Chatterbox Café (K11 Musea)

营业中

休息中

終於一試來自新加坡的Chatterbox! 【文華海南雞飯 HKD118】海南雞份量算多 有齊雞髀和雞胸兩個部位 雞髀肉很嫩滑 雞皮也爽口 雞胸再juicy多一點就更好～ 原來可以加錢轉全雞髀 下次可能會轉😆 雞油飯有淡淡雞油香 但不會有油膩感😋 配上雞湯和醬料！整體味道不錯 可回頭的海南雞飯😚【招牌大蝦喇沙 HKD158】另一招牌喇沙都不錯!! 喇沙湯底比較稠身 味道很濃郁 也椰漿的香！配料有雞蛋/豆卜/大蝦 三隻大蝦新鮮實肉☺️ 米線能夠吸附湯汁😚

每次經過呢間餐廳都見到大排長龍，今日專登早啲去，七點前就到達，咁就唔使排隊可以試吓。一人叫咗一碟文華海南雞飯$118，加多$10可以轉成雞髀肉。海南雞口感嫩滑，被醬汁浸住所以本身已經滲透住埋少少麻油味，雞味亦都濃郁。油飯好香唔會肥膩，忍唔住成碗食晒。點雞有三種醬汁，姜蓉、黑醬油同埋辣醬，個人就鍾意點黑醬油食。飯後仲叫咗個甜品，招牌椰子雪糕$98，果然冇令人失望，雖然實在係貴但真係勁好食啊，椰子雪糕擺咗响個椰皇入邊，每一啖都食到少少椰絲，香甜又清爽！實在唔識形容，太美味了，唯一美中不足嘅就係份量略少。食飽出嚟八點左右，門口又勁多人排隊了，真係好受歡迎

難得有日早收工仲要男朋友都早放bor緊係捉住佢二人世界一下(其實以前唔佢會自動自覺捉我就真 唉)海南雞最出名ge地方緊係新加玻啦！MuseaK11 餐廳選擇都多今次就係想試下獲獎無數ge新加坡文華酒店Chatterbox-去到門口其實以為係打卡cafe haha裝修得好靚啊一入到去店員熱切招待我 好開心 仲叫我玩小遊戲like IG就送咗糖比我哋食(超級多勁開心好驚喜)-海南雞飯！果然名不虛傅 juicy雞肉 又多汁又嫩滑仲要去埋骨而且仲要係份量多多油飯唔係黃色果款但係味道真係香到爆登！我好少食哂d飯但今次真係忍唔住啊 粒粒分明好好味啊！基本醬汁3款黑醬油+辣醬就係我最愛了 濃厚適中 食落帶點甜唔會太鹹薑蓉薑味夠足料 ！-參巴辣椒馬來麵豬扒男朋友食到停唔到口馬來面真係好搞笑佢又唔係公仔麵咁嘅樣但係又比烏冬幼身而且炒得好入味夠晒鑊氣喜歡香口食物ge你真係萬物錯過也-飲品叫左美綠波波成個山咁高上面仲加左美綠粉真係超正！唸起細個我會偷d粉黎食真係好開心 回憶的味道-特色咸蛋雞翼真係不得了無唸過係全翼啊！🤤份量勁多2個人食真係好夠！咸香的咸蛋酱 熱辣辣咁 脆卜卜ge外皮加上內裡ge juicy

K11藝術館呢個商場，喺尖沙咀海邊，交通非常方便，坐地鐵行過嚟好就腳，而且商場好有藝術氣氛，入到來行完街街攰會地見到有海南雞飯嘅特色馬來啊食品，價錢有幾OK合理，所以就入嚟試吓。海南雞飯午市套餐$128包飲品海南雞嘅雞肉非常鮮嫩，相信餐廳用咗特別嘅煮法，因為雞肉好嫩滑，同時又好有雞味，所以無論材料或者烹調嘅技術都係一流，肉質入口即溶，配上三種唔同嘅醬汁，以及有輕輕香茅味嘅雞油飯，真係超好食。肉骨茶午市套餐$118包飲品肉骨茶嘅湯非常重胡椒味，好有驅寒嘅作用，而且唔係味精湯，飲完唔會口渴，一字骨都非常好食，而且大大件總共有五條，呢個價錢有咁豐富嘅材料真係抵讚。蠔油小棠菜$28鮮蝦炒蘿蔔糕$78非常之出色嘅食品之一，味道獨特因為用咗東南亞甜甜的口味炒蘿蔔糕，而且仲有幾隻鮮蝦，令人非常印象深刻嘅食品。

