Day and Nite by Master Kama (已結業)

龍蝦潮流可說是方興未艾。但說到此一類店之中流砥柱，便不能不提這裡....好眼力的我，喵到了擺在角落，那隻伏在一樽意粉上的可愛龍蝦公仔....既是這般，那我就必然要應應景，今天就點一道鮮龍蝦忌廉蕃茄汁意粉吧....意粉帶輕微咬口不會太死硬食到人胃都痛；茄醬味濃偏酸讓人開胃；龍蝦肉爽味甜沒有嚡口見渣，很有水平....事實上今趟已是小弟第二次來。猶記得第一次，點了算是這兒signature的流心芝士龍蝦三文治，吃過後又飽肚又滿足，心裡期待總有一天會回來與之重逢....卒之等到今天，我來也....眼前的這份烘三文治，加上炸薯條及一小撮沙律，印像中好像比之前吃的那個份量還要大份還要多。三文治餡內塞滿了不少大大嚿的龍蝦肉，lobster maniac一如太太般自然食到咪咪眼，再加上大量半溶呈拉絲狀態的車打芝士，對這兩者同樣有一份大愛的我倆，對這自然是很難抗拒的....對我來講，令這份三文治成為滿分上品的，便是那烘至金黃帶呈微啡色，質感外脆內卻軟綿的多士麵包。和太太打趣道，就算這包內今天不是夾入龍蝦肉及芝士而只有牛油作伴，小弟都可以輕易解決它三五七塊....姍姍來遲的starter，是有差不多六片的

朋友一直話要食龍蝦包， 我第一時間諗起呢間，因為之前食過同埋地點響旺角好方便，所以又再黎開餐。<龍蝦包>我地為龍蝦包而黎既，當然第一時間要食呢個先。龍蝦包依然保持水準，龍蝦肉多到差啲跌左出黎，而龍蝦口感彈牙，面包微微烘過所以幾香口。而另一個另人難以忘記既就係薯條！呢度既薯條除左普通薯仔做既版本，仲混合左蕃薯條，個人較鐘意蕃薯條，因為甜甜地較特別！唔好忘記加啲啲錢轉松露醬，點薯條食好香<Mac and Cheese>上次黎話好想食呢個mac and cheese,今次又一嘗心願！非常搶眼既蟹鉗插響成碟野既中間，而芝士均勻地佈滿每一條長通粉上。呢碟既汁幾特別，唔係咸咸地既芝士味，反而係龍蝦汁味，味道偏甜，唔會食到好快滯，中間亦有不少蟹肉，兩個女仔一齊分享剛剛好！

今天相約了朋友吃飯，他選擇了在旺角一間吃龍蝦包很出色的餐廳。我未曾試過，所以就跟隨他試一試。想不到才剛剛七點，已經有不少人吃飯，可能現在大多數人也提早吃飯，那就不用怕等位了。幸好，我們只是等了一會兒，就有座位了。餐牌也十分有趣，以深藍色為主，充滿海洋的味道。一看上去，就知道這是吃海鮮為主的餐廳。龍蝦茶碗蒸 $48這個茶碗蒸賣相十分美，面頭還有一舊龍蝦肉，冬菇十分香。而且雞蛋蒸得很滑，也不是水水的，很重雞蛋香味，還有日式魚蛋龍蝦包 $188這個龍蝦包份量也挺多，大約有15cm長，麵包塗左牛油烤得十分香，兩邊也是金黃色的，十分鬆脆。龍蝦十分爽口，顏色鮮紅，混入左火箭菜同自家製嘅沙律醬，一起吃十分滿足呢！仲連埋薯條同沙律菜一齊上法式干邑龍蝦湯 $88龍蝦湯味道十分濃郁，感覺是用了很多龍蝦來做成的，有很重的龍蝦味。而且面頭還有一條麵包，和湯一起吃，麵包吸收晒了湯的精華，很好吃呢！燒安格斯牛柳 $45這個串燒燒得很惹味，牛肉十分嫩滑，也十分軟熟，不會點咬, 而且也很牛肉味，吃完還想再吃呢！Cookie A mint $58顔色是很粉色的薄荷綠，味道有點像麥當勞的麥旋風，是薄荷曲奇冰沙，味道甜甜的

