好食。
整體黎講，服務係OK既，店員都回應得好快。食物真係差左D，只係靠食外表。
张贴
