Chatterbox Café (K11 Musea)

营业中

休息中

海南雞是個人最喜愛的一種食品之一，今天便來到尖沙咀這間以海南雞馳名的食肆。文華海南雞飯$128，雞肉鮮嫩，雞皮爽口甘香，香飯濃度適中，配以黑醬油、薑蓉和辣椒醬，味道層次豐富，果然是這裏的名物。特色鹹蛋雞翼四隻$68，鹹蛋黃味道香濃，如果雞翼外皮香脆，便更加美味。白胡椒肉骨茶$118，白胡椒味道濃郁，湯頭鮮甜美味，肉骨味道鮮甜，加些油炸鬼，可以吸收湯頭的味道。雪糕豆漿紅豆冰加$10，紅豆軟腍可口，雪糕香草味道十足，加上豆漿的鮮甜味道，是一個新的嘗試。焦糖咖啡加$16，焦糖味道甘香，甜味適中，加上咖啡的香濃味道，非常美味。

Finally got to try their famous Mandarin Chicken Rice and I also ordered their Coconut Ice Cream in Young Coconut Shell. For the Mandarin Chicken Rice, the chicken was tender and the amount of chicken served was definitely more than the usual chicken rice I have For the rice, it was less oily than most restaurants which I prefer though the aroma was definitely less strong. I understand some people prefer the oily type so I think this is a personal preference.However, the soup was a bit bland. I

-🔸文華海南雞飯 $118🔸招牌大蝦喇沙 $158🔸椒鹽炸雞寶 +$48🔸美祿恐龍 $32🔸雪糕豆漿紅豆冰 $32-今晚同細妹去尖沙咀行街街，嚟到Musea見肚餓就揀咗依間Chatterbox Cafe食晚飯，裝修小清新，地方亦闊落坐得舒服。叫咗成份menu嘅頭兩個招牌菜，再加咗$48嘅小食，雞粒新鮮炸起脆卜卜，加椒鹽幾惹味。海南雞飯嘅無骨雞件非常嫩滑，油飯亦炒得好香口同粒粒分明。大蝦喇沙超級香同濃郁杰身嘅湯頭，索晒湯汁嘅豐富配料超正，十分推介！

新加坡文華大酒店Chatterbox，去唔到新加坡旅行，唯有嚟K11重回感覺啦🤩文華海南雞飯，用慢煮方法🤪海南雞 、醬料、米飯都不馬虎，配有三款醬料，包括辣椒醬、薑蓉和醬油，三者味道都好夾，不會蓋過雞味，慢煮海南雞肉好嫩滑，富有彈性，食落帶點啫喱膏😜 油飯粒以雞湯和雞油煮成，真係充滿油香👍白胡椒肉骨茶配白飯，湯頭飲落有大量既胡椒粒及蒜頭熬製而成，胡椒味好夠香，而且不會搶鼻，仲有份量好多的一字骨，鮮甜而不膩😍仲有好食嘅油炸鬼🤪雞肉喇沙，口感豐富味道濃郁，湯底由椰奶和喇沙醬製成，味道濃郁有層次，沾滿喇沙醬嘅豆卜，食落好味，配有大量的魚旦片，重點是喇沙雞肉同樣是香濃惹味，雞肉keep到好嫩❤️估唔到新加坡嘅latte都同樣香濃好滑☕️☕️

香港其實有很多東南亞餐廳，真正新加坡菜做得好的也并不太多，自從冇得旅行，對這些他國特色餐廳更是要求多左。今日行街行到K11 musea,朋友提議試下chatterbox café.估唔到佢地風味正宗，尤其係喇沙。餐廳菜式選擇貴精不貴多, 主打就係海南雞, 喇沙, 肉骨茶，炒粉面飯，啱晒我呢個有選擇困難症的人。呢個招牌大蝦喇沙係新加坡加東叻沙, 湯頭係咖哩, 帶著海鮮既鮮味. 唔會太辣, 味道好適中。大蝦真的好大, 宜家彈牙鮮甜, 物超所值。傳統既加東喇沙係將米粉剪短, 用匙進食, 呢度無剪碎, 我反而覺得口感更好。 小食叫左魚餅。初時以為係越南或者泰國果類魚餅,  一上菜就發覺原來係烏達烏達。烏達呢個小食在新加坡隨處可見, 係用好多馬來西亞香料混合魚肉煎成, 所以又香口, 又惹味今次無揀海南雞飯, 因為朋友想食串燒。所以揀左個新加坡炒飯。炒飯有蝦肉同雞粒, 再配以參巴蝦仁, 非常好食。參巴醬係馬來西亞好出名既醬料, 又辣又香, 送飯一流。串燒燒到恰到好處, 唔會太乾, 仲係好juicy. 外面香脆, 裡面D雞肉仲係好滑飲品方面都好有南洋冰室既味道，我地今次揀左個涼粉紅豆豆漿，呢個配搭真

