Cocolo Tokyo Cake Factory (利東街) (已結業)

店舖位於利東街街中間嘅地庫商場內，即係灣仔站D出口，非常方便。一踏入舖，店員就很主動向客人打招呼，店內設有2張枱，可供客人即時享用餅食或飲品，估唔到有提供免費充電線，非常貼心嘅設備！一場嚟到，就梗係要試吓佢哋從日本直送到港嘅青森蘋果批，除咗蘋果批外，佢哋亦都有凍餅丶咖啡丶日本樽裝飲料。青森蘋果批外層有糖漿，批層好酥脆，青森蘋果果肉清香，官方說法每粒都切成2cm X 2cm大小，加埋少少雲喱拿味嘅custard cream，拎上手熱辣辣，即場食係最好味嘅~京都抹茶蛋糕另外，仲試咗京都抹茶蛋糕，鍾意佢唔止有抹茶嘅清香，食落仲有丁點茶澀味，蛋糕質感軟棉本來想試佢哋嘅香橙芝士蛋糕， 唯有下次再嚟過啦～

日日經過利東街都見到呢間蘋果批d cake 好吸引，終於揾日嚟諗下！原來仲有咖啡個d架😆.招牌蘋果批就當然唔少得啦！酥皮脆卜卜，層次分明，入面嘅吉士同蘋果甜度適中，一個人食一個都冇問題呀😮👏🏻.另外叫左2件新出嘅cake! 一款係earl grey cake, 茶味香濃，蛋糕夠濕潤💓 而cheese Mont Blanc 就更正，食落芝士味十足，入面嘅cream 好soft& light, 中間仲有d酸酸苺醬💓💓 味道好豐富👻.而家夠50蚊可以10蚊換件芝士蛋糕 🍰 要左士多啤梨味，芝士味都幾出同夠滑！好值得加嚟食呀💗💗

影完聖誕燈飾見肚餓就係附近食好西，發現呢間店，唔駛去到西貢食而家灣仔都有啦，當然試下最有名的日本青森蘋果批🍎拎上手熱辣辣新鮮出爐，咬第一啖好脆口！酥皮做得唔錯好鬆化又香牛油味又唔會好肥膩，加埋入面蘋果餡酸酸甜甜好好味，蘋果粒粒好有咬口，吉士醬又細滑，正👍🏻美中不足係餡料可以多啲，jo咬了第三啖先食到入面的餡料🙈

係日本甜品店，地點好方便👍最出名係青森蘋果批，但佢都有其他甜品、果汁！果汁都係日本版架青森蘋果批 $33日本直送架！係日本！日本呀❤️蘋果大大粒，好甜，唔係果啲落糖既甜味，軟硬適中，每一啖都食到果肉👍外皮鬆化香脆，完全唔油膩架😙日式蒙布朗 （日本甜王士多啤梨）$28新推出就試試佢啦😆蒙布朗其實即係法式栗子蛋糕，口感特別，上面係栗子泥加士多啤梨泥，下面係蛋糕😙最驚喜係食到中間有士多啤梨醬，好好食呀😻

這裏最出名的青森蘋果批，咬下去響起親脆的喀擦喀擦聲，酥皮既做得酥脆，每層酥皮又做得薄如蟬翼，結果是食落居然沒有一絲油膩感和負擔！中間有少少帶果粒的蘋果蓉，還有口感很輕的Custard cream。果蓉清新，甜味適中。餡料沒有如預期中多，但可能是特意只放少量餡料，讓口感集中在酥皮上。紅茶蛋糕也不錯。每口都帶有陣陣紅茶茶葉香氣，蛋糕鬆軟，奶油好像有一點點橙香，令味道更有層次。香氣濃郁芳香，口味豐富多彩，卻沒有在口腔裏留下奶油油膩感，沒有絲毫負擔，真只有日式甜品才能做到。

最近新開嘅甜品小店，推介😚🔖青森蘋果批💰33蘋果批熱辣辣新鮮出爐🍎酥皮夠哂薄脆☺️入面充滿咗蘋果蓉之餘，仲有一啲蘋果粒增加口感添😇酸酸甜甜😋另外入面會有吉士醬，甜度🆙💫推薦指數: 8.5/10​🔖雙層鮮奶芝士蛋糕💰35呢款芝士蛋糕係店員特別推介🙌🏼如果鐘意食芝士蛋糕呢款絕對係必試！因為個芝士味超濃郁🧀口感夠creamy🥰呢個size啱啱好，絕對唔會膩🥳💫推薦指數: 9/10​

