Chatterbox Café (K11 Musea)

营业中

休息中

今日去朋友去K11 Musea，見到有間餐廳排晒隊，原來就係新加坡文華酒店出晒名嘅海南雞飯，見到似好吸引咁所以又排埋一份。雖然人多，但都唔會等太耐，店內嘅位置都幾寬敞，而且員工做嘢都係快手快腳，幾有效率！黎到當然要點出名嘅海南雞飯，呢個set有湯、雞油飯、仲有三份醬料。無骨雞肉肉質結實得嚟又嫩滑，被金黃色嘅雞皮包著，喺射燈下望更加吸引。雞皮帶點脂肪但唔會太肥膩，反而增加油香同軟滑感，點邊款醬都咁好食！另外叫咗海鮮炒貴叼，粿條上色均勻，食落Q彈軟滑，有帶子、蝦、魷魚圈等，加上芽菜嘅清甜，真心唔錯～見到有款小食好得意，叫傳統甜蝦醬蔬果花生醬沙律🥗，雖然Menu上有隻辣椒仔，但其實一啲都唔辣，食落咸中帶甜，帶點青檸香味，又真係幾開胃！餐廳做緊promotion! 椰子雪糕球買一送一，超級抵，當然要試！雪糕球夠晒份量，仲有兩球咁多，椰子味濃郁，口中融化後仲有絲絲椰絲，椰子控必點！！

經過完一整天blue monday係時候對自己好啲出去延續weekend 心情一放工就去左K11 musea 揾野食呢間餐廳6點半時間都唔係太多人, 所以就入座喇 好似見到每枱客人都點一碟海南雞飯咁, 每碟都好似幾靚仔下就點左一份試下 文華海南雞飯一上枱時覺得雞肉好似好肥諗緊會唔會太油原來成個雞皮先係重點因為皮係彈牙爽口而且完全沒有油膩感唔會食到成口油而雞肉唔會好鞋雞肉味都好濃加埋佢三款自家制醬油濃醬油 薑油 同埋辣醬辣醬幾特別, 唔係紅辣椒嘅辣度有啲辣椒嘅椒香味都唔錯, 但唔好點太多, 辣度都有啲強 白胡椒肉骨茶 配油炸鬼個飯好放埋一邊先呢個湯反而無我想像中咁濃同嗆唔會俾白胡椒嘅味攻到排骨都唔會燉到老晒咬落去仲好淋 仲係幾入味鍋入面仲有豆卜 金菇 仲有原個蒜頭 重口味朋友唔好錯過呢到一整個蒜頭 佢已經煮到淋晒, 你可以用後撈飯 仲有馬來特色炸豆腐炸豆腐本身味道唔出所以要靠醬汁調味呢個係馬來西亞沙爹醬呢個醬係偏向濃味同甜但唔會過火, 有陣陣花生香好似外面用黎點串燒個啲咁好好味 但呢到蔬菜選擇唔多我地就點左呢款參巴辣椒少豆角其實鋪頭啲醬料係幾足稱因為成碟都係蝦米最後直頭多到用埋黎撈飯我地

以前我都未認識呢一間餐廳，但自從完咗個由馬來西亞嚟嘅老細之後，佢開口埋口都話好鍾意食呢度嘅海南雞飯，所以路過就決定試吓。呢度環境裝修非常雅致，門口亦都有人排隊，好受歡迎，更加嘉許嘅係，呢度店員嘅服務態度非常好。一坐低嘅時候，由於嗰時已經八點幾，餐廳賣剩一客海南雞飯，我二話不說即刻叫咗，所以最後尾一碟海南雞飯都已經俾我食咗。我一定要叫嘅原因，係因為呢度海南雞飯非常出名，出名在於，師傅係來自文華酒店；大家都知道，文華酒店最出名嘅就係海南雞飯。雞肉非常新鮮，唔似得出面嘅餐廳，皮同肉之間會有層脂肪，類似啫喱狀嘅物體，但呢度就絕對唔會有呢樣嘢。雞肉非常滑嫩，而且滲滿雞汁，再配埋一個非常香嘅油飯，簡直係高級享受。嚟呢度，點可以唔叫馬拉出名嘅美祿恐龍，但呢度有少少唔同，佢喺美祿粉之上，再加左脆波波，非常有誠意。之後叫咗一個炒蘿蔔糕，炒蘿蔔糕嘅將感覺上似係用海南雞嘅嗰隻黑色醬，香甜甜非常好食。之後亦都叫咗一碟炒貴叼，素菜，啱一啲素食人士。紅豆豆漿係一絕👍