叫咗個海南雞飯 加錢轉做雞髀個雞係非常嫩滑嘅 亦有雞味 唯一挑剔嘅地方就係佢每件都非常薄睇上去分量好似好多咁 實情就其實好少另外個飯都非常細碟 男士們可能就唔太夠飽啦如果食呢個至於環境方面 坐得非常逼夾 侍應服務態度一般連埋+1超過$150食個海南雞飯我會expect有更加好嘅服務總括而言一試無妨 但係如果大食嘅朋友仔就可以唔使去啦

同朋友好想食海南雞，但去唔到海南島，唯有OpenRice 下香港邊度有得食海南雞雞啦～不過，呢個海南雞飯就有少少名過於實，滑係幾滑，但無乜雞味.....可能係一早整定，真係好普通。落單唔使五分鐘就上左份雞咸蛋雞翼幾好😋😋😋😋😍蛋黃夠晒鹹香炸到好脆👍🏻仲叫左大蝦喇沙，但掛住食，唔記得影相。唔係傳統喇沙果款麵，似米線多啲，但味道都唔錯。仲有炒豆角，好食嘅。但如果炒豆角都整唔好，就執得.....豆漿紅豆冰，幾好豆漿涼粉，還好酸梅湯完全唔掂，只係兩粒話梅加片檸檬...🙄服務好一般整體黎講唔值呢個價錢

這餐廳就是來自新加坡文華酒店, 被評為是三大海南雞飯名店之一半隻文華海南雞 ($138)  外賣係用紙盒裝的, 跟了三種醬(辣醬、黑醬油、薑蓉)還有一個是沙律汁, 堂食的話是已經倒進碟裏的因為外賣係用紙盒裝, 所以醬汁分開裝雞肉已經起了骨, 雞皮下都沒有"啫喱", 雞髀肉唔算好滑也不算嚡不過香港好多間海南雞專門店都做得比佢好, 例如太安樓那間, 或者"栢檔"都做得好過佢雞髀肉都還可以, 雞胸肉真係嚡到爆, 至於雞皮都算爽滑薑蓉薑味重, 感覺沒有其他調味, 唔錯黑醬唔會好"杰"唔會好稀, 亦唔會好咸, 合格辣醬係少辣, 辣椒味好香, 幾好味3種醬都做得唔錯, 比雞肉做得更好特色咸蛋雞翼茶餐 ($68)雞翼係雞中翼連雞翼尖, 雞翼係炸既, 炸完再撈個咸蛋黃咸蛋好香唔會過咸, 雞翼比較乾身, 可能外賣關係放久了, 不過都好食總結, 如果大家來吃文華海南雞飯一定要加$10轉雞髀付$1xx多吃超嚡既雞胸肉, 你一定會後悔這餐廳真的名過其實, 這個價錢還有很多選擇

每次經過都大排長龍～今日咁岩見放假14:30過黎點知都係要等左15mins 先有位走果陣就真係冇咩人了等緊位就睇下menu先啦～雖然都心中有數要食咩😂😂😂黎呢度當然就係為左個文華海南雞飯啦跟左三款醬汁同埋湯個湯好清，有淡淡既芫荽味仲跟左一舊好滑既豆腐至於個飯，就有淡淡既香茅味，唔會好油我鍾意海南雞份量都幾大，而且雞肉好滑唔會有油膩感大蝦海鮮喇沙～麵底係用米線個湯好濃蝦味好rich有魚片大蝦雞蛋豆卜好多餸辣魚餅～初初仲以為會係現成點知似係手打既，好重香茅味，都好辣下薏米水煲到好杰身～超足料

終於一試來自新加坡的Chatterbox! 【文華海南雞飯 HKD118】海南雞份量算多 有齊雞髀和雞胸兩個部位 雞髀肉很嫩滑 雞皮也爽口 雞胸再juicy多一點就更好～ 原來可以加錢轉全雞髀 下次可能會轉😆 雞油飯有淡淡雞油香 但不會有油膩感😋 配上雞湯和醬料！整體味道不錯 可回頭的海南雞飯😚【招牌大蝦喇沙 HKD158】另一招牌喇沙都不錯!! 喇沙湯底比較稠身 味道很濃郁 也椰漿的香！配料有雞蛋/豆卜/大蝦 三隻大蝦新鮮實肉☺️ 米線能夠吸附湯汁😚

每次經過呢間餐廳都見到大排長龍，今日專登早啲去，七點前就到達，咁就唔使排隊可以試吓。一人叫咗一碟文華海南雞飯$118，加多$10可以轉成雞髀肉。海南雞口感嫩滑，被醬汁浸住所以本身已經滲透住埋少少麻油味，雞味亦都濃郁。油飯好香唔會肥膩，忍唔住成碗食晒。點雞有三種醬汁，姜蓉、黑醬油同埋辣醬，個人就鍾意點黑醬油食。飯後仲叫咗個甜品，招牌椰子雪糕$98，果然冇令人失望，雖然實在係貴但真係勁好食啊，椰子雪糕擺咗响個椰皇入邊，每一啖都食到少少椰絲，香甜又清爽！實在唔識形容，太美味了，唯一美中不足嘅就係份量略少。食飽出嚟八點左右，門口又勁多人排隊了，真係好受歡迎

