E Molto Buono (已結業)

生日月，一連串飯局開始，不過我無乜心機寫，出住一篇先，多謝各位咁有心機睇到尾，感激🙏E molto buono 👅食物：❤❤❤❤(不包括甜品)大部份野都幾好食，最值得食既個人嚟講係啲麵包，真係好脆又夠熱，可能岩岩整起既原固，好好味。半隻龍蝦，雪芭，龍蝦湯都好滿意，甜品麻麻，有餐茶但我另外叫咗咖啡，因為頭兩樣之後就係咁要等，等到好眼瞓所以叫，咖啡一般。份量：❤❤❤正常份量，但有兩個前菜(半隻龍蝦同蟹肉Tartare)，麵包仲另外叫咗生蠔，所以都幾夠飽，加上食完龍蝦後每道菜都等20分鐘，等到好眼瞓，超飽。環境：❤❤❤❤幾舒服，餐廳入面擺得幾靚，燈光暗暗地，音樂幾好，氣氛幾好，所以更加眼瞓，不過全店滿座，所以上菜較慢，其實其他地方可以既，3個鐘食一餐好多法國菜都係，只係香港步伐太快，我每日工作太攰，環境配合得太好所以啲攰走出嚟啫。抵食：❤呢樣無辦法，臨近情人節邊度食西餐都貴，不過我比多200-300可以去五星酒店Fine dinning，不過都係要食3個鐘。。。。服務：❤❤❤❤幾好，侍應好有禮貌，有個好有笑容問我哋邊樣好，有咩意見，又解釋下點解佢哋咁做，好有耐性。👍#emoltobuono

位於時代廣場附近的E Molto Buono，位置不太起眼，在一條舊街上，不過跟著地圖來都會很易找到的。餐廳名字很特別，「E Molto Buono」是意大利文，是非常好的意思，十分有意思的名字。入到餐廳，跟外在的環境形成一個對比，餐廳環境走高檔格調，地方不太，柔和的燈光，甚有氣氛。對著繁榮的時代廣場，享受三個多小時的浪漫晚餐。餐牌上六道菜的選擇，前菜及湯只有兩個選擇，可以同朋友各要一款，不用多選，只要想主菜要哪一款就可以了。餐前包包：有三款麵包，包括香草包，墨汁芝麻及芝士脆片。墨汁芝麻較為特別，充滿墨汁味，十分鬆軟。香草包軟綿，陣陣香草芳香配上辣肉腸南瓜醬，十分可口。芝士脆片，芝士味濃郁，口感香脆。麵包醬：自家制的香草茄子醬及辣肉腸南瓜醬，另外亦有黑醋加橄欖油。當晚星期三是oysters night，$198有半打生蠔。Scottish Rock：來自蘇格蘭的蘇格蘭石蠔，養殖於冰冷及清徹之蘇格蘭沿岸海灣，蠔殼薄及蠔身肥大，富有彈性口感。金屬味較重，帶一點CREAMY，入口即溶。Krystal：來自法國的水晶生蠔，帶子位大而爽口，蠔身亦特別肥厚，口感Creamy，海水的鹹味與生蠔的鮮甜

常聽說《人生七十古來稀》，能夠與自己所愛的另一半共渡八年光景，甜蜜的行過人生十分一時間，實在十分感恩。為了令女友人感受我對佢的愛，我特意找了一間浪漫的法國餐廳「E Molto Buono」與她慶祝我倆八年的週年紀念日。餐廳位於鵝頸橋旁的大廈二樓，從窗外看可以看到堅拿道天橋車如流水的景象，別有一番風味。由於生蠔有買一送一優惠，所以我們叫了半打生蠔品嚐，分別有三款 - 蘇格蘭Scottish Rock，法國Krystale，法國Ancelin Speciale。Scottish Rock：入口順滑，帶有點點creamy，蠔味適中，鮮香甘甜及少許礦物味 肉質肥厚超爽口,味道層次豐富。Krystale：口感爽脆，濃郁的海水味但不失鮮甜口感與蠔肉的鮮味極為突出，餘韻極長。Ancelin Speciale：濃郁的海水鹹鮮味，但咬破蠔肚之後會覺得清甜爽口，裙邊和蠔身比較爽滑彈牙，回味甘甜。餐前麵包各有特色，墨汁芝麻外脆內軟，芝士脆片滋芝味濃郁香脆可口，香草包香草味道濃郁，配上兩款自家製麵包醬 - 香草茄子醬及辣肉腸南瓜醬享用，更加好味。法國煙鴨胸牛油果鮮蕃茄酥皮塔：煙鴨胸的濃郁加上牛油果鮮番茄沙律的

