Da Filippo Trattoria (已結業)

趁仍有商場coupon，去試菜。環境尚可，大部份枱都已被訂座。服務不錯，會主動換碟。有吧枱型式的坐位，望住製甜品師做甜品。點了一客三文魚牛角飽、肉醬意大利闊麵及芝士條，可了解輕食、主菜及甜品的味道。首先牛角飽味道偏鹹、牛角飽不夠鬆。肉醬闊條麵，麵身上枱時已涼，單靠肉醬的熱力不足以保溫。由於不是焗製，所以唔夠熱，失口感。最後選擇芝士條作甜品，份量比較少，沒什麼驚喜。總括來說，如有coupon一試無妨，預咗性價比不高。

比*米芝蓮星廚坐鎮*的宣傳迷惑了，一心諗住支持滿腔熱誠的星廚，叫了個Pizza+卡邦尼意粉，食第一口Pizza已知中伏😢，意粉可以稱得上差勁，唯獨杯咖啡可以，冇下次！😂😂

呢間新進駐海港城嘅意大利餐廳🇮🇹有連續20 年榮獲米芝蓮主廚Andrea Alimenti坐鎮👨‍🍳價錢都算親民🤤 味道不錯值得推介❤️Cheese n Gold $268非常吸睛嘅pizza🍕24K金箔鋪係burratta cheese上面😍一切開中間creamy嘅芝士出曬黎🧀香濃嘅奶香 配醃製吞拿魚嘅鹹味 非常好味 👍🏻 加埋車厘茄 好開胃😛pizza嘅皮都夠薄 值得一試！經典肉醬扁意粉 $168扁意粉嘅口感好正好彈牙 但外形 有少少似刀削麵😂 蕃茄肉醬 濃而不膩 😋經典香烤腹肉牛扒 $298分量較少 但質量不錯 牛扒夠淋 肉汁好香🥰鵝肝配蘋果白蘭地菠菜及香醋 $298鵝肝煎得幾香 但整體無咩特別 可以不試藏紅花蛋奶閃電泡芙 $78泡芙幾脆👍🏻中間嘅餡似好淡好淡嘅吉士🙈七十幾蚊得兩條唔係好值😛百利白朱古力醬意式冰糕 $68口感介乎雪糕同刨冰之間🤔好香cappuccino味☕️ 幾好味😚整體而言 環境舒適 上菜速度快 價錢合理 食物質素都幾高💕 提提大家 weekend都幾滿座 唔想等位 可以打電話黎book定位先☎️好味指數👅：8/10性價比💸：8/10打卡呃like指數📸：6/10

食物Portion非常之少 同menu張相非常之大既出入 以classic french steak為例 實際分量係張相既一半都無 味道亦很普通另外 因為係同朋友慶祝生日 book table時一早講左要寫happy birthday落隻甜品碟到 但到最後完全無左件事 後來同佢講 佢就拎去check然後寫返 但個甜品d cream再返黎時已經溶哂 仲要話無蠟燭提供 而當時個waiter態度亦很一般！非常需要改善！（因為食既時候實在太失望 忘記左影相）

讚1.餐牌就咁望其實係有啲港式，鵝肝薄餅就咁望真係嚇一嚇。但整體水準其實幾好，意粉芝士味香，意粉質感都軟硬剛好；薄餅既批底好，鬆軟，火腿好香口；意式冰糕好滑，雖然中間有啲碎冰，但味道好濃彈1.環境係相當差，逼到出奇，雖然佢唔貴，但話晒都兩三舊水既午餐既餐廳，鬆動少少會好啲2.服務係有啲散漫，人未到，已經上左洋蔥湯，所以參口時係偏暖而唔熱3.洋蔥湯既洋蔥唔夠熟，入口生；薄餅既鵝肝好難食，有種難食既油味。

