Espuma (M88)

营业中

休息中

已經是第二次來到Espuma high tea，上次到過合和中心的分店，今次見有新主題的high tea set，一於到中環的分店試試。坐於窗邊，景觀開揚，可望到香港公園的一帶，加上當日陽光普照，整個感覺令人放鬆，愉悅！先來熱辣辣的綠茶鬆餅配綠茶忌廉及莓醬。作為綠茶控，當然覺得綠茶鬆餅加綠茶忌廉是無敵的組合，鬆餅微甜，綠茶味香郁。熱情果烏龍茶自從上次試過水果茶後，留下深刻印象，所以今次再encore。水果茶味道如一，充滿熱情果香，酸酸甜甜，確實開胃。最好的當然是用上燭台一直熱着，就算慢慢high tea，都不怕飲品冷了。(凍)手搖咖啡友人對凍咖啡讚不絕口，因為用上上乘咖啡豆，而且本身落糖的份量預算很好，甘甜回味。蟹子蕎麥麵及三文魚飯團不錯，特別是飯團，三文魚略為燒過，味道香口。天婦羅蝦炸得未夠脆，略嫌失色。醬油丸子口感煙韌，我最愛！衫時猜不到錫紙內包裹着什麼，原來是日本甜薯。這亦是我平日去日式放題必點的小食之一，香甜軟糯，只食一粒，實在不夠喉。而黑糖牛乳布丁很嫩滑，牛乳香濃，面上的黑糖不太甜，很讚。賣相精美的櫻花水信玄餅及碟豆花水信玄餅如啫喱般震騰騰，味道清清淡淡，帶點爽口。綠茶蕨餅就

同好姐妹中環撐枱腳～坐窗口位，方便傾計。先黎兩杯 Sparkling wine，cheers!烤溫室茄子雞胸沙律，fresh~ 是日餐湯 - 南瓜湯甜甜地配蒜蓉包，蒜蓉包好香雜菌湯，打到好滑烤蝦配芒果菠蘿莎莎+多士烤蝦夠彈牙，配埋d芒果菠蘿粒，好開胃同清新烤安格斯肉眼扒5成熟～外面香，裡面嫩，唔點汁都已經好好味，必食！ 仲有好多蔬菜，好味～海鮮扁意大利粉比起肉眼扒較為遜色，唔夠汁，下次試pizza甜品一人一份 Waffle + 雪糕！熱檸水 同 cappuccino 抖抖，杯cappuccino仲有貓貓拉花！！食埋甜品，飲杯 嘢，傾下計，好滿足ge一餐～ 2人套餐 五百幾， 真係好多嘢食！呢個區，呢個環境，性價比算高，值得再去～

難得有假期跟女朋友來中環逛逛外拍，夜晚食飯，揀左espuma，就係蘭桂芳附近。 早前睇facebook話呢道換左新菜單，所以今晚一於散叫。 一入黎感覺呢度都幾幽雅，好適合食下飯，傾下計。 乾溼紙巾齊備，夠貼心。 今次點了一款小食<<香煎珍竇帶子配西班牙辣肉腸及黑毛豬火腿>>，一碟有三塊。帶子真係夠大夠煙韌，加上黑毛豬火腿及辣肉腸，入口咸咸辣辣的，口感更有層次及豐富。 <<至尊海鮮西班牙炒飯>>呢個炒飯想食好耐，兩個人share夠哂。海鮮配料真係夠哂多，海蝦，青口，帶子及魷魚，全部都唔細隻。食之前搾一搾檸檬灑落飯度，會更清新。炒飯的口感比較硬，入口層次比夠分明。 食完個炒飯都已經八成飽，叫個甜品<<紅莓乾窩夫配雪糕>>，雪糕在點餐時有得揀口味，我就揀左士多啤梨味。窩夫食入口夠乾，口感足。撈埋雪糕一齊食，味道更佳。 飲品點左<<凍朱古力咖啡>>及<<凍水果茶>>。茶加上新鮮的水果，一路飲可以一路食，岩哂愛吃生

