Espuma (M88)

营业中

休息中

今天是好友生曰，第一次到Espuma用餐，食物環境非常relax和dessert 好好味！生日gathering 超愉快。會再去試其他菜式。雖然今天不停下雨，但食咗美味午餐，心情非常愉快！

一早就聽聞過呢間餐廳啲嘢好好食，又坐得舒服，所以就同個好姊妹嚟食餐飯，談談心😂😂一嚟到門口就知冇揀錯地方，here is really a nice place.😍因為之前book左檯，而且我地又兩個人，可以坐到靠窗嘅位置，望住出面個景食飯，真係好有feel☺️ 所以早book位係有著數嘅haha我地兩個都唔想諗食咩，所以就望到個二人餐，覺得好ok就即刻落單啦個appetizer係沙律同埋帶子個帶子加埋黑毛豬同辣肉腸，個味好夾，而且因為本身帶子係鮮味再配上黑毛豬火腿同辣肉腸嘅鹹味，會令到帶子嘅鮮味出啲，呢個配合好好。但沙律都好好食，特別係牛油果同芒果，芒果夠甜，夾埋牛油果好match，而且我麻麻地牛油果都覺得佢ok7好食，唔錯唔錯。湯，我地就一個叫左南瓜金筍湯，一個就叫左雜菌湯，兩款都好足料，個湯好蓉，仲有蒜蓉包，好足蒜蓉味。Mains 就叫左意粉同黑豚豬個鵝肝煎得幾香，而且都有兩舊，唔洗兩個人share，可以一人一舊，黑松露份量都好夠，意粉都煮得軟硬適中；黑豚豬好易入口，而且肉質都唔硬，好juicy，而且煎得好香口，個表面有少少脆甜品叫左窩夫，真心外脆內軟，再加上士多啤梨雪糕，真心正，

之前都響Espuma食過幾次lunch, 環境及食物都不錯.今次就訂左晚市時段, 星期五晚黎, 原來都好似午市咁滿.我地點左個2人套餐($588)牛油果蝦沙律配油醋汁各配料都新鮮, 只是蝦稍為淡味以油醋汁調味令沙律更開胃香煎珍寶帶子配西班牙肉腸及黑毛豬火腿珍寶帶子口感帶爽,有質感黑毛豬火腿帶有鹹香 蘑菇湯及是日餐湯薯仔湯鵝肝黑松露醬意大利麫鵝肝外面煎得微脆, 入口濃膄. 加上有唔少蘑菇, 黑松露醬提升了意粉味道.極黑豚扒配季節蔬菜及肉桂蘋果蓉黑豚扒肉味頗濃郁,油潤甘香. 沾一些肉桂蘋果蓉會感覺無咁滯 白酒忌廉藍青口配蒜蓉多士 - 跟餐加配價 $102藍青口份量不少，我把另上的蒜蓉多士沾上白酒忌廉汁一起吃, 差唔多所有汁都食哂.至尊海鮮西班牙海鮮炒飯(二人份) - 跟餐加配價 $328米飯粒粒分明、又有多種海鮮. 雖說是二人份, 但我們五人share也足夠.套餐甜品窩夫煙韌，士多啤梨雪榚不過不失。

今次嚟到開喺樓上嘅西班牙輕食餐廳Espuma，試咗佢哋好受歡迎嘅tea set.位於： 威靈頓街2-8號威靈頓廣場M88 17樓間餐廳嘅環境幾靚架，又幾舒服， 而餐廳嘅侍應都好nice，好有禮貌。好岩約埋三五知己嚟食個tea，傾下計：)！佢哋嘅homemade scones 真係幾得，唔會太甜太乾，今次仲要係抹茶味，配埋鮮忌廉簡直一流！成個tea set 用屋仔型設計，好得意，可以同姊妹影反幾張相先食！第一層係鹹食，當中嘅天婦羅夠脆，又唔會太厚粉！可以配埋提供嘅醬汁，唔會膩，好清新！第二層係小甜點嘅開始，有淡淡地嘅迷你蕃薯仔、日式丸子串、迷你cheesecake、焦糖布丁。日式丸子串，鹹鹹地又煙煙韌韌，味道好得意。迷你cheesecake嘅cheese味好夠濃，而且食落口感都好綿密！焦糖布丁夠滑，而且蛋同奶味都好夠濃！第三層都係甜點！有最近大家都好着迷嘅靚靚花瓣水信玄餅，同埋幾款迷你蛋糕仔！迷你芝麻小蛋糕好香芝麻味，唔會太甜！而迷你抹茶小蛋糕配埋紅豆蓉，係good match!我同朋友最like係佢哋嘅水果茶，好香水果味，茶又夠濃，又唔會太甜，讚！成個tea set 有哂咸點同甜點，又

