Day and Nite by Master Kama (已結業)

身為龍蝦迷既我，又心癮起想食龍蝦包🙈，記得之前黎食過好正，所以決定再黎一解心癮！首先叫左個加州脆片香橙雞肉沙律配芝麻薑汁- 個醬酸酸地似橙汁同有小小醋味，薑汁味就唔太明顯，裡面有雞肉絲，橙，脆片等材料，橙多汁又甜，配合脆片同炸米粉碎令口感豐富，醬汁令人胃口大開。京風章魚大板燒- 食大阪燒醬汁同沙律醬份量最緊要多，店鋪當然亦好大方，大阪燒煎得微微帶脆，裡面夾左滿滿椰菜同大量章魚，味道比食章魚燒更為美味。馬糞海膽茶漬飯，整碗飯上鋪滿海膽同大量魚子係海膽面，視覺效果爆哂燈，先試少少海膽，好鮮甜，無海水味，茶湯倒進飯後伴混，海膽同魚子既鮮配合少少茶香，清清地，食落另有一番風味，建議一半就禁食，一半混合茶湯。之後當然主角出場- 龍蝦匯😋😋薯條剛剛新鮮炸起，好香脆龍蝦肉半隻，另外一半就整左龍蝦包，龍蝦算幾大隻，幾多肉，而且烤到剛好，火喉佳，另肉新鮮彈牙同好嫩，而龍蝦包更加唔洗講，包皮脫脆加入滿滿既龍蝦肉更係滋味！食完龍蝦身，龍蝦頭當然唔好哂，店鋪拎黎熬成石鍋烏冬，烏冬口感彈牙，龍蝦湯非常香濃好味，食食下仲覺得愈飲愈鮮甜，抵讚

一直都很想試『Master Kama』的龍蝦包，因為位於銅鑼灣的本店有點遠，所以決定試試旺角的姊妹店『Day & Nite By Master Kama』～早幾天已預訂，所以晚上7:30一來到就有位了。長方形的餐廳並不大，簡潔的裝修配上暗暗的藍光，感覺蠻有格調的（今次竟忘了拍內部裝潢照><）。不用說，這間主打食材是龍蝦，所以餐牌上有一半都是龍蝦的菜色，另外還有一些日式和意式的選擇，此時才發現原來來了一間日意fusion餐廳XD「龍蝦包」上的龍蝦份量不少，肉質鮮嫩爽口，與軟綿綿的麵包十分夾！配有忌廉汁用來淋在龍蝦包上，半酸半甜的醬汁帶來了多一層味道，而不會蓋過龍蝦本身的鮮味。除了有主角龍蝦包外，還有薯條和沙律，粗薯條中有3分1是甜薯薯條，甜甜的不用沾茄汁已很滋味～「吉列牛排配忌廉咖哩撈烏冬」聽起來像是會中伏的組合，不過本人覺得有驚喜！先說忌廉咖哩烏冬，忌廉醬與咖哩汁平衡得很不錯，不會蓋過另一方的味道，烏冬也很彈牙；吉列牛排的賣相雖不吸引，味道卻沒令人失望，外脆內軟，能夠做到鎖住肉汁，炸皮也不會過厚。「Unicorn Dream」的賣相十分可愛，令人少女心爆發！本以為這類粉

首先揀一啲花茶，款式都有好幾款選擇。茶壺仔幾精緻，花茶沖出嚟嘅味道幾香。另一杯係Good-nite dear ，係一杯濃朱古力特飲，裏面加咗D橙酒，上面有一啲棉花糖， 味道幾好。法式龍蝦湯，擺設幾得意，上面放咗一條麵包條，再加咗一啲小番茄同綠色菜做擺設。脆脆片香橙雞肉沙律配芝麻醬汁， 用咗一個元寶型嘅碗放，又幾得意，口感亦都唔錯，有脆脆亦有雞肉嘅咬感、沙律菜同橙肉嘅清新。龍蝦肉蒸蛋，蛋都算滑，加上有龍蝦肉放面，味道唔錯。大嘅藍青口，用咗一啲茄汁煮，食落較野味。主菜係半邊龍蝦加沙律加薯條，好味道。

