Chatterbox Café (K11 Musea)

营业中

休息中

今晚去左位於K11 musea的新加坡過江龍店- Chatterbox Cafe食正宗海雞飯。星期五放工時間，已經有不少人排隊，限時入座90mins。店面裝横顏色豐富，用上綠色做主色，一大幅森林動物壁畫，很有特色，而且枱上的隔板都用上相應的綠色，比用透明的更有心思。文華海南雞飯($118) 好快就上枱，一套set用雅緻的木盤上，非常吸引。先試雞肉，真係幾滑，雞味濃郁，配雞飯食真係絕配，人間美味。附上雞湯，味道清甜，仲有一片嫩滑豆腐。傳統甜蝦醬蔬果花生沙律($98)想食特色菜，可以揀呢個。超多材料，有番石榴，蘋果，菠蘿，豆卜，沙葛，油炸鬼，青瓜，爽脆花生和芽菜，聽店員講連醬汁都係星加坡運過黎，再混入蝦醬，辣椒醬和柑柚汁整的。沙律有不少水果，而且口味酸甜清新，又有少少辣，好啱夏天食。馬來特色香煎辣魚餅($58)以為係香口野，似蒸魚餅的d，好大塊，配小方包，幾有特色，魚餅辣得過癮。招牌椰子雪糕($98)賣相精緻，cocktail咁，原來荔枝入面包住菠蘿肉，雪糕椰味濃郁，食個時唔好怕醜，記得挖出椰子肉連雪糕一齊食，唔錯嘅甜品!

晚上來到K11 MUSEA買麵包，順道來吃一下來自新加坡文華酒店的海南雞飯。這間餐廳非常有名，佔大不大位置不多，都要排好一陣子才能入座。Mandarin Chicken Rice五星級的招牌菜一定要吃看看的，可以轉雞脾加10蚊。雞肉的部分非常嫩，油跟鹹度適中，配上蔥酥味的白飯，真的超級對味，值得一試。Chat Kway Teow這道外觀上有點像是乾炒牛河的海鮮版，裡面的料有鮮蝦，魷魚，還有臘腸，十分豐富。口感上粿仔條吃起來很Q彈，比河粉更厚實一些，味道帶點醬油的鹹味與香氣。建議搭配比較沒味道的海南雞飯，或許可以參考我們的點法Chicken Satay沙爹算是很有代表性的東南亞料理。雞肉串非常軟嫩多汁，搭配他們家的沙爹醬味道意外的好吃整體而言，食物味道相當有水準，份量適中，座位間有些擁擠，環境也略為吵雜。價位略高，但真的值得一試。

文華海南雞飯，一個字形容晒淡，雞、湯、醬、飯都係偏淡，食完都形容唔返，sosad。喇沙帶辣，冇乜椰香，料有雞，豆卜，魚片... 食物擺盤同賣相都好吸引，可惜味道一般般。

這間食新加坡菜的Chatterbox cafe 經常都排大隊，今晚都不例外，好彩朋友幫忙排隊。餐廳都頗大，座位闊落舒服，設有吧枱，店內有一幅大型的壁畫，環境充滿東南亞風情。餐牌選擇不算多，除了他們招牌的文華海南雞飯外，還有其他新加坡經典食物等。餐廳的定價在這個高級的商場來說算是合理吧。他們的文華海南雞飯是人氣招牌菜($118)，不得不試，聽說是新加坡海南雞飯的始祖之一。他們的無骨海南雞份量頗大，以慢煮方式來烹調，所以雞肉十分嫩滑，脂肪比例適中，有些海南雞的雞皮下會有層透明啫喱，但我個人就不太喜歡，所以我會比較鍾意這裡的海南雞，跟傳統的海南雞飯一樣，配上有雞油香的油飯、雞湯及三款醬料(辣醬、黑醬油、薑蓉)，個人鍾意黑醬油。白胡椒肉骨茶配白飯 ($108)，新加坡的肉骨茶跟馬來西亞很不同，馬來西亞多是重藥材味，新加坡則重胡椒味。這裡的肉骨茶胡椒味是重的，但又不會太咸，排骨肥瘦適中，配上豆卜，金菇，油炸鬼。馬來特色炸豆腐($58) ，炸得金黃，外脆內軟，豆腐上舖了大量蔬菜絲，中和油膩感，沾上馬來特色的花生醬，更惹味。蒜蓉炒小棠菜($42)，相對比較普通。可惜今晚椰子雪糕已經售罄，最後只好點杯