次次經過K11，都見到呢間食新加坡菜嘅餐廳好多人排隊，今日平日1點幾黎到竟然冇乜人，咁就入去試下啦。叫左2個招牌lunch set，分別係海南雞飯配雪糕豆漿紅豆冰($108+$10)，同大蝦喇沙配涼粉豆漿紅豆冰($168+10)，另外以跟餐優惠價加左份酥炸雞柳($48)。海南雞又真係幾滑，調味又ARMARM好，重點最令我驚豔都係個油飯，好出色，香而不膩，米飯軟硬適中。而個大蝦喇沙有各3隻大蝦、魚片同豆卜，各喇沙已經唔可以稱為湯，係濃到好似汁咁，世界級 d配料加埋米線, 索曬湯嘅精華，幾分鐘清曬無難度。2杯飲品都很ok，唔會太甜，雪糕係雲呢拿味，融落個豆漿度，出奇地夾。而最後到場既炸雞柳配甜酸醬，炸雞真係我飛怫... 最match嘅配搭，唔錯。去開K11MUSEA既朋友. 真係唔巧錯過!

📍香港📍尖沙咀📍Chatterbox Café📍尖沙咀梳士巴利道18號Victoria Dockside K11 Musea B1樓B110號舖📍星期一至日 11:00~22:00座位之間夠闊環境幾舒服 員工有禮貌 不過食物質素唔穩定🥺🦄 文華海南雞飯 Mandarin Chicken Rice $118🦄 評分: 6.5/10海南雞無我上次食咁嫰滑 有D韌咬到唔想食好失望🥺🥺 keep唔到水準既!! 浸住醬油麻油汁 清清地幾入味 調味唔錯👍🏻 雞肉唔會過多肥膏 幾健康份量算多 對得住個價錢啦!! 🦄 香炒河粉燴牛肉 Beef Hor Fun $108🦄 評分: 4/10牛肉正常唔係特別滑又唔會韌 份量足 河粉幾滑入味 不過個汁多到好HEAVY 仲要偏咸... 一定無下次☹️🦄 蒜蓉炒小棠菜 $42🦄 評分: 7/10呢個價錢幾抵食 目測都有十幾條🥬 火喉岩岩好 炒到清脆又新鮮👍🏻#foodieschu尖沙咀#foodieschu新加坡菜

K11 Musea好多好餐廳🥰午飯時間黎到見到Chatterbox Cafe已經排緊長龍🤭招牌大蝦喇沙🦐🍜從來未食過濃沃嘅喇沙麵😍 呢個唔可以用湯底嚟形容 根本就係醬汁一樣🤣 非常惹味 👍大蝦真係king size 啖啖肉, 好紮實 😋食得出新鮮 💗配料亦都非常多😆豆卜索曬啲汁 入味好食 面亦相當彈牙掛湯力驚人文華海南雞飯 🐔🍚雞肉非常滑溜🥰完全冇骨 一啲都唔肥😋😋 可以加錢轉雞髀肉 🙈不過本身已經好高質, 完全食唔到鞋口感🤗新巴辣椒炒豆角🥒🥬 中辣都唔算太辣🌶炒得香口好惹味💯小食嚟講算大碟👏 相當抵食

朋友說這間餐廳的海南雞非常出色，亦非常有名氣，說是文華酒店的名菜配方。今次放工6:30去K11 Chatterbox買了一隻原隻海南雞、一客燴牛肉炒河粉，一客雞肉串燒沙爹外賣。揸了20分鐘車程回家即食，小朋友説很苦，試了一口，唔肯再吃。屋企人立即試一件，苦的。我說，不會吧！很出名的，試了一件，很苦！不是甜。不是咸。是很苦！全隻雞是苦的，還有酸味，又酸又苦的馳名海南雞，真的非常之有特色，還是第一次吃到苦味雞。很久以前曾獲酒店朋友邀請到她工作的香港文華酒店吃馳名海南雞飯，當年在其他地方可以吃到有雞味的海南雞飯較少，而香港其他地方賣的白切雞飯選用新鮮雞，雞味濃滑，文華廚師能將冰凍雞做成新鮮雞般確是十分出色。但面前這隻Chatterbox海南雞，皮肉分離，肉色淡白，味道滲苦。和文華酒店的海南雞不能相提並論，用百年酒店品牌為自家店舖打響名堂也要有個自知。十多年前獲朋友招待往新加坡文華酒店品嚐馳名的海南雞飯，在當地並沒有新鮮雞供應，用的是急凍雞，肉質鬆散無味，但新加坡人說人氣高是因為它是香港文華酒店廚師的秘方，新加坡人認為香港是美食天堂所以香港廚師的配方才是天下無敵。香港傳到新加坡再傳回香港，卻沒

