Espresso Alchemy (海港城港威商場)

营业中

休息中

😗有時係尖沙咀想靜靜地飲杯咖啡，但又唔知有咩新地方，而家有個好地方可以去喇！Espresso Alchemy最近開左間新店係GATEWAY，圓拱外框設計係打卡必到位置，影相時稍為避免玻璃反射就靚晒，好有歐陸氣息呀🥰👧🏻CACA今次食乜野：🍴Pasta Carbonara卡邦尼意粉-呢個CARBONARA非常CREAMY，每一啖都食到香濃芝士同蛋黃醬嘅香滑滋味，配料仲有香口嘅肉粒，比起用煙肉更美味呀！🍴Tiger Prawns Risotto虎蝦意大利飯-酸酸地嘅醬汁拌意大利飯非常MATCH，而且好開胃，虎蝦亦好鮮甜彈牙。🍵Matcha Latte-呢個係CACA必飲TOP 3，抹茶夠晒濃厚，好高質呀！🍫Milk Chocolate-香滑朱古力都一樣喜歡，要凍架>.<

長假期無得去旅行，唯有在香港relax一下，食返個西式午餐，當自己去左外國咁。呢個位於海港城地下嘅espresso alchemy，旺中帶靜，可以靜靜地歎一下，吹下水。揀左個細細卡位，自成一角，又唔會太嘈。先來一個輕食青醬烤雞三文治, 一邊食一邊傾計. 雞肉好嫩, 蕃茄好fresh，面包烘得外脆內軟，越食越肚餓‧。雖然呢度既咖啡好出名，但怕飲左咖啡後會變成夜更看更，所以都係叫左杯Earl Grey Choclolate 同埋Honey Earl Grey Latte。估唔到除左咖啡以外，其他飲品都沖得好正。伯爵茶的香, 奶的滑, 蜜糖的甜配搭得恰到好處。越食越肚餓, 結果再叫多份虎蝦蘆荀辣番茄汁意粉同埋牛肉漢堡。意粉少少酸少少辣好惹味, 好開胃。牛肉漢堡好juicy。在呢個恬靜既環境, 享受左咁好美味既食物, 跟久未見面既朋友促膝長談, 為沉悶的抗疫生活帶來一點樂趣。

地點就腳既小餐廳，一同三人化身大食積😂睇到餐牌乜都想食，叫咗三個主菜，一個甜品，三杯野飲，竟然我哋又可以食得曬😄👉煙三文魚意大利飯👉 香煎虎蝦配蘆筍辣番茄汁意粉👉自家製香草牛肉漢堡伴黑松露沙律醬👉 西多士伴鮮漿果雪糕配焦糖漿☕ 伯爵茶鮮奶巧克力…………整體嚟講都幾好食，坐得都舒服，環境衛生都好，出餐速度都快，…………

今日放假同先生想食好少少，又行下街，就嚟咗海港城🙋🏻‍♀️🌸搵咗一輪，畀呢個店嘅裝修設計吸引咗，就決定入去試吓啦！呢間餐廳係奉行先點餐後入座嘅安排。喺櫃位點餐之後，餐廳會比號碼牌你，之後就會有職員送上食物啦😊👍🏻我入座嘅時間，大概係下午1:00 ，估唔到呢個時間竟然冇乜客人，幾乎唔使等位可以直入😆不過留意番，如果有食嘢嘅話，用餐時間就係90分鐘。飲嘢的話，用餐時間就只有60分鐘😯💜Piccolo 好飲！真係值得一讚，咖啡香味十足，拉花都好靚，影相一流👍🏻👍🏻👍🏻💜Hot Earl Grey Latte個人覺得伯爵茶味偏淡🤔但係喺奶香之中又飲到有淡淡地嘅茶味，都算幾特別☺️💜青醬雞扒沙律真心好鍾意呢碟沙律，飽肚得來，又唔會覺得好肥膩，青醬雞胸肉仲好鮮嫩😊👍🏻👍🏻👍🏻💜Carbonara好食，厚切煙肉勁有口感，醬汁濃度剛剛好可以充分掛喺麵上。不過女生食可能會覺得偏膩，同人share就最好☺️😆🎈💜French Toast 配Salted Caramel 超！好！食！呀！真心呀🌸💯味道層次豐富，配埋雪糕冷熱相融非常出色👏🏻👏🏻整體而言，呢間餐廳水準非常高，咖啡同食物都好得，價錢算抵！今次兩個人嗌5️⃣