我們一家，可說是中環威靈頓M88 的Espuma的常客。每隔兩三個月，一定會去聚餐。無他也，誰叫小魔怪那兒也不愛，獨愛這兒﹗仿佛，Espuma有股莫名的萬誘魔力，深深地俘虜了小魔怪的心…… 星期六的下午，小魔怪上完繪畫班，我們一行四人，就浩浩蕩蕩去「御用餐廳」開餐了﹗ 翻閱餐牌，K話多了不少新款的主菜，以及咖啡飲品可供選擇。 正當K、C與小妹在細閱餐牌時，小魔怪卻嚷著說要吃High-Tea。唉，原來鄰枱點來了一set日式的兩人下午茶餐來。小寶貝要吃，我們，只能順其意，要了一set$228，包飲品兩杯。 這一杯草莓烏龍茶(+$15)，是每次到訪必點的飲品。小魔怪貪其香甜冰凍帶果香，且可咬冰也﹗ K的咖啡瑪奇朵Coffee Macchiato(+$15)，是一杯香濃冰凍咖啡與柔滑細緻奶泡完美結合的夏日飲品。瑪奇朵Macchiato在義大利文里是「印記、烙印」的意思，顧名思義，它象徵著甜蜜的印記。 瑪奇朵咖啡是奶咖啡的一種，它是輕柔的，入口如浮雲般細膩潤滑。 小妹，則要了一杯提拉米蘇咖啡$38，咖啡上層是厚厚的提拉米蘇泡沫，口感幼滑細緻，同時讓咖啡入口帶點甜味，極易入口。 某

今日行開中環，就同男朋友去左呢到食個日式既下午茶。本身仲諗住嗌意粉，不過完全比呢個下午茶吸引左。首先黎左兩杯凍嘅水果茶，水果茶十分好飲，雖然甜左少少，不過有好香濃嘅水果味。然後就有綠茶鬆餅配忌廉及紅豆。呢個鬆餅十分好食。連平時唔鐘意食鬆餅嘅我都覺得好好味，好香綠茶味，配埋忌廉同紅豆仲好味。個下午茶盒終於到了！先食第一層，有迷你天婦羅拼盤、蟹籽蕎麥麵(冷)、燒三文魚飯糰。迷你天婦羅拼盤有蝦、茄子同南瓜各兩件。炸得幾香脆，都唔算太油，如果熱啲仲正。蟹籽蕎麥麵就略嫌腍左啲，不過味道不錯，同埋夠凍。至於燒三文魚飯糰係呢層最好味。三文魚份量唔算好多，不過我覺得恰到好處，為淡味嘅飯糰帶來好香嘅三文魚味。然後到第二層，有醬油丸子、黑糖牛乳布丁、日式芝士蛋糕。醬油丸子個丸子其實幾好食，十分煙韌。不過個人就唔鐘意配醬油，但係日本好流行呢種食法。黑糖牛乳布丁好好食，好香牛乳味。日式芝士蛋糕我都好鐘意食，芝士濃度岩岩好。第三層有櫻花水信玄餅、蝶豆花水信玄餅、黑芝麻蕨餅、綠茶紅豆戚風蛋糕。黑芝麻蕨餅男朋友話好好食，因為我唔食黑芝麻所以比埋佢食，佢話好似芝麻糊變左一件糕點。綠茶紅豆戚風蛋糕我覺得好好味，蛋糕幾軟

吃過這兒的窩夫後，有天媽媽大人問我何時再帶她吃甜品剛好那天下午有空，便決定再次帶大人回到espuma，讓媽媽嘗一嘗他們其他的甜點（好啦，其實也是貪新鮮的自己有私心想試試新出品啦）-“Red Velvet Cake with Mix Berries”這也美得不像話，紅粉菲菲的顏色讓女生一見愛上！但，老實說...蛋糕則偏乾.....賣相比味道好-另一甜品“N’ Coffee Platter”同是美得像幅畫，精緻得如藝術品呢coffee mousse cake 有很濃的咖啡味，但mousse仍未做到滑如絲般的果效，而且份量偏少，性價比偏低這兩款甜品的外表的確吸引，可惜味道稱不上一絕，味道上仍有進步空間呢

