Daap

营业中

休息中

在香港這個美食匯聚的都市，要吸引食客的目光和味蕾，需要的不僅是好食材，更要有獨到的創意和匠心。位於中環永吉街的daap餐廳，便是這樣一家讓人驚喜不斷的創意餐廳。亞洲與西方菜式的巧妙結合，加之餐廳全開放式的廚房設計，讓每一位食客不僅是用味蕾，更是用眼睛和心靈體驗每一道精緻料理的誕生。### **開啟味蕾旅行：烤栗子湯配羊肚菌**我的美食之旅從一道烤栗子湯開始，這不平凡的開胃菜以羊肚菌作點綴。湯品濃郁卻不失細膩，羊肚菌的加入更是令這道湯在口感和層次上更加豐富。烤栗子的甜，與羊肚菌的地道香氣，一開始便讓人眼前一亮。### **海陸交響：慢煮味噌加拿大比目魚配日本蠔豉烤大蒜汁**接下來的主菜是一道精心準備的海鮮之選，慢煮味噌加拿大比目魚。比目魚肉質細嫩滑順，味噌的入味讓整道菜的味道層次分明，而配以日本蠔豉烤大蒜汁，更將這道菜的風味提升到另一個層次。海洋的鮮美與亞洲調味的巧妙結合，讓人讚不絕口。### **田園風情：亞洲風味啤酒燉羊腿配茄子薯蓉**亞洲風味的啤酒燉羊腿，是我的另一個驚喜。羊腿鮮嫩多汁，啤酒的加入讓羊肉的膻味得以中和，同時帶來淡淡的麥香。搭配上輕盈的茄子薯蓉，整道菜既有西式的烹飪手

Booked 1:30, calling at 12:40 just to tell you unapologetically that due to rain (?!)and electricity (?!) the restaurant has to be closed. To be fair, yellow rain storm signal was hoisted until 1:45pm.

Daap係間兩三人經營嘅fusion小餐館，坐吧枱可以欣賞主廚+副廚互相配合準備嘢食，睇住主廚煮意粉、擺盤、開火槍等等，就好似睇表演咁精彩華麗，真真正正視覺+味覺享受。不過正因為得兩個人，所以要等得耐啲，而且樓面嘅侍應唔多醒目，會有啲甩漏。*Restaurant week (Appetizer + Main + Dessert) $198烤栗子湯配羊肚菌栗子味非常香，順滑濃厚嘅湯頭帶少許奶香，感覺每啖都係精華。羊肚菌脆脆嘅，索湯後半脆半腍，口感好讚！臘腸卡邦尼手工意粉用臘腸代替意式風乾豬肉，有鹹香又多一層臘腸嘅甜味。手工意粉有厚度、煙韌，撈勻半熟溫泉蛋，每一條粉都掛住滿滿嘅卡邦尼汁。醬汁已經有濃濃嘅蛋香、芝士香，上菜前用火燒到焦香，過程除咗表演之外，亦加多一層煙燻香。亞洲風味啤酒燉羊腿配茄子薯蓉羊腿肉非常入味，肉味唔會好膻，用刀切開容易+易離骨。肉質好嫩，但又保持到咬口。薯蓉綿滑，配搭茄子又好味，係意外嘅收穫！自家制酸種菠蘿包配奶茶雪糕菠蘿包帶發酵酸味，菠蘿皮夠脆，但整體偏乾硬。奶茶雪糕茶味好濃，完全冇冰粒感。

食完一個鐘內即刻唔舒服同行朋友都係咁 肚痛咗成個下晝 朋友更加柯水菜式油膩 味道又不平衡主打係fusion菜？ 但係完全唔知咩嚟😂 不理解既味道一開頭睇個樣就覺得好似唔差咁食落就知中伏原本成日經過見到都算full就諗住試下 點知係不知所謂 人均重要200蚊 食唔食你自己諗下啦服務就更加唔使講唔知收咗加一做乜嘢 個類似菲律賓值嘅服務生 好似第一日返工咁 一行入去已經同咗佢講話book左兩位 英文都講左兩次但就係咁將我地 對比入面個chef 同第二位攞個ipad 既waitress 點知都係冇人理我哋 最後個chef先指示我地坐底 到最後都係叫我地有位就坐得 😂😂 welll...之後仲要聽到佢地唔係撞到就打爛嘢😯 good luck