呢間餐廳喺尖沙咀嘅K11 musea, 以為佢喺靚商場，價錢一定好貴，但又估唔到幾抵食喎餐廳環境寬敞，行南洋風格，乾淨舒服$48-$128一個下午茶餐，仲包埋飲品，好抵食文華海南雞飯：雞肉嫩滑，而且非常有雞嘅甜味，雞湯非常清甜，正鮮蝦炒蘿蔔糕超級好味，蘿蔔糕本身軟身，咬落食到有蘿蔔絲，口感非常好，再加上甜醬油炒過，甜甜地食完一嚿又一嚿豬扒飯：豬扒炸得鬆脆，但無咩特色炒豆角好有鍋氣，加咗蝦米同洋蔥去炒，有海鮮嘅鹹香，又辣辣哋，都幾野味

每次去新加坡，都一定去文華酒店Chatterbox cafe食海南雞飯同喇沙，知道在K11開了一間，已經好想去食但每次飯市行過都好多人等緊位，所以都食唔到，今日6:00左右經過唔需要排隊已經有位。美祿恐龍雙層鋪滿美祿脆脆，味道濃郁，不太甜，平日好少order美祿，所以一定要叫一杯涼粉豆漿紅豆冰，紅豆好林但偏少，好普通。豆漿味畧淡。特色鹹蛋雞翼炸雞翼外層被鹹蛋黃包住，所以雞翼外層唔太脆，鹹蛋黃味唔係太重，雞肉亦淡而無味，我比較鍾意食濃味食物，所以對這個雞翼比較失望。文華海南雞飯，配一個湯、雞油飯，醬料有甜豉油、姜蓉、酸辣醬。海南雞肉嫩滑，雞皮香嫩，點上不同醬汁，有不同的味道。招牌大蝦喇沙，有蝦、芽菜、鷄蛋、荳腐乾。蝦不是很大隻，幾彈牙。湯底味道濃郁，有花生味，微辣。好味。總結：出品同新加坡差不多，香港有好多餐廳做海南雞飯都做得好出色，所以比較之下這裏的海南雞飯並不是特別好食。而喇沙味道濃郁，喺香港好難食到咁出色的喇沙，我覺得喇沙比海南雞出色。

今日同媽咪去K11 Musea 行街，天氣太熱所以直接喺入面食Lunch。我哋叫咗 招牌大蝦喇沙同埋白胡椒肉骨茶。招牌大蝦喇沙一上枱就聞到好香既香料、椰汁味。 湯底非常濃厚惹味，有多種香料夾雜其中，層次豐富。配料方面，除左大蝦，仲有魚片。麵底係米線，成碗麵質素非常高。推薦大家試下。然後肉骨茶入口係重胡椒味唔係藥材果隻。湯入面仲有原粒大蒜 ，湯頭清但味道濃郁。排骨入味而且分量好多。 仲配有油炸鬼，好豐富。最後坐到三點，又見到人哋叫牛油咖咉西多士配椰子雪榚。 忍唔住又叫左，不過好彩有叫，因為甜品原來都好出色，椰子雪榚有椰絲係入面又唔太甜，配埋咖咉一齊食，完美咁為我地既lunch劃上句號。

今日男朋友接我收工，諗住去K11睇戲，不過時間尚早，所以就食左飯先。一入到去就好快有位，環境都幾舒服，唔會太迫。天氣實在太熱，嗌杯嘢飲先再慢慢諗食咩。我就叫咗杯美祿恐龍，係濃郁嘅美祿，加上脆脆朱古力波，同美祿粉，實在太邪惡。男朋友就飲消暑解渴嘅四季柑汁，酸酸甜甜，飲落好似喺馬來西亞飲嘅桔仔冰。主食方面就叫咗個參巴辣椒馬來麵配豬扒同白胡椒肉骨茶， 兩款主食既份量都幾大。馬來麵炒得有鑊氣，但唔會太辣，豬扒香脆有肉汁，唔錯。白胡椒肉骨茶夠曬熱辣辣，白胡椒好香，加埋排骨煮得好入味，畫龍點睛嘅係香脆嘅油炸鬼，同湯一齊食，吸收晒白胡椒湯嘅味道，非常之夾。見到隔離枱叫咗一客鹹蛋雞翼， 賣相非常吸引， 搞到我都想試，雞翼被鹹蛋黃醬汁包實，而且炸得好脆，邪惡得來好惹味。至於呢個參巴辣椒炒豆角都唔錯，辣辣地幾香口，比較襯白飯。最後仲叫咗一客椰子雪糕，出奇地好味，同一般嘅椰子雪糕唔同，加咗啲椰絲落去，令雪糕更有層次。今餐真係食得好飽，人均都係二百零蚊，性價比好高！

