Casa Pennington (已結業)

Caesar Salad 巴馬臣芝士刨得比較細片，更突顯其芝味鹹香。羅馬生菜爽脆，煙肉粒也脆而不乾。Scallop Angel Hair店員介紹餐廳的香草醬是自家製的，最多只會放兩三天以保持新鮮。北海道帶子厚身飽滿，煮成我喜愛的半生熟程度。香草醬果然很有鮮味，配上幼身天使麵和魚子醬，味道一流。Iberico Pork Loin with White Asparagus 每年四、五月是白露筍的豐收期，所以是晚也特意點了有白露筍作伴菜的黑毛豬鞍。白露筍質感像茄子，口感細嫩芳香。清淡細膩的白露筍與香煎鵝肝及黑毛豬鞍的濃烈，使菜式層次更豐富。餐廳位置在酒店內，所以價錢比較高，但考慮到食物和服務質素，定價也算合理。

有一個朋友每次見到我post有海膽嘅食物都會問我係邊間餐廳，今次就決定帶佢去試海膽意粉。呢間西餐廳藏身於隆堡柏寧頓酒店之中，平時經過未必會留意到。呢度主打生蠔、海鮮等等，服務員亦好詳細為我地介紹唔同產地嘅生蠔，不過我地對生蠔興趣不大。見到有蠔Risotto反而覺得幾特別，米飯用蠔湯煮過，鮮味十足！飯嘅烹調時間拿捏得剛剛好，粒粒分明，煙韌帶嚼勁。蠔煎至外層金黃焦香，蠔身肥美，十分鮮甜。海膽蟹肉扁意粉放上亮麗飽滿嘅海膽，賣相吸引扁意粉有咬口，每一條都掛上濃稠嘅番紅花忌廉汁，味道香濃。海膽新鮮甘甜，入口軟滑，見到朋友食得好滿足！最後當然唔少得甜品！呢個梨批絕對值得等上20分鐘！焦糖酥皮舖上熟透了嘅梨肉，香氣撲鼻~~食嘅時候倒少少淡忌廉，份外香甜可口。非常鍾意酥皮嘅質感，咬落香脆得來微微煙韌，啖啖散發焦糖香梨肉爽口清甜，水潤多汁，減輕了整體膩感。雖然價格對我來說有點高，但食物質素令人滿意，希望下次有機會嚐嚐其他菜式。

今日同朋友去到銅鑼灣食晩餐，好耐之前曾經黎食過一次，當時食過覺得非常美味，工作太辛苦，就黎食豪野獎勵下自已喇。Irish Premium $68/隻Mermaid $72/隻買一送一既蠔呀，話明要獎勵自已，所以就叫番四隻蠔自已獨吞先。餐廳當日提供六種不同的特價生蠔，一定有你想食既生蠔呀。即叫即開既生蠔非常新鮮，海水味夠，夠鮮夠滑，好正！Duck Foie Gras Linguini$218食完生蠔，並冇飽到膩到嫁，反而胃口大開，所以就叫番個肥膩少少，但好邪惡既鴨肝食下喇。鴨肝意粉呈上個陣香到不得了，肝類配蘑菇醬汁，岩岩好減去鴨肝既油膩，意粉質感滑順，緊緊掛起醬汁，醬汁有鴨肝既油香，同樣正！

位於銅鑼灣的Casa Pennington  ，是一間高級西餐廳。今天相約很久沒見的人見和吃晩餐，當然要吃得豐盛一點啦。Deep Fried Crab Cake $158很久沒吃蟹餅阿，作為一名愛吃蟹又懶得拆殼的人來說，蟹餅是我不二之選阿。蟹餅厚身脹卜卜，外皮炸至金黃，廚師更用材料畫成蟹腳，賣相有趣。切開脆香外皮，內裡是滿滿的絲絲蟹肉，調味得宜，不錯吃哦。Red Prawn Risotto $218至從在某餐廳吃過紅蝦後，紅蝦成為我最愛的蝦第一名。紅蝦意大利飯，賣相吸引，蝦肉亮晶晶，肉質彈嫩，有種不一樣的特有蝦香，令人回味無窮。意大利飯大大粒，粒粒飽滿，且充滿嚼勁，每粒吸滿龍蝦湯汁的濃香味道，非常惹味，好好食阿，大推介給你哦。Pear Tarte Tatin $168最後最後，我最想吃的一道菜登場啦。需時二十分鐘即叫即焗的焗焦糖酥皮梨撻，呈上時傳來超香甜的味道，口水直流啦。大大份甜品，放上兩個共四半的大梨，賣相好可愛阿。梨子焗後超多汁水，而且甜度也提高，邊位酥皮焗後變焦啡，微硬煙靭，甜甜蜜蜜，底部酥皮吸引梨子水份，變成軟腍腍，多種口感，值得安哥一份阿。

