Dark Leaf Cafe & Lounge

营业中

休息中

美國大蝦明太子意粉🍝 $218大蝦有兩隻，背脊開咗一刀，除咗方便用刀叉將蝦肉挑出來食，廚師煮嘅時候都將蒜蓉🧄等嘅調味料放咗入去～ 所以蝦肉都幾有味。 Pasta 除咗有明太子忌廉醬汁之外，另外仲有加三文魚籽～ 撈埋意粉食，是不是就會有咬開三文魚子爆汁嘅感覺，口感都幾得意。比目魚帶子香草意粉比目魚都想煎得肉質鮮嫩，帶子就更加出色，可以係外表啡色靚仔～ 裏面好味😌Aperol Spirtiz 我哋兩個都唔係太飲得走少少，店員就向我哋推介左啲款，佢話 Aperol 算係比較 weak 的Cocktail 🍹 而且有啲果味～ 味道唔錯Mango shiso 🥭呢杯Mocktail 味道都幾得意，甜度適中，味道唔會太假，似藥水味。旁邊有塊紫蘇葉，可以將佢撈入飲品之中，會有一陣恍似薄荷嘅味道

今日同朋友想搵個地方傾下計 係旺角搵到e間樓上Bar 除左飲酒 🍻佢都有個小型開放式廚房整下西餐 裝修得幾靚 可以一眼無遺咁清楚睇到Bar Tender 佢地預備飲品和煮食的步驟同情況👀餐廳環境真係舒適 坐耐d傾下計都舒服的同朋友每人選左兩個海鮮意粉 平日返工關係就飲Mocktail代替蒜香大蝦🍤帶子明太子意粉🍝大蝦🍤好大隻 有蝦膏 用刀叉都易切 明太子汁配埋魚籽粒 口感豐富 比目魚香草🌿意大利粉香草味相對較為清淡適合唔太喜歡濃味人士 比目魚有時都會有少少幼骨 要小心d 整體魚肉質感都唔錯 最後每人兩杯飲品Lavender Early Grey Peach Camomile 飲杯野傾計會開心D 😌

依家想約人食飯可以慢慢吹水嘅地方真係越黎越少，大部分餐廳都只係得1-1.5小時嘅用餐時間，食完野都冇咩時間剩。約左個好耐冇見兼就黎要移民嘅朋友出黎食飯，真係好需要一個空間可以好好傾計道別。揾左呢間地點就腳又好坐嘅酒吧餐廳，食住野飲住酒咁傾下計。我地黎嘅時間好早，同埋係平日，所以一開始好似包場咁滯。但放工時間就開始陸陸續續有人黎。野食選擇唔算多，但勝在份量都算夠飽。我地叫左個澳洲M2 牛扒，大過我個手掌。店員冇特別問我地要幾成熟，但煮出黎嘅熟度岩岩好。牛扒有少少部份有筋，所以有D 韌。香草意粉就幾有驚喜，有香草嘅清新香味得黎又creamy。Black Cod and Jumbo Scallops Herb Pasta，魚嘅肉質嫩滑，即使簡單調味但一D都唔腥，帶子煎得岩岩好，唔會好乾身Chill下點可以唔叫酒飲～我地每人叫左一杯呢度嘅signature cocktail黎試，好特別嘅係呢度係signature cocktail全部都係以茶調味。愛飲茶嘅我一定要試下。荔枝煎茶超級超級出色！唔係誇張，係我飲過最好飲嘅cocktail! 荔枝本身嘅味道就易入口，而呢杯嘅茶香非常濃厚，唔係走清新路

位於旺角嘅Nathan 726不嬲都多野食，見嗰度新開左間餐廳兼酒吧就一於去試下去到時間都幾早所以唔太多人，酒吧裝修型格，沙發寬落，好啱同三五知己黎飲杯野放鬆下比目魚帶子香草意粉比目魚都幾大塊，肉質嫩滑，帶子煎得好香，食落鮮甜彈牙，香草意粉炒得啱啱好，軟硬適中 美國野生蝦明太子意粉明太子意粉超creamy，每啖都充滿明太子嘅香味，蝦已經切開左方便就咁食，蝦肉同膏都好甜Margarita 黎得間咁有氣氛嘅酒吧梗係要叫返杯cocktail，呢杯Margarita嘅taquilla濃度飲得出比出面嘅酒吧高，超足料Green Apple Chrysanthemum 朋友唔飲酒就叫左杯mocktail，酸酸甜甜幾好飲