久未聚頭的姊妹，晚飯選址這裡朝聖一下。看到龍蝦、海膽等食材，港女們無不心動，我們也不例外呵呵。最吸引的是這樣的食材能變化出不同菜式之餘，價錢也不昂貴，是我們剛出來工作的上班族也捨得花的。我們有預先訂座，來到也要稍等一會才由店員安排上二樓入座。用餐時間限時一個半小時，因上菜速度也快，所以不算很趕急。看見這龍蝦殼已經即刻要拍照打卡，賣相非常吸引。當然啦，這個還真的是殼，肉已經沒甚麼了，拍過照後要吃的時後還是要先搬開擺設才能吃。這個約六吋的薄餅能切開六片，加上是用厚餅底，正中下懷，但也因此很飽肚，二人分著吃已經飽了一大半。芝士多不在話下，要成為港女熱愛的餐廳必需要做到＂極邪惡芝士拉絲＂吧。薄餅上的配料也很豐富，龍蝦肉真的頗足料，咬下去爽口得來是有淡淡的鮮味，處理得宜。還有墨魚仔和青口仔加添鮮味，而甜椒則減去芝士的膩，配搭合適。吃過番薯條後一試難忘，令本來沒有很喜歡吃薯條的我也對這種食品刮目相看。這裡恰巧有薯條和番薯條雙拼，而配的醬料也是大有來頭：黑松露忌廉醬、蜜糖芥末醬、龍蝦芝士醬。黑松露忌廉醬是我倆的最愛，因夠creamy又有松露的菌香，蘸少許已很野味。蜜糖芥末醬其實也很不錯，不過略嫌稀了

自己去試新野～試邪惡野！見到餐紙上"You are my lobster", 令我聯想起經典美劇"Friends", Phoebe 同Ross 講 "She is your lobster！" 😝 搞笑！* Unicorn dream --- Gimmick 野,係好靚！似飲緊波子氣水,不過係超甜版本🙈 * 芝士龍蝦三文治--- 麵包好鬆軟,重牛油味～麵包裹面有一粒粒我唔太清楚係咩nuts 既野,不過加埋新鮮熱辣辣好好食！三文治一攞起芝士多到湧出黎👍不過龍蝦肉就少d。不過一個人食真係太大份,同會滯🙈

在旺角搵野食真係好多選擇，但要精心挑選先可以搵到好野食，今日我就做足功課，問埋朋友介紹呢間餐廳俾我。吉列牛排配忌廉咖哩烏冬($128)首先是咖哩烏冬十分濃郁既味道，但是加上雪白既忌廉混和在一起之後卻產生左特別既效果，中和左咖哩既少少辣味令到咖哩濃郁而平和既味道。另外吉列牛排真是十分出色，外面的一層粉好薄，另外最重要的是火喉控制得十分好，牛排雖厚，但是仍然保持到牛肉既嫩滑感覺，牛味也十分濃郁，配合上烏冬真係絕佳既配搭。龍蝦芝士MAC N CHEESE($208)濃濃既芝士真係太邪惡啦，仲有大大粒滿佈係長通粉之間既龍蝦球粒令到口水直流。芝士份量好多，一夾長通粉就有長長既芝士絲拉到出黎，另外龍蝦球除左大大粒之外，還有一個龍蝦鉗係到，真係落重料，龍蝦味同芝士味真係好配合，濃濃既味道令人食不停手，好難停落黎。