是晚好友安排在此餐廳為我慶生辰～服務、食物都無得頂首先 生蠔 買一送一 order左四隻 再送四隻 很鮮甜蠔湯 - 好鮮蠔味 侍應好細心問我們會否share?佢可以分開上 太好了 原本我只是想飲一兩啖試試😋頭盤 叫了兩款1）Hokkaido Scallop & Octopus Carpaccio 帶子很鮮甜 跟生果很配合2）Deep Fried Lamb Spare Rib 一上檯已經聞到濃濃既羊味 侍應建議我們用手拿住吃 更野味 再配上wasabi醬 回味主菜1）Spanish Iberico Pork 7-8成熟 完全入口溶化 好誇張 但真係好好味 粉紅色的肉 完全唔鞋 剛剛好Pasta1) Sea Urchin & Crab Meat Linguini 用上我最愛的加拿大海膽 夠Creamy 再配上蟹肉 同 cream sause 剛剛好掛上意粉上 美味甜品Black Chocolate Fondant w/Vanilla ice-cream一向都好愛吃這個 但很多時外面都做到好甜這個是第一次吃感覺不甜的 讓我這個黑

老細每隔一輪就會請我地成team人食飯, 食飯之餘順便一齊聯誼.佢帶我地黎銅鑼灣呢間酒店既西餐廳, 環境幾浪漫.除左主菜每人選一款之外, 其他由老細發板, 咁高興仲開埋紅酒, 不過自問酒量太淺, 都係睇人高興算.主菜我選左西班牙黑毛豬, 睇落有D似羊架, 外表煎至金黃. 切開時感覺非常嫩, 脂肪層次分明, 入口更覺軟滑, 入口即溶而感覺唔肥膩.面層既黑椒稍作調味已足夠, 因為肉本身既肉味已好濃郁, 果然係黑毛豬, 令人回味.

朋友知道我很喜歡英倫風，皮製既梳化，木製既傢具，也是我那杯茶，於是向我介紹了這間位於銅鑼灣酒店裡的餐廳，喜愛試新野，鐘情四處覓食既我便決定放工立刻過黎一試！餐廳位於隆堡柏寧頓酒店，位置還算方便，但雖然是酒店餐廳，但這裡是沒有免費泊車優惠的，駕車人仕要留意。步進餐廳，那昏暗的燈光，木製的餐桌，單是這個浪漫的環境，已經令我們露出心心眼。開放式的酒吧枱成為了生蠔的showroom，而餐廳的特選生蠔現正做緊買一送一既promotion。這裡的餐前小食並不是一貫的麵包加olive oil，而換上了外國人最愛的olive橄欖，個人其實對橄欖既興趣不大，甚至有點不喜歡，但在等食既時候因為冇乜好做，所以都試佐幾粒，橄欖上加上了橄欖油，慢慢咀嚼，原來又幾好味喎，未知是沒有選擇下覺得好味？還是環境讓我把它接受了？我也分不清。水可以揀Sparkling Water or Mineral Water，我們選了Mineral Water ($80)，今次呢隻唔係法國既，而係用蘇格蘭既品牌 (Speyside Glenlivet) ，比較特別。餐具印上了餐廳的名字，十分統一。看一下餐牌，生蠔選擇很多，由＄58－＄

最鐘意就係亂咁搵個藉口去食好野，今次為了一件很小的事而去慶祝，哈哈，其實都係自己為食的錯餐廳位於銅鑼灣利園區的一間酒店入面，由於係酒店餐廳，今次我都抱幾大期望喔餐廳位於酒店三樓，呢種咁浪漫的燈光好適合情侶，當然亦都好岩朋友黎呢度靜靜傾計，呢個氛圍令整個人都放鬆起來，當日係下雨天，店員主動為我地收好雨傘，賣完單就自動自覺拎番俾我地，值得一讚呢度有個大大的蠔吧，愛蠔之士就岩晒，部分生蠔仲做緊買一送一優惠好多菜色都包含左海鮮，正合我意NATURAL MINERAL WATER ($60)高級餐廳大多都會提供有品牌的STILL WATER或SPARKLING WATER，我唔鐘意有汽的水，所以都係揀STILL WATER，今次呢支水普普通通，唔算好滑口餐廳提供橄欖作為前菜，有青橄欖同黑橄欖，用作開胃一流SEA WHELK AVOCADO SALAD ($158)愈來愈喜歡牛油果，鐘意佢營養價值高又好味，呢碟牛油果的熟度岩岩好，但平時自己揀牛油果的時候就成日過熟或過生，揀極都唔叻，沙律菜好新鮮，加入海螺的沙律亦比較少見OYSTER RISOTTO ($198)今晚唔想食生野所以無叫生蠔，唯有叫番