中環除左係高級商業區之外 亦係香港其中一個美食天堂 因為朋友就快離開香港 所以就一班人約出黎聚餐 作為臨別既餞行晚餐 我地選擇去中環既西餐廳食飯 感覺上比較有氣氛☺️Espuma 呢個名一定唔陌生 呢間西班牙餐廳 一直都係大愛歡迎 經常都見到有唔少好評同埋食品推介我地一入到餐廳內 已經感受到濃濃既西式氣氛 昏黃既燈光 加上色彩繽紛既吊燈作為襯托 而且 餐枱一早已經佈置好 放滿左餐具、杯、濕紙巾等 感覺好整潔美觀一本本既餐牌好精緻 色彩繽紛既食物圖片 令人眕見都流曬口水~ 事不宜遲 我地立即開始點餐 新鮮水果茶 $48水果茶味道清新 入面放左多款健康美味既水果 例如奇異果、蘋果、橙等等 🥝🍎🍊 飲落好清暑解渴 我一個人飲曬一大樽 🤣🤣Chocolate Nutella Macchiato $42朋友點既係朱古力榛子口味既macchiato 上面有一個好靚既拉花 淨係聞都聞到好香濃既朱古力咖啡味 我試左一啖 可能因為有朱古力同埋榛子係入面 所以我個人覺得咖啡味唔算太濃 易入口～☕️Truffle fries with cheese $68第一道小食 就係黑松露醬芝士薯條 我好中意有黑松露既食物

工作咗一日終於收工，約咗朋友系中環ge Espuma食晚飯，大家都中環返工，非常方便就腳。上到去，侍應帶我地坐正系床邊，俯瞰中環ge半山夜景，燈光閃爍，非常唔錯。等咗一陣，一邊和朋友系咁好ge view之下閒聊，另一邊食物好快就逐一上臺啦。牛油果蝦沙律配油醋汁（$88）沙律非常精彩,色彩斑斕,新鮮ge大蝦,配搭芒果,牛油果,淋上特別ge油醋汁,和香脆ge蔬菜一齊食,非常滋味香煎珍寶帶子配西班牙辣肉腸及黑毛豬火腿($118)另外一份頭盤系呢道非常精緻ge菜式,擺盤非常靚,兩面香煎過ge帶子上面有dd黑椒,再擺佐小小ham系上面,點埋旁邊ge醋汁一齊食,帶子鮮甜,ham油甘味香,醋汁醒胃,而且令到口感無咁油膩.三重芝士薄餅($108)薄餅用咗3種芝士去焗製,分別系blue cheese,gorgonzola cheese同埋mozzarella cheese.食入口最突出ge當然系blue cheese.口感複雜,芝士味香濃,系口腔徘徊許久,如果再有杯紅酒系旁邊,我相信會更加正.而gorgonzola cheese同mozzarella cheese就令到成個薄餅口感細膩d黏稠d.黑松露醬