鼎鼎大名嘅新加坡海南雞飯始祖餐廳「Chatterbox Café」兩年前都喺香港開左分店，一直都未去試，今晚就約埋鍾意海南雞飯嘅朋友去試下大蝦喇沙同文華海南雞飯都係餐廳嘅招牌菜文華海南雞飯每枱必點新加坡得獎文華海南雞飯🐓🍚雞肉慢煮50分鐘，肉質鮮嫩滑溜，已經無骨，啖啖肉！配上特製雞飯醬油、薑蓉同辣椒醬，提升鮮味，不得了哦！怕肥嘅我將黃油飯更改為白飯🍚粒粒分明，有米香，配海南雞簡直絕配蒜蓉炒小棠菜新鮮碧綠嘅小棠菜好爽脆，加入蒜蓉碎一齊炒香，健康又美味招牌雞肉喇沙湯底結合了特製喇沙醬及椰奶，頗濃厚的，富椰奶香味，米線充分吸收了湯底的香氣，正呀！雞肉同樣好嫩滑，充滿鮮雞味👍🏻另外仲有芽菜、豆卜同魚片，好足料呢斑蘭蛋糕配鮮果餐廳新推出期間限定斑蘭精選，有斑蘭口味的蛋糕或咖啡～我地就揀左斑蘭蛋糕配鮮果🍎🍏🍐蛋糕口感鬆軟，滿有斑蘭香；旁邊的椰糖甜而不膩，充滿椰子香熱泡沫咖啡拉花精緻有心思❤️口感順滑，咖啡香氣濃厚突出

行完商場食個quick dinner 咁岩今日見到冇乜人排隊就食佢啦 位置相當方便喺地鐵站出口一出行1分鐘就到 空間就唔大 有d 嘈 始終呢個商場食呢個價位都冇咩好講-------------大蝦喇沙好濃味嘅湯底 十分之杰身有好香嘅沙嗲花生味 配上3隻大虎蝦沙嗲雞串超好味 比好多沙嗲醬你任點 醬汁味度濃厚 不會過咸 雞肉燒得岩岩好 不痴竹籤海南雞飯壓軸亦都係最出名嘅一味餸海南雞飯超水準之作皮光肉滑 黑油味淡 點好多都唔會咸最出色係個飯 望落唔係油飯 但又有油飯既口感 多食都唔會油膩

作為一間新加坡過江龍店 Chatterbox café 係一直都以佢好高質素嘅南洋菜作招徠 Covid前 我曾經係新加坡返過工 當時我真係好鐘情新加坡嘅白胡椒肉骨茶 5蚊波紙 (~ HKD$ 30) 就食到一大煲肉骨茶仲要冇限加飯加湯 雖然依到冇得冇限加飯加湯 我真係諗唔到係香港都可以食到當地嘅味道《白胡椒肉骨茶配飯》$108如果鐘意食胡椒味嘅你真係一定唔可以錯過依一個《白胡椒肉骨茶配飯》佢係完全同我係新加坡食到嘅味道係一樣 好香口得嚟又唔會太辣嗆到喉唔好以為啲肉排得好少仲會煮到啲肉榎歰歰佢係超大方 有足足四條肉排唔多仲要條條都啖啖肉架$108 真心好抵食！！！《文華海南雞飯》$128 上菜嗰一刻個賣相好靚 唔會皮肉分離 成份雞份量好足之餘 仲要好滑 好入味 重點係佢係真係有齊曬新加坡海南雞飯嘅三配醬 分別係： 黑醬油 // 薑蓉 // 酸辣汁小Tip 大家可以download #K11HK 個 app 可以一早攞定飛 因為佢真係太出名 太多人等位啦！

呢間餐廳都唔係第一次食今次同朋友去完香港藝術館就近近哋去musea食嘢次次去都係得呢間要等位同層嘅另外幾間餐廳通常都會有空位🙊不得不讚，佢上菜上得好快基本上你一落完order，唔使五分鐘就有嘢食😋最鐘意食佢好邪惡嘅鹹蛋黃雞翼🐔真係好好味，不過真係唔可以食太多🤰🏻要多啲人一齊share🙊每一次都一定會叫海南雞飯、喇沙麵同鹹蛋黃雞翼😆呢個組合走唔甩，下次試吓新嘢先

位於尖沙咀K11 musea的Chatterbox Cafe是一家新加坡菜館，年前曾去吃過，印象不錯👍，今天帶閨蜜再次來吃。該店裝修風格以綠色為主，形狀各異的瓷磚、壁畫把餐廳打造成了一個時尚別致的城市花園，極具東南亞風格！白胡椒肉骨茶配白飯，新加坡的肉骨茶其特點是胡椒味較重，濃濃的湯汁，香味入心，排骨塊大，肥瘦兼有，配上油豆腐，金針菇、綠蔬菜、蒜頭等，真的是好吃有營養！招牌大蝦喇沙，喇沙湯底香味濃郁，超大的蝦仔入口彈牙，非常喜人，配上豆蔔、雞蛋、芽菜、魚豆腐及勁道入味的米線，不愧“招牌”二字！鹹蛋黃雞翼 ，盤中六支大雞翼，炸至金黃，鹹蛋黃味十足，吃起來超級爽！招牌椰子雪糕 ，大大的椰子上擺放著白色的雪糕球十分養眼，入口椰香味濃，冰爽清甜，不愧是消暑的最佳飲品！工作一天雖然很累，但能吃到自己喜歡的美食，頓時讓人感覺輕松了許多！