好友情傷, 最啱就係大吃大喝舒解一下, 特別選呢間舒適既西餐, 等佢開心下.餐廳位於酒店3樓, 望著銅鑼灣繁忙既街道, 而餐廳入面播著輕音樂, 燈光昏暗, 感覺特別悠閒自在.先要個凱撒沙律開開胃, 芝士好香唔咸, 蔬菜新鮮爽口, 麵包糠大大粒, 夠脆有咬口. 簡單既開始, 好開胃.Spanish Iberico Pork 西班牙黑毛豬, 肉質嫩滑, 適當既油脂口感唔乾. 富肉鮮味而且濃郁, 食材果然嚴選. Sea Urchin & Crab Meat Linguini海膽蟹肉意粉, 本身好鍾意食海膽, 呢個海膽好鮮甜, 有流入口既感覺, 好幸福. 另蟹肉味鮮, 份量多, 就算撈埋意粉一齊食都啖啖有蟹肉. 而意粉係粗扁, 掛汁較好. 食落夠煙韌彈牙, 唔會太腍, 感覺唔錯.

與銅鑼逛街，想要舒適放鬆、靜靜地吃頓飯，其實Casa Pennington 真的是不錯的選擇。因為朋友的提議而選擇這裡，環境寧靜舒適，餐桌之間的空間非常寬闊，私隱度很足夠。這裡有不少生蠔的選擇，不過我和朋友都不特別好蠔，所以沒點。餐前小點是黑橄欖，朋友覺得不錯，但我真的不懂欣賞。Sea Urchin & Crab Meat Linguini $238海膽和蟹肉的份量不少，海膽片片分明，入口啖啖鮮甜味。而扁意粉不會煮得太軟，保留了韌度和彈性，有咬感。Saffron cream sauce 香濃卻不會搶掉海膽和蟹肉的味道，而醬汁均勻地在黏在每條扁意粉上，味道平均。，加上香蒜、洋蔥、蘑菇及蕃茄等配料，味道口感都非常好。Spanish Iberico Pork $368賣相很不錯，份量算合理，配菜的味道亦不錯。豬肉夠嫩夠軟夠juicy ，入口啖啖豬肉味。雖然這裡價錢略高，但食物有一定質素，而且服務真的很好，偶爾和朋友享受一下舒適的晚餐也不錯。

在一個月前，為預祝好姊妹轉新工，於是趁她已辭職又尚未返新工，便相約出來飯聚！ 她問我有無去過位於銅鑼灣隆堡柏寧頓酒店的西餐廳 Casa Pennington？！她嚐過好幾次覺得質素不俗，我卻從來未試過！對我來說絕對有新鮮感啦！當日出席 Openrice 開飯熱店頒獎典禮，飲完下午茶後，她帶我來到這裡！雖然佔地一層，但是地方不算大！燈光昏暗充滿情調，之所以不少情侶在這裡食飯呢！ 另有放滿新鮮時令生蠔的生蠔吧！ 當時有買一送一優惠！桌上已備有基本 causal dinning 的餐具！餐牌上的美食各有特色， 供應：頭盤 $168 ~ $388、開胃前菜 $88 ~ $178、湯 $78 ~ $88、意大利飯 $198、意大利粉 $188 ~ $238、主菜 $348 ~ $4288、甜品 $78 ~ $138；不乏時令生蠔的選擇！令首次來的我實在花多眼亂！另有香檳、白酒及紅酒！很高挑的靚女店員，推介一些特色及招牌菜給我們！Razor Clam and Crab Meat Salad 蟶子沙律 $168 這是一個 warm salad！蟶子與蟹肉及本菇同炒，香口惹味！烹調過的蟶子胡椒味濃，蟶