因為週年紀念，總是覺得要食餐好既慶祝一下！左搵右搵，想搵間無咁嘈，食飯又有啲特式既菜式餐廳，最後揀咗銅鑼灣既呢間法式私房菜。呢度環境一流，又唔嘈，而且地點都算易搵。熱愛生蠔，所以見到買一送一，不能不食！先黎食咗一款Scottish Rock，HK$88一隻，口感滑溜，唔會太重海水味。再黎第二款，都係HK$88一雙，叫Krystal，法國蠔，稍作濃味少少，口感會爽一啲。最後是GilladeauHK$98 一隻，也是我的最愛。話明週年，當然要飲下酒先滿足得到。呢度單係前菜既包款，就有四五款。最為特別的，係佢既醬，有香草茄子醬，以及辣肉腸南瓜醬呢～～～ 有啲中東Feel的醬料，但又出奇好食！款款面包都好好食呢～～Starter方面，很喜歡呢個好精緻的阿拉斯加皇帝蟹腳沙律配椰菜花慕絲。單是個樣就覺得好鬼靚！佢既皇帝蟹腳拆肉起絲，份量足量到爆！食起上黎啖啖蟹肉好滿足！而個底係椰菜花做成的慕絲，口感都好滑溜。法國煙鴨胸牛油果蕃茄沙律酥皮塔，想不到做到一層層的感覺，食起黎更有層次感。一定要塔配酥皮一齊食，先有驚人效果哦～湯方面，點了這個鑽石蜆配煙肉菠菜忌廉湯。想不到蜆都幾足，蜆肉味既鮮與菠菜忌廉混合

最初對這間餐廳頗好奇，原因是食物的種類不算多，但在這裏讚的人卻很多。所以跟好朋友慶祝生日也來這裏看看，試試他的真功夫。平心而論，來到這裏的時候，是早到了半小時，他們不讓我進來，說要6:45才能進去的時候倒是有點失望。正常人來用餐，尤其是銅鑼灣這個超級塞車的地方，其實要欣賞客人提早到達，而不是遲到。所以這裏是應該要改善的地方。因為餐廳的四周都沒有地方逛，要客人配合用餐前15分鐘才到達，這無疑是有一點令人難堪。到了用餐時，喜出望外了，食物的質素異常地高，那些餐前的麵包，鬆軟又香，我吃了兩籃，那些湯那些沙律都是非常高的質素，坦白說，未去到主菜，我們已經幾乎飽了。生蠔是買一送一的，大部份都是2號的尺寸，入口爽而有海水味，非常新鮮，價錢不算昂貴，當然，相比起專業的蠔吧，這裏欠缺的是將味道淺至濃的生蠔排序，讓客人吃時有更好嘅感受。整體來說，這裏的服務是完美的，餐後的花茶亦都非常好喝，價錢亦都不算貴，整餐用上了三個半小時，推介！

老套說句「人生有幾多個十年？」, 能有八個多的十年, 真的不容易, 絕對要為老爸的生日作好準備。近幾年, 我也會安排一間蠻有情調的餐廳跟他Fine Dining, 二人撐枱腳, 浪漫一番。浪漫？？不是應該跟情人嗎？為何是老爸？無錯！我最重要的情人就是他。餐廳是樓上舖, 一出升降機門便看到一塊印有四款葉子的大招牌和餐牌。甫進店內, 燈光柔和, 每枱點了小蠟燭, 滿有情調, 絕對是情侶來燭光晚餐的好地方。餐廳以深啡色為主調, 地方不算大, 近門口一處設有一個水吧區, 以及有三張四人枱。慢慢踏上一級小台階, 設有數張二至四人枱, 該處更寧靜浪漫。最喜歡還有一個小露台, 站在這裏吹吹微風, 讓人透透氣, 很舒服。坐近大型的落地玻璃窗旁, 對着車來車往的繁華鬧市, 但卻身處一個寧靜寫意的餐廳內, 感覺很特別。在餐廳內, 放下緊張心情, 放慢動作。慢慢細看餐牌, 設計清晰簡約, 六道菜晚巿套餐價格由$698-$768, 視乎所揀選的主菜品。******************************慶祝生日當然要飲返杯盡興一下, 但我倆都不勝酒力, 故點了較清新的 Basil Lime Breez

Romantic, calm and great place (but not for the road view), kind team and excellent dinning.

黎緊聖誕節要出TRIP，雖然一早知會左另一半，但黎到年尾最後一個大節日仲要唔係佢身邊，點都要有返啲行動作為感謝對方為自己過去一年嘅付出，所以一早BOOK定枱同佢慶祝。因為早到關係所以獲安排坐窗口位，一邊進餐一邊享受行車街景，舒適環境已經加分不少。因為FULL COURSE MEAL共有六道菜,所以我地都放慢節奏，仔細享受屬於我地嘅燭光晚餐。聽完店員細心講解晚餐嘅內容，就拜託佢推薦兩杯配合晚餐嘅餐酒同食，自問唔係咩識品酒嘅人士同埋另一半酒量都淺，但兩款都幾易入口而且同菜式味道幾夾，另一半尤其鐘意杯Champagne Cocktail，店員哥仔應記一功。最先係呢度嘅自家製餐包：芝麻竹炭包／香草法包及芝士脆片。前兩款軟硬適中，又唔會太乾身單食味道十分討好，點上香草茄子醬就更好食。而脆片本身卜卜脆又帶點咸香，最啱同辣肉腸南瓜醬一齊食，微辣甜味道十分惹味。因為知道生蠔做緊買一送一優惠所以都點左三款各有濃淡口味嘅黎食，同另一半SHARE黎食啱啱好。三款生蠔分別係SCOTTISH ROCK($88)/ ANCELIN SPECIALE($88)/ GILLARDEAU($98)。當中最喜愛係法國蠔后

