Espuma (M88)

营业中

休息中

已經是Espuma的常客，襯星期六晚男友有空檔，便相約爸媽到中環的Espuma分店一起用餐。職員一貫有禮地帶我們到座位，是晚客人頗多，但仍然留有一張大而舒適的4人梳化座給我們，安排周到。我們四人各點了兩個二人餐，以下是我跟男友的選擇：||Set Menu $588 for 2||Appetizers《煙三文魚凱撒沙律》煙三文魚很大一片，煙燻味香，沙律菜十分新鮮爽脆，配上面包脆脆和芝士碎，口感味道不錯。《精選小食拼盤》-焦糖單骨雞翼x4 -水牛芝士&莎莎醬多士x2 -黑白芝麻吞拿魚卷x4小食拼盤有特色，賣相漂亮，當中甜酸感味適宜，焦糖單骨雞翼香甜野味，軟腍香滑的水牛芝士配莎莎醬多士，口感一流。吞拿魚卷肉質嫩滑。Soup《雜菌湯》湯裡面有不同的菇茸，口感非常好，味道濃郁，濃稠度適中。Mains《鵝肝黑松露醬條面》上桌時黑松露醬香氣撲鼻，鵝肝大片厚切，意粉軟硬度剛好，每一條都掛上黑松露醬，非常汁潤可口。《香煎三文魚柳配芒果欖油汁》魚柳嫩滑，煎得十分香，配上芒果欖油汁，整體很清新。Desserts《每日精選窩夫》賣相非常豐富多樣，而且是新鮮即製，心型窩夫外脆內鬆軟，可淋上雲尼嗱醬，與草莓雪糕、

夏日炎炎去游水怕熱又怕曬黑、最好的消暑活動莫過於high tea吧！中環Espuma位於M88、居高臨下、坐在窗邊位置可飽覽半山景色、綠意盎然、心情隨之放鬆。今個夏季推出的玻璃小屋high tea、很漂亮吸晴。$228 tea set 包三層鹹甜點及飲品。首先送來是薰衣草鬆餅配鮮忌廉及果醬。鬆餅暖暖的送上來、外面脆脆的、有淡淡薰衣草香味、幾特別。趁熱沾點忌廉果醬吃、味道不比酒店的遜色。下面兩層的鹹點有烤蝦薄脆配牛油果莎莎醬、粟米白汁青口、葡式蜆肉法包 、蟹子番茄螺絲粉及煙三文魚米紙卷。個人偏好牛油果、覺得烤蝦薄脆做得不錯。甜點有甜粟米吉士撻、五花茶凍配爆珠、紅莓芝士蛋糕、原粒西柚啫喱、松露拿破崙。冰涼的西柚啫喱釀在真西柚皮裡、很有趣。比堅尼造型的紅莓芝士蛋糕充滿夏日感覺、令你想馬上往海灘衝浪去～芝士蛋糕味道唔太甜、配上微酸的紅莓更加醒神。餐飲可加$15升級至一糸列特飲。熱招牌水果茶以玻璃壺暖著、由多款水果造成、有青蘋果、蘋果、奇異果等、味道討好。坐在這麼舒適的環境看著半山景色、與朋友呷口茶吃個精緻的下午茶、真的非常愜意。價錢又親民、可以趁秋天來臨前趕快約BFF再來一次！

預約7pm 吃晚餐，630pm 到達，職員立即為我們安排坐位。我和友人兩人共點了：一份沙律，一個意粉，兩杯飲品結帳連加一合共$350左右。最先到來的頭盤· 芒果冰甜，酸度剛好· 沙律菜每塊也平均地沾上油醋，是事前已經攪拌好，可見廚師體貼心思，而菜配醋的微酸味亦十分開胃· 牛油果剛好熟透，是沒有甚麼突出味道· 蝦肉都沒有突出的味道，但是彈牙有嚼勁· 鵝肝好吃，煎得外皮略脆，內料鹹度適中。甫吃下第一口，以為是煎午餐肉的口感，但是就沒有午餐肉般過度俺製的重鹽鹹味· 意粉爽口彈牙· 磨菇配上黑松露醬味道濃郁可口，情況就像比一般卡邦尼意粉帶有更重菇味，但無咁漏· 奇異果鮮甜好吃· 茉莉綠茶帶淡淡甜味，不錯，但就是沒有喝到太多奇異果汁味，真正嘗到奇異果汁味就是泡沫部分而已總言之，餐廳環境優雅，望出落地玻璃窗外更有一大遍中環的高樓大廈連山景色。環境和食物質素也是水準之上。