MASTER KAMA係旺角開分店，梗係要黎朝聖一下啦。所以相約朋友收工過黎嚐鮮一下。店鋪位於大廈二樓，雖然地方比銅鑼灣店細但環境同氣氛搭夠，最緊要係食物水準保唔保持到呢？ 點餐前先柯打左兩杯飲品，分別係薄荷檸檬同熱情果茶。兩者飲落都清新，唔會太甜。尤其是薄荷檸檬茶，邊食邊飲可以中和整晚食物嘅飽濟感。 因為同朋友都唔算太餓，所以只係點左以上三樣。本身玉子燒係最早到嘅，但為左影相我地都等埋其餘兩樣上菜先開始食。 龍蝦玉子燒雖然俾我地攤凍左少少，但仲可以保持鬆軟多汁。微甜嘅玉子燒除左厚身之外，中間夾雜着彈牙嘅龍蝦肉所以食落口感豐富，淡淡嘅牛油香提升整體嘅味道。   主角龍蝦包果然無令人失望，面包烤得外皮香脆內裡鬆軟。啖啖龍蝦肉配上面包真係食停口。唔加牛油汁單靠香菜同蝦肉其實已經夠味，加左更令整個層次再變得更惹味，不過要衡量返卡路里都會隨之上升架。 雙色薯條都令人十分滿意，除左大大條炸得香脆之餘，兩者咸甜咸甜交替亦令味道唔會咁單調。輕而易舉就將一籃嘅炸物消滅乾淨。龍蝦海鮮PIZZA一上枱已覺得滿足。大大個龍蝦頭先聲奪人蝦肉滿滿咁平均鋪係薄餅上面，芝士嘅量又多所以每一啖都食得到所有材料。餅皮厚

病左個幾兩個禮拜，終於好番可以盡情食喇😬😬😬宜間餐廳之前朋友生日都一齊黎食過，的確係食過番尋味呀😋為大家重點介紹...龍蝦包，龍蝦拆肉夾係麵包嘅中間...麵包搽上牛油&蜜糖再烘，入口香脆之餘仲食到龍蝦肉嘅彈牙鮮味！不過，龍蝦肉有多啲就更好囉🐽對比上一次食嘅龍蝦芝士三文治冇咁膩，但各有特色！鮮茄虎蝦扁意粉，意粉軟硬度適中，每條麵條都沾滿蕃茄醬，酸微微很惹味！蝦肉唔算細隻，肉質結真幾新鮮！三重芝士雞肉烤餅份量比想像大多，有六件咁多！一啖入口食到好多芝士同雞肉，但感覺唔會好膩...應該係因為加左蕃茄粒和酸忌廉令味道得而中和吧！另外，私心推介飲品Ms.carkery（$58）🍰🍓...我覺得佢唔只飲品咁簡單！每啖入口都好似食緊🍓士多啤梨味既芝士蛋糕咁，絕對係飲品同甜品集於一身呀！

Master Kama啱啱喺銅鑼灣開嗰陣已經食過，今日嚟開旺角，見佢又喺度開咗間分店，再試多次先！同嗰邊唔同嘅係，呢度係有分Day & Night兩個menu。店員仲介紹咗一系列由日本「山田詩子紅茶店」推出嘅特色茶，一共有12款，不過太多選擇喇，反而難揀！熱辣辣我都係飲返凍飲好喇蜜糖BBQ醬烤雞翼 ($45)4隻雞翼，個外層脆得滯，入面唔夠juicy，而且個汁唔夠濃，要進步一吓！流心芝士龍蝦三文治 配薯條及沙律 ($108)用木盆上菜好吸引！三文治係厚多士，烘得非常香脆，芝士份量毫不手軟，多到漏晒出嚟，條條都拉晒絲，未食已經流晒口水！入面夾雜激多嘅鮮甜龍蝦肉，外脆內軟嘅口感，食一啖已經有初戀嘅感覺！薯條外脆內軟，明明食完個包都已經飽飽哋，最後都係要食晒每一條先安樂！黑松露野菌牛肝菌闊扁麵 ($78)呢個係Day menu入面五款手工意粉嘅其中一款，原來個黑松露醬汁係自家製嘅，不過我就覺得唔夠味，野菌嘅數量可以再多啲！不過個闊扁麵真係好正，煙韌彈牙，而且唔算好creamy，食完都唔覺膩蜜桃荔枝茶 ($48)兩層顏色咁得意嘅？影完相撈勻佢飲吓先，飲落似荔枝玉露，夏天飲啱晒，而且勁大杯，食完

