Cafe Paradise (已結業)

Cafe真係越開越多要搵啲方便就腳而且啲嘢食好食嘅雖然未到聖誕節個店裏面呢有小鹿雪人嘅裝飾店外有一大棵聖誕樹又要等朋友就自己入去食過早嘅晚餐Dinner set 有是日嘅餐湯，田園沙律，主菜，仲有甜品同埋嘢飲餐湯-係南瓜湯係非常之濃稠，不油膩，好 cream 沙律-火箭菜配少少番茄仔，同埋少少嘅沙律醬，幾新鮮主菜三文魚蜆肉意粉，好新鮮，好大隻，又清甜嘅味道意粉有好大呀彈牙,而且啲汁好濃，份量大本身個餐係配咖啡或茶，俾佢嘅飲品餐牌吸引一打開係一個立體嘅木旋轉木馬，即刻心心眼有特式咖啡，花茶，鮮奶，沙冰，朱古力同埋啲活乳酸特飲。最後叫咗杯士多啤梨香蕉沙冰好大杯而且就沙冰跟果肉打得好滑，見到粉紅色好靚，但都有飲到香蕉嘅味道本身係會包少少甜品仔，最後俾多左＄25要多個芝士蛋糕，睇落看來好似好細，但係食落去好有芝士味而且又飽肚。

週末逛完花墟買花，想起了路過見到的CafeParadise，就試一試它吧。純白色的店子，感覺淡雅。店名掛上「Paradise」一字，令我想進入天堂，忘卻繁憂。芝麻雞翼我先點了芝麻雞翼。雞翼的表層炸得酥香脆口，金黃色的脆皮真是咬落卜卜脆。伴隨香口的芝麻香，和嫩嫩的雞翼，真是要一人點一客才夠喉。田園沙律沙律菜新鮮香脆豬手配燒汁2個食肉獸當然主菜都要食肉類啦。所以我們再點了香脆豬手配燒汁。豬手幾大件幾腍滑，2個人食好夠份量。燒汁的味道夠濃夠惹味。是日甜品朱古力蛋糕

同老婆仔去旺角行街，都係嗰句食飯唔想同人逼！於是避開最旺地段，喺太子見到呢間café好骨子，於是決定試下！ 入到去已經好文青feel，啲即影即有好有人情味！鋪仔細細但坐得都算舒服，好多人傾緊計氣氛唔錯。選擇都唔少，老婆揀咗蟹棒寬條麵，我就重口味啲，叫咗個豬手試下！ 前菜沙律都幾清新，特別係啲橄欖油幾有印象，味道幾好！而豬手整得好幼嫩，啖啖肉得嚟入口即溶，幾高質！皮脆但肉又嫩，呢個真係要啲工夫！值得一試！ 去到飲品都好有驚喜，我叫咗個熱朱古力，佢哋幫我拉花拉咗隻象仔！勁靚，睇到我同老婆哇哇聲！而且都落足料，好好味！所以呢間cafe唔單止味道幾好，仲好有心好有誠意，支持下！

好耐無見姐妹們，齊齊去食個 lunch Toffee nut mocha奶打得算滑煙三文魚凱撒沙律煙三文魚好大塊🤤 三個人，一人一塊啱哂！菜種類唔算多，但算係新鮮仲加埋麵包粒，係脆嫁！！！成碟清哂蟹籽蟹棒忌廉意大利闊條麵好多蟹棒肉，忌廉有少少甜味，好香，份糧亦唔少黑松露野菌意大利飯黑松露分量啱啱好，配合得非常好車打芝士焗肉醬馬鈴薯角肉醬非常多🤤，足夠沾埋底層薯角薯角上枱時仲係好脆，好香口3個人都食得好飽，而且份量夠，抵食！

係openrice見到佢係意大利餐廳頭三位 就一於去試下 估唔到係可以咁正嫁-首先因為我地係31號晚食 所以係特別menu 有5個主菜俾我地揀 不過咁啱個晚無燒春雞-脆皮豬手超大份 都幾抵食 不過可惜既係 真係食完好有罪疾咁hahahaha 食左半隻已經好飽 可以夠2個人食 但當然大前題係細食既人西冷牛扒叫左7成熟 味道不錯 配上松露汁好match 唔夠汁都可以再加俾你 但肉質就有少少乾 扣左少少分甜品呢個就唔洗講 正正常常 無乜特別