今天天氣不錯 ，20幾度，陽光普照,微微涼風，約會友人一起午餐，談天說地⋯⋯開心，食飽飽，當然要運動吓😀去逛逛街，行吓商場，下午 2:00 多，有啲疲勞，揾個地方座座 休息途經海港城 Espresso Alchemy ☕️ 餐廳裝潢, 簡單 舒適, Menu: 咖啡、茶、輕食、意粉、三文治... 等等🤗Blueberry 🫐 Bread $32藍莓多多，香脆合桃 果仁，口感不錯French Toast $69 with fresh berries and ice cream Maple syrup 😋細細件 三角形多士，賣相好靚喎，藍莓、士多啤梨🍓，甜甜香滑vanilla雪糕、jam酸酸哋Cappuccino (Large) $43選擇了大杯，完美拉花，味道香濃，醒神杯子圖案獨特設計👍 玫瑰金色小🥄，夠搶眼🤗結束完美的一天，bye

之前同朋友嚟過呢間Cafe食晚飯，對佢哋嘅品質好有信心，今日尖沙咀呢頭做野，想嘆下lunch就即刻諗起呢度lunch set會包一杯咖啡，我哋就+$10轉伯爵茶鮮奶朱古力 ，和+15 轉凍宇治抹茶鮮奶～第一次飲有花嘅朱古力，店家心機之作😍，兩者都茶味香濃，好特別！虎蝦車厘茄意大利飯～ 三大大隻虎蝦喺上面，望落已經非常吸引，食落夠大隻爽口，而且蕃茄用上車厘茄，令個意大利飯特別香甜，外面普遍嘅意大利飯都係比較硬身，我就鍾意軟身啲，所以特別要求😄，今次煮出嚟個飯口感啱晒我👍👍烤雞菠蘿漢堡配檸檬乳酪醬～食落個烤雞比較乾身，好在有檸檬乳酪醬去配搭👍，個醬juicy得黎，酸酸地好清爽開胃。旁邊配搭嘅薯仔夠熱，都幾辣，食唔到辣嘅朋友，記得要特別同店家講走辣粉哦！原本想試呢款海港城全日早餐，今日太遲黎😅居然賣晒，下次早少少先得。

海港城呢頭，一直都係尖沙咀嘅覓食好去處，今日兩個寶寶陪媽咪行街街，咁乖乖😊Shopping前，同佢哋食返個豐富嘅lunch先💪🏻Lunch Set:✨厚切意大利煙肉配卡邦尼意粉～一直食開嘅煙肉都係薄片，第一次食厚切嘅，原來係咁juicy😍肥瘦適中，仲帶點爽口添，好特別。卡邦尼汁比較杰身，意粉係屬於幼身圓形嗰款，好上汁，食落特別香濃！✨煙三文魚沙律配檸檬醋醬～非常大碟，五大件煙三文魚配上新鮮嘅羅馬生菜＆火箭菜，靚媽我好鍾意，keep fit中嘅我，又可以放膽食🥰今日嘅Daily cake係 藍莓🫐蛋糕～係店家每日鮮制，質地夠濕潤，寶寶都鍾意❤️Set lunch仲會送埋Daily coffee添，性價比超高👍👍

星期六居然要OT,個人真係好灰，一放工即放去海港城間Espresso Alchemy 暵下咖啡輕鬆下真係好肚餓，左揀右揀burger 最大個最飽肚個黑松露醬超好味，好香黑松露味生菜超多，好似沙律咁多個牛肉好正，又厚吾會過熟，岩岩好，好軟熟個芝士溶溶地好正檸檬汁烤雞煙肉意大利三文治 個包熱辣辣好脆，芝士溶係雞肉同煙肉之間配一杯mocha ，好濃郁朱古力味，咖啡味勁香，不愧係出色咖啡店自助形式落單，所以免加一，抵星期六下午都好多人，好彩吾洗等位Open area ，坐得都幾舒服