而家冇得去旅行，但最近好想飲肉骨茶同埋食番碗喇沙，今次試吓文華酒店嘅分店喺K11🍲白胡椒肉骨茶配飯 $128個湯都好飲但我覺得唔夠胡椒味依個會包埋油炸鬼 可以點落個湯黎食夠特別🤪勁大舊肉 帶少許肥肉就好淋 好好食😋🍜招牌大蝦喇沙 $128呢碗喇沙麵底係米線配料好多蝦而且爽口又入味啲蝦都夠曬大隻之後湯底都好濃椰奶味都唔會喧賓奪主湯入面啲豆卜吸曬味後超好味炸素春卷 $48又想食啲脆口野，就叫咗個炸素春卷，一上到枱都熱辣辣仲好脆。再配埋泰式甜酸醬簡直超夾🥤凍美淥哥斯拉 跟餐$16係美淥恐龍加雪糕版第一啖飲落好覺得好幸福～面頭仲有脆脆～雪糕溶左溝埋口感更綿滑🧋雪糕紅豆豆奶 跟餐$10第一次聽呢杯飲品原來豆奶同紅豆都幾夾都幾特別 總括而言呢間新加坡文華海南雞餐廳確實唔錯，餐廳環境夠大，啱晒同朋友一齊傾偈食餐便飯。📍 Chatterbox Café (尖沙咀)尖沙咀梳士巴利道18號Victoria Dockside K11 Musea B1樓B110號舖味道：👍🏻👍🏻👍🏻👍🏻服務：👍🏻👍🏻👍🏻👍🏻價錢：👍🏻👍🏻👍🏻👍🏻環境：👍🏻👍🏻👍🏻👍🏻地理位置：👍🏻👍🏻👍🏻👍🏻回頭機會：👍🏻👍🏻👍🏻👍🏻#人

一直認為K11Musea啲嘢會好貴，因為租金都唔平嘛。今日喺星光大道欣賞咗『音樂噴泉』之後行街街，經過B1的『chatterbox cafe』，係咁易睇吓個餐牌，咦，原來唔貴喎，係可以接受嘅價錢，唔使諗就咁入，獻出咗K11 Musea的第一次。『文華海南雞飯』係招牌必點。留意到雞已去骨，並且好嫩滑，點餸時店員問是否要雞脾，加十蚊可轉，但我哋話唔使，或者轉咗雞脾更好味，唔知，下次來再試過。『星州海鮮炒貴刁』只見大大隻帶子和大蝦已好開心，成碟嘢唔會太油，仲有蝦仔和臘腸仔，開心，加少少錢就有特飲，小食和青菜，實在開心到暈，不知不覺加吖加……最後加埋28蚊有2球椰子味雪糕，有椰子粒粒，好正。

K11 musea 呢間商場都係走中高檔次路線, 所以可以進駐既餐廳水準都有返咁上下. 每次路過都見到呢間Chatterbox cafe, 就會好懷念新加坡文華海南雞, 今晚終於有機會可以食到。餐廳裝修簡約, 走cafe路線, 食物價錢唔算太貴, 平均都係一百蚊左右. 餐廳主打東南亞菜, 最出名係海南雞, 不過我見其他枱叫既食物都好靚。第一次食一定要叫海南雞飯，梗係仲要加10蚊轉雞脾。$128既文華海南雞, 賣相好靚, 份量都唔算細份, 雞油雞, 雞湯, 3色調味醬缺一不可。雞脾肉好嫩滑, 講真的, 響香港要搵到咁嫩滑既海南雞少之又少，呢碟飯既水準同新加坡文華酒店一樣, 所以呢個價錢真係物超所值。我地另外叫左個雞肉叻沙。呢個叻沙既顏色好橙, 唔同一般偏黃既叻沙, 我地以為會好辣。結果其實唔係好辣, 但係就非常香, 可能用左一D秘制調味料, 呢個味道同新加坡好出名果間叻沙味道好接近, 好好味。另外雞肉都係一樣咁滑。我地原本以為煮湯既雞肉一定好老, 但原來同海南雞一樣咁滑, 絕無欺場。今晚係全雞宴, 小食叫左個特色咸蛋雞翼。雞翼炸得好脆, 外面鋪滿了咸蛋碎, 又香又脆, 內裡好juicy,