難得老公放假都專登走嚟中環陪我食lunch, 結果得我自己一個有嘢食， 我老公要餓住走！！ 我哋book中午12:45準時到， 一到就叫嘢食， 老公叫咗個ribs, 等咗半個鐘有多, 嚟咗另外一個唔知係乜, 原來落錯單, 但落錯單又唔同我哋講, 要我追問先認, 第一次追問就話仲要十分鐘， 好，算，我等。 十分鐘後另外一個人嚟say sorry話追咗廚房但仲要等十分鐘！！WHAT THE!! 結果一氣之下 cancel咗個ribs.... 起身走時仲搞笑, 等咗成個鐘嘅ribs竟然出現咗, 都唔知攞景定贈興

同朋友滿懷期待食Espuma 點知好失望先點左焦糖雞翼 甜甜地又有黑椒味 係幾好食唔錯👍🏻跟住落黎就開始中伏了 黑松露寬條麵完全冇味道 淨係食到松露同cream既味 一啲咸味都冇 啲意粉好似白烚完再加啲汁撈埋咁我地食左半碟都冇就唔想再食 然後我地叫左個ribs 啲肉唔好食同肉質好鞋 係得個汁正常啲 伴碟既薯條都不是太新鮮還order了玫瑰烏龍茶 以茶來說味道太甜了 但可接受 咖啡味道也正常職員服務態度一般 唔expect中環係食呢啲質素 而且間餐廳仲有好多人推介

星期六下午約左好姊妹見面, 於是揾個地方high tea, 見到中環間espuma 有個 e-House tea set,  兩位只需要$228 加一, 價錢實惠, 所以就一於去試下餐廳環境不錯，我地坐喺窗口位，望到半山景, 好開揚, 感覺舒服由於tea set 2 點先有, 我地就另外叫住小食先, 焦糖單骨雞翼 ($68) , 西班牙黑毛豬火腿薯蓉 ($88), 雞翼充滿焦糖味, 甜甜地但唔會好漏, 而且細細隻,好易入口. 但個黑毛豬薯蓉就一般, 無任何醬汁, 食落去感覺太乾    到e-House tea set 啦~ 三層透明屋仔外, 有薰衣草鬆餅配鮮忌廉果醬, 鬆餅無乜特別.三層透明屋仔, 造型討好, 最啱係相機食先~ 侍應都好好, 幫我地影左好多張相~最頂層有: 甜粟米吉士撻, 五花茶凍配爆珠 (我食落覺得似菊花茶味) 紅莓芝士蛋糕, (整得最靚係呢個甜品, 粉紅色比堅尼, 仲要有我童年回憶嘅雨傘仔, 不過味道一般, 似蛋糕仔)  原粒西柚啫喱 (味道清新)第二層: 松露拿破崙(好鬆脆, 幾款甜品中最好味), 蟹子番茄螺絲粉 (有點辣, 因為太多蒜蓉), 煙三文魚米紙卷 第三

有空食番個英式下午茶，價錢唔貴， 環境又好 ，坐喺窗口位，附近半山環境一覽無遺， 今日天色麻麻地， 但係都算唔錯啦，High tea 時段都座無虛設。$228 tea set for 2， 有薰衣草鬆餅配鮮忌廉及果醬同埋飲品，三層透明小屋陳列鹹甜精緻美食。薰衣草鬆餅鬆脆可口甜粟米吉士撻外皮脆口甜甜哋紅莓芝士蛋糕造型趣緻原粒西柚啫喱有創意， 松露拿破崙系幾個甜品之中最好食嘅一個，五花茶凍配爆珠食落都幾特別， 煙三文魚米紙卷，魚香外層米紙夠煙靱。蟹籽蕃茄螺絲粉略帶微辣、幾醒胃。