難得有日早收工仲要男朋友都早放bor緊係捉住佢二人世界一下(其實以前唔佢會自動自覺捉我就真 唉)海南雞最出名ge地方緊係新加玻啦！MuseaK11 餐廳選擇都多今次就係想試下獲獎無數ge新加坡文華酒店Chatterbox-去到門口其實以為係打卡cafe haha裝修得好靚啊一入到去店員熱切招待我 好開心 仲叫我玩小遊戲like IG就送咗糖比我哋食(超級多勁開心好驚喜)-海南雞飯！果然名不虛傅 juicy雞肉 又多汁又嫩滑仲要去埋骨而且仲要係份量多多油飯唔係黃色果款但係味道真係香到爆登！我好少食哂d飯但今次真係忍唔住啊 粒粒分明好好味啊！基本醬汁3款黑醬油+辣醬就係我最愛了 濃厚適中 食落帶點甜唔會太鹹薑蓉薑味夠足料 ！-參巴辣椒馬來麵豬扒男朋友食到停唔到口馬來面真係好搞笑佢又唔係公仔麵咁嘅樣但係又比烏冬幼身而且炒得好入味夠晒鑊氣喜歡香口食物ge你真係萬物錯過也-飲品叫左美綠波波成個山咁高上面仲加左美綠粉真係超正！唸起細個我會偷d粉黎食真係好開心 回憶的味道-特色咸蛋雞翼真係不得了無唸過係全翼啊！🤤份量勁多2個人食真係好夠！咸香的咸蛋酱 熱辣辣咁 脆卜卜ge外皮加上內裡ge juicy

K11藝術館呢個商場，喺尖沙咀海邊，交通非常方便，坐地鐵行過嚟好就腳，而且商場好有藝術氣氛，入到來行完街街攰會地見到有海南雞飯嘅特色馬來啊食品，價錢有幾OK合理，所以就入嚟試吓。海南雞飯午市套餐$128包飲品海南雞嘅雞肉非常鮮嫩，相信餐廳用咗特別嘅煮法，因為雞肉好嫩滑，同時又好有雞味，所以無論材料或者烹調嘅技術都係一流，肉質入口即溶，配上三種唔同嘅醬汁，以及有輕輕香茅味嘅雞油飯，真係超好食。肉骨茶午市套餐$118包飲品肉骨茶嘅湯非常重胡椒味，好有驅寒嘅作用，而且唔係味精湯，飲完唔會口渴，一字骨都非常好食，而且大大件總共有五條，呢個價錢有咁豐富嘅材料真係抵讚。蠔油小棠菜$28鮮蝦炒蘿蔔糕$78非常之出色嘅食品之一，味道獨特因為用咗東南亞甜甜的口味炒蘿蔔糕，而且仲有幾隻鮮蝦，令人非常印象深刻嘅食品。

次次經過K11，都見到呢間食新加坡菜嘅餐廳好多人排隊，今日平日1點幾黎到竟然冇乜人，咁就入去試下啦。叫左2個招牌lunch set，分別係海南雞飯配雪糕豆漿紅豆冰($108+$10)，同大蝦喇沙配涼粉豆漿紅豆冰($168+10)，另外以跟餐優惠價加左份酥炸雞柳($48)。海南雞又真係幾滑，調味又ARMARM好，重點最令我驚豔都係個油飯，好出色，香而不膩，米飯軟硬適中。而個大蝦喇沙有各3隻大蝦、魚片同豆卜，各喇沙已經唔可以稱為湯，係濃到好似汁咁，世界級 d配料加埋米線, 索曬湯嘅精華，幾分鐘清曬無難度。2杯飲品都很ok，唔會太甜，雪糕係雲呢拿味，融落個豆漿度，出奇地夾。而最後到場既炸雞柳配甜酸醬，炸雞真係我飛怫... 最match嘅配搭，唔錯。去開K11MUSEA既朋友. 真係唔巧錯過!

📍香港📍尖沙咀📍Chatterbox Café📍尖沙咀梳士巴利道18號Victoria Dockside K11 Musea B1樓B110號舖📍星期一至日 11:00~22:00座位之間夠闊環境幾舒服 員工有禮貌 不過食物質素唔穩定🥺🦄 文華海南雞飯 Mandarin Chicken Rice $118🦄 評分: 6.5/10海南雞無我上次食咁嫰滑 有D韌咬到唔想食好失望🥺🥺 keep唔到水準既!! 浸住醬油麻油汁 清清地幾入味 調味唔錯👍🏻 雞肉唔會過多肥膏 幾健康份量算多 對得住個價錢啦!! 🦄 香炒河粉燴牛肉 Beef Hor Fun $108🦄 評分: 4/10牛肉正常唔係特別滑又唔會韌 份量足 河粉幾滑入味 不過個汁多到好HEAVY 仲要偏咸... 一定無下次☹️🦄 蒜蓉炒小棠菜 $42🦄 評分: 7/10呢個價錢幾抵食 目測都有十幾條🥬 火喉岩岩好 炒到清脆又新鮮👍🏻#foodieschu尖沙咀#foodieschu新加坡菜