This Singaporean restaurant having many choices and you can easily get somethings you likee, the decoration is so stylish and giving you a holiday mood yayaOrdered the signature dish Mandarin Chicken Rice, the chicken indeed good with tender and soft texture, good dipping with ginger sauce yaya, but i’d say the rice can be better not oily enough actually, just feeling ok, chicken soup not having strong flavor though i like tender tofu haHainanese Pork Chop with fragrant rice having yummy homemad

平日放假到了K11 Musea， 最喜歡它連接著海濱長廊， 既可shopping, 亦可出外吹吹海風 呼吸一吓新鮮空氣。當然有美食，有 style 嘅餐廳也不少。Chatterbox Cafe 是我今天的首選， 因為很掛念東南亞美食， 點了三款招牌菜式🤩😋下午三點時間有午餐亦有下午茶招牌雞肉喇沙午餐$108湯底濃郁， 散發出濃濃的椰香， 也有蝦膏的鹹香，感覺只係好輕微嘅辣，小朋友也非常喜歡！ 雞肉分量好多， 配菜也是十分豐富，豆卜索滿濃湯，魚蛋好爽，還有雞蛋，芽菜， 米線爽滑彈牙！ 味道是很正宗～文華海南雞飯午餐$128源自新加坡嘅文華海南雞飯， 絕對冇令人失望。油飯香軟。 海南雞已去骨， 啖啖肉食得放心滋味。 雞皮都幾爽， 冇咩皮下脂肪食得過～😍沒有特別加雞髀， 雞件都夠嫩滑入味。配合三款經典調味， 各有特色！白胡椒肉骨茶配白飯午餐$118總覺得新加坡口味嘅肉骨茶， 沒有馬來西亞較重的藥材味。 這肉骨茶胡椒味偏重， 肉骨特別大件， 還有豆卜，金菇。 蒜頭也是香味來源， 外皮 包着煲得軟淋嘅蒜肉， 又軟又香已經沒有辛辣嘅 蒜味。 是非常有益能補充體力的食物！附設嘅油炸鬼又脆又香。新加坡

一般要我等超過 30分鐘既食肆, 我都唔會去等, 只係因為太多人都話佢地既野整得好好食, 所以就破例等下, 最後係等左成 55分鐘先入座, 講真 staff 既態度真係一 D 都唔友善, 唔知係因為太忙太多人而影響, 還是本身就係咁, 反正都入左來坐低左, 主要既都係食物, 服務都係其次, 只要唔好再差都可以忍受到本來打算叫傳聞好好食既喇沙, 竟然話太好賣沽清, 即刻有 D 失望囉, 唯有海南雞飯, 白胡椒肉骨茶, 另加一個椒鹽豆腐, 飲品就係一杯檸檬薏米水, 涼粉豆漿, 埋單 $383- 海南雞飯, 入面有齊雞胸雞脾肉, 肉質都算幾嫩滑, 但個油飯就普通左少少, 而且唔夠香唔夠油- 白胡椒肉骨茶, 平衡可能食慣藥材底既肉骨茶, 感覺呢個有 D 似胡椒豬肚湯既味道, 肉排都算淋, 但湯味就唔夠濃, 胡     椒味稍弱, 普普通通- 椒鹽豆腐, 一份簡單既椒鹽豆腐反而係三樣食物中最好食, 熱騰騰, 豆腐好滑好香, 而且味道岩岩好- 檸檬薏米水,  涼粉豆漿兩個飲品就當然唔會有咩驚喜, 不過不失總括來講, 並唔係其他人所講既咁好食, 更加唔值得等成個鐘, 來到 K11 呢度其實可以考慮其

去 K11 經過見到第一次試, 最深刻就係一嗌完個海南雞飯同埋喇沙之後，1分鐘內兩道菜已經上咗，兩樣嘢仲要都係熱嘅，令我覺得好神奇。味道都唔錯，屬於中上水平，不會中伏，可以一試。海南雞飯係半胸半脾無骨，雞飯一啲都唔油，但好重雞味，推介！帶子喇沙有三舊，有魚腐同埋豆卜，味道係偏重口味，唔辣，所以覺得好好食。唯一缺點就係份量偏細同埋有時候要搵侍應先有服務。環境9/10食物9/10服務 6/10人均 $150會否再次探訪？ 會