Espresso Alchemy (海港城港威商場)

营业中

休息中

喺OpenRice發現呢間餐廳，跟住就去咗呢度食lunch 呢度環境都唔錯，好有文清feel🤪好舒服～呢度飲食選擇多，我分別叫咗pesto chicken salad,All day Breakfast 同carbonara pasta，嘢飲方面就叫咗一杯iced milk chocolate 同埋earl grey chocolate.📌pesto chicken salad 一睇就知好吸引啦🙈份量好足🤤雞胸肉質非常嫩滑，菜都好新鮮。因為雞胸係用慢煮嘅方式，所以食落去嘅口感係啱啱好📌All day breakfast 入邊有薯仔，腸仔，蘑菇，哈密瓜，牛角包，scrambled egg，煙肉同蕃茄仔😍聽都知好吸引啦！個人特別鍾意牛角包🥐十分之鬆軟同有口感LIKE!📌carbonara呢個應該算係我最最最推薦嘅菜式！係我食過最好食😋賣相已經好吸引，味道就更加不得了喇！食落嘅味道都好香濃，唔會話好淡，食得飽肚之餘又好高質！📌凍鮮奶朱古力& earl grey chocolate 朱古力味好香，絕對係招牌！Earl grey chocolate 上面嘅拉花都好靚❤️搞到唔捨得飲😭呢間餐廳唔止環

今日去海港城行街，搵lunch既時候見到呢間之前係美麗華幫襯過既Cafe 原來呢度都有開分店，記得野食野飲都幾高質，就同細妹入去食下細妹話好肚餓，所以就要左All day breakfast, carbonara 同青醬雞肉沙律細妹讚雞肉好好味，十分有八分，肉質完全唔鞋口，反而好鮮嫩😍沙律菜都勁新鮮，加左Oliver oil同vinegar 調味酸酸甜甜，真心唔錯👍🏻我同細妹都覺得呢個carbonara 好有水準，意粉掛汁，而厚切既煙肉帶有鹹香味，有咬口，推薦！食過好多令人失望既all day breakfast 但呢個唔會，特別係薯仔有驚喜，黑椒調味辣辣地😍牛角包好有牛油香味，加上mushroom, scrambled egg等都令人回味，唯一可以改善係滑蛋可以更有蛋味更香嫩伯爵茶朱古力拉花好靚，仲要勁香朱古力可可味，難怪係招牌

海港城店開咗一排依家先去 環境更靚更chill💛禮拜六晏晝唔算好多人喎 5分鐘入得🥰佢哋嘅咖啡都幾出名 攞過唔少獎(๑•̀ㅁ•́๑)✧假期飲到一杯靚咖啡真係開心😽 黎呢度唔會失望‼️❣️手沖咖啡 Pour Over ☕️ $65終於飲到佢哋手沖🙆🏻‍♀️ 有四款豆可以揀☕️我想飲fruity 推介左Columbia ( ˘͈ ᵕ ˘͈ ) Citrus 味好香 飲到曬形容嘅味好fun😙而且鍾意佢俾埋張介紹嘅卡同咖啡碎俾你聞😛❣️鮮奶朱古力 Ice Milk Chocolate 🥛🍫$47朋友飲嘅呢杯都唔錯 朱古力溶得好好🤤應該真係用一塊塊嘅朱古力唔係用粉♡︎(°´ ˘ `°)/❣️檸檬汁烤雞煙肉意大利三文治 Lemon Juice Marinade Chicken, Bacon and Mozzarella Cheese🥪 $69好耐冇食panini👅 同人share食冇咁悶🤤有芝士同煙肉一定好食😂 雞肉唔會好鞋🐓分量比想像中大 一定夠飽😆👍🏻❣️虎蝦車厘茄意大利飯 Tiger Prawn and Cherry Tomato Risotto 🦐🥘$128最多人推薦 真

