Dazzling Cafe (The ONE) (已結業)

星期六下午十二時正，呢d繁忙時間行過Dazzling Cafe而無人龍，就建議lunch去呢間度食。為左要試佢既甜品，咸食都只係叫左Dazzling Platter同Cheese Tortillas。前者都係炸野一碟，但後者就有驚喜。個人對芝士十分愛好，所以一見有芝士既dish都好感興趣，而且佢係用墨西哥方法去煮，餅都脆口香口，入面既芝士都溶晒，加埋個吞那魚醬上面，又有另一番風味。飲品就叫左Vanilla Brulee Milk Tea同Festive Grape Tea with Cherry，其實我唔係一個鍾意飲奶茶既人，不過見係特別之選，即管試下，第一啖入口就知好滑，雖則我好少去飲奶茶做唔到比較，但vanilla配milk tea都幾特別，不過就甜左少少。朋友果杯就好重熱情果味，都係不錯之選。最後甜品就叫左Chocolate Fantasy Honey Toast，買相真係好吸引，所以我果日見到既，都係女顧客多（唔知關唔關事﹖），大麵包入面係放左切成細細件既toast，好脆好有口感，配上朱古力雪糕，都真係幾好味！

平時經過都知多人等位，今次想倒數前試一次，真係一次冇回頭。廚房內部食物做多好也沒用，前線隨時可以倒米! (￣∇￣)食評相片放最後。見到女僕2個字，先有少少興趣試，但同為女仔，你頭上的長劉海可以夾好少少再黎落單同送餐嗎？ 冇笑容，不親切，配上長長亂亂的劉海，女僕? 污蔑了這尊稱，即使不打女僕Cafe這名號，作為 waitees 的儀容亦不整潔。更莫說水準普遍不吸引。全程國語落單，好大異樣感，差d 以為迎合大陸客人，原來係因為台灣餐廳? 不過作為坐落尖沙嘴著名商場的一間開業多年的餐廳，train一d 識雙語或者三語的侍應好難? 餐牌上註明每人最低消費一杯飲料，fine, 每人各點一餐點都唔得? 女僕回應 [ 必須 ] 要點飲料! 這同一般 的認知有好大差距，不過反正都坐個半小時，加上特別日子，冇所謂。夠鐘埋單，去到收銀冇人，叫人冇人理。我叫個fd 放低錢就走啦，先有人來。點點點，收銀話唔收5豪子 ⊙_⊙ 下? 大家AA 有碎銀好正常，就2個5豪子，其他都紙幣，我再望一望佢收銀機前面張紙，大大隻字寫住 [ 千元紙幣恕不找續] ，但冇寫唔收硬幣或者豪子。收銀用國語答一向都唔收，我第一次黎

每次經過Dazzling Cafe都見D人排曬長龍，剛好今日閑日去唔系好多人，同FD決定食距。等咗一陣間就有位啦，店員態度幾好。裏面裝修得唔错，好有情調，開左一排表面都好乾淨，環境夠安靜，最適合嘆下午茶啦。草莓蜜糖吐司，吐司好大，一個人食唔曬。磚造型吐司唔單外體好睇，仲好好食，外脆內軟，唔會好甜且口感好好，草莓系新鮮的，又大又甜，配上水果茶，簡直就系完美的配搭，食完一點都唔會覺得漏喉，值得推介。建議兩個人一齊share啦。仲夏熱帶水果茶 :一壺水果茶可以慢慢飲. 有凍/熱可選。 我點咗熱的，因為我感覺熱的會香D，濃濃既水果味中有著淡淡的茶香. 最啱女仔飲架。分量都幾多。松露薯條味道都OK，不過同其他薯條對比，除左味道不一樣，都無咩特別既，一樣系香口啦。

優閒的星期日,難得同桂出街,去了曾風靡一時的Dazzling Cafe,而加應該少人好多了.不過去到時都要排隊,大約15分鐘有位,都好快呀。裝潢以粉籃及白色為主,部分椅子有兔子耳,感覺優雅又可愛呀。售賣的精品。以蜜糖吐司出名的,當然要試下,還是了點小食。迷迭香橙茶,$45,橙味香,橙茶質感有點杰身,偏甜。鳳梨伯爵風味茶,$45,試了點,香鳳梨味,但都是偏甜。地中海炒菌菇,$45,菌菇有彈性幾香口,不俗呀。黑色幽默蜜熔吐司,$95,吐司有三個選擇,酥軟、正常及酥脆,要了正常,賣相好吸引,朱古力雪糕味道不俗,有吉士及草莓,更豐富,切開外皮,入面是香脆的小磚塊,浸了半溶的雪糕及蜜糖,香甜好味呀,不過吐司外皮太硬了,扣分呀。不是想像中咁好食,因為吐司太硬了,可能要揀酥軟才行呀。