今天到了K11揾食，見到chatterbox cafe 開到黎，餐廳係星加波文華雞飯過江龍，套餐百多元便有交易，喺呢個地方加上呢個名氣算是相當便宜。店舖位於商場的地庫，地方很大，空間感十足。先來沙嗲雞肉串燒，每串雞肉都沾滿了香濃沙嗲醬，很惹味。主角無骨海南雞飯，雞油飯雞味十足，不會過油，去骨的雞肉又嫩又滑，啖啖肉，配上三款特製醬汁，非常美味！清湯亦非常清甜！肉骨茶，胡椒味香濃，有六條排骨，肉淋入味，用料十足。馬來炒貴叼，鑊氣十足，蝦肉彈牙！炸雞軟骨，作為前菜小食非常開胃。檸檬薏米水，消暑解渴，清熱下火必備！人均消費二百元能吃到星級過江龍實在很難得！

以前經常出差去新加坡，每次都會去文華酒店食正宗海南雞飯。現在疫情下，邊度都去不到，但又想念新加坡美食，最好方法就係去K11 Musea Chatterbox，真正是過江龍。海南雞飯食過多次己無新意，今次點了珍寶帶子喇沙。店員建議蓋快享用，湯會被粉吸收。湯底濃稠，味道恰到好處，少少的辣椒度增添食欲。嘩！大大粒帶子，真係幾鮮甜。米粉沾滿湯嘅精華，混合芽菜，口感十足。食完濃濃口味的喇沙，飲番一杯菠蘿芒果梳打最適合。清新的口味，透心涼。雜莓刨冰不錯！有我喜歡的士多啤梨，藍莓，雪糕球。煉奶溶入沙冰內，冰凍又甜美。

前一排大派k dollar😝，黎左呢到食晚餐。都要排一陣隊先入得。文華海南雞飯，呢間店嘅招牌菜，果然好出色！雞肉好嫩滑，辣椒醬可以再辣啲。超邪惡嘅特色鹹蛋雞翼，每一隻雞翼都黏滿蛋黃，2個人食都唔會覺得多😆，食到停唔到口！扣埋k dollar，真。抵食😛！

文華海南雞飯的質素大家不用懷疑，今日開在k12 musea這高級商場的chatterbox 就很早已經在我的to eat list了半開放式的設計，綠化植物跟帶軟墊的座椅，非常舒適的餐廳侍應們也待客有禮點了一個文華海南雞飯$118 ，這整個套餐有一份海南雞（雞胸跟雞腿），油飯，一碗豆腐湯，三種醬汁，分別為甜醬油，姜蓉，酸辣汁。雞的質素不錯，雞胸也頗嫩滑而且帶啫喱。油飯則不會太濃味， 調味適中。甜醬油10分濃郁，姜蓉入口即溶也沒有油，非常特別！另外我的朋友點了珍寶帶子喇沙$158，這個就比較重口味，喇沙湯底非常濃郁，每條米線都10分掛湯，加上3隻大大的帶子，適量的豆卜，魚蛋跟熟雞蛋，在傳統的喇沙上加添了一些特色的重口味另外加錢點了脆炸雞寶$48這個10分爽脆的雞寶裏面似乎是雞胸肉， 這碟菜式份量十足，不過味道稍淡， 但也是補充蛋白質之選

兩年前係新加坡旅行食過當地既Chatterbox覺得好好味 見係K11開左一排就諗住去食番陣味☺️🥢特色咸蛋雞翼 ⭐️⭐️⭐️⭐️重口味之選❗️個蛋黃醬好香 掛滿晒成隻雞翼 有沙沙既口感☺️雞翼好脆口 真係即炸 上枱熱辣辣～但係比新加坡個版本乾身同無甘香🥢招牌大蝦喇沙 & 招牌雞肉喇沙 ⭐️⭐️⭐️湯底好濃郁 有d濃過龍 ‘杰‘到似稀汁多過湯😖椰香味夠 但唔係好夠蝦膏既香味🙈蝦好彈牙 而雞肉都係嫩滑既～配菜份量都十足 有豆卜 芽菜 魚片 雞蛋等等🙃本身滿心歡喜諗住食到新加坡個種味道 點知有d失望🥲

今日去試佢最出名嘅文華海南雞飯，多人排隊，所以等咗25分鐘。點餐時特別＋＄10要雞脾肉我平時食海南雞飯一定連皮食，不過呢碟雞…… 無雞味，皮又厚，食落口皮同雞都無味…… 好失望返而個三碟醬好味…… 我最後用醬撈飯食個油飯硬咗啲，唔夠油香，飯味唔出，可以話唔香，唔知佢用咩米……唯一欣賞嘅係佢杯錫蘭茶奶茶，好飲，苦澀，有茶香，可以叫少甜，會更好飲…… 價錢$128＋$10＋$6凍飲 再＋10％ ＄158…… 但茶餐廳質素

I want to have a Singapore summer escape, but obviously we are all trapped so i came here to try again the signature of Hoi Nam chicken rice with a bowl of soup. However the eldest waitress with short hair really shocked me yesterday, she dropped the food rudely on the table and just went away. So am I just too innocent for not accepting the hawker stalls service with overpriced service and food in this restaurant?Their featured beetroot tea and milk tea will not be the focus since no one would