係利東街發現了一間專賣用日本青森蘋果製作的蘋果批店 @cocolohk.tokyocake ! 🍎🥧 裝修簡單又溫暖，除左有招牌的蘋果批外，仲有各款蛋糕🍰 我就當然要食招牌蘋果批啦😋..我係返到屋企先食，但我想講個批依然勁脆，好香，批底好食，然後食落去，好多蘋果，好清甜🤤 想講返其實小妹一向麻麻地蘋果批，因為好細個食過麥當勞既蘋果批，覺得唔好食，所以對蘋果批無好感😖 但呢間專門店真係重拾返我對蘋果批既觀感😍😍😍 不過最好都係要趁熱食呀！一定仲香仲甜😋

下午小甜 呢間出名蘋果批，唔少人過嚟買。新鮮出爐都几密，出爐數量不多真係手快有手慢無。鋪頭唔大，全多外賣。本身林住外賣蘋果批，我地見有位就坐低食叫多兩件cake食。((仲有得叉電，店舖好細心咩叉電線都有））個蘋果批几好食，外皮鬆脆，中間有d吉芝包住粒粒果肉，好融合。新鮮人手做無添加。揀左2件cake食，細細件啱哂怕肥又口痕嘅我～可以過下口癮 $20/pc- 奶茶味，蛋糕好香，cream 好滑，簡簡單單唔流好滿意。-朱古力就一般了。下次想食Tiramisu ：）可惜今次一早賣晒了。

之前睇蘋果介紹呢間野，個老細講到好犀利咁所以出開灣仔就去買個試下。我下晝三點去到冇乜人，買咗一個即刻食，攞上手只係微微暖，應該出爐一段時間，食落普普通通，蘋果custard無想像中咁多，唔太甜，酥皮仲脆，33蚊個算合格嘅，可能天氣凍，如果食落係熱辣辣既話應該會加分（唔知有無得request加熱呢），不過應該唔會再買，下次試埋sogo果間比拼下先LOL

曾經喺西貢食過呢個蘋果批，都幾念念不忘，最近發現原來佢喺灣仔利東街下面嘅商場開咗分店，今日去到灣仔食飯，都不忘要買返一件過吓口癮。青森蘋果批係由日本直送，運到香港店內再新鮮焗製，所以咁高質！日本直送嘅清心蘋果批$33/個，買四個仲有優惠添！店內仲有一個好貼心嘅服務，就係有一個位置比客人免費充電，客人可以一邊飲杯咖啡、食個蘋果批，幫自己叉叉電之餘亦都幫自己嘅手機充充電。其實呢度唔止有蘋果批一種選擇，仲有好多唔同嘅蛋糕甜品。除咗甜品以外，仲有一系列嘅咖啡出售。咖啡機都好專業，而且仲有好多唔同嘅用具比客人自由取用。雖然$33/個蘋果批聽落有少少貴，但係佢嘅size都好大，而且包裝亦好精美，當然食完之後你就會覺得真係物超所值。攞到返屋企已經唔係最新鮮嘅狀態，但酥皮仍然十分鬆脆，層次分明，蘋果蓉非常清甜，仲有粒粒嘅蘋果肉，配合吉士醬，真係無得彈！另外仲買咗個日式蒙布朗，有北海道南瓜、三重芝士、同埋日本甜王士多啤梨可供選擇，而我就揀咗南瓜味。呢個蒙布朗面層係南瓜蓉，中間一層係忌廉，底部就係海綿蛋糕，入口有唔同層次，味道亦不錯。呢個青森蘋果批真係好好味，下次我要買夠兩打請埋同事食先得！