其實自己一直都好想來食...但因為除在多人外,再者很多吐司較大份自己不可能吃得完...最終在我回英國前和朋友一起食, 雖然只叫了一個士多啤梨吐司, 但是其實我們都覺得好飽...下一餐都不需要再食

晚上6:15pm, 時間尚早唔使等就入得. 服務幾好有禮貌, 而且開左一段時間, 仲好乾淨整潔.食物都好似cafe甘, 輕食為主, 但款款都好少女好靚.香料雞腿凱撒沙拉 :一黎到好香好吸引, 沙律菜算多而且新鮮爽脆. 車厘茄少左d, 麵包粒唔脆有d潮.2件雞腿都好味, 入味又嫩滑, 比較乾身少少.冰釀蜂蜜蘋果茶 :友人叫既飲品, 夠大杯又夠凍, 少少甜都岩男仔飲.草莓繽紛冰淇淋鬆餅 : 影完相都仲暖, 做得好好. 外脆內鬆軟, 而且唔膩唔會好飽.配返草莓雪糕奶味同果味都重, 不過好快溶.其他就甘食鬆餅都好香好好食. 但當然試埋配既醬.草莓果醬微酸果香帶少甜, 令到個鬆餅更fresh 更唔膩. 友人就中意呢個.蜜糖好甜, 男仔未必接受到既甜. 不過本人最中意呢個.煉奶加上鬆餅, 好似食緊奶油多甘.仲夏熱帶水果茶 : 一壺水果茶可以慢慢飲. 有凍/熱揀. 揀熱感覺會香味多d.分量都幾多, 2個人都夠飲. 好香水果味同有少少茶香. 好岩女仔飲架.不過連我都覺得太甜啦. 應該加左太多蜜糖, 如果可以自己加就好啦.

香草雪糕waffles 加 麻糬（$15）。朋友的最愛。我就第一次試里間的waffles。叫左鬆軟的口感，內層加入麻糬，煙煙un un 好好味。食的時候再加上雪糕同蜂蜜，一流👍🏻👍🏻👍🏻👍🏻明太子意粉。帶有少少微辣，醬汁都可以掛麵，唔會一pat pat 禁核突👍🏻口味方面係一般西餐廳食到的質素，無咩特別。終於到我最期待的甜點上場，不過😢😢😢剛上桌以為白色的係雪糕，一試先知係cream，重要超級甜，甜到連我禁鐘意食甜品都忍唔住要將啲cream 拿開先食得落。頂層的macaron 甜到漏（里個已經預左，因為上次食另外一個口味的toast 上面都有一件，又係甜到嘔），旁邊的綠色餅餅又係甜到食唔出係咩味道😓😓😓😓算，主體係個包，可能會好返啲里。點知😱😱個包單食係無咩味囉，之前食過會有啲蜂蜜味嫁😭😭蜂蜜呢😭😭包的口感我地叫左酥脆，可惜有少少過硬😢😢😢我地最後只係勉強食左本來切好左的toast ,個外殻無食，淨左好多😓😓成個toast 唯一可以贊的係個綠茶雪糕，帶有綠茶本身的苦澀味，我喜歡。但係佢地的主打toast 真係差左好多好多。可能今次我選錯口味啦，都有可能係佢啲味道宜家唔岩我啦😢😢😢😢

女生的潮聖之地, 閒閒地都要排上半小時, 女友說喜歡這裡的環境讓她像小公主一般.佛羅倫斯花枝干貝麵, 用上帶子和花枝片煮的意粉, 賣相其實普通, 但吃落意粉軟硬度適中, 花枝片夠爽口, 唯一是帶子有點過熟了.就愛草莓蜜糖吐司, 賣相滿分咁劑, 紅紅的草莓醬慢慢流落去整個吐司度, 貼心的職員姐姐會親手幫我切開吐司, 仲會講解點樣食法, 味道上吐司好鬆化, 乾左既蜜糖係吐司上面, 未點草莓醬已經好食, 點埋個醬就更加豐富左成件吐司既甜味, 這吐司值得推薦呀.

以為過了台灣窩夫的熱潮 應該唔洗排長龍 點知都等了45分鐘 但朋友生日 話要一嘗大家熱捧的打士嚀 唯有捨命陪君子 因為我最唔鐘意排隊。哈哈座位在非常開揚的大堂 旁邊企滿等位的人 零私隱度 救命。點了朱古力窩夫 薯條 水果茶。水果茶 唔係用果汁底 純粹茶底 配上粒粒生果 其實真是冇咩驚喜 勝在夠清甜吧。但都是屋企可以自製的水準。窩夫都不錯 香脆裡帶點軟熟 不過沒有蛋香 朱古力雪糕亦只是普通貨色 賣相是不錯的 有好多忌廉 我至愛 可惜一點都不滑。用來影相確實一流。薯條是比較厚切的 新鮮炸出來 用來當傾計小食都可以的。如果唔洗等位的話 可以一試。