約朋友晚飯去了旺角彌敦道726號8樓全層Dark Leaf Cafe & Lounge，就在港鐵旺角站B3出口步行約3分鐘，交通非常方便。大門已經覺得有型有格超時尚，室內環境雅緻，座位很寬敞，燈光浪漫合宜，播放著悠揚的歌曲，確令人舒暢，在旺角區密集鬧市中，提供一所休閒舒適交談聚腳的好地方。服務員禮貌招待，推介店舖的菜餚和飲品，令客人稱心又滿意。特別一提，這店也是一間Lounge，提供不同酒類飲品，給人客品嘗的。比目魚帶子，香草意粉$138比目魚肉質新鮮嫩滑，魚的油脂均勻，入口即溶。香煎金黃色的帶子極鮮甜，表面香脆嫩口又彈牙。香草意粉夾著芝士和香濃的蒜蓉味，配搭起來更覺美味。澳洲M2和牛肉眼 · 香草意粉$208澳洲M2的和牛最重要無激素，油花均勻，好冧好正，肉質嫩滑又多汁，口腔濃濃牛肉味配香草意粉一樣很夾，加上些小黃芥辣，非常美味。炸雞軟骨$68酥皮脆口雞軟骨，味道恰好，附加水牛城醬汁，醒胃又解膩，一件接一件，餐前小食佐酒都一流。Strawberry Kiwi $58上枱是一壺紅紅的茶，未飲已聞到陣陣香濃士多啤梨香味，入口散發陣陣果醬和果肉本身的微酸，非常怡神美味。Lychee Gle

呢間酒吧餐廳有型有格，一入到去就好似入咗去第二個世界咁。落地大玻璃再加埋拱形LED燈飾，設計好摩登,格調十足。加上佢樓底超高，感覺好開陽，俾人舒服嘅感覺。今日平日只有一個bartender同埋廚師，但係服務質素依然好好，食物更加超乎想像地好食。菜單方面選擇比較多，小食方面，有我最鍾意嘅墨西哥菜。 仲有一啲簡單嘅送酒小食，例如洋蔥圈雞翼炸魷魚等等。酒精飲品方面更加目不暇接，有酒精同埋有酒精飲品，好鍾意佢呢度嘅雞尾酒全部都加左茶嘅元素，好有創意又有心思。我見香莓茉莉好吸引於是就揀咗。主菜方面我哋叫咗蒜蓉大蝦明太子意粉，同埋比目魚帶子香草意粉，價錢方面雖然睇落偏貴，但係份量超大，而且超足料，其實真係幾實惠㗎。墨西哥玉米脆片（$88）前菜就已經開始有驚喜，墨西哥玉米脆片就咁聽落好似冇咩特別，但係其實超多餡料，裏面有guacamole 即係牛油果同蕃茄粒，仲有我最鍾意食嘅黑檻欖，上面仲有層超邪惡嘅車打芝士。啲蔬菜超新鮮，好開胃而且份量好大份。仲有個莎莎醬，超好食，係新鮮嘅蕃茄辣椒醬嚟（唔係好辣）蒜香大蝦帶子明太子意粉（$158）尼到就已經聞到香噴噴，有香濃嘅蒜香海鮮味道。賣相吸引，一隻大蝦有一隻

今晚同女朋友去旺角食飯，想揀一間有格調又浪漫嘅餐廳，一於來到呢間「Dark Leaf」。餐廳燈光佈局暗暗地，私隱度十足，夠晒浪漫，又夠 relax。「澳洲M2和牛肉眼、香草意粉」肉眼扒大大塊，夠晒多汁，肉質非常鮮嫩可口，好滋味！意粉軟硬度適中，好 creamy，十分彈牙，有口感，香草味十分入味，有驚喜。「比目魚帶子、香草意粉」火候煎得岩岩好，鎖住肉汁，入口即溶，最得我歡心。帶子亦都煎得剛剛好，十分鮮味！意粉同樣彈牙入味，十分出色。同時都叫咗兩杯飲品，Cocktail 係呢度嘅特色飲品，絕對要試下，十分容易入口。香莓茉莉 Signature CocktailPeach Camomile環境真係十分舒適，最岩同另一半一邊享受美食，一邊談心。性價比十分高，會再來。