喱日老婆大人話罷工要出去食晏我梗係要支持啦！佢想去海港城食排長龍日本麵包店OK梗係捨命陪老婆㗎！不過女人心海底針好鬼難捉摸嘅去到海港城佢見到喱間新開嘅Da Filippo Trattoria見唔使排隊即刻衝咗入去哈哈！喱間意大利餐廳用全開放式廚房計我話真係唔錯，起碼睇到廚房工作人員有帶口罩手套做嘢，好似啲女人話齋咁樣有安全感吖嘛！老婆大人喺道我梗係唔使煩叫菜啦講到知我心意非佢莫屬！喱日天氣有啲凍有個熱湯飲梗係正啦！我哋叫咗龍蝦濃湯橙紅色嘅湯色睇到都已經覺得暖晒，入面仲有脆卜卜嘅麵包粒飲完碗湯已經飽咗4成！老婆大人最鍾意食意粉可惜我晤like！不過喱碟經典卡邦尼意粉又幾有咬口仲好鬼香芝士同蛋味添連唔鍾意食意粉嘅我都食咗唔少，但係喱道啲菜又好鬼大碟最後成餐三樣嘢都要打包返屋企食多日呢！老婆大人知我唔like食意粉所以特登叫一個意大利海鮮燉飯比我，幾樣海産都好鮮味尤其係兩款青口都軟綿綿好鬼甜，燉飯睇落好濕但食落又好粒粒分明喎仲要入晒鮮味好正。跟住仲有新鮮出爐嘅薄餅餅底係用老婆大人最鍾意嘅酸種麵包嚟整，喱個薄餅有個好抵死嘅名叫情人眼裏出肉肉Pizza，情人節嚟食應該好應景當然首先要好似我有個咁

最近海港城又進駐了一些新餐廳，其中意大利餐廳Da Filippo可謂人氣十足，原因無他，因為有米芝蓮一星廚坐鎮。這天我都慕名而至，欣賞一下這位名廚的手藝。周三下午來到，正好是午飯時間，人客多得很。餐廳正前方是開放式廚房，旁邊還有一個玻璃烘焙房，幾個師傅正在忙碌地做麵包pastries等。Da Filippo主打「正宗傳統意大利人的家庭味道」，行政總廚Andrea Alimenti生於佛羅倫斯，自1997年起，他的餐廳品牌Acquamatta連續13年榮獲米芝蓮一星殊榮，絕非泛泛之輩。經典肉丸配番茄醬 $98先要了一碟肉丸，肉丸較腍身，番茄醬非常濃郁，酸咪咪，配以清新的香草味，就算大口「入幾球」，感覺都不會太膩。情人眼裡出肉肉 $188來到這裡必吃薄餅，皆因Chef Andrea堅持在店內自家培植酸麵種 (Sourdough) 製作餅底，這天我試了「情人眼裡出肉肉」，不但香氣迫人，口感更是十分煙韌。經典龍蝦扁意粉 $288經典卡邦尼意粉 $158另一必食是意粉，據介紹是採用意大利Petra 7220 麵粉，每日新鮮自家製作，個人特別喜歡「 經典龍蝦扁意粉 $268」，是餐廳的招牌菜。海鮮

這天終於忍不住日本麵包的吸引力走到海港城預備堂食品嚐，怎了去到3樓忽然眼前一亮看見這間新開的Da Filippo Trattoria，即是轉軚捉了車爸爸陪我吃一頓豐富的意大利午餐才返工！Da Filippo由來自意大利拿坡里連續20年榮獲米芝蓮名銜星廚Andrea Alimenti出任行政總廚！以地道意大利人家庭味道和親民價錢帶給香港的老饕！餐廳門口位置有Grab & Go Counter供外帶，選擇有芝士蛋糕、時令甜品、經典自家製牛角包、意式三文治和小薄餅等！餐廳內用上簡潔舒適的裝修配襯開放式廚房，客人可以一面欣賞和品嚐到即製的地道意大利美食！看看餐牌主力供應著也是我喜歡的意式美食，包括有新鮮製作酸種麵包Pizza、意大利燉飯還有即日新鮮製作的意大利麵，沒辦法太吸引之下我們決定各點上一客來品嚐，吃不完的話可留待第二天作羅家飯的早午餐！冬天果然真是令人儲肥膏的好季節耶！餐廳的防疫意識亦做得十分足夠，首先當然要量好體溫才可以入座！每檯有膠板作間隔亦附上口罩套供客人使用！這天是入冬季後我覺得最寒冷的一日，所以甫坐下即時點來Earl Grey＄68暖暖身先！這麼凍的天氣當然要接力來一客熱辣辣

見新開又多網上介紹，所以去試下點知非常失望，可能期望越大，失望越大嗌左兩個lunchset沙律無汁，非常乾，一堆沙律菜洋蔥湯非常咸兩個意粉Carbonara ，再次非常咸，連個汁都咸過個煙肉意粉texture還可以，係彈牙既龍蝦意粉唔咸啦終於，聞落都香，有條龍蝦尾但食落無乜味 ( 已經飲左杯水清左下口 )最慘係有d蝦肉粒 ( 唔知係咪想扮龍蝦肉粒 🤨) 我寧願佢唔落同另一半都同意唔會再試呢個價錢有其他更好既手工意粉