兩個女仔傾計，最好就係搵啲cafe, 坐耐啲都無人趕走，朋友仔介紹咗去呢間太子嘅cafe, 話環境唔錯，反正我無咩idea, 就跟隨喇！呢到啲待應服務態度好好，好細心咁講解個餐牌，又講到明可以轉個set dinner 嘅主菜，令大家有多啲選擇......前菜有沙律同湯，沙律清清地，湯就係自己鐘意嘅粟米忌廉👍🏻👍🏻👍🏻，主菜轉咗做蟹子蟹棒忌廉汁寬條麵，個麵望上去好似細咗啲，但由於佢地忌廉汁好夠味，同埋寬條麵本身飽肚啲，呢個份量絕對夠女仔食，估唔到蟹子同忌廉夾起上嚟個味都唔差，好食嘢食方面我加咗錢叫咗榛子牛奶，我like 個奶夠熱，雖然奶味重，但都飲得出榛子味，入口感覺唔錯，值得試下最後傾下傾下，都唔記得咗個甜品，好彩待應提一提上埋佢，芝麻蛋糕都幾好味，最緊要環境夠靜，開心度過一晚👍🏻👍🏻👍🏻

昨夜落住濛濛細雨，向長沙灣道、彌敦道及荔枝角道夾向中間嘅一個角仔，門外白色外牆，有D似歐陸feel，同成個地區比較，明顯特出，亦吸引左我入去食，入內見得26個座位，地方細細但又唔覺得逼夾，四周白藍色牆壁上鋪滿客人的即影即有相片，加添一份人情味。叫左個香脆豬手配燒汁套餐，是日餐湯係粟米忌廉湯，粟米粒都幾多𠺢，仲有一碟唔細嘅田園沙律主角豬手賣相唔錯，隻手都幾大，但嫌唔夠脆，配角薯角好好食，炸到脆卜卜，咬落食到D薯蓉甜品有小正方粒芝麻蛋糕加杯熱咖啡。百幾蚊食到個豬手套餐，都抵👍🏼

呢間餐廳門口閃吓閃吓嘅旋轉木馬，好有氣氛，入到去侍應親切咁招呼我坐底，介紹今日有乜套餐丶甜品等等，感覺好warm, 零舍開胃，一口氣叫左個焗薯做頭盤，再叫個白汁意粉晚餐，一於食飽飽，個芝士肉醬焗薯角上枱時熱辣辣香噴噴，啲芝士肉醬好香好嘢味，撈埋啲脆皮薯角極好食呀，跟著飲啖又喺熱辣辣嘅粟米忌廉湯，又食幾啖新鮮蔬菜沙律清清喉嚨嘅濃味，好正，主菜白汁意大利粉粉量啱啱好，個白汁濃郁到條條意大利粉都撈滿曬，好快就食清光，跟著仲有件小巧嘅芝麻蛋糕，唔會太甜，亮點喺杯熱咖啡，杯咖啡奶喺暖暖哋咁上抬，連呢啲細節都咁重視，真喺抵讚。

太子變左幾間cafe集中地，門口已經放左兩個木馬裝飾，果然夠哂吸引人，入面都幾細，放埋哂位一齊坐得都幾密。門口就係放左呢一大一細既旋轉木馬，岩哂你等位果時影下相，又可以望下，上面果個都幾靚同真係好大個。之前聖誕節入面都有唔少聖誕裝飾，每張椅背都有聖誕老人或者聖誕鹿椅套好可愛，仲掛左唔少聖誕裝飾係牆。最吸晴莫過於呢個相片牆，好多黎幫襯既客人既即影即有相，仲有埋日期係上面，下次自己黎睇番都得呀。打開餐牌一望超有驚喜，居然有個立體旋轉木馬，好似以前收聖誕卡一樣，一打開就會有個立體圖案出現左。叫左兩個餐，有兩個湯先送到，今次係忌廉湯，熱辣辣好溫暖，仲幾濃身夠哂料。叫左兩個麵《蟹籽蟹棒忌廉意大利寬條麵》($73)，寬條面夠爽同彈牙，不過個汁有啲淡，蟹棒就正常水準無散哂。仲有《煙三文魚蜆肉天使麵》($73)，有幾舊蜆肉三文魚都唔係太多，個汁幾傑身痴上天使麵，食落算係乾身。小食有《黑松露薯條》($43)，薯條夠熱夠香，不過黑松露醬唔夠香口，小店係幾用心做既，同真係幾多人幫襯架。店名：Cafe Paradise地址：太子界限街23號地下C舖餐牌:

環境舒適，意大利飯很好吃，入口香濃的蕃茄味，辣味在之後慢慢地出來，感覺很棒，另外還要推一下芝麻雞翅，咖啡也很好。有兩款可以選擇 energy 和 full 都有送橙汁 full大盤很多 不過女生energy量已經夠啦