Espuma甜品成日聽朋友講過唔錯, espuma出左個tea set for two, 今日終於有機會約埋個朋友去試試!!!坐喺窗邊位, 望住呢個繁華都市, 另有一番風味!點了充滿夏日氣色的afternoon tea set, 價錢唔太貴, 作為下午茶, 份量剛剛好!!餐廳裝修幾靚, 色彩繽紛, 座位之間唔逼, 坐得舒服!等左一陣, 透明小屋tea set就黎喇!!! 屋仔都幾得意, 透明可以望到入面有咩食, 令人一目了然。第一層係甜點, 有兩款啫喱, 杯仔啫喱係五花茶配爆珠, 味道好特別, 第一次試, 估唔到食tea set都可以清熱。另外呢個比堅尼紅莓芝士蛋糕都好味, 蛋糕鬆軟而且比堅尼好可愛!!!第二層係我最愛的咸點!!! 葡式蜆肉迷你法包, 葡汁味濃, 法包比較煙韌, 忠於原味!!大蝦薄脆配牛油果莎莎醬, 大蝦爽彈唔霉, 牛油果醬好好味, 加埋一齊有清新嘅感覺。第三層係另外一層咸點層, 最得意呢係呢層有一個松露拿破崙, 酥皮加上松露配上吉士醬, 咸甜咸甜, 都唔錯!小屋tea set仲有呢個迷人薰衣草鬆餅, 鬆餅真材實料, 加左真薰衣草, 有迷人的薰衣草色同薰衣草的味道。餐飲

今日放工約咗朋友響中環食飯。見呢度食評唔錯，而且之前試過灣仔嗰間，就試呢間啦！呢棟樓N年前weekend / 夜晚我都會黎，咁多年后依家見整棟樓都係食市為主。搭電梯上17樓，開門見個地方幾大。可惜既係啲二人枱響啲角落位，而後面又有啲似裝修咁，搵啲木板圍起咗。Anyways，我朋友肚裏面有多個小人仔，所以我哋要叫多啲野食！因爲大肚婆太多海鮮既唔係太好。所以我哋盡量叫啲肉啲既野食！西班牙黑毛豬火腿薯蓉 $88有六粒，炸咗既薯仔波波。齋薯蓉係ok，好蓉夠香。但就齋咗啲。我另外叫佢哋俾茄汁我哋。如果塊火腿多少少大少少就好啦。烤蝦番茄豆瓣醬意大利麵 $118個面煮得好乾身，每條都夠味道。但係啲蝦唔係特別新鮮，影響整碟既水準。而呢碟除咗蝦冇其他肉，冇其他野搭救，就好似差咗啲野咁。醬燒豬肋骨配炸薯條 $168呢個其實我覺得價錢合理，燒豬肋骨黎講唔錯。肉質不乾有汁。味道不錯！但係最敗筆係啲薯條。又乾又油。乾既程度係要用力咬落去。冇任何一條係裏面軟綿綿。好似返炸咗幾日既感覺。The Devil Eats Oreo Brownie $128呢個甜品waffle 賣相唔錯。包兩球雪糕。我要咗vanilla

小妹本身比較麻甩，真的較少像一個淑女般去high tea，不過好姊妹很喜歡吃甜食，於是就陪她去試試Espuma這個夏日限定的e-House！可以享受美景！很寫意！先點兩杯飲料，我們選了Juicy Tea系列中的凍鮮橙汁茉莉綠茶和凍鮮蜜桃汁茉莉綠茶，我這杯有很香的蜜桃味，還有淡淡的茉莉綠茶香，裏面有打溶了的蜜桃果肉，清新解渴！侍應首先為我們送上薰衣草鬆餅配鮮忌廉果醬，第一次見紫色的鬆餅，很夢幻的感覺！口感很鬆化！透明的小屋，很可愛呢！有三層，一層一層吃！鹹點和甜點各有五款！烤蝦薄脆配牛油果莎莎醬粟米白汁焗青口葡式蜆肉迷你法包蟹子番茄螺絲粉煙三文魚米紙卷我個人最喜歡蜆肉迷你法包和煙三文魚米紙卷，法包好鬆脆，吸收了葡汁很惹味！米紙卷裏面除了有煙三文魚還有蔬菜，口感層次很豐富！蟹子番茄螺絲粉有點微辣，很醒胃！甜粟米吉士撻五花茶凍配爆珠紅莓芝士蛋糕原粒西柚啫喱松露拿破崙我跟朋友都最喜歡松露拿破崙，酥片很鬆脆，有吉士醬，不會太甜！最驚喜的就是那個茶，原來是用五花茶製成的，正好可以降降火！紅莓芝士蛋糕的賣相最精美，有小傘子和比堅尼做裝飾，還有藍色的cream，就是夏日的感覺！蛋糕也很軟！我好像也愛上