假期約好姊妹共聚午餐。決定去旺角後就隨意在open rice選了間感覺靚靚地的餐廳。環境的確不錯，藍色主題，餐蝶也很美，休閒感。人流不多，假日也不用等。我們叫了流心芝士龍蝦三文治賣相不錯，仲真係幾流心：還有紅椒粉炸魷魚圈：呢個真係勁失望，得5舊🌚$45😎而且不甚好吃，嚼口十足，又或我們不懂食，他並不是我們想像的。香草白汁煙三文魚蝴蝶粉特意有藍色的蝴蝶粉，襯番餐廳顏色主題。這個推介，味道很好👍自家制牛肉漢堡Waitress 同我們講個包無汁🤔叫我們加隻汁。我們初初都好奇以為真係乾mon mon, 咁就加$10要個黑松露白醬。點知係另上架wor, 而個包並唔係乾的🙄不過，個醬都ok 的。但整體個漢堡不算太吸引。

經過馬德里舊址，見到佢變左呢間，個menu又幾吸引，就諗住試試佢一上到去都無staff主動帶位，坐底左之後都幾熱，好焗好似冷氣唔夠咁，而且staff都無主動拎menu俾我地叫野食😓我地最尾叫左龍蝦包，牛油雜菇同龍蝦玉子燒龍蝦包味道幾好，但最有驚喜反而係薯條，mix埋左番薯條好特別而個龍蝦玉子燒既龍蝦少得可憐，而且玉子燒亦都麻麻，煮得好老至於個牛油雜菇..調味太「集中」，有一d真係咸到食唔落事後睇返訂位原來有折，不過我諗都未必會再黎啦

今日朋友約左我去day and night by master kama食龍蝦包，一直以為係銅鑼灣，原來旺角都有分店。咁我地就早d出mk行下街買下嘢，最後食埋飯先走。入到去，人流都幾多不過好彩都唔洗等。入面用咗藍白色嘅裝修佈置， 令人感覺好舒服！睇下個Menu都好豐富，好多野我哋都好想食不過我哋主要係嚟食龍蝦嘅，梗係要叫我地嘅心頭好。所以我地就叫左個龍蝦匯，包左個龍蝦包，烤蒜蓉牛油龍蝦同龍蝦雜錦海鮮石鍋飯。另外，仲叫咗幾多串串燒！等左一陣，終於送到上嚟。隻龍蝦好大隻，差唔多有一隻手板咁大，龍蝦肉爽口彈牙，仲啖啖肉添，蝦頭有很多膏，味道好甘香。龍蝦包入面有好多龍蝦仔，而且個麵包焗過，外面好脆。旁邊仲有啲沙律，味道酸酸甜甜，好開胃。除左呢d，仲有碗比較濃既龍蝦湯，可以點住麵包一齊食，又可以點薯條嚟食一舉兩得！呢個就係龍蝦雜錦石頭鍋飯，石鍋真係好耐熱，d飯同湯仲係滾既。入面有好多海鮮，好似青口，魷魚，八爪魚等等，而個湯就係龍蝦湯，味道好鮮甜。串燒方面就叫咗個燒帆立貝，燒得好香，帆立貝好鮮甜，美味可口。仲見個有個tea menu, 近排我瞓得唔係幾好，就聽左個店員推介，試左個杯伯爵茶，仲用咗個