母親節這天和好朋友打算與兩位媽咪一起去high tea，剛好見到這間餐廳推出了日式下午茶，一於去試下。就近中環蘭桂坊，從中環站走一會就到了。餐廳十分開揚，落地窗透入了陽光，坐在望著窗的半圓座位，感覺舒適。甫坐下我們就先點了日式下午茶，還有黑松露醬薯條，再加招牌水果茶。水果茶我們點了熱的，以蠟蠋架座熱，從頭到尾都是溫熱。水果茶甜度剛剛好，不是精製果汁的味道，是餐廳特別調製的，還吃到對腸胃有益的奇亞子。先送上的是綠茶鬆餅配忌廉和果醬，淡淡的綠茶味，鬆軟美味。Tea set送上來了，以透明膠盒子盛著，感覺沒有花花碟子的好看。咸點有蟹籽蕎麥麵、迷你天婦羅拼盤、燒三文魚飯團、醬油丸子和迷你甜薯。蕎麥麵和飯團略為遜色，味道很淡，飯團的飯有點硬。甜點有櫻花水信玄餅、蝶豆花水信玄餅、綠茶紅豆戚風蛋糕、黑芝麻蕨餅、黑糖牛乳布丁，和日式芝士蛋糕，個人最喜愛芝麻味十分香濃的蕨餅。黑松露醬薯條仍然是我的至愛，黑松露醬香濃至極，以香脆的薯條配搭，叫人吃過不停。偶然過來嘆個下午茶也不失為一個好選擇。

查實今天喺假期，奈可被上司臨時安排工作，極度沮喪不知不覺在中環完成工作已經2 時, 同事搵左位於中環-EspumaPan-fried Jumbo Scallop帶子大粒及厚身，香囗鮮味，西班牙火腿唔咸，夾埋一齊食又幾夾喎Fettuccini con Portabello濶條麵唔太腍，又有口感，黑松露味道濃郁，掛滿濶條麵，什菇吸收哂醬汁，鮮味出哂來Signature Fresh Fruit Tea有青蘋果、橙、菠蘿及紅蘋果，好豐富味道同樣豐富，酸酸甜甜，又有清新感覺，適合夏天飲用休休閒閒飲杯水果茶，令到煩惱盡消

在中環逛得累了，隨便挑了這間餐廳歇一歇。下午四時三十分到達，餐廳只有數台客，入了餐廳沒人招呼，於是乎我們一行二人走到餐廳中間窗邊想坐下。特然一個侍應走出來問我們有沒有訂枱，我心想誰會訂4時三十分的枱，下午茶又過鐘，晚飯又太早吧。我說沒有，他便說要看看訂座表才可安排我們坐那裡。我要強調餐廳只得幾枱客。然後侍應招呼我們坐在餐廳的盡頭，傍邊堆滿貨，隔離枱坐著經理在查閱生意單據。餐廳這麼大，又沒幾枱客，為何要這樣安排？！彷彿我們也是在落場的伙記。我們要求換位，坐在餐廳中間窗邊位置，他們回覆晚飯有客人可能訂了枱。當時是四時三十分。。那你便去查一查，什麼可能訂了枱。另外一名侍應走來說那是四人枱，我們只得二人，那便將一將枱移開吧！有那麼複雜嗎？為何沒有客，還偏要客人坐在角落，坐在雜物傍邊呢？真的不明白。點了一柸ice latte,飲管也不給一支，這是什麼服務？不會推薦這家餐廳，也不會再來。

今日放假就同左朋友去上環同埋中環到行街順便食個下午茶，上網見到有人話依個下午茶好抵食咁岩撞正平日所以就想去試吓。地點都好方便喺中環行一段路就到啦，環境係最吸引我嘅地方，上到去人流唔會太多，有好多張枱，而且環境都好安靜同朋友食下午茶就啱晒。我哋叫咗一個二人下午茶套餐，總共係有四層嘅食物，又鹹至甜咁樣食落去首先食嘅就係天婦羅同埋冷麵，餐廳即整嘅天婦羅好趣，而且冷麵都好食。跟住下一層就係日式嘅小甜點，比我想像中好食同埋精緻，全部嘅食物都裝得好靚食得都好開心，一路食一路欣賞住中環嘅風景就真係非常之有生活態度。最抵果層就係蛋糕同埋其他嘅甜品，總括來講啲食物都唔錯，如果真係想搵一間正整地嘅餐廳食個下午茶飲杯野嘅話呢度都幾好食完仲可以去動植物公園度行個圈，放假靜靜就真係好舒服