旺角唔算太多樓上吧, 不過友人介紹左呢間係旺角726 既Darkleaf Cafe & Lounge 氣氛仲好唔錯雖然今日目標係先去一探究竟, 食個晚飯先, 但下次飲野chill 又有一個新選擇!叫左一人一碟意粉 + mocktail, 比目魚帶子香草意粉同澳洲M5和牛肉眼香草意粉兩個份量都非常驚人, 超大一碟, 而且望賣相都知意粉相當多汁creamy, 完全係岩晒我口味-比目魚帶子香草意粉比目魚超大一塊, 大過手掌, 足料👍肉質非常滑, 魚味香濃，再加埋2大粒金香可口既帶子~ 每條意粉都沾滿忌廉香草汁，非常creamy! 同魚柳非常之夾!-澳洲M5和牛肉眼香草意粉牛扒用上澳洲M5和牛肉眼，牛味香濃，無指明要幾成熟但廚師好有水準, 煎出黎仲係帶點粉嫩, 肉質juciy! 意粉帶點松露味, 味道豐富飲品方面 叫左mocktails Mango Shiso 同Peach Camomile 本身唔中意飲芒果味飲品, 因為多數都好藥水feel, 但呢杯係非常好飲, 好清新, 甜度剛好, 帶有少少檸橙味, 清新!Peach Camomile 係帶有淡淡香氣的洋甘菊味道味, 雖然有少少甘苦味, 但

餐廳型格裝修，有落地大玻璃窗，環境開揚，枱同枱之間有足夠既空間，配合昏暗燈光，幾有Feel，適合想靜靜地傾吓偈嘅朋友食物味道中上，最鍾意佢地調製嘅Mocktail比目魚帶子·香草意粉 比目魚煎得剛剛好，肉質好嫩滑，有入口即化嘅感覺，意粉份量足，牛油味都好香蒜香大蝦帶子·明太子意粉 蝦燒得好香，帶子大大粒有鹹香，意粉軟硬適中，入口滑溜溜，加埋明太子調味岩岩好，好出色荔枝煎茶用上Vodka調製，煎茶味特別突出，所以整杯不會太甜，好岩女仔飲威士忌燻茶相對比較苦澀，微微帶酸，個人鍾意荔枝Vodka 多啲。豬頸肉好有驚喜！燒香熱辣辣，正！

今日放工約咗朋友食飯，照舊又去咗太子726嗰幢大廈覓食，嗰度有好多餐廳都試過，見到有間新嘅餐廳未食過就試吓間餐廳睇落好chill好relax，有個酒吧，燈光柔和黑黑地，個環境幾令人放鬆，梳化位都幾舒服可能係平日同新餐廳嘅關係，唔算好多客人四至七點係happy hour, 第二杯Cocktail有半價，啤酒白酒紅酒買一送一，又幾抵同朋友叫咗兩個main course share, 有呢個大蝦帶子蟹子意粉，睇落已經好吸引啱晒鍾意食海鮮既我帶子新鮮同大粒，大蝦新鮮肉質有彈性，加埋蟹子簡直係絕配另外仲叫咗個牛扒薯菜配黑松露醬，薯條炸得好香脆，配黑松露醬唔錯，牛扒烤得啱啱好唔太老，有咬口仲加左個小食雞翼，幾香口入味當然唔少得叫返兩杯Cocktail chill 下，又幾易入口，飲返兩杯同朋友傾吓心事，心情都relax 得多！

友人告知有間有型格又chill嘅餐廳，點可以唔黎潮聖一下😎, 不過我地冇食開就冇嗌la~一人一碟意粉，分別係比目魚帶子香草意粉同英格蘭羊仔扒香草意粉🍝比目魚嘅橫切面好夠大呀加上仲要係厚切，足料👍肉質非常滑完全唔會overcooked果種。帶子都係靚食材，絕對稱得上鮮甜嫩滑🤓羊仔扒有三塊，肉質夠淋，做到留有香味但唔係羊騷味。望落簡單嘅兩碟意粉，估唔到性價比咁高咁chill嘅環境當然要嗌返杯cocktail啦，我地嗌左Jasmine(莓）同Sencha(荔枝）, 兩杯都係易入口之選，如果真係要兩杯比，Jasmine會比較酸酸甜甜啲，而Sencha第一口飲落就會酒味濃啲同清新啲，兩杯同樣係最開頭果味出啲，後尾就茶味出啲，幾鍾意呢種層次感味道