今次去到K11呢間專門食新加坡菜嘅餐廳，食馳名海南雞飯同埋喇沙，好滿足呀🥰😋·✨文華海南雞飯 $118海南雞飯，加$10轉雞髀，落單冇耐就已經到，勁快賣相係幾討好，照慣例都係有幾種醬比你點，同埋有個湯咁啦雞份量多同好嫩滑🤤，好彩轉雞髀，係幾高質，值得一讚👍🏻可惜飯量唔夠油同唔夠多，友人表示飯量多返少少會好啲·✨招牌大蝦喇沙 $158呢個喇沙都幾豐富，有三隻蝦、魚片、豆卜、蛋等等最欣賞蝦係已剝殼，夠貼心😍，啱哂我呢啲懶人呀喇沙味道望落好辣咁，但佢只係湯底好濃郁，唔太辣的😚食落好惹味，但個人覺得有啲油份量都足夠嘅😌·✨美祿恐龍 $32正常發揮，飲落就係好濃嘅美祿·✨雪糕豆漿紅豆冰 $32豆漿雪糕紅豆冰組合少見😆，豆漿唔太甜，反而個甜係紅豆度，雪糕就係雲尼拿味·✨雙球雪糕(椰子味) +$28 (原價$32)椰子雪糕好有椰子味，唔會漏，唔會太甜，有啲椰絲咁👌🏻·🌟海南雞飯同喇沙都唔錯，不過價錢偏貴，但開係K11都算係咁上下😽·📍Chatterbox Café尖沙咀梳士巴利道18號Victoria Dockside K11 Musea B1樓B110號舖·👇🏻#eatbetter尖沙咀 #eat

K11 musea 位於尖沙咀，同朋友黎睇戲揀左呢間食肆幫襯，呢個位置黎講價錢唔算太貴，味道就中間一般，話就話打做新加坡菜？ 海南雞一般般都ok 但份量略少，炒河都幾細碟，男士或大胃王未必夠飽肚了。

位於尖沙咀的Chatterbox Café，是一間擁有海南雞飯始祖稱號的新加坡過江龍。Chatterbox始創於1971的新加城文華大酒店，多年來獲獎無數，平均每日售出700份招牌海南雞飯，深受當地人民喜愛哦。 尖沙咀分店以城市花園為主題，以深綠色為主調，再用不同形狀的瓷磚和大型壁畫襯托，時尚有品味，裝修型格，別緻優雅。 店家除了有招牌的文華海南雞飯，亦有各種星洲美食佳餚，例如:喇沙、炒貴刁、特色小食、地道風味的甜品等等，每一款都非常吸引呀! 文華海南雞飯 $118 鎮店之寶的文華海南雞飯，基乎每枱客人都會來上一份! 海南雞份量十足，更可加$10轉配雞髀。雞肉用50分鐘慢煮製成，肉質軟腍鮮味，如果嫩滑一點，就更令人滿意啦! 配上辣椒醬、薑蓉和特製雞飯醬油後，層次昇華，更有風味。油飯香氣撲鼻，調味剛好，不錯哦~ 星洲海鮮炒貴刁 $98 相較之下，我們更喜歡鑊氣十足的星洲海鮮炒貴刁。每條貴刁都被濃香甘甜的醬油染上顏色，條條充分入味，油香豐富，香氣四溢。除了有大蝦和帶子，更有鹹香惹味的臘腸，令整體味道相當豐富。炸素春卷 $68 值得推介的炸素春卷，香脆可口，啖啖酥香滋味，令人一食愛上。蔬菜內

k11musea 有好多餐廳選擇今次試左呢間新加坡過江龍chatterboxcafehongkong 當然要試下招牌菜🤩🌟文華海南雞飯佢地係用上慢煮方法浸煮大廚以中溫浸泡雞肉達五十分鐘所以肉質非常嫩滑😋雞皮亦唔會積累過多脂肪👍🏻油飯亦好香 同樣有三款醬料包括辣椒醬,薑蓉同醬油味道濃郁 雞肉蘸完之後更加惹味🤩🌟招牌大蝦喇沙有三隻剝左殼既大蝦🦐蝦肉彈牙再加魚片豆卜芽菜等🤩湯底好香椰味濃😋🌟特色咸蛋雞翼咸蛋黃味濃 配微辣既咖哩粉 雞翼炸得好脆 食落好惹味🤩🌟美祿恐龍🌟涼粉豆漿紅豆冰飲品都不錯😋