喜歡這裏的美食，真心的 ... 廚師煮得不差， 特別走來一吃再吃也是值得。Garlic Prawn $ 168除蝦以外，喜歡吃這些蘸上充滿蒜片香氣的初榨橄欖油的法包，初榨橄欖油不膩口，法包吸收了蒜香，與爽口的大蝦齊吃，保留了原始的食味，咀嚼時嚐出脆 + 脆。Scallop Angel Hair $ 198順服柔滑的天使秀髮 ( 麵 )，用上店家自調配的 pesto sauce 來燴煮，染出一頭嫩青。 麵的質感不糊，加了鹽去煮，麵的鹹味更能提起 pesto sauce 的果仁香，同樣有使用橄欖油去煮，入口不膩；把北海道刺身級帶子煎香，外面脆口，僅熟，內層鮮美，沒有橡膠的口感。餐廳總是瀰漫着浪漫氛圍。味道 4環境 4服務 4衛生 4抵食 4

呢間西餐廳係位於一間精品酒店入面，相信都係住客、熟客或者係Open Rice見到食評先會知道呢到，而因為朋友好想食生蠔，所以我就搵到呢間餐廳喇~餐廳燈光比較暗，所以氣氛幾好，我地就安排坐係角落嘅位到，都幾舒適，而服務員好快就遞上餐牌，仲推介生蠔俾我地咁啱餐廳做緊推廣，指定生蠔有買一送一優惠，因為朋友係生蠔怪，所以我地就揀咗三款生蠔，Kumamoto、Mermaid同Isabella，之前就試過Mermaid，都幾常見到。Kumamoto原來幾細隻，如何你係鍾意啖啖肉嘅話，就揀其他種類會比較好，食完都唔係好夠喉。食完細隻嘅Kumamoto，再食Mermaid就真係有對比嘅，雖然唔係超大隻，但係鮮味十足，有淡淡嘅海水味，唔會過鹹。最後就係Isabella，呢款就係三款中最肥美嘅，食落啖啖肉，口感微微creamy，配埋酸酸嘅生蠔汁同檸檬汁，味道更鮮甜其中一個主菜係鴨肝野菌扁意粉，未上枱已經可以聞到佢嘅香味，成碟都啡色，所以可能難搵到鴨肝，細心啲係可以睇到一粒粒嘅鴨肝粒，由於醬汁係奶油野菌汁，所以口感好Creamy，而鴨肝其實同鵝肝無咩分別，相信只係價錢嘅差異，味道同口感都十分相似，整體濃郁嘅

又到happy Friday輕輕鬆鬆食個晚餐喺銅鑼灣附近，樓上鋪有好多選擇。你間casa格調高雅,waiter 都係時尚的年輕人。燈光調和得恰當好處係賞心悅目嘅好地方.之後叫咗個墨魚汁意大利飯, 用上心鮮意大利米烹調意大利米好煙韌好好拗口墨魚汁鮮甜味美, 味道好juicy愛上新鮮海蝦蝦肉彈牙結實一啖咬落去食得出小新鮮海鮮之後叫咗個意大利雪糕三種味一次過滿足曬三個願望藥膏口感嫩滑味道juicy恬淡適中餐廳服務態度一流值得推介我哋先嚟叫咗個 帶子 太子大大粒 開手工意粉帶子大大粒清爽彈牙, 鮮嫩多汁.咬口好好鮮甜美美， 龍蝦汁混合得恰當好處。一啖一鮮味

友人下星期就要去旅行，旅行前我們又一聚食餐晚飯，在銅鑼灣找間餐廳食飯，最後我選擇了Casa Pennington，其實我都來過幾次，不過都難忘店中美味的海膽蟹肉扁意粉及tiramisu，所以向朋友建議來此再回味昔日的菜餚。餐廳的另一面是開oyster的開放式廚房，同時show 了不少時令的生蠔及cherry  stone等。安頓座位後，服務員先奉上一些餐前開胃的橄欖，鹹香美味，真是令人開口。頭盤先來一份暖沙律，友人選擇了這份Razor Clam and Crab Meat Salad ($168)，蟶子及雜菌炒成，店方都好細心，先把帶熱的蟶子雜菌放置一個碗仔內，享用沙律前，可以把蟶子雜菌放入沙律菜攪拌，吃起來的沙律菜帶微暖，蟶子雜菌都有爽口的口感，再上脆爽的沙律菜，帶出多重口感的滋味，沙律葉預先已加入了沙律醬，入口非常香滑又鮮甜，真是令人胃口大開。平時我都好喜歡食主菜前先飲個湯，我個人點了一碗Oyster Soup ($88)，蠔湯都是用鮮蠔打蓉煮成蠔湯，啖啖都有鮮蠔的鮮甜，湯稠濃郁又有creamy，湯內還有一隻新鮮的蠔肉，果然好足料，讓人非常滿足。另外跟了一盤蒜茸包，蒜茸包都是即時烤