自從上次食過龍蝦包之後就對始念念不忘今晚黎到旺角呢一帶, 食肆花多眼亂, 但今日我就只有一個目標就是這一家了!這家位於波鞋街的龍蝦餐廳, 晚飯時間很多人啊!因為比預定時間早到, 坐下來不久就開始很多人了~~上次試過龍蝦包, 今次試下其他產品, 又唔你太肚餓所以冇叫到呢度既龍蝦匯, 見到格離枱有人order真係好吸引!!!Lobster Pizza $128Order左之後即叫即做, 所以都要d時間製作, 上枱當然要影下相喇! Pizza以龍蝦做主角, 除左龍蝦肉之外仲有大量芝士, 同配菜食料都頗多的, 又有龍蝦又有海鮮嫁!!!pizza皮好薄身, 又薄又多料, 唔好以為單單得個樣啊! 魷魚同龍蝦, 仲有八爪魚都好彈牙有咬口的~~~~富有口感, 啖啖都好滋味! Master Share Set $168炸雞翼, 芝士條, 雞軟骨餃子, 薯條, 章魚燒呢個小食盤真係好適合我呢d中意每款都試少少但又唔食得多既女士們,真係好多野都可以試到! 唔好睇少個薯條~個薯條除左有著仔製成之外仲有用南瓜製成既南瓜條, 真係好有誠意的喔! 仲要熱辣辣上枱, 唔會凍冰冰比較中意食既係雞軟骨餃子, 呢個外貌有點

原先上網搜尋旺角邊度有龍蝦包, 但當上到Day and Nite by Master Kama後, 發現佢個 ' 龍蝦匯" 賣相非常吸引, 重點, 龍蝦匯內仲有我想食既龍蝦包,所以決定一試....'龍蝦匯' $428內裏包含龍蝦包, 雙色薯條及沙律,烤蒜蓉牛油龍蝦半隻, 龍蝦什錦海鮮石鍋湯烏冬/飯足夠二人份量龍蝦包面包牛油味非常香濃, 夾住龍蝦肉,龍蝦肉份量適中,混合香草, 沙津醬, 味感大增.. 雙色薯條，沙律及烤蒜蓉牛油龍蝦半隻雙色薯條以薯仔及番薯做出面比較少見,  味道唔錯蒜蓉牛油龍蝦烤得剛好, 唔乾身, 賣相吸引龍蝦什錦海鮮石鍋湯烏冬新鮮熱辣上檯, 非常難忘鳥冬內的龍蝦濃湯, 堅濃郁...食完烏冬後, 仲飲晒成個湯,下次可以再黎食個LUNCH 

之前在朋友的Facebook看到去Master Kama吃龍蝦的分享，忍不住要約朋友去潮聖！我們被安排坐卡位，餐廳裝修時尚，坐得很舒適！Day and Nite by Master Kama分了Day and Nite的餐牌，我們這次是吃晚餐，所以是Nite餐牌！我們首先點了一個Kama Signature Lobster Set。真的很豐盛！有龍蝦包、烤蒜蓉牛油焗龍蝦半份和龍蝦雜錦海鮮湯石鍋烏冬！這個套餐是限定供應的，所以本想是必點的！賣相相當吸引！首先要讚的是炸薯條，除了薯仔之外，還有炸番薯條，香脆中帶點甜，很好吃！龍蝦包外面微脆，裏面鬆軟！裏面的龍蝦已經起肉，起來十分方便！醬汁是忌廉汁，微酸，可以提起龍蝦的鮮味！烤蒜蓉牛油焗龍蝦好香，龍蝦肉很彈牙！還有龍蝦膏，鮮味！是惹味之作！龍蝦雜錦海鮮湯石鍋烏冬的湯底很濃，可能是因為用龍蝦頭淆製的關係，特別鮮甜！烏冬煙韌軟滑，配上不同的海鮮，非常美味！Lobster Mac n Cheese芝士控表示十級滿足！大大條長通粉，有咬口！用了三款芝士製成的龍蝦長通粉的汁，配上龍蝦肉，芝士味極濃，還可以拉絲！朋友是玉子燒狂迷，這裡的龍蝦玉子燒很吸引，