放假嘅日子，瞓到自然醒，先去High Tea，再去Shopping，真係好寫意呀！所以今日就約咗個好姊妹去到中環嘅Espuma，同佢一齊望住中環靚景再食件餅，嘆吓茶，咩都講一餐，身為淑女嘅我哋，呢個下晝真係好Relax呀！綠茶鬆餅綠色嘅鬆餅，上台一刻已經好吸晴！食落去有清幽嘅綠茶香味，味道唔太濃，畀啲空間你自己揸埋士多啤梨果醬，咁個香濃度同甜度就啱啱好喇！而鬆餅夠晒鬆軟，為嚟緊嘅Tea set帶嚟一個好好嘅開端！e-House Afternoon Tea Set今日個Tea set成間屋仔咁上，有咁多嘢食，仲唔係我個Dream House？第一層食Tea set當然要由頂層開始食啦！頂層就係有唔同嘅鹹點，先食蝦同南瓜天婦羅，脆卜卜，好好味，嗰南瓜仲要好甜㗎！蟹子蕎麥麵嘅醬汁啱啱好，味道好清新，而蟹籽仲好爽口添。另外，燒三文魚飯團外層香脆，入面嘅三文魚份量唔少，仲好香添，估唔到，細細粒又幾有驚喜喎。第二層第二層先食醬油丸子，好煙韌呀，好有日本風味！錫紙包住嘅係甜薯仔，細細粒，好香甜！黑糖牛乳布丁夠晒香滑，仲要震騰騰，牛奶味道好濃郁！日式芝士蛋糕雖然細細舊，但芝士味都好豐富，啱晒我哋呢啲甜

早陣子真的被大量的工作壓得喘不過氣來，已經很久沒有好好享受過一頓美味的餐飲。 加上男朋友換了新工作之後我們都沒有機會好好和對方說一下最近的生活， 只怪我們平日約會都是說些完全沾不上邊的無聊話題 (笑) 所以在過去的週末，我們特意來到大家都很喜歡的 espuma 食午餐。 選擇在 espuma 的原因是除了這裡的食物有高水準的表現外，還有一個不錯的環境。 這頓午餐我們竟然吃了兩個多小時，好享受這種慢活的午後時光。 午後的 espuma 並不是很多人，或許週末的中環很多公司都不用上班。 我們被安排了坐在靠窗的四人座位中，外面自然的光線照射進來令人感到格外悠閒。 雖然已經數次到訪這間位於中環 M88 的 espuma，但卻倒是頭一回仔細地觀察四周的環境。 一桌一椅都是採用原木素材，那份細膩光是看著就覺得很有質感， 牆身大膽使用了淡紫色的油漆，配合起來卻有一種淡雅的和諧。 整個裝潢風格都是貫徹西班牙自由奔放而輕鬆的特色。 烤溫室茄子雞胸沙律 HK$88 我們習慣會點些沙律和小食，當男朋友聽到我想吃這款沙律時變得有點疑惑， 也不難怪他的，因為我從來都不喜歡吃茄子，但最近吃過後竟然愛上了。