突然間諗起大肚婆朋友仔差唔多要生所以約佢食個飯送下啲小禮物佢揀咗呢間餐廳原來係唔可以打電話book嘅一定要Walk in好彩我哋約得早所以就唔使等位不過冇諗過疫情底下我哋食緊嘅尾聲都真係有條龍我哋兩個分別都嗌咗全日早餐唔想諗咁多而且見到呢間餐廳嘅評價都好多笑笑口另外就嗌咗個抹茶鮮奶個全日早餐都非一般首先佢冇茄汁焗豆，我本身就唔係話非常鍾意食茄汁焗豆所以我覺得太好了😌而且有我好喜歡嘅牛油果同埋牛角包😚另外佢嗰個三文治好得意入邊個餡唔知係咩嚟嘅呢我完全冇留意個餐牌但我覺得好好食係一個唔錯嘅All day breakfast 😛不過啲嘢食如果熱少少會好啲

嚟尖沙咀行到攰想飲杯啡就嚟咗呢到坐低，因為怕奶啡太飽就叫咗兩杯齋啡，一杯係凍Americano$40 , 另一杯係Single Origin Brew$30. 同朋友有個coffee break 坐下傾下計吹水呢到都係一個非常舒適嘅地方選擇。

終於有時間去吓Harbour City分店，環境唔錯，座位都比較舒適，適合坐吓同用Desktop工作一會。食物同飲品都多咗選擇，叫咗杯Honey Earl Grey Tea Latte同Pesto Chicken Cheese Panini，略嫌伯爵茶較淡，奶味重，但玻璃瓶可以作保温用，設計比較貼心。青醬烤雞Panini就沒有驚喜，中規中矩。𝑃𝑟𝑖𝑐𝑒: $111 (𝑃𝑎𝑛𝑖𝑛𝑖 $69, 𝐿𝑎𝑡𝑡𝑒 $42)𝑅𝑎𝑡𝑖𝑛𝑔: 6/10𝐿𝑜𝑐𝑎𝑡𝑖𝑜𝑛: 𝐻𝑎𝑟𝑏𝑜𝑢𝑟 𝐶𝑖𝑡𝑦, 𝑇𝑆𝑇

又嚟海港城shopping諗起呢間好坐又好食嘅coffee shop今次過到嚟 少人過上次好多可能因為啲coupon未到期大家唔洗急住用啦😂啱晒 可以靜靜地傾下偈慢慢食伯爵朱古力好得意嘅配搭 飲到朱古力味但同時又有茶味 兩樣一齊原來幾夾喎蜜糖伯爵拿鐵面頭一層厚厚嘅奶泡倒完落杯仲keep到 好滑好順喉甜味完全來自蜜糖感覺天然健康啲近排少食菜 叫個沙律先呢度嘅沙律一向都大堆頭一盤滿嘅沙律菜 仲有五大片煙三文魚 夠晒健康 做個飲食均衡嘅寶寶蘑菇芝士意大利飯好濃嘅菇味 芝士味平衡唔會太勁意大利飯好好咬口虎蝦蕃茄辣意大利粉好惹味 虎蝦3大隻勁爽口坐左兩個半鐘 勁好hea嘅餐廳👍🏻