餐廳fully booked但你得兩個人身兼廚師侍應， 完全應付唔到，所以發老脾喺客面前掟碟。我記憶之中都未試過入一間餐廳個氣氛可以咁尷尬，個個客都戰戰兢兢咁。問你攞個menu好似問候你全家咁。其實依家飲食業艱難，你哋仲咁樣做臭香港飲食業個朵真係好可惜。利申最後無食嘢，頂唔住咁嘅氣氛＋服務所以走咗，希望兩位chef之後請多啲人或者EQ高啲之後，再有機會一試廚藝。

無意中係社交平台發現一間係中環巷仔嘅港式fushion 菜😄係巷仔中嘅小餐館，好鍾意佢個vibes。細細間open kitchen成個感覺好cozy。成晚人流都好多，所以大家記得訂枱。佢嘅創意料理係好特別，相信其他餐廳都食唔到同款嘅菜式😆所以係絕對值得再訪。佢係做set menu，$780pp 6 course menu，加$250有house wine/ beer free flow今次佢嘅紅油buttermilk花膠、栗子湯、紅蝦燒賣同臘腸carbonara係我覺得好好食同埋好有驚喜嘅菜式。意粉都係手工自己整

同同事book左枱食lunch 本身都滿心期待 因為見評價幾好 同食物賣相好吸引 可惜一去到就已經感覺唔係幾好 一入到去服務員見到都唔會理你 要主動行入去搵佢 點知佢話冇枱 又答唔到等幾耐 然後就走左去 冇諗住理我地 要我問多幾次個服務員先有啲反應 雖然最後唔係等左好耐同老闆都有講唔好意思 但一入餐廳就比人無視感覺都幾差☹️ 我地一人叫左一個lunch set 餐湯係好飲嘅 不過份量就真係少得可憐 唔好比佢個大碗呃左 跟住叫左個慢煮比目魚 就真係中伏 蠔豉湯浸魚 魚就得兩小塊 😥 唔係好食到咩味 魚肉入口即溶🤢食完都唔知食左啲咩 完全唔值200蚊😵‍💫到個所謂手工意粉 唔難食嘅 不過好普通 有啲咸 到最後加左個奶茶雪糕菠蘿包 得個雪糕好食🫨 總結 overrated 性價比低 食物水準好一般 完全對唔住個價錢 服務有待改善

📍中環粵西fusion菜‼️• 鹹香十足卡邦尼🥰 — DAAP👅·Follow @pigfoodiexhk for more food!🐷#pigfoodiexhk_中環#pigfoodiexhk_西式==========================一直都覺得呢間餐廳嘅fusion菜好吸引！前排就約咗@breadismyboyfrd一齊嚟試下lunch menu😋當日book咗12：00去到係第一檯客，食食下已經full house，想食記住book定位呢！-————————————Appetizer ⭐️北海道帶子沙律 配沙薑醬 （4.1/5）沙律菜新鮮，帶子粒鮮甜，配埋石榴粒口感豐富～·⭐️蟲草花忌廉湯 （4.4/5）呢個幾好飲！忌廉湯creamy，味道濃郁～表面加埋蔥花、橄欖油同脆蟲草花，口感豐富🥰·Main - Fresh Homemade Pasta⭐️臘腸卡邦尼手工意粉 $178 （4.6/5）以臘腸代替煙肉，再加入芝士同忌廉，鹹香十足！手工意粉闊身好有咬口，掛汁力一流，加埋燒過嘅流心蛋黃口感更為濕潤😋•⭐️避風塘炒蟹肉手工意粉 $188 （4/5）呢款比carbonara 更重