✿╮❤╭✿ ✿雜感女生 好味日記✿ ˚*•✰。espuma．食力西班牙。✰•*˚ ✿✿舌尖上的尖沙咀✿✿ ❤餓底飯聚．食勻全世界❤ ❤ 歐洲菜向是本小姐最愛，今次又和好友深入中環 一嘗espuma的西班牙特色菜 黃昏之間，尚見微笑的陽光 點一壺貴妃荔枝茉莉茶 39 果香與花香都令人喜悅 特點愛花香的飲品，什麼是心花怒放 就是這種 薄荷朱古力瑪奇朵 42 夜色漸濃，更要一口瑪奇朵來滋潤工作後的疲憊 我愛這甜甜的薄荷朱古力口味 可愛的拉花，濃滑的口感，出奇的迷人 牛油果蝦沙律配油醋汁 98 牛油果甜滑，在開胃的油醋汁之中，又見大蝦2雙 2人分享，清新又可口 醬燒豬肋骨配炸薯條 168 醬燒豬肋骨做得非常出色，骨肉分離，而且入味 好愛那脆口又有醬香的骨膜，比純吃肉更滋味 薯條炸得出色，不用茄汁都已清碟！ 西班牙黑毛豬薄餅 108 薄餅邊脆而心軟，為何呢？正因為濃濃的芝士 香滑美味！黑毛豬自然是上品，鹹香惹味 而我的心卻被那脆口的芝味薄餅所牽引...... 西班牙油條配雪糕 68 鮮製的油條脆而不油，製成小籃子 非常可愛，內藏的雲呢拿雪糕配上油條的甜甜肉桂味 是又有

上班時下著傾盆大雨，弄至混身濕透，本來已經非常狼狽，再加上旁人的無理取鬧，心情實在壞透。忙完手上的工作，立刻放半晝假，相約在中環上班的靚太去《espuma》吃頓午飯，一舒悶氣。其實之前每次下午到訪，都總會衝著餐廳的 Afternoon Tea Set 而來，不過今天反而想轉換吓口味，食得豐富啲，為自己打打氣！打開餐牌，原來餐廳又換咗新 Menu，除咗平日見慣嘅西班牙小食、湯、飯、意大利麵、薄餅、主菜、甜品、窩夫、咖啡及果茶等外，還加入了多款全新菜式，如特色海鮮扁意大利麵、香草保雲蘇焗羊架、加大碼幸運奧利奧鬆餅等。先點客西班牙小食 Grilled Prawns in Mango & Pineapple Salsa 烤蝦配芒果菠蘿莎莎及多士 ($88)  打開胃口，Tapas 用一隻白色長碟盛上，上面放有烤蝦和迷你多士各四件。據店員稱，餐廳所有的麵包都是由自家工場新鮮運到，再烤製成多士。叉起已經去殼的蝦隻入口，烤得又香又惹味，而且鮮而不腥，蘸上碟邊的香草醬及芒果菠蘿莎莎，與多士一併吃下，酸甜脆香，口感非常豐富。接著送上的這一客是 Baked Paper Wrapped Grouper 紙包

下雨天不能進行戶外活動，既然如此，食返個下午茶，輕輕鬆鬆度過就最好了。今次來到中環，用非常抵的價錢歎下午茶，還可以坐近窗旁位置欣賞風景，的確特別relax。先來一杯伯爵茶，經典的調味紅茶款色，但茶香不夠，偏淡且偏暖，稍為可惜。三層的日式下午茶每一層都有3-4款鹹食或甜食，另外再加綠茶鬆餅鮮忌廉及果醬。急不及待先嚐第一層！這一層主要是鹹食，有迷你天婦羅拼盤(炸蝦、炸南瓜和炸茄子)、蟹籽蕎麥麵(冷)、燒三文魚飯糰。我最愛吃蟹籽蕎麥麵，蟹籽卜卜脆，涼涼的麵條不宜斷掉，軟硬度剛好，不錯呢。第二層menu見到的圖片相反，開始是甜食，有醬油丸子、迷你甜薯、黑糖牛乳布丁、日式芝士蛋糕。醬油丸子和黑糖牛乳布丁最好吃，前者煙煙韌韌極有咬口；後者布丁香滑，且黑糖滲透入布丁內，甜美濃郁，令人回味。第三層有櫻花水信玄餅、蝶豆花水信玄餅、綠茶紅豆戚風蛋糕、黑芝麻蕨餅。櫻花水信玄餅是最難忘，很少食花(笑)，甜甜的帶微小酸，好可口，加上甜度剛好，完全不怕膩過頭。最後來消滅綠茶鬆餅吧！想不到連鮮忌廉都是綠茶味，cream不會太稠，塗上少少乾身的鬆餅上可幫助提升味道，更豐富口感，正！以前食過的下午茶都是貴婦價，當下的確