仲記得2016年5月某一天，嗰日太陽都係由東面升起，我仍然都係起身返工，但真係好煩呀。直到依家，我仲記得好清楚，因為一年後嘅今日，我又要煩過。而我知道明年嘅今日，我都會好煩……呢日係咩日子？就係M佬嘅生日囉！我除咗要諗買咩生日禮物畀佢，又要諗同佢去邊度食飯慶祝啦……最慘係，我個人真係無咩idea，去邊度食好呢？！左搵右搵，突然記得佢講過，想食西餐，咁就一於去……中環蘭桂芳嘅Espuma啦！話晒又有靚景，嘢食好味又抵食！最重要係M佬鍾意食嘛。無嚟一排，原來menu又唔同咗，今次可以試吓新野喇！焦糖單骨雞翼：8隻單骨雞翼，隻隻都燒到少少燶，外皮又甜又脆，入面嘅雞肉就又嫩又滑。單骨雞翼食起上嚟除咗方便，仲非常入味㗎。白酒忌廉藍青口配蒜蓉多士：好……多……青……口……呀！用上鮮甜嘅藍青口，粒粒都大大隻，仲要索晒白酒忌廉汁！配埋脆到咯咯聲嘅蒜蓉包，真係唔夠喉呀！紙包焗石斑柳及雜菜配黑水欖汁：用紙包住石斑魚柳、青瓜、黃瓜、薯仔同車厘茄再放入焗爐焗，上枱時仲熱辣辣，打開張紙仲有好香好香嘅牛油味，兩大塊魚柳再加七彩雜菜，真係好靚呀！魚柳外皮烤到脆卜卜，魚肉非常嫩滑，最估唔到係啲配菜索晒石斑嘅精華，好好

終於都考完試啦！之前一直咁忙，係時候停落嚟休息下，享受下😭之前係IG見到好多Foodie介紹呢間Tea話幾抵，今日就約咗roommate嚟試下～原來之前個tea set已經無咗，轉咗做今季新日式tea set，未試過日式下午茶嘅我地決定試下佢😝雖然今日係平日但都幾多人👍🏻裝修好靚，個景觀都好靚。我地叫咗個日式Tea Set: E-House $228 For two😍Roommate揀咗伯爵茶，味道可以，但唔夠熱。呢排唔夠訓嘅我到咗下午仲有啲睡意，所以就揀咗Cafes Novell嘅即磨咖啡～唔加奶，唔加糖，齋啡味道更香👍🏻TeaSet有12款食物，有甜有鹹。首先嚟嘅係Homemade嘅綠茶鬆餅配鮮忌廉同Jam💖鬆餅最緊要趁熱食，入口暖暖地加上清香嘅綠茶味，唔錯！雖然綠茶味唔濃，微甜，但加埋忌廉或者士多啤梨醬，味道又更新鮮。我個人就比較鍾意後者，食落好fresh。E-House登場啦！好大個，要逐層逐層咁食，由鹹到甜😚第一層係鹹食：迷你天婦羅拼盤、蟹籽蕎麥麵、燒三文魚飯團（相機食先前就食咗🙈）💁🏻天婦羅有蝦、茄子、南瓜～整體嚟講炸得幾脆，粉唔厚，味道適中，唔洗點汁都ok。南瓜味則最香👍

男朋友今日有事出中環，搞掂都已經天黑了。行過見到有Espuma，記得尖沙咀店水準唔錯，就決定食個靚靚晚餐。安排咗坐窗口位，有一大塊落地玻璃。靜靜地望住出面呡半山景，心情都即刻放鬆唔小。烤蝦配芒果菠蘿莎莎及多士先食頭盤，有四隻蝦。蝦肉爽口，夠鮮味，香草同鹽嘅咸香配合得岩岩好。伴碟嘅芒果同菠蘿莎莎酸酸甜甜，夠哂開胃。可以放上去多士上面食，好脆又可以中和油膩感。香煎珍寶帶子配西班牙辣肉腸及黑毛豬火腿帶子好大粒，上面放咗黑毛豬火腸，而最底就係辣肉腸。黑毛豬十分甘香，油脂適中。一啖食哂一舊，個口感好豐富。帶子彈牙，而辣肉腸口感硬啲，帶小小辣好惹味。焦糖單骨雞翼雞翼份量比較多，開邊嘅整法食得与較方便。外皮香脆，唔油膩。表面沾滿咗焦糖，入口先是甜，然後帶咸香，十分之特別。雞翼肉質嫩，炸完亦保留到肉汁。黑松露醬炒鮮雜菌寬條麵最近非常喜歡有黑松露嘅食物。醬汁杰身，黑松露味非常香濃！伴上奶油忌廉香，每一條麵都掛滿厚身嘅醬汁。寬麵條帶小許硬身，係我中意嘅口感。加上大量嘅雜菌，口感豐富，好推介！草莓蜜桃沙冰超級巨型沙𣲙！勁抵飲呀，而且放滿咗士多啤梨係面，呃下like都抵啦！入口沙𣲙細滑，唔會死甜，草莓同蜜桃味