香港人做任何事都最緊要快! 平時趕返工, 趕食晏, 令人精神緊張。今晚相約一位多年冇見既舊同事出來聚, 特意揀左一間餐廳食"法國菜", 可以慢慢食, 同埋Relax一下緩和生活既緊張情緒…餐廳內環境昏暗, 很有浪漫氣氛, 餐廳面積不大, 坐近窗邊更可以看到天橋上既車來車往。呢度既menu只有一頁既套餐選擇, 而飲品就分別有非酒精同無酒精兩份menu。食法國菜唔一定要飲紅酒, 呢度既無酒精飲品都很有特色, 部分飲品從意大利入口, 暫時係香港未有得賣。而我就揀左【Strawberry nectar】HK$78, 呢杯飲品不是餐廳調教出來, 而是一支裝飲品倒出, 出產地為法國。飲落非常杰身, 甜甜地又帶少少酸, 濃而不會過甜。先來一籃handmade麵包【Handmade Bread and Chef Special Bread Paste】分別有芝麻包、芝士餅同埋香草包, 再配上三款醬, 可因個人喜好點黎食。醬汁有香草醬（帶少少鹹）,辣肉醬（偏甜帶少少辣）同埋欖檻加黑醋; 所有包烘至超脆, 咬落去脆卜卜【法國穀飼牛肉他他,水煮鵪鶉蛋配牛油香蒜多士】牛油香蒜多士非常香口, 餐廳建議食之前將

「又到聖誕，又到聖誕…」情人早已計劃與家人外遊過一個白色聖誕，出發前只能抽出週三晚與小肥預祝一番。正當XO仔攪盡腦汁搵地方玩燭光晚餐時，老闆突然送上「E Molto Buono」o既八五折優惠券，細佬最愛順天而行，地點咁就腳，公司行過去只需三分鐘，打電話訂座仲有位喎，故不必再費神，即刻卜鎚。樓上西餐廳雅致潔麗，昏暗o既光線成功締造出場內羅曼蒂克o既氣氛，最適合小情人黎撐枱腳。餐店原來逢週三晚都有個特別版o既套餐供應，主角係頭盤o既八件生蠔及白酒或汽酒一杯。由於情人當晚唔係太想食生蠔，兩口子最終決定點返平時個六道菜套餐。應溫婉有禮o既哥哥仔推介點好晚餐後，隔一陣佢就呈上暖暖o既麵包籃及自家調製o既辣肉腸醬同香草茄子醬。籃內有三款形狀顏色都唔一樣o既麵包。黑色o既芝麻黑炭包皮脆心軟，白色o既香草包皮脆得黎多咗份芳香，而薄薄o既芝士脆片則好輕巧地脆卜卜，唔點秘醬已經好夠味。甜心兒頭盤點咗個「法國穀飼牛肉他他」。睇見佢好有技巧地切開隻流心鵪鶉蛋，儀態動人得令男友實不禁拍下多張照片留念。嘩，自己客「青檸蒜香八爪魚配香甜紅椒蓉」個擺盤呈一個小花園般，色彩繽紛且極富立體感。可惜室內燈光太過柔和，小肥

我和星仔的拍拖記念日是在平安夜，每年我們都會一起去教堂參加子夜彌撒，雖說是子夜，但其實晚上十點多就要到達教堂，否則之後就沒有座位，要企兩三小時，所以我們當晚都沒有特別慶祝，因為怕晚飯食得太夜不能準時到教堂。所以要紀念甚麼的，我們都會提早慶祝，又可以避免平安夜聖誕那幾天紅日價錢被大覆mark up。而今次我們再訪兩年前曾經食過的E Molto，它是一間非常有情調的餐廳，用來慶祝紀念品就最適合不過了。＊＊＊＊＊＊＊＊＊＊＊作為一間Fine Dining餐廳，可以想像平日晚上E Molto應該不會太多食客，但可能搭入十二月，很多人都選擇早一點來慶祝聖誕，所以是夜餐廳竟然滿座，幸好我們兩星期前已訂了枱，所以可以有臨窗的座位。比起上一次來，餐廳燈光更暗，感覺更有情調。Alan Milliat Fruit Juice - White Peach nectar($78)今晚不想飲酒，所以點了果汁。但見Drink list內除了普通果汁，還有這個來自法國的特級鮮榨果汁(真身就是背景右二那瓶果汁)，如果有去過四季、文華等高級酒店食過，都可能對它不會感到陌生，因為它非常有來頭，很多歐洲星級餐廳的大廚都喜歡