經常都係海港城，好耐都冇見有新嘅西式餐廳，一於去試。星期六12點左右剛好有位唔需要等，目測超過一半都係空枱，相信都係俾人book咗。1） Baked  Sea  Bass with Smoked Scamorza Cheese  -表面芝士好食，-魚也好味，問題是吃不出是Sea Bass or Cod。餐牌上面寫的是Sea Bass，但回家見到單上的是Cod。-份量就好有問題，我上傳左當日幅相同餐牌幅相給大家衡量，實際碟上的魚少過餐牌的一半。2） Gnocchetti  Walnuts  and  Parmesan  Fondue-本人好鍾意食gnocchi，喺香港唔容易搵到。食後才發覺gnocchi 和 Gnocchetti 係有啲不一樣的。-呢碟有啲失望，首先係大量的黑椒，食了第一啖之後除了黑椒愛就已經taste唔到第二啲味。-主角Gnocchetti並唔單口，有啲失望。3）flat white咖啡-好飲過Starbucks幾倍4）客戶服務整體上的服務都可以。有一樣要改良的就是唔好成日伸隻手喺客人面前攞走食完的碟。而家疫情下佢哋都帶住啲藍手套，試諗當你食緊野突然有隻藍色隻手係你面前

環境、食物賣相都好，但味道就好一般...可能只係唔岩我地口味。我晏晝HKD 240叫左個set lunch魚，誰不知佢係用芝士包住舊魚。有芝士味冇魚味...其他仲叫左個黑松露意大利飯都係重芝士...食到一半已經食唔到。

勁鍾意食芝士嘅我，有新意大利餐廳點都要試吓，不過而家只可以二人食Lunch，食得好少菜式。不過大食小妹都試左2款湯一個素菜湯，一個洋蔥湯，非常濃味。不過唔鐘意食芝士嘅，其祈唔好點喇。叫左Standard Pamma ham Pizza，皮偏厚左dd經典千層麵，外脆內Juicy😋，我食到停唔到口加多個生牛肉，不過埋單hkd350一位左右，叫Lunch Set抵好多😅

只需等候數分鐘，就可以入去等位，餐廳環境舒適，服務員態度親切，食物質素優質，海鮮飯爽口彈牙，薄餅簡直是一絕，還有龍蝦意粉，龍蝦汁香濃，龍蝦爽口彈牙， 10分新鮮。

海港城最近有優惠卷，見呢間新餐廳都有得用，同朋友封試下意大利菜🇮🇹環境好舒服，廚房係開放式，可以睇見入面廚師煮食，衛生情況都好好！經典香烤封門柳（$288）叫左5成熟，好重牛味，但醬汁比較少，如可以多醬汁就好👍🏻👍🏻情人眼裏出肉肉（ $168）口感豐富，好多肉類，都好大一份，由於太多巴馬火腿，略為咸左少少😄😄😄整體都不錯！經典千層麵 $158呢個好濃味，好好食，同朋友都大讚不錯👍🏻

今日看到海港城又有新餐廳，一於試試看。餐廳的面積唔少，是現代休閑式的設計，或許裝修沒有soft material 吸音，所以聲音特別回彈，雖然沒有太侷促的感覺，但環境有少許嘈吵。今日點左set lunch. Set lunch 有十二款選擇，價錢由$148-$288，包主菜、餐湯、沙律和飲品。沙律幾fresh, 就是簡單的生菜、車厘茄和橄欖。沙律用上沙律汁，沒有太油膩，感覺清爽。香烤野生鱈魚配煙燻斯卡莫扎芝士$228這主菜的份量比較少，照片是特寫。鱈魚沒有特別的味道，淡淡然，魚肉也不太滑溜，煮得老了一點點，令人有少少失望。配菜有沙律和一支蘆筍，感覺輕怡。最後是餐咖啡。我選cappuccino.咖啡的拉花很美，咖啡很甘香順滑，又有咖啡香，泡沫細密，不錯。這一天我吃的鳕魚感覺一般，而朋友點的牛扒和龍蝦意粉的份量會比較正常，他們也滿意。或許是新開幕，感覺上菜的時間有少少亂。朋友點的午餐，一次過上哂沙律、主菜和飲品，另一朋友苦等三十分鐘，咖啡也提了兩次，也沒送到。或許午餐時段，太忙了。