Weekdays 工作太忙 趁星期六當然要飲下酒 食下野chill 一下 今次嚟到旺角既 darkleaf cafe & lounge 正好為我地帶來chill爆開心既一餐😚✌🏻一入到去就覺得環境型格得嚟又好chill🤤勁岩一大班朋友過嚟飲酒🍻吹水👏😻我地當時未食dinner 就順便係到食埋正餐 冇諗到都幾出色😚首先 我地叫左 比目魚帶子•香草意粉🍝個香草意粉比我地想像中份量都幾大😁 個白汁勁creamy 唔會好乾身 👏而比目魚更是煮得食出色 ☺️✌🏻它的外皮很脆口😎 而魚肉好鮮甜 滑身😚是健康人士既首選喔🥰帶子有2大粒！煎得金香可口😉整體上都很不錯😜另外 我地都share左 澳洲M2和牛肉眼 •香草意粉🍝香草意粉跟剛才的餐一樣既 皆份量好大 😙至於澳洲M2和牛肉眼 則很juicy 唔會有多餘既筋同肥膏 🤪 配上芥末醬 真是一流😍飲品方面 我叫左Mango Shiso mocktails ☺️芒果味唔係藥水味🥭甜度剛好 易入口😙 非常清新☘️ 絕對推比唔係好飲酒精飲品既朋友🤩男友則叫了earl gray cocktails 🍸 好有伯爵茶嘅茶香 ☕️飲落去好順口 唔會話太嗆 都唔會好苦 正！的

朋友介紹話有間新開bar勁chill，今日放假即刻去試下先一上到去見到個環境都真係幾正，好有feel，一入門口就見到成個bar枱，啲梳化又靚，燈光又正除左cocktail，呢到仲有得，黎呢到同朋友慢慢食下野飲野吹水真係一流！一場黎到緊係要叫返杯signature cocktail啦，呢到用左茶底做cocktail，好新奇，飲落有茶香，酸酸地，賣相亦好靚好細心一杯落肚即刻有feel串燒雞軟骨、雞皮勁香，軟淋淋多醬汁好入味，配酒一流呢個意粉真係唔話得，係極之高質蝦同帶子煎到有紋好靚，一上枱亦已經聞到啲海鮮味意粉係完全無得輸，醬汁啲味道完完全全比意少吸收晒，每一啖都勁入味勁香，唔似得有啲地方煮到係醬汁同意粉分開，要特登點多啲醬黎食意粉，超值得讚可以話係so far食過最高質既意粉，絕無誇張！

朋友想搵個地方飲酒但係依家入酒吧又要做快測， 所以就揀咗一家又有酒飲又有晚餐食嘅地方近近哋就揀咗旺角這間酒吧cafe上到去環境很有格調主食揀咗蒜香大蝦帶子明太子意粉+ 比魚帶子香草意粉大蝦帶子明太子意粉，大蝦真係幾大隻，而且蝦頭有好多蝦膏，蝦肉爽口新鮮， 意粉彈牙剛剛好， 而且明太子汁啱啱好掛麵比目魚帶子香草意粉， 原片魚肉，重魚香、彈牙，唔會好多骨，意粉香草汁都非常掛麵，帶子煎得好香重點係叫咗兩杯酒精飲品我揀咗香莓茉莉， 有陣陣雜莓味，酒香濃朋友揀咗陳皮普洱， 仲有一塊果皮， 有陣陣橙香果皮味，而且夾住威士忌香， 非常推介整體嚟講搵個地方傾下計係一個唔錯嘅選擇， 個人而言應該下次會再嚟飲嘢

難得約朋友食飯，想搵一間可以坐得耐又舒服嘅餐廳。上網搵到呢間新開又有唔少好comments，於是就決定去試新嘢。餐廳嘅環境舒適，裝修新潮型格，餐廳內柔和嘅燈光+環境真係好適合食野同埋飲杯野chill吓！網上見到佢嘅飲品好特別，就叫咗2杯Mocktail及2碟意粉，可以飲吓嘢食吓嘢傾吓偈。比目魚帶子•香草意粉比目魚煎得啱啱好，肉質嫩滑，至於帶子輕輕煎過後，入口非常鮮甜。意粉沾滿忌廉香草汁，非常creamy！蒜香大蝦帶子•明太子意粉大蝦非常吸睛！帶子大大粒，肉質鮮嫩！意粉加入明太子，入口creamy，味道都幾鮮！Mango Shiso飲落有濃濃嘅芒果香味，好fresh！Peach camomile香桃加甘菊，再加少少果酸，好適合夏天飲。