從臉書上睇到朋友食Day and Nite by Master Kama嘅龍蝦包同吉列牛排配忌廉蘋果咖喱烏冬，心生羨慕，之前朋友其實喺首爾弘大已經食過吉列牛排配忌廉咖喱烏冬一次，食過返尋味返到香港再食。睇睇地址原來餐廳開喺山東街，咁近返工平日夜晚都可以試吓滿足自己慾望。餐廳平日夜晚全滿，喺門口都等咗一陣，通知有位再搭電梯上二樓用餐。餐廳原來分開日間同夜間餐牌，唔怪得叫Day and Nite。心中一早已決定食龍蝦包同吉列牛排配忌廉蘋果咖喱烏冬，再加多一個龍蝦玉子燒，另叫飲品Master Magic Soda。飲品先上，藍色梳打內有支試管裝有黃色檸檬水，侍應話將檸檬水倒入梳打內，可以唔使成支倒晒。黃加藍變紫，感覺好似做實驗咁，飲落梳打味道好清新，唔太甜，幾解喝。龍蝦包好有氣勢，用木板上，除龍蝦包外，仲有炸薯條番薯條同沙律。龍蝦包同一般三文治唔同，係暖嘅同用上排包，排包搽上牛油焗脆，切開麵包夾入龍蝦肉，龍蝦肉相對上略少，不過對於麵包控如我，食排包已經非常美味，龍蝦肉鮮甜彈牙，有畫龍點睛之效。炸薯條番薯條熱辣辣，點上絕配茄汁好食得無話可說。吉列牛排忌廉蘋果咖喱烏冬牛排同忌廉咖哩烏冬分開上以保

今日係旺角行街，行到都差唔多肚餓嘅時候，見到呢間餐廳既電視廣告，見到影嗰啲食物非常之吸引，又唔知食咩好，同朋友商量之下就去食呢間啦！原來呢間餐廳嘅食物都好多選擇，不過係依龍蝦為主嘅。好可惜因為朋友海鮮敏感，所以我哋就揀咗啲其他嘅嘢食。左邊是燒豬頸肉，右邊是燒雞泡魚干。旁邊還有少少沙律菜，可以減低油膩感。豬頸肉肉質好厚嫩，唔會太薄好有質感，好爽口。而燒雞泡魚干好惹味，好適合攞嚟做送酒嘅小食！為咗個燒雞泡魚干，所以我哋就叫咗杯啤酒兩份飲, 係黃金嘅三七比例，三份係泡，而7分係啤酒，好爽呀牛油芝士粟米，呢個整得好香，充滿新牛油味同芝士味而且非常惹味，包含咗粟米嘅甜、牛油嘅香同芝士既濃， 仲用鐵板上，可以保持佢嘅溫度香脆炸雞翼配龍蝦芝士汁，炸得好脆，雞翼外脆內嫩，十分惹味，面頭仲有左芝士粉，更加香。個龍蝦芝士汁整得好濃，好重龍蝦味，好惹味！吉列牛扒配忌廉咖喱烏冬，估唔到呢度都有吉列牛扒食，仲好貼心咁分開上，吉列牛扒都幾大塊，差唔多有一隻手板咁大，味道外脆內鬆軟，而且牛肉都唔會整得好老個忌廉咖喱烏冬，好重忌廉同咖喱味，非常惹味 ，而且烏冬滑脫脫，煙韌有彈性炸薯條，而且配左三個唔同嘅醬汁，而且薯條