這家店每次weekend經過都大排長龍，剛好今天平日的下午去不用排，一進去就安排了卡位給我們坐，店員都是說普通話的，我們點了一個薯條，一個麻糬waffle和toast.食物賣相很漂亮這個整體不錯，唯獨馬卡龍比較甜！這個非常好吃！有chewy但又脆，口感豐富！薯條一般般，沒有什麼特別～飲品方面味道特別！也不會太甜味道太假！玫瑰奶茶很好喝！

Dazzling cafe 聞名已久。。。。由reception 到侍應都堅持說國語，請問。。。臺北崇光百貨是否只説日語，當地的l'atelier de Joël Robuchon 又是否只說法語？在香港的lady M 也不是光説英語，況且又不是serve 中菜，這份堅持的意義是什麼？很茫然，還看食物質素再說。點了一份香蕉朱古力蜜糖吐司，侍應問要分開上還是一拚上。本人國語的確不靈光，用廣東話問了一遍什麼分開上/怎樣分開上？侍應答不上，再用英文問一遍，侍應揮揮手説算了吧。用國語答，我可能還可以猜，什麼都答不上真不知怎應付。第二次茫然。吐司可以選擇軟硬，點了脆的。奉上卻是义子也插不入的吐司。硬得要靠雪糕軟化才可以吃。吐司不是這裏的得意之作嗎？飲品點了迷迭香橙茶。誠意十足，茶壺放満香橙，卻沒有一絲茶味。最後要補充的事。。。當餐廳做作地硬要說國語時，工作人員卻用廣東話聊天。。。真令人費解

同朋友計劃左黎喱度食好耐，今日終於抽到時候黎食。佢黎自台灣，話哂都係過江龍，人氣一定高嘅，所以呀，我地排隊排左好耐好耐先有位。最衰就係佢無得book位，想食？咪walkin排囉。每位都要order一杯野飲，同埋用餐時間只有90分鐘，明嘅，多人排隊嘛，自然就限制多啲，尚可接受嘅。Order左一份明太子意粉，同埋一份鬆餅 (+麻糬)。先講鬆餅，唔算話太有驚喜，正正常常味道，不過因為加左麻糬，整體口感提升左，幾有咬口啦。而意粉方面，就做得好出色，好creamy好香好濃，加埋明太子嘅一點點微辛，好正，唯一嘅美中不足就係太細份。喱度嘅餐點，大多都8,90蚊起跳，但係份量呢，就唔算大嘅。勝在質素都算不錯，環境都靚嘅，坐得又舒服，幫佢拉番唔少分。但係你問我會唔會再黎？我會話，潮流嘅野，試過一次，就已足夠。

台式食物一向是我至愛之一。尤其甜點更是我的不可或缺。這間餐廳需要我用普通話溝通的，對我而言當然不是問題的，但其他的顧客便未必了。說回食物，最少要點一杯飲品，實在有點那過。我點了明太子義大利麵，明太子咬落bob bob聲，配上意粉恰到好處。甜點不錯，吐司值得一讚👍。蜜糖吐司外脆內軟，與士多啤梨混埋一齊食，正到不可開交。切開吐司還可以加上雪糕吃，人生~~

不用多說 女生都會知道的一間終於相約到朋友去朝聖。       等左大約15分鐘 朋友說已經算快 一開始要接近一小時 好好彩 當天人也不算很多 我們叫了一杯 kiwi juice 同埋水果茶 Kiwi juice新鮮 微酸 水果茶 十分好喝 有一粒粒水果係入面 分量多 可以慢慢飲食物有 抹茶味蜜糖磚塊  好好味好脆 仲有好多cream 上面仲有抹茶味馬卡龍 不過個人不喜歡馬卡龍太甜 仲叫左小食拼盤 好熱 即整 有鳕魚洋蔥圈 薯條 都係好好食 醬汁新鮮 讚讚讚

今日一早就約左個朋友在尖沙咀交換旅行手信，傾左一陣之後發覺已經到左午飯時間。由於朋友趕住番工，唯有自己一個人去食Lunch😃突然想過下台癮，結果選擇左Dazzling。剛開幕時人山人海，排隊要排兩個鐘先可以入座，今日中午來到，30分鐘就可以坐低點餐☺️黑松露忌廉意大利粉👍🏻👍🏻Dazzling的意粉非常出色，個人覺得比甜品的味道更佳😄 濃香的忌廉汁包住每條意粉，黑松露味道濃郁，入口不太膩，份量頗多😆😆😆未食已經散發出陣陣松露香氣，味道濃香久久不能散去。環境舒服，咁既價錢一個人嘆個Lunch都幾抵食😉