友人提到想享受一個悠閑嘅afternoon tea，突然醒起中環威靈頓街的espuma，記得早前曾經光顧尖沙咀店。今次來到中環店更加舒適，店內光線充足，枱之間嘅空間感很多，沒有侷促嘅感覺，窗外嘅景色怡人。性價比超高的afternoon tea set $228/2位這款tea set 當侍應棒來的時候真的十分驚喜，這個貌似屋仔的外型真的滿分。共有三層。分別放了鹹點和甜點。每款食物各有兩件，味道說不上驚喜，中規中矩。但與朋友傾下計，望下街景都唔錯， 難得中環有如此性價比高，舒適悠閑嘅地方，真係值得一試。.

⠀⠀⠀⠀⠀⠀⠀⠀👨‍🍳簡嘉程老師Novell創意咖啡☕🔸🔸🔸🔸🔸🔸🔸🔸🔸🔸🔸🔸🔸🔸🔸🔸👨‍🍳Novell coffee by Stanley Chien☕🔸🔸🔸🔸🔸🔸🔸🔸🔸🔸🔸🔸🔸🔸🔸🔸⠀⠀⠀感謝 @espuma_hk 邀請出席5月8日的體驗活動來自🇹🇼的簡嘉程老師，待人親切，處事真誠，⠀⠀⠀不論是他環島派送咖啡的行動，還是風雨不改的早餐店🍳⠀⠀⠀都讓人明白，食物該存有比果腹，更深一層的意義！高超的廚藝固然令人驚嘆😱但唯有關愛才能讓人感動💓⠀⠀⠀當晚活動以Coffee n food pairing為主題，主張用適當的咖啡作為食物的配搭，可以使後者的味道昇華！⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1️⃣ 🐙八爪魚配橄欖油及柚子醋💭清新開胃😍😍 ⠀⠀⠀⠀2️⃣ 香煎珍寶帶子配西班牙辣肉腸及黑毛豬火腿💭帶子大大只，黑毛豬好香，辣味充足😎⠀⠀⠀3️⃣黑白芝麻吞拿魚卷🐟💭芝麻香欠奉，但有芥末擔當，味道尚可😋⠀⠀⠀4️⃣ 🐄慢燉牛肋骨肉飯配牛肉燒汁💭牛肋骨煮到好融軟入味😱💭白飯有青蘋果粒襯底，10級好味！⠀⠀⠀5️⃣🍅烤蕃茄豆瓣醬意大利麵🍝💭意粉好彈牙，豆瓣醬的味道剛剛好😝💭大蝦爽度不足，但