上個月有晚放假出左旺角食飯，又想找一些樓上舖吃好西。最後去左DAY AND NITE。入去坐底未算多人，怖置裝潢有簡約風格，都算舒服。先叫左兩杯飲品，分別係蜜桃荔枝特飲仲有"山田詩子"茶，亦是呢間餐廳特別推介的紅茶品牌。當中有十幾款口味，我就選左薄荷，迷迭香和檸檬草口味。茶香撲鼻，而且仲會供應額外薄荷葉，真係保持到入口清涼感第一個食物是龍蝦玉子燒。賣相真係唔錯，好似一份由店舖送上的包裹玉子燒很厚實，中間見到一粒粒龍蝦肉，都幾有口感，有淡淡的龍蝦香味牛油粟米很香跟住就係MENU上最吸引到我的咖哩忌廉烏冬。牛排不能太熟，但吉列又要用猛火炸，所以吉列牛排其實很考驗廚師工夫，食過發覺呢間都整得幾好食，而且忌廉+咖哩的組合真的不太常試到烏冬爽口彈牙，而且忌廉相當多，舖得滿滿，撥開才看到底下的咖哩。咖哩不太辣，反而忌廉味就非常濃郁。吉列牛外面炸得很脆，肉質不像MENU那樣，燒得較熟，不過都不算韌，都幾好食。份量都幾多，加上忌廉和咖哩汁，女生可能要多D意志力才吃得完。最後就是甜品，由自由選擇的三種甜點組成。因為當日焦糖燉蛋賣完，所以最終選了以下三款。Marsh-mallow(綿花糖)有APPLE C

同朋友仔兩個出咗旺角行街行到累， 發現山東街呢度開咗一間西餐廳，望落都幾休閒。幫佢嘅餐牌呢度應該主打係食龍蝦， 不過我哋兩個今日諗住清清地於是 揀咗 個pizza同意粉食就算喇。朋友仔 點咗杯 蜜桃 荔枝茶（$48）， 望落顏色好繽紛，而且超級大杯， 一路食下野傾下偈飲下嘢呢杯嘅份量啱曬。我自己就點咗杯西柚熱情果茶（$48），視覺效果一樣係咁夢幻， 由上到下漸漸變色，好靚。而且口咁都不會太甜，清清地，果香味濃郁。雙重炸薯條（$68）係用橙色嘅甜蕃薯同埋薯仔 製作而成的， 薯仔整嘅薯條就食得多啦，用甜蕃薯焗出嚟嘅薯條口感好特別， 乾身得嚟脆卜卜，感覺仲健康好多添。旁邊仲加咗三個醬跟呀一齊畀你， 有黑松露醬乳酪醬同埋南瓜味嘅醬汁，隨你喜歡去配搭來食 黑松露嘅味道同埋薯條嘅味道，其實係好啱key㗎，所以我自己就幾喜歡個黑松露醬汁巴拿馬火腿水牛芝士薄餅（$138）薄脆嘅餅底配上鹹香味濃沃嘅巴拿馬火腿搭 水牛芝士， 色香味俱全， 望到都已經流曬口水。每一塊巴拿馬火腿下都有一舊 大大舊嘅水牛芝士 ，再配上融咗嘅芝士， 令到個pizza口感juicy生色不少，非常惹味。海膽忌廉蟹肉意粉（$148）濕

和男人逛波鞋街，經過這餐廳門口，龍蝦癮起，趁時間尚早未有人等，先醫肚再逛。Master 分享盤 $168這個分享盤真的很適合心多多的朋友，一個拼盤包括了香脆炸雞翼、三重芝士雞肉烤餅、章魚燒、芝士條、雞軟骨餃子及炸薯條6款食物，除芝士條只有2件，其他都是3件，份量不少。香脆炸雞翼炸得夠脆，但略嫌粉漿有點厚，雞肉不夠嫩。三重芝士雞肉烤餅微脆，入口啖啖芝味，口感軟綿煙韌，味道不錯。章魚燒外脆内軟，醬汁不會太過重口味。芝士條内裡有滿滿芝士餡，味道不過不失。雞軟骨餃子口感爽脆，沒什麼特別。炸薯條其實分別有薯條和番薯條，兩者都夠香脆，番薯條更是香甜味美。龍蝦玉子燒 $88又大又厚的玉子燒，蛋味十足，口感軟綿，切開更有紮實龍蝦肉，大滿足。龍蝦芝士 Mac N Cheese $208 (can serve with Macaroni / Risotto)龍蝦很吸睛，龍蝦肉不少，肉質紮實彈牙夠鮮味，芝士多又濃，叉起Macaroni 會有牽絲。龍蝦芝士汁帶有龍蝦的鮮味，味道濃郁但完全不咸。每粒Macaroni 都沾滿醬汁或管内藏了醬汁，而且煮得軟硬剛好有彈性，好味道。Cookie & Mint $58除了