之前仲係尖沙咀返工果陣 已經食過幾次😛近排見好多人去打卡先知依家開佐咁多間分店平日夜晚去都唔算好多人.餐廳架調以紅白色拱門同大理石為主簡約得黎都幾型格 唔怪得知咁多人打卡🤭採用自助點餐形式 分開佐兩邊 一邊係點餐區 一邊係用膳區Menu有burger🍔三文治🥪pasta🍝除佐有多款咖啡☕️ 仲有幾款特調飲品～.▫️青醬雞肉忌廉長通粉 $95😋👍🏻：👅👅👅.6/5分比佐滿滿青醬 一啲都唔dry 香草味好香同忌廉味好重 仲落佐芝士粉 食落好creamy🤤雞肉都好多件大大片 食落好嫩～.▫️自家製香草牛肉漢堡🍔伴黑松露沙律醬 $118😋👍🏻：👅👅.8/5分好鬼大個!!!個牛食落帶少許香草味 但煎得耐佐少少所以略乾 無乜肉汁🥲 同勁多沙律菜😂 比例上有啲唔岩不過個包咬落都幾鬆軟 同有黑松露醬同芝士加持 整體都算合格 但有埋薯條會比較加分🙈.▫️西多士伴鮮漿果雪糕配楓糖漿 $69😋👍🏻：👅👅👅/5分想食French toast好耐!!表層金黃色 外脆內軟 都食到有焦香味切開中間仲搽佐層鮮果jam 外層有得簡配楓糖或者焦糖漿個人覺得楓糖好似無咁甜🙈雪糕係古古力 好快溶所以快啲食😛但覺得整體唔算太特別～.▫️

海港城這家coffee shop位於比較靠近中港城的位置人流較少可以慢慢吃 過個悠閒下午iced cappuccino朋友點的 很漂亮的漸層效果earl grey chocolate香濃朱古力味中夾雜伯爵茶的清香salmon salad多款沙律菜 火箭菜跟三文魚很夾tiger prawn pasta虎蝦爽口 蕃茄醬帶點微辣chicken pineapple burger太大個 要解體來吃雞扒皮脆肉嫩 配搭原片菠蘿夠清新french toast雖然已經很飽但不得不點這個海港城店獨有的甜品兩片法式吐司 中間夾著果醬 甜甜好滋味

餐廳分開兩邊, 近點餐位置有少量座位, 其他座位則集中在另一邊。喜歡餐廳裝潢, 舒適優雅。外望街景本應感覺悠閒, 唯車來車往時所產生的震動和聲浪, 令人感到有無形壓力, 不自覺有趕時間的感覺。Lunch Set 選擇不少, 有risotto, pasta, burgers, sandwiches, panini, salad等選擇, 配上單品咖啡, 沒有加一, 值得一試。Lunch Set $1231) 香煎虎蝦配蘆荀辣蕃茄汁意粉2) Regular Size Single Origin Brew Coffee店員介紹了他們的單品咖啡,感覺一試無妨便點了。對於一個對咖啡一竅不通的人, 說不上有甚麼點評, 只能提供一個自家感覺。喝著喝著感覺咖啡味道不濃, 有點涼茶的味道, 有點香味, 有點fruity, 質感silky。香煎虎蝦配蘆荀辣蕃茄汁意粉賣相仍需努力。大大碟意粉怎會得一隻虎蝦咁少? 視覺上令食客極為失望, 原來虎蝦總共有3隻, 何解要把另外兩隻虎蝦收藏於意粉中? 虎蝦肉質爽口, 蘆荀爽口但份量略少。意粉份量多, 有咬口, 蕃茄汁味道濃郁, 微辣開胃, 味道吸引。

見哩間cafe 有好幾間唔同分店，一直都好想去試下。今次就揾埋朋友仔一齊去海港城入面哩間低調奢華雲石風嘅cafe. 我地2 點幾到，位置都好充裕。🍔香草牛肉漢堡伴黑松露沙律醬個burger 超級大個，雖然佢跟無任何薯條或沙律。但係burger 之巨大，一個人要食曬都有d 誇張🤣 個包脆脆的，牛肉味道濃郁，再配埋我最愛嘅黑松露醬汁，勁多菜，芝士🤤🤤真係一流👍🏻 🦐虎蝦車厘茄意大利飯 虎蝦都有番咁上下size , 香香酸酸嘅汁令人食指大動☺️本身以為哩間cafe 只係咖啡出色，原來連野食都咁好食，好有驚喜👍🏻☕️Latte ☕️Mocha 2 杯咖啡都有靚靚拉花。好岩打卡☺️🥰