台灣朋友來了香港，當然要一盡地主之誼，帶他吃好東西。星期日的下午，選了我喜歡的餐廳來吃個午飯。 星期日的中環，別有一番寧靜，就是喜歡這種假日悠閒。更喜歡Espuma居高臨下的安靜景致。 睡眼徘徊，所以先來了一杯榛子朱古力瑪奇朵提神！精美的拉花，不太甜的味道，配上一塊小花餅，呷一口微香的咖啡，唔，這是假日的味道。朋友有點感冒，所以點了暖身的花果茶，大大的一壺，温熱又暖心，喝下去很舒服。先來的蜜糖雞翼，新鮮即炸，外皮夠脆，但肉汁仍然豐富，加上蜜糖的甜味，又香又香口，好好食～沙律是一貫的足料，大大隻凍蝦，最愛的牛油果加上香甜芒果，酸酸甜甜又開胃！我喜歡那毫不吝嗇的芝麻醬，滲透每塊沙律菜，吃來帶點芝麻香，清新健康又好味。主菜點了喜歡的羊扒，製作需時，但絕對值得。上枱一刻，對份量有點驚訝！大得很，厚肉得很、熱辣辣的，側邊燒得十分香脆，切開時有皮脆之聲。扒是十分肥美的，被一層甘香羊膏包著，入面的肉仍然十分嫩滑，切開肉汁是洶湧而出，朋友喜歡吃扒，讚不絕口，我當然也竹分滿意。吃罷羊扒，兩人已經飽足有餘，但一場來到，怎少得一份甜品呢？點了半份紅莓窩夫。窩夫外脆內軟，灑上了紅莓再淋上了士多啤梨醬，顏色

今日同朋友黎左中環呢到行街，行左陣想搵個地方坐低傾下計，於是決定去high tea^_^綠茶鬆餅配鮮忌廉果醬鬆餅本身有綠茶味，再塗上綠茶忌廉，真係正一共有三層，裏面有蟹籽蕎麥麵、三文魚飯糰、醬油丸子、黑糖牛乳布丁等等醬油丸子好煙韌，醬油味對我來講好岩囗味黑糖牛乳布丁，牛奶味剛好，唔會太濃或太淡，我平時唔係好鐘意黑糖味，但呢個布丁有牛奶同黑糖好夾呢個high tea份量對我來講，少左d，好快就食完，不過以價錢來講，值得一試

係中環食下午，要找一間好坐又唔太貴嘅地方，有咩選舉好𠳿呢？Espuma係一個選擇，容易釘位，好坐，不過好熱鬧，大家講嘢都要大聲點。😮裝修不怎様高格調，感覺舒服，有幾個6至8人卡位，不過真是好噪，夾個位都聽唔清😧菜色都係一般的西餐，質素只可以是中規中矩，沒有什麼讓人感覺驚喜。反而凍果茶有點驚喜😊價錢$150蚊左右，其中叫了個pizza ，份量大但好像是預先做好，然後焗熱出來，感覺係supermarket 買回來然後放在焗爐那樣🙄為了容易找到地方吃午飯，有點好環境，看似有一點點特色，又不太貴，才考慮選擇吧

跟好姊妹的AFTERNOON TEA, 時光總是超美好的! 工作實在太累, 忍不住在平日下午請了半天假, 忙裡偷閒~ 再找來好姊妹陪我打發日子! 不用工作, 不用湊囡, 真的好寫意~~ ((笑)) 之前都有去過Espuma的尖沙咀店, 食物質數同環境都不錯! 今次去了中環店, 吃個afternoon tea~~ 中環店環境更正喔!!! 風格都是走西班牙風, 色彩明亮! 而且有一邊是全玻璃窗, 採光度一流!!!! 無論日間還是晚間, 景色都非常好~~ 我們目標好明確, 一去到就點了時令的日式AFTERNOON TEA SET~ 包兩杯飲品的, 但我們都加錢轉了做水果茶~ 水果茶先上場~ 我點的是招牌水果茶 (熱), 個人覺得這款最好飲! (笑) 另, 朋友點的凍熱情果烏龍茶, 非常解暑喔! 同好姊妹傾下計, 等一陣TEA SET就出場喇! 玻璃屋設計的擺盤, 看著都覺得開心喔!! 我們由上層開始慢慢品嚐~ 第一層是咸食~ 迷你天婦羅拼盤, 夠熱夠脆, 粉不多, 不錯! 蟹杍蕎麥麵, OK, 不太特別~ 燒三文魚飯糰, 這個好好食! 三文魚碎同飯已經拌好, 加上有紫菜碎