有時lunch行經永吉街，都見到daap坐滿人，今日終於的起心肝過嚟試！小店只有一人主理，由落order到準備食物到上菜都係一位店員一腳踢，所以需要預耐少少去食。前菜我地揀咗栗子忌廉湯配羊肚菌，天氣稍涼飲呢個湯好暖，湯好滑，有香甜栗子味，大推！🤤Main我地都揀咗意粉，阿根廷紅蝦-蝦醬-蝦乾意粉同埋臘腸卡邦尼手工意粉配溫泉蛋。紅蝦意粉加咗蝦醬，食落去好惹味，蝦汁好濃，有種食緊小炒既感覺，調味亦都剛剛好，唔會太咸。😽👍🏻而臘腸卡邦尼手工意粉配溫泉蛋，食落去好creamy，不過比起紅蝦意粉咸一d，可能係因為加咗臘腸，自己一個食晒成份就會有dd漏。🙈食完lunch我地已經plan緊下次要嚟試dinner! 真心推介!☺️

呢間餐廳真係好考驗我嘅「耐性」😂坐低後等咗差不多1個鐘先上菜…而菜與菜之間，要等候嘅時間亦唔短…我哋6個人就坐Bar枱，傾唔到偈之餘個Open Kitchen畫面亦唔太好睇，變相長時間都係呆等，有啲難捱🙃平時食Fine Dining嘅時間更長，但過程中餐飲嘅安排亦會花下心思，今次要用到「捱」字都真係第一次🥲-好喇，講下嘢食～大部分都唔差嘅，配搭幾創新，味道亦不過不失，但冇一樣突出而我覺得比較差嘅就係「慢燉叉燒和牛面頰肉」同埋「桂花提拉美蘇」😐 個牛調味太鹹；而個Tiramisu 口感就就好怪…-【前菜（2選1）】• 犬牙南極魚片配花油雞油香草薔• 鳥結鵝肝配 山楂醬【湯】• 烤蟲草花湯【主菜一（2選1）】• 大閘蟹小籠包 配白豆薯蓉及紅油老陳醋醬油• 黑毛豬肚手工意粉 配 胡椒酸菜【主菜二（2選1）】• 慢燉叉燒和牛面頰肉 配清炒椰菜• 香煎手撕羊腩支竹卷 配薄荷乳酪及羊肉汁【甜品（2選1）】• 桂花提拉美蘇• 自家制酸種菠蘿包配 花生小紅莓牛油-總括嚟講呢間餐廳菜式配搭上就有創意嘅，味道上就一般啦…個人覺得如果係上菜安排方面花多啲心思，改善下，會令食客嘅體驗更好🫣

味道真係不能形容咁怪，無法欣賞！同同事堂食lunch，食後共同嘅comment ： 貴、怪、難食、無下次。手工意粉我好肯定唔係手工嘢，根本就係包裝意粉。牛腹肉個汁咸到我覺得自己食緊腊鴨（即使已經撥開大部份汁），雖然個牛肉係幾軟淋，而成隻碟只得肉片配薯仔嘅情況下，上菜第一下感覺已經唔多好，而且薯仔係近乎無調味，同牛肉果種強咸成強烈對比。甜品Tiramisu 本身塊主體係ok嘅，但係浸喺個唔知咩醬度就成件事錯晒，要我撥開啲醬先食到expected嘅味到。跟餐無餐飲，於是我加$25，得到半杯美式滴漏齋啡，唔難飲，因為無乜味，不過呢杯嘢我覺得喺其他餐廳係跟餐送嘅，反正你都係喺一大壺煮好咗嘅咖啡壺倒出嚟啫。總結：我覺得餐廳為fusion 而fusion，不但對唔住價錢（就算平一半我都唔會再返來），重點係難食，希望老闆研發下新味道，搵啲夾啲嘅醬嚟fusion

