Daap

营业中

休息中

Daap系间两三人经营嘅fusion小餐馆，坐吧枱可以欣赏主厨+副厨互相配合准备嘢食，睇住主厨煮意粉、摆盘、开火枪等等，就好似睇表演咁精彩华丽，真真正正视觉+味觉享受。不过正因为得两个人，所以要等得耐啲，而且楼面嘅侍应唔多醒目，会有啲甩漏。*Restaurant week (Appetizer + Main + Dessert) $198烤栗子汤配羊肚菌栗子味非常香，顺滑浓厚嘅汤头带少许奶香，感觉每啖都系精华。羊肚菌脆脆嘅，索汤后半脆半腍，口感好赞！腊肠卡邦尼手工意粉用腊肠代替意式风干猪肉，有咸香又多一层腊肠嘅甜味。手工意粉有厚度、烟韧，捞匀半熟温泉蛋，每一条粉都挂住满满嘅卡邦尼汁。酱汁已经有浓浓嘅蛋香、芝士香，上菜前用火烧到焦香，过程除咗表演之外，亦加多一层烟熏香。亚洲风味啤酒炖羊腿配茄子薯蓉羊腿肉非常入味，肉味唔会好膻，用刀切开容易+易离骨。肉质好嫩，但又保持到咬口。薯蓉绵滑，配搭茄子又好味，系意外嘅收获！自家制酸种菠萝包配奶茶雪糕菠萝包带发酵酸味，菠萝皮够脆，但整体偏干硬。奶茶雪糕茶味好浓，完全冇冰粒感。