今日陽光普照☀️好適宜出街走動一下～所以特登早少少同寶寶出來搵間cafe hea 下☺️順便行街買下野刺激經濟😆最後揀咗呢間超人氣、多好評嘅cafe — Espresso Alchemy❣️Cafe嘅位置唔難搵，就在開業時曾經風摩全港嘅cheesecake factory 隔離💕坐喺店入邊可以享受到繁忙嘅街景➕少少自然光✨淨係坐喺度已經覺得好relax🥰半開放式嘅店面設計同裝修都俾人華麗簡潔的感覺，同時乾淨又舒適 👍🏻雖然Cafe位置係海港城咁貴租嘅商場🙈但同其他分店一樣都係免加一🤩在counter 落完單、俾完錢後，就可以吱吱悠悠坐喺度等店員上菜🤓厚切意大利煙肉配卡邦尼意粉 $95賣相非常吸引🤩口入都好creamy 🥰Pasta 嘅質感同出面嘅pasta有d 唔一樣😲食落唔似平日食意粉嘅質感，佢哋呢種係軟身少少嘅～而煙肉就比平時吃嘅厚而且新鮮好多，絕對唔係超市$5x有10多片的貨色❗️味道相對鹹dd但唔會過鹹，同呢個質地creamy嘅意粉起到中和作用，食落幾balance💕整體份量仲岩岩好，唔太多又唔會少👍🏻火雞胸蕃茄三文治配希臘乳酪醬 $85勁大份呀😳三文治入面夾咗生菜、多種沙律菜、蕃茄，

The skies were grey, lightning shooting through the sky. I was coincidentally next to a coffee shop, Espresso Alchemy. I was so happy, there was a place for me to wait for the rain to go out. when I stepped in the coffee shop, I saw a some nice green and red furniture. it was pretty nice and tidy. when I sat down. I heard a very light squeaking noise and felt a little pressure on my foot. I looked down, I saw a hairy grey rodent looking at me. it has grey sharp dirty black claws, with bright red

除咗精品咖啡，都有輕食、沙律、主食同飲品，weekday仲有lunch set供應。香煎虎蝦配蘆筍辣蕃茄汁意粉 ($123)虎蝦大隻厚肉，入口爽彈；蘆筍口感爽嫩。意粉軟硬適中，味道酸中帶辣，惹味開胃。Flat White (+$10)拉花精緻，奶泡細幼，咖啡味香濃突出。Bailey's Chocolate ($68)熊仔拉花好可愛，將Baileys同朱古力融合，入口散發住香濃嘅Baileys味，味道香甜醇馥，口感幼滑。

呢間Coffee shop由佢喺美麗華開始我已經經常去，早半年連海港城都開分店，有多一個地方可以飲杯咖啡啦！佢哋嘅咖啡好飲之外，吸引之處一定要睇吓佢個青醬雞胸沙律！超級大份量，間唔中就會心思思，想去食😍 雖然我哋兩個人食好似好多咁，但絕對可以食得晒😋每樣煮食都好想食，除咗揀咗青醬雞胸沙律，仲叫咗份檸檬汁烤雞煙肉意大利三文治、洋蔥牛肉三文治！檸檬汁烤雞煙肉意大利三文治三文治用鐵板壓烘而成，三文治裏面嘅清香嘅檸檬雞配埋煙肉，非常多汁， 配埋香脆嘅三文治，無論早餐午餐定晚餐食都好啱！洋蔥牛肉三文治牛肉用咗肥牛做食材，與洋蔥炒得香口不膩，用來做三文治估唔到又幾夾！超級鍾意青醬雞胸三文治一睇呢個份量已經好吸引！雞胸肉以慢煮方式去烹調， 肉質非常嫩滑，滿足又飽肚！特別鍾意佢嘅辣椒乾 唔辣又惹味！Latte嘅味道唔錯，奶香又唔會蓋過咖啡嘅味道！最特別嘅佢而家有個單品豆咖啡！幾fruity