今日約咗好朋友食午餐， 選咗一間上環嘅小店！訂位之前都已經知道呢間餐廳只係有吧枱位坐入到去我見只係得一個服務員做嘢，我見佢都好忙又要帶位比餐牌落單連煮嘢食都係佢應該係另外一個服務員未返到，之後我哋就落咗order首先頭盤係烤栗子湯配羊肚菌呢個湯真係值得推介，超級好味又濃郁，好快就比我飲晒跟住嗌咗兩個主菜1.香煎三文魚配日本豉油意大利黑醋醬及西蘭花苗呢個就普通不過不失2.臘腸卡邦尼手工意粉我同朋友都係為咗個手工意粉而黎，雖然份量唔多，但都冇令我哋失望因為係我同朋友嘅生日lunch, 所以都有叫甜品，自家製菠蘿包配奶茶雪糕，餐廳都有幫我哋寫返Happy birthday同埋都好主動幫我地影相,抵讚有機會都可以試吓佢嘅dinner☺️

Came here for a 5-course dinner at $780/person. It’s a small Asian fusion restaurant with mostly bar tables. Every dish is cooked by @chef_luke1028 here and he introduced the dishes to every table by himself so the waiting time between dishes is a little long but we still found surprises in the menu. 🥂Nougat de Foie Gras with homemade hawthorn jelly Never thought that foie gras could be paired with hawthorn jelly before and it surprisingly matched. It’s just the foie gras size was a bit tiny.🥂Ro

估唔到上環巷仔除左車仔麵、快餐之外，仲有間格局雅致既fusion 地鋪小店！ 目測餐廳主要有張bar 枱同1-2 張細枱，得十幾個位，所以最好訂枱！ 坐bar枱可以睇廚師即席烹製好享受！ 🥰Set lunch 包1 頭盤+ 1 主菜，頭盤蟲草花忌廉湯好出色！！ 唔好睇佢個碗好似好淺咁，因為個湯好creamy 好滑， 都好飽肚 😋 配左炸香既蟲草花，加埋蔥好有口感 ，仲好靚添！ 🌹 臘腸卡邦尼手工意粉HKD178 呢度手工意粉係好粗同扁身， 好煙韌！睇住廚師拎火槍燒溶芝士🧀流哂口水🤤佢呢個用臘腸代替煙肉粒， 幾有創意 ， 不過我個人唔中意臘腸所以中意傳統多啲 🤪🦐 阿根廷紅蝦-蝦醬-蝦乾手工意粉HKD198 呢碟超欣賞！呢排好中意食紅蝦野 ， 呢次有3 款形式present 既蝦～ 雖然唔係原隻紅蝦，但加左青檸調味既蝦絞肉令我好深刻 意粉有蝦醬調味岩岩好 唔會好似Vxxxxx 個間咁咸 但我就唔係好食到蝦乾 但都覺得成個粉好好味😋 桂花提拉美蘇 + HKD25 額外加左個甜品 🍮， 我好中意tiramisu 有索哂咖啡既餅底，但呢個就冇 ， 整體比較流質， 加左桂花都好Match ！整

嚟到這家餐廳，第一印象就係親切得嚟又有啲家庭感嘅熱鬧。首先嗌咗一份豉油皇炒麵，簡直係咋咋聲嘅香氣撲鼻而來！麵條爽滑又有嚼勁，每條麵都掛住深邃嘅豉油色澤，而家諗起都唔知點收聲！炒麵上面仲撒咗少少蔥花，賣相一流。跟住，我試咗招牌嘅檸檬叉燒雞，一入口，先係叉燒帶嚟嘅甜，再隨住雞肉嘅嫩滑慢慢舒展開嚟。叉燒上面嗰陣檸檬酸酸哋，清新擊中味蕾，真係夾得好！飲品方面，嗌咗杯凍檸茶，甜度啱哂口感，仲有啲微微苦澀後味，幾啱飯後清口。整體嚟講，飲食絕對符合「物有所值」四個字 — 份量足、味道正！食物之間嘅平衡做得幾好，每樣嘢都唔會搶擊下一樣嘅風頭。最後，呢度嘅服務亦都唔錯，員工笑容可掬，真係送上一個滿足嘅食飯體驗😋👍🍽️。