今日終於放假啦！我同我男朋友就去左中環食下午茶，嘆番下！最後我地就決定去Espuma到食Tea!一入到餐廳，餐廳裝修都好特別，環境都幾優美，餐廳仲要係17樓，落地玻璃窗外可以望到中環半山區，感覺都幾舒服！我哋就叫咗個Tea set 叫 e-House！價錢都算幾抵架，Tea set來講!仲要包兩杯飲品！薰衣草鬆餅配鮮忌廉及果醬鬆餅好香薰衣草味，好鬆化！我覺得兩種配料都帶出唔同嘅味道！都幾特別之後，重點黎啦！這間透明小屋分左三層，賣相真係幾靚㗎，影相打卡都一流！第一層主要係甜點，各款食物都幾有創意，用咗平時唔會用嘅食材黎做，例如五花茶凍配爆珠，中式嘅食材，加上西式嘅製作方法紅苺芝士蛋糕都整幾可愛，配返夏天嘅主題，仲有一d好可愛嘅裝飾第二、三層主要係鹹點！我好欣賞烤蝦薄脆配牛油果莎莎醬，估唔到隻蝦都幾大隻，仲要係爽口嘅，我醬同個薄脆都好夾！煙三文魚米紙卷都幾好味，三文魚都算係新鮮，配上米紙卷都幾創新！唔到啲餡點都整得唔錯飲品我哋就選擇咗一啲特飲！招牌水果茶配料充足，好多水果，都幾解渴，又健康凍鮮奇異果汁茉莉綠茶呢種配搭我都係第一次飲，味道唔錯，估唔到都幾夾，賣相又好看總括而言，間餐廳環境舒

一聽到中環就會令人想起高檔、貴、懷舊、商業。去中環食一餐晚飯，閒閒地都可能是最低工資的一天人工。但是今次朋友介紹我去了一間位於中環蘭桂坊附近的Espuma，最近推出了一個英式下午茶，兩位只需要$228另加一，除返人頭都只是百多元就可以在中環high tea，絕對值得一試。餐廳面向半山，能夠眺望半山景觀，感覺開揚光猛。我們二人點了一個英式下午茶。薰衣草鬆餅配鮮忌廉及果醬自家製的薰衣草鬆餅有淡淡的薰衣草味道，氣味清新，配上忌廉及果醬，鬆餅帶有甜味。烤蝦薄脆配牛油果莎莎醬墨西哥片上舖上蝦肉及蕃茄蓉，再伴牛油果醬，味道帶點酸，敗筆在蝦肉無挑蝦腸。粟米白汁焗青口青口比較細隻，有點腥，味道一般。葡式蜆肉迷你法包法包比較硬，蜆肉醬配法包，味道幾夾。蟹仔蕃茄螺絲粉有點辣味，螺絲粉軟硬適中。煙三文魚米紙卷煙三文魚很香的燻魚味，外層米紙幾煙韌。甜粟米吉士撻有點似某大型品牌的粟米批的味道，外層塔皮香脆鬆化，非常好味。五花茶凍配爆珠吃不出五花茶的味道，但感覺清爽，不會太甜。紅莓芝士蛋糕蛋糕比較甜，非常鬆軟，紅莓味十足。原粒西柚啫喱西柚啫喱帶點澀味，非常清爽。松露拿破崙 拿破崙非常鬆脆，是眾多甜品中字最好吃的。