既然 "慈母" 開到口叫我們去食海南雞 , 就冇理由唔去食 .... 於是我們就不停地去尋找海南雞來吃 ~這家 Chatterbox Café 名字響噹噹的 , 是 星加坡 的過江龍 , 星加坡的海南雞飯 (白雞飯) 大家都知乜嘢料啦 , 不費口水多介紹了 ~Mandarin Chicken Rice 文華海南雞飯 : 舉世聞名 , 冇骨海南雞 , 啖啖肉 , 雞皮薄又滑 , 肉質夠熟亦夠鮮嫩 , 雞有雞味 ; 加上店方秘製的三式醬汁 , 味道誇啦啦 ~不得不題的 , 是個伴隨而上的清雞湯 , 湯頭清香味鮮 , 勁好飲 ~Chatterbox Café, 當然不止是單一售賣海南雞飯 , 其它的菜式亦很有水準 ~特色鹹蛋鷄翼 : 一客六隻 , 味道甘香鹹鮮 , 皮脆肉嫩 , 很惹味 ~招牌大蝦喇沙 : 喇沙湯底的味道濃郁鮮香 ,充滿了椰香味 , 味帶微辛 , 勁富風味 ; 大蝦有三隻 , 肉質爽彈鮮美 , 魚片&魚蛋爽口彈牙 ; 還有大大粒的豆卜 , 風味滿滿 , 讚 ~最後 , 點了店方自家製的 "椰子雪糕" 以作終結 ~本篇完 ~

📍 【有海南雞始祖之稱既海南雞飯 - Chatterbox Cafe】我地去既係下午茶時間，所以嗌咗兩個Tea Set☕️文華海南雞飯 💰$128貴為海南雞飯🐥既始祖，又曾經獲過多次獎，無奶油唔試個飯既😏 啲雞好嫩滑，啲肉唔榎同唔會有冰鮮味。另外，啲飯唔係黃薑飯，更加突岀到個海南雞。總之，好食，嗌得過😳咖央牛油多士配雪糕 💰$48呢個甜品，真係超級無敵爆好食🤩🤩兩塊烘多士夾住咖央，個texture好似我地細嗰啲椰子糖，比例啱啱好。岀面既多士唔會太厚，烘到脆卜卜，夾心係煙煙韌韌既餡，點埋雪糕都咪話唔正😍小食我地叫咗👇🏻雞肉沙嗲 4串 💰$68沙嗲好濃 點啲啲已經好濃味 鍾意沙嗲既實Like😏特色咸蛋雞翼 4隻 💰$68利申我都幾鍾意食同咸蛋有關既野😂 嗰d咸蛋薯片，魚皮呀，我全部都like！ 呢個都滿足到我對咸蛋既欲望🤩 好香咸蛋味，真係feel到成隻雞翼都包滿晒咸蛋，唔係求其灑小小咸蛋粉係面hea你個種😂 啱曬我呢d重口味呀叔🤩 如果冇咁重口，建議配飯食🍚野飲方便就不過不失啦！始終唔係主打咖啡☕️ Set餐包埋飲品👀係k11 Musea黎講呢個價錢唔算貴，下午茶都已經係去到食din既水準。

K11商場有好多過江龍 其中一間就係新加坡出名嘅海南雞飯😝文華海南雞飯 $118 無理由唔食招牌菜既🤪點菜既時候店員會問加唔加$10轉雞髀 但我地就冇加（一嚟冇咁肥🤣）但結果都有一半份量係雞髀一半雞胸 份量的確唔少 海南雞嘅肉質非常嫩滑😭 就算係雞胸都唔係鞋 雞皮唔會好油膩 反而幾爽口 本身個醬汁甜甜哋幾清爽同海南雞已經好夾 另外三隻醬汁都唔錯 特別提提薑蓉 好重薑味👍🏼 油飯都好出色🍚淡淡既蒜香味 又有好香既雞油香味 飯粒粒分明 煙煙韌韌 就咁食都好好味😋❤️白胡椒肉骨茶配白飯 $108好重胡椒香味但同時又唔會太嗆 有四至五嚿排骨 都煮得幾淋 骨肉好易分離 呢個菜送飯真係一流檸檬薏米水🍋 $32 好清新既味道 薏米煮得好好 整體嚟講唔會太甜 好fresh 可以中和返食物既咸味美祿恐龍🦖$32美祿好濃郁 仲有脆脆好好咬 中意美祿既話就岩哂😝