影片
更多
2017-06-01
447 浏览
呢間西餐廳係位於一間精品酒店入面，相信都係住客、熟客或者係Open Rice見到食評先會知道呢到，而因為朋友好想食生蠔，所以我就搵到呢間餐廳喇~餐廳燈光比較暗，所以氣氛幾好，我地就安排坐係角落嘅位到，都幾舒適，而服務員好快就遞上餐牌，仲推介生蠔俾我地咁啱餐廳做緊推廣，指定生蠔有買一送一優惠，因為朋友係生蠔怪，所以我地就揀咗三款生蠔，Kumamoto、Mermaid同Isabella，之前就試過Mermaid，都幾常見到。Kumamoto原來幾細隻，如何你係鍾意啖啖肉嘅話，就揀其他種類會比較好，食完都唔係好夠喉。食完細隻嘅Kumamoto，再食Mermaid就真係有對比嘅，雖然唔係超大隻，但係鮮味十足，有淡淡嘅海水味，唔會過鹹。最後就係Isabella，呢款就係三款中最肥美嘅，食落啖啖肉，口感微微creamy，配埋酸酸嘅生蠔汁同檸檬汁，味道更鮮甜其中一個主菜係鴨肝野菌扁意粉，未上枱已經可以聞到佢嘅香味，成碟都啡色，所以可能難搵到鴨肝，細心啲係可以睇到一粒粒嘅鴨肝粒，由於醬汁係奶油野菌汁，所以口感好Creamy，而鴨肝其實同鵝肝無咩分別，相信只係價錢嘅差異，味道同口感都十分相似，整體濃郁嘅
呢間西餐廳係位於一間精品酒店入面，相信都係住客、熟客或者係Open Rice見到食評先會知道呢到，而因為朋友好想食生蠔，所以我就搵到呢間餐廳喇~
餐廳燈光比較暗，所以氣氛幾好，我地就安排坐係角落嘅位到，都幾舒適，而服務員好快就遞上餐牌，仲推介生蠔俾我地
18 浏览
0 赞好
0 留言
6 浏览
0 赞好
0 留言
咁啱餐廳做緊推廣，指定生蠔有買一送一優惠，因為朋友係生蠔怪，所以我地就揀咗三款生蠔，Kumamoto、Mermaid同Isabella，之前就試過Mermaid，都幾常見到。Kumamoto原來幾細隻，如何你係鍾意啖啖肉嘅話，就揀其他種類會比較好，食完都唔係好夠喉。食完細隻嘅Kumamoto，再食Mermaid就真係有對比嘅，雖然唔係超大隻，但係鮮味十足，有淡淡嘅海水味，唔會過鹹。最後就係Isabella，呢款就係三款中最肥美嘅，食落啖啖肉，口感微微creamy，配埋酸酸嘅生蠔汁同檸檬汁，味道更鮮甜
11 浏览
0 赞好
0 留言
21 浏览
0 赞好
0 留言
其中一個主菜係鴨肝野菌扁意粉，未上枱已經可以聞到佢嘅香味，成碟都啡色，所以可能難搵到鴨肝，細心啲係可以睇到一粒粒嘅鴨肝粒，由於醬汁係奶油野菌汁，所以口感好Creamy，而鴨肝其實同鵝肝無咩分別，相信只係價錢嘅差異，味道同口感都十分相似，整體濃郁嘅味道真係幾好，不過食得多會覺得幾漏，可以唧番少少檸檬汁，減下油膩感就仲好喇
13 浏览
0 赞好
0 留言
6 浏览
0 赞好
0 留言
另一個主菜係朋友人揀嘅，食完生鮮嘅生蠔都唔夠，仲要再下一城，食番個煎炸生蠔意大利飯，同前者一樣，未上枱就已經可以聞到濃烈嘅味道，不過呢個就係強烈嘅芝士味，唔係人人都可以接受到呢隻有少少似發霉芝士，我都尚可以接受嘅。意大利飯上面就有兩舊煎炸生蠔，旁邊仲用咗類似娃娃菜嘅菜載住啲三文魚子，煎炸生蠔都唔錯，唔會腥，可惜太細，食完就無，將其他食材(意大利飯、芝士、三文魚子等拌勻一齊食，味道都幾好，有濃濃芝士香，而意大利飯質感幾彈牙
19 浏览
0 赞好
0 留言
16 浏览
0 赞好
0 留言
最後又點可以唔食甜品呢? 係Open Rice見到差唔多個個都必嗌嘅呢個梨撻，講真賣相真係幾吸引，所以我地就決定咗食佢喇，由於可能即叫即整同焗，所以等候時間要20分鐘左右，應該差唔多食完正餐就好嗌定，咁就唔會覺要等咁耐。啱啱出爐嘅梨撻真係熱辣辣，一切開就即刻冒煙，要小心唔好即刻放落口，因為係超熱!!! 撻邊加咗砂糖先焗，所以形成咗脆脆嘅焦糖撻邊，而中間熱熱嘅梨肉都有議薄薄嘅焦糖脆面，味道清甜，同充滿牛油香嘅撻皮好夾，淋上鮮忌廉再食，真係別有風味，不過都好邪惡啊!!!!!
张贴