約左朋友行旺角，因為大家下晝都無咩食過野，所以好早就肚餓，想食個early dinner。咁啱見到呢個餐廳，個名好熟，好似係好多人推介過嘅，所以就上去試試。我地6點入去，所以餐廳入面仲有好多位。入面嘅裝潢走悠閒風，藍X白的顏色，有點水手FEEL，加上仲有少少日光，感覺幾chill。坐低先知間餐廳主打龍蝦，但係自己敏感唔食得，朋友好好咁陪我食龍蝦以外嘅野食。薯條+蕃薯條好味  切得好長，炸得脆卜卜，熱辣辣。蕃薯條食落好甜，有驚喜。咖哩烏冬加勁量忌廉，好難會唔好食大阪燒個底燶哂，面頭無咩醬，又無咩木魚乾，入口亦有燶味。Pizza底好乾，一般般。飲品叫左cookie & mint smoothie，顏色是粉綠色，望落係幾靚。但薄荷味很淡，只有少量曲奇，無咩味，雖然係叫做smoothie，但沒有奶，只是純粹係沙冰。可能因為唔係叫主打食物，所以其他食物只係一般般。飲品只係得個樣靚，可以呃下LIKE嘅，普通去STARBUCKS買一杯frappicino仲平同好味過佢。如果唔食龍蝦嘅話，可以唔洗去呢間。

烤蒜蓉牛油龍蝦 $208好食指數: 8/10抵食指數: 7/10龍蝦非常新鮮 爽口彈牙 而且足料有半隻牛油同蒜蓉味配搭天衣無縫 帶起龍蝦鮮甜配菜有新鮮沙律菜同薯條照顧哂健康同飽肚嘅需要另外提提因爲龍蝦係用新鮮 非雪藏貨每日限量供應 想食就要早啲到西班牙烤乳豬 (配香橙燒汁及焗薯) $268好食指數: 9/10抵食指數: 9/10好少餐廳會肯整嘅菜式 十分欣賞首先乳豬材料難揾 而且脆皮面非常考功夫呢隻烤乳豬不單皮脆到咬落有聲下層嘅嫩肉同肥膏一層層叠埋又做到入口即溶嘅效果 無得彈配菜有焗薯仔 焗得好香且帶微甜酸菜中和乳豬肥膩既感覺 恰到好處英式炸魚薯條 $128好食指數: 6/10抵食指數: 7/10少有煮得幾出色 魚塊炸得香脆可口而且大大件份量十足雙色薯條除左普通既薯條仲有甜薯薯條 脆口香甜好過癮

在旺角，要找個地方舒舒服服的食個下午茶並不難，但要找到一個合心水又相對與世隔絕的地方，相信在波鞋街附近的樓上食店是一個不錯的選擇。一來地點算方便，二來我曾光顧過銅鑼灣那家分店，對這家餐廳也有一定的期望。相信下午茶也保持得到水準吧。小店位於一樓，在地下時早早已經有服務員為食客引路的，感覺也不俗喔。 看來這邊推出了新的飲料，當中有不同的花茶，總共有十二款的，款款也吸引，但對於當天的心情來說，就是想要一個看上去炸得全金黃的下午茶而已。畢竟炸物是一種邪惡但卻吸引的食物，每到了一些時候，儘管要破壞減肥大計也好，都要吃一番來制衡平日積存的壓力。沒錯，「化悲憤為食量」卻是我的宗旨。與其一直不開心，不如找個方法讓自己舒壓，以正面的心情去打到負面的自己。 Master 分享盤 ($168) 下午茶吃這個分享盤，一點也不過份啦。$168能消滅負面心情，找回正面的自己，這的確化算。分享盤的食物也夠多的：香脆炸雞翼、三重芝士雞肉烤餅、章魚燒、芝士條、雞軟骨餃子、炸薯條。炸雞翼放了好一陣子還是香脆，肉質嫩滑多汁；三重芝士雞肉烤餅的芝士味濃郁，雞肉該是被埋在芝士當中吧，吃得到但看不到的，可是這個烤餅的外層並