星期日和朋友聚會，我們到了位於中環威靈頓街2-8號威靈頓廣場M88 17樓的Espuma，這裡位置可望到中環半山區，這裡環境好舒服，客人都好安靜，適合同朋友來下午茶。這裡下午茶好多選擇，最後我們點一款名為e-House的下午茶因為e-House除了是因為夏季限定外，賣相亦相當精緻，透明小屋仔內一共分了三層，每一層有不同的精緻小食。頭盤是自家製的薰衣草鬆餅，紫色的小鬆餅，外形非常可愛美麗，吃落的味道不會太甜，但就有很香的薰衣草味道。e-House的第一層有甜粟米吉士撻，五花茶凍配爆珠，原粒西柚啫喱，紅梅芝士蛋糕等。每一件都做得好精緻，好好味道，其中西柚啫喱是，有西柚的甜澀味道，很清新，很喜歡啊。第二層有烤蝦薄脆配牛油果莎莎醬，蝦仁好大隻，結質結實蟹子蕃茄螺絲粉，是冷點，酸酸辣辣的，好開胃葡式蜆肉迷你法包，細細個，好可愛。還點了你是女神的特飲，有隻可以的天鵝水泡作裝飾，內裡分開三層味道的奶式，可愛又透心涼，又好味，絕對值得點這個夏日特飲總結：Espuma的e-House下午茶非常有特式，不單賣相可愛，而且味道亦很好味道，絕對值得來這裡和朋友下午茶聚聚。

是日我帶朋友到Espuma食野，這是一間西班牙菜館，看到食物、環境也不錯，決定一試，那兒一帶的都知這大廈入面都是高級的餐廳。門口放滿種種有關咖啡的小擺設，我就認為集合了歐陸菜、東南亞菜和咖啡店於一身～～十分多元化居高臨下，中環半山附近一帶的景色盡入眼簾，坐窗邊超正！！我們２人行，先點了小食SHARE：焦糖單骨雞翼我較喜歡單骨的做法，先將雞翼分成兩半，再加入焦糖煎香，入口可啖啖肉！雞翼烤得很香脆，而且佈滿焦糖，加充滿焦糖的蜜味，雖外表香甜，但內裡嘅肉就保持嫩滑，肉質仍然保持鮮嫩多汁，感覺上這裡的單骨雞翼做得無比既美味。。脆＋蜜味甜，果然精彩，作為小食絕對可以試下，整頓晚餐最愛這個！大推朋友點了黑松露炒鮮雜菌寬條麵$108，我試了一口，黑松露汁夠香，食落好濃味，加埋菇菌炒更香，不會煮得太耐。醬燒豬肋骨配薯條168，大約有七舊左右，  炆得好琳好入味，因此輕易被切開，唔會乾爭爭或者好鞋口。用的係蕃茄燒汁，唔會太濃，不會搶曬豬肋骨的肉香味。底下配有有熱辣辣的粗薯條，點少量茄汁超好食，推薦！我點了玫瑰烏龍茶，果茶與烏龍茶？不知會是個怎樣的混合味道？一喝下去，match得幾好唷，有幾粒藍莓粒粒果肉

某星期天, 男朋友帶去香港區遊車河,就順道來中環區食晚飯。 店以木系裝潢,地方寬敞,具歐陸風味,柔和黃燈光非常舒適。* * *點來特色飲品【第一個人真豬.咖啡】 $45 by Novell 這冰冰的榛子味咖啡,內有粒粒甜酸真爆珠,香濃幼滑好飲,這咖啡是用上盛材料 Novell咖啡豆的製成的！* * *最後選擇Set menu $588 for 2有氣酒 及 紅酒 點少得飲酒....哈哈* * *【精選沙律】 精選沙律有吞拿魚、黑白芝麻封邊的煙三文魚、雞蛋及菜, 放入沙律黑醋份量剛剛好,有淡淡醋酸味, 十分開胃好味！* * *【八爪魚配欖油及柚子醋】 大大件八爪魚,咬上去爽口有口感, 加上柚子醋,令味道更清酸甜,是開胃前菜。* * *(是日早湯)龍蝦湯 及 雜菌湯 龍蝦湯口感幼滑,好重忌廉味,可惜帶點咸。 雜菌湯具濃郁菇香味,口感非常滑香,內有粒粒菇菌咬有咬口感。* * *【雙重香芝士蟹肉薄餅】 上菜時芝士香撲鼻而來，愛芝士的朋友不要錯過 。 這薄餅用上了車打芝士和藍芝士, 仲有鮮甜蟹肉下,薄餅面上還有木魚。 厚身薄餅,食落口感鬆軟,略藍芝士味道比較濃烈蓋晒其他味道。* * *【烤安格