星期六朝早心血來潮同朋友食個brunch, 之前都想試呢間Cafe，今日終於有機會，仲要好好彩可以坐到圓拱形雲石打卡位😆一間Cafe嘅質素好多時都可以係飲品反映到，我哋分別點左鮮奶朱古力同宇治抹茶鮮奶，兩杯飲品嘅拉花都好靚，飲落去唔會太甜，鮮奶味道同比例調校得恰到好處，唔會搶咗朱古力同抹茶嘅風頭，的確唔錯👍🏻主菜厚切意大利煙肉配卡邦尼意粉亦非常高質！餐廳用嘅意粉比一般嘅較粗條，但煮出嚟非常爽口，配合夠creamy嘅汁，同厚切嘅煙肉，又係值得一讚😇最後西多士伴鮮漿果雪糕配自家製焦糖醬都令人難忘👼🏻西多士炸得好好，唔會太乾身，又唔會好油⋯⋯個自家製焦糖醬非常出色，帶少少海鹽味唔會太甜，鮮漿果雪糕微微帶酸好清新，佢哋兩樣點西多士一流！一道甜品可以有咁多重複雜嘅配搭，仲要好食，真心要俾個like廚師👨🏻‍🍳呢間Cafe唔使加一，我同朋友每人都係百零蚊左右，可以坐喺度慢慢享受高質嘅食物，感覺物超所值♥️

咖啡是提神的飲品 亦是一種生活享受☕️在海港城新開的Espresso Alchemy環境舒服寧靜 店子選用了亞洲 中美洲 非洲等地的頂級咖啡豆 無論你是專家或是門外漢 相信都難以抵擋那醇厚的咖啡香💆🏻‍♀️店員亦會根據客人的需要耐心有禮地介紹不同的咖啡 服務質素很不錯.青醬雞扒沙律不失為醒神開胃的前菜🥗雖然雞肉未至於十分嫩滑 但肉質厚實中帶點爽口 配以大量沙律菜 是健康清新之選 另外自家製的牛肉漢堡份量很足 牛肉味道則不過不失 如果配以少許薯條點綴相信會更豐富🍔

🥃Baileys Chocolate $68一打開menu就見到呢杯嘢飲諗都唔使諗就order咗飲第一啖就知賴嘢(飲酒唔叻🙋🏻‍♀️好重手呀🤯好勁酒精!!一入口係酒味 然後係好濃baileys香味 撞朱古力嘅甜可能因為杯嘢熱 酒味真係特別重其實味道真係好唔錯 但飲酒唔叻嘅人要三思唔好日光日白成塊面紅哂咁行街🥲如果你鍾意baileys 呢杯好抵飲😆特別鍾意佢嘅裝修同環境 加上因為咁啱冇乜客 坐得好舒服😌

尖沙咀有兩間分店，今次去新開的分店位於港威商場地下，位置差不多到中港城那邊位置，環境都寧靜而且舒適。-煙三文魚意大利飯煙三文魚很足料，份量也很多，加上有點咸香，胃口大增，至於意大利飯口感適中，加入了忌廉令整個意大利飯口感倍增，更加濃滑。-虎蝦車厘茄意大利飯大虎蝦的肉質很爽口並且鮮甜，至於意大利飯用上車厘茄烹調，車厘茄的微酸之中帶微微的辣味，而且整個意大利飯口感煙韌，煮得很creamy，既開胃又惹味。-Homemade Loaf Bread - Banana Bread這款banana bread 標榜係自家製，真的與出面有點不同，厚切的香蕉蛋糕甜度適中，口感軟熟，帶點濕濶，很香的香蕉味，配上一杯咖啡，更加好吃。-Flat White這一杯Flat White 入口很順滑，咖啡味比較濃，而且質感重，拉花也很美其實澳式Flat White同意式Latte的分別，基本上成份一樣，只是牛奶份量有分別，Flat White 的奶比例比Latte少，所以espresso味會比較重。-整體來講，價錢合理，份量也很足夠，店員也很細心有禮，高CP值的餐廳。