小弟終於考完所有試喇！為咗慶祝呢個天大喜訊，一於今次去食豪啲，去食龍蝦！話說旺角山東街有一間專食龍蝦嘅西餐，今次就同大學同學試試！上到去，餐廳唔算好大，不過勝在坐得夠舒服，又夠光猛。呢度主打龍蝦，我哋一定要試下，第一個我地叫嘅就係龍蝦芝士，我呢個芝士迷一見到芝士就會發顛，呢個龍蝦芝士除咗有複製隻大龍蝦鉗同芝士之外，下面仲有啲長通粉，長通粉連埋啲芝士一齊食，因為通粉索哂芝士汁，真係好好味！下一款真係堅啊！叫龍蝦匯，入面有半隻烤蒜蓉牛油龍蝦、一個龍蝦包同一個龍蝦雜錦海鮮石鍋湯烏冬。其實呢個set好抵食，一隻龍蝦有三種唔同嘅食法，燒龍蝦原汁原味；龍蝦包好特別，因為平時食開牛肉做餡，今次好高級喔！個湯烏冬又可以食到龍蝦嘅鮮味，大家一定要叫呢個！平時我好中意食玉子燒，今次呢個龍蝦玉子燒又點可以唔叫啊！玉子燒中間用咗龍蝦肉做餡，外面玉子又甜又嫩，無得彈！除咗龍蝦之外，我哋都試咗兩款串燒，分別係燒雞泡魚乾同燒安格斯牛柳，兩樣都燒得好香好脆，唔錯！最後叫杯Pineapple Mint Tea，成個晚餐就perfect啦！中意食龍蝦嘅你哋記得要試試喇！

今日去左旺角食飯，早早知道旺角有間master kama既分店，一直都好鐘意kama既玉子燒，今晚再回味一番。餐廳長方形，空間感好大，店員好有禮貌呀happy master time餐廳最近有幾款茶做緊推介。菠蘿和薄荷茶。菠蘿汁香甜果味清香，甜度唔高，薄荷入口清涼舒服。一個人食飯叫左個鮮茄虎蝦意大利粉。茄味鮮香唔會好酸，入口濃郁滋味，意粉掛滿醬汁好香甜濃厚，入口口感好滿足。虎蝦大大隻好爽甜。龍蝦玉子燒。玉子甜甜地好香滑，好滑溜雞蛋包上龍蝦肉，全部都喺我最愛。可以配蘿蔔蓉食，減低飽濟。

早早就知道Master Kama喺旺角開左間分店，今日終於有時間黎試試。餐廳日與夜的餐牌有啲唔同，好有意思。龍蝦主打的餐廳。餐廳最近推廣的茶類飲品。特飲：用海鹽、檸檬汁、梳打等配料製成，入口酸甜帶咸香，好特別。必定要叫的龍蝦包，排包用牛油烘脆，麵包已經攞足分數，龍蝦肉爽甜彈牙，加上醬汁，每一口都滋味滿足。虎蝦鮮茄意粉。好鐘意食個茄汁底，香甜味道唔會好似街外的茄醬味道，虎蝦大大隻入口非常爽甜。抹茶心太軟。甘苦抹茶味道，配曲奇雪糕，味道非常配合。

一早都想試下龍蝦包，咁岩身邊既朋友都話有興趣想試下。咁我地就約左黎到旺角嘅Day and Nite食晚餐。聽聞呢間鋪由銅鑼灣開分店開到黎旺角，如果無返咁上下實力嘅話應該好難係兩大旺區立足。上到黎二樓店鋪後發現店內裝修已經簡單直接咁顯示出間餐廳嘅主打就係龍蝦。另外，店內裝修主要都係以淺色既主，可以帶出悠閒既用膳氣氛。餐牌設計得幾有心思。封面簡單，令人聯想到入面會有咩食野。內客更多是圖文並茂，可以預俾食客得知食埋大概的樣子。有圖有真相嘛。飲品顏色調得好夏日的感覺，好清新。可以睇得出杯野飲上面是淺色係薄荷，下面是深色的菠蘿汁。飲落口薄荷嘅清新及波蘿嘅鮮甜融合得幾均勻，唔會死甜。沙津不過不失咁啦，烤雞肉咬感比較實，整體較為乾身同埋份量極多。可以睇得出份量又係勁多， 咬落口時蛋味十足。雖然厚身但非常嫰滑，因為整得剛剛好的關係，邊食邊有蛋汁流出，口感真的是軟綿多汁。龍蝦包軟綿綿的，包住厚實而鮮味的龍蝦肉，再加上混合香草及牛油襯托令到樣樣野都好夾，味感大增。另外，薯條入面除左正常既薯仔條外，還有蕃薯條。雙色薯條又脆又甜，一次過滿足晒雙重口感。旁邊仲有少量沙津可以用來解除牛油汁嘅油膩。 拼盤入面包括了