今日等上堂，無聊就喺利東街周圍行吓街，到咗下午茶時間有啲肚餓，見到呢間甜品店有幾多人排隊，就黎試吓啦。呢度主打蘋果批，另外亦有啲蛋糕仔。咁今日就試咗一份酥皮蘋果批（ $33 ），中間係一粒粒蘋果粒，外面就係薄脆嘅酥皮，熱辣辣，而且聞落好香好吸引，果然無揀錯。另外一份揀咗特濃芝士蛋糕（$35），但係可能因為擺雪櫃耐左，中間部份有啲起冰粒，有啲似擺耐左嘅雪糕。不過除此以外芝士係都真係幾濃味。呢度飲品都有好多款式，除咗咖啡之外仲有波子汽水，下次有機會都可以試吓。呢度其實係有少量座位可以即食，不過我見咁多人，就出咗去利東街開放地方食啦。

第一次係西貢見到呢間賣蘋果批已經好想試，但一係就排人龍，一係就我趕時間同佢擦身而過，早幾日同同事lunch 講起西貢呢間蘋果批，後知後覺地發覺原本灣仔都有分店，所以今日Happy Friday 就打算收工過去灣仔買，呢間甜品店就係叫 “Cocolo Tokyo Cake Factory”,就係利東街地庫商場入面，地面搭𨋢落一層轉彎就見到我買左佢招牌甜品 - 青森蘋果批，一排既蘋果批，新鮮出爐好靚！我買完都連續有好幾個客直路走入黎嗌”唔該4個”～突登收工過嚟又唔想剩試一個蘋果批咁浪費，問左店員介紹呢兩款cheese cake 同 chocolate cake cut 係signature相而另外呢三款就係新出品既cheese cake，相但我見到中間件蛋糕伯爵茶蛋糕好靚，最後俾佢吸引左～相因為蘋果批熱食，所以即場食左個蘋果批。熱辣辣好鬆脆，咬開好多蘋果餡，真係好好味！蛋糕我帶左番屋企煲劇食，好香Earl grey味但唔算太甜，宵夜食都唔過份～相下次要買埋另外兩款蛋糕黎試～

I go to a dessert shop near my working place for take-away. Because I want to eat something sweet after dinner, haha. This is a small dessert shop on Lee Tung Avenue. And many people walk past it as this is near the MTR entrance. I order the signature apple pie and a triple cheesecake. The apple pie is hot. There are apple cubes inside. The cheesecake is not heavy, so I don’t feel guilty for eating it.

前幾天喺電視機見到佢介紹呢間蘋果批， 又講到喺西貢有幾咁巴閉，幾咁好食。 我哋住港島區，冇理由會去西貢食個蘋果批㗎，見佢灣仔有分店所以今晚就慕名而去試下呢個大名鼎鼎蘋果批。電視訪問又講到佢一日係賣幾多個， 賣完就冇，好緊張。 當晚八點半去到仲有 2 tray ，心已經感覺不妙。 蘋果批係熱嘅， 個酥皮冇牛油味， 層次感又唔夠， 蘋果同吉士餡都非常少。 $33一個 ，唔係好值囉。今次因為睇完廣告，慕名而來，但最終感覺是中伏的， 好彩喺灣仔啫，如果揸車入到西貢食咁就真係嬲嬲豬。

每次經過都會看到一大張poster 宣傳日本的蘋果批，看起來很像很好吃，幾次都看到有顧客絡繹不絕，心想都想一試。今次放工，到店的時候，發現旁邊的 cheesecake 更吸引，就買左蘋果批旁邊的cheesecake，今次試一試雙層牛奶芝士蛋糕(官方的名字真的不記得了)。 店員介紹2個cheesecake 既分別，話日式芝士(又唔記得左名, 係平D 個個) 芝士就淡味D，雙層牛奶芝士就會濃味D，鍾意食得重口味D 既我就當然會揀個雙層牛奶芝士。返到屋企, 急不及特就拎出黎! 食一啖，上面的牛奶味真係好濃呢，好rich 既感覺，同中間既濃濃既芝士都好夾，滿足呢! 唯一就係個個蛋糕就冇咩驚喜，我諗如果係做埋曲奇餅底就真係不得了啦!佢其他cake 就冇咩興趣啦，都係蛋糕+cream 比較多，係揀既時間，聽到有個客要訂20幾件cake，應該係做散水餅，蛋糕$20一件來說都是一個不錯的選擇。下次都會有少少興趣試一試雙層朱古力的呢!🍴 Cocolo Tokyo Cake Factory🚗 地址：灣仔皇后大道東200號利東街地庫1樓B36號舖—————————— （滿分為5分）抵食指數：🌟🌟 Enco