今次係第二次嚟食，上一次食完之後覺得佢幾好食就一直想返嚟再試其他嘢食🤤咁啱今日行過海港城，而且仲未有人等位嘅時候就決定食佢啦！今次我哋兩個人分別叫咗一個意粉同埋一個漢堡包再加兩杯咖啡☕️叫咗一個香煎虎蝦配蘆筍辣蕃茄汁意粉$123成個意粉係非常之香同埋顏色係幾吸引同埋開胃！退虎蝦係剝咗殼嘅，非常方便我呢啲懶人食🥰雖然話係辣汁番茄但係我唔係覺得好辣，主要都係蕃茄味比較重！我覺得佢嗰個意粉汁唔會太氣又唔會太夾，啱啱好令到個意粉都幾入味👍🏻👍🏻牛肉漢堡 $118 係配黑松露沙律醬，我覺得像嘅份量剛剛好不會太多，切開個漢堡包嘅時候唔會啲醬彈到周圍都係！至於個主角牛肉扒我覺得還好😳唔係好Juice但係配埋麵包同埋其他生菜蕃茄嘅時候都唔錯

今次來到海港城的Espresso Alchemy連環境都係igable 走復古風💯有圓拱形頂的窗口位可以打卡😍Salmon and Avocado Salsa with Salad and Toast $85卷成花形的煙三文魚盛載著牛油果他他，旁邊有兩大片多士。再有沙律菜作伴。牛油果他他質感軟滑，味道酸甜。將他他塗上穀物多士，口感層次更豐富。Spaghetti Carbonara with Pancetta Affumicata Bacon $95濃郁的醬汁掛在意粉上，入口充滿蛋黃和忌廉香。配上有口感的麵條覺得剛好。吃完也不會膩。Honey Earl Grey Latte $42打卡必備💯 上盤設計精緻，親自將Latte倒出來，散發淡淡Earl Grey香氣，暖暖的溫度，入口順滑。Banana Bread $31見到收銀處有一盆盆焗好的蛋糕，我點了一件香蕉蛋糕。店家會切一片，然後烘熱才端上。蛋糕內保持濕潤，香氣濃郁。

已經第五六次嚟呢一間舖頭食🥳黎咁多次食物水準都好穩定💁🏻‍♀️今次食都仲有驚喜，真心覺得呢間Cafe唔錯唔錯🥳而且環境都keep住一樣好乾淨，非常之推介♥️▫️ 【自家製香草牛肉漢堡配黑松露沙律醬】⭐️強烈推薦⭐️上一次都食過呢一間嘅漢堡，今次試吓另一隻口味～估唔到呢一款香草牛肉漢堡同烤雞菠蘿漢堡一樣都咁好食😍香草牛肉漢堡好厚身，食落散發淡淡的香草味，咸度適中，肉質肥瘦均勻，再配上外脆內軟嘅漢堡包，真係好好食，而且仲加咗好多爽甜洋蔥絲，再加配搭埋黑松露沙律醬，真係幾好食！推介～～ ▫️ 【美國牛肉洋蔥青椒磨菇三文治】份量勁多又大大碟既Panini ，除左沙律，佢連入邊d肥牛都係爆多，而且仲有洋蔥、青椒絲等等配菜，口感都幾豐富，呢個真係要襯熱食，如果唔係個皮就唔脆嫁啦！以$79黎講，係唔錯～▫️【香煎虎蝦配蘆筍辣蕃茄汁意粉】😍賣相好靚，虎蝦大大隻，爽口啖啖肉，蕃茄醬汁口味屬於偏甜少酸個種，再配埋露荀成個感覺好似好健康好低卡，好彩露荀無渣，如果唔係我一定反白眼～整體都okay既！【Cappuccino / 桂花龍井熱茶】Cappuccino味道好香，奶味濃郁，唔錯！另外，桂花龍井熱茶都幾好飲，飲落好舒服