餐廳的地方不算大，但看得出是有心思的室內設計，令客人有一種非常舒適的感覺。而且餐牌的設計和顏色有非常吸引～令我覺得讚賞的是那個南瓜湯，忌廉和南瓜的成份不會過猶不及，而且喝下去有很滑溜的感覺！主菜-牛扒，牛扒本身的新鮮程度婆高，但廚房控制火候呢就一般，令牛扒未能做到我想要的生熟程度（四成），令到牛扒有過熟的情況。但整體來說也是挺好吃的~最後加錢吃的甜品也10分吸引，能夠做到不太甜而且有朱古力將留下來，令整個晚餐有一個完美的句號。

看了評價才去試,結果,很失望,很失望,很失望(重要事情說三次)食焗豬手,本人食超過二十間,這一間最令人失望,我不知寫好評的人,可能好彩,我食他們主打焗豬手配燒汁,豬手先   燜熟後再焗,等豬手皮有點脆,但一點都不脆,豬手肥的程度令人驚訝 ,筋和脂肪多到令我放棄,有圖有真相,大家自己看吧,還有意粉份量少,我隔離枱位女士食羊架,食時說唔夠熱,!這間一定冇下次.又唔係平,但完全唔值，完全唔明點解咁多好評，同區都有好多更好既選擇

星期五晚約了老公放工後出旺角行街兼食飯，行了一陣便去揾地方食飯，不過老公話帶我去一個地方食，原來他一早已book左一間餐廳食飯，去到餐廳門口已看到很多人在等位，但最吸引我的目光不是這些人群，而是餐廳櫥窗的旋轉木馬裝飾和聖誕裝飾，未到聖誕已感到很濃既聖誕氣氛，幸好我們有book位，去到便可進入餐廳，餐廳裡一樣佈置得好有聖誕feel, 地方雖然不大，但都坐得幾舒服。Menu 設計得好有心意，我們在看Menu不久，有位侍應行埋黎細心地為我們講解Menu上既餐，如果散叫加錢都可以轉為餐。我們分別點了香脆豬手配燒汁和卡邦尼意粉，之後侍應便送來是日餐湯和田園沙律。 是日餐湯係粟米忌廉湯，湯裡有很多粟米，湯不會太"杰"太稀，很香滑； 沙律既菜很新鮮； 香脆豬手好大隻，仲有配薯角，豬手皮烤得脆卜卜，肉質幼嫩，皮與肉之間有d脂肪，感覺很有骨膠原，但食落很有口感，不覺得肥膩，配埋燒汁簡直一流，值得再試； 卡邦尼意粉既汁很濃忌廉味，意粉口感恰到好處，煙煙韌韌，好好味； 甜品係朱古力慕絲蛋糕，朱古力味濃而不苦又不太甜，細細件岩晒女士們； 餐飲加錢可轉特飲或花茶。

話說今日係我女友話好鬼想食好野,  話哂都星期五, 都係時候安慰下雙方既心靈, 講緊食啊~唔好諗多好早我就搵左間幾特別既餐廳, 佢位於深水埗同太子交界, 搭去太子落車行過去會比較方便由於我一早訂左位, 所以一去到就可以入去餐廳用左天藍色用白色去襯托, 幾夢幻FEEL, 餐廳去仲放左個旋轉木馬~餐廳牆上仲有好多同名人, 唔同客人生日既相片, 顯得好WARM~我自問係食肉獸, 我第一時間就更係選擇食肉不過首先黎既係白湯薯仔煙肉湯 薯仔味都幾濃, 個湯唔會好"希", 煙肉細細粒有咬口~之後黎個沙律前菜酸酸地幾開胃, 菜亦幾新鮮,唔會有草青味~由於即叫即整, 所以要等大約10-15分鐘, 就起菜醬汁有燒汁, 黑椒汁, 我選擇左黑椒我食牛扒比較講究, 我會比較喜歡落鹽去食塊扒真係大過我女友塊面, 又厚我叫左5成熟, 因為上碟時會變相6-7成左右唔好睇落好似好生, 其實熟既程度剛剛好肉質鮮嫩, 唔會"鞋"口, 外層有少少煎到脆脆地首先我點左黑椒汁, 呢個係牛扒大家通常會點既醬汁, 味道唔錯, 唔覺落好重味精, 呢樣好緊要~之後我就加鹽食, 可以帶出更重既牛味同多多既肉汁~成塊扒對於一位男士唔太大`

次次經過餐廳都見到入面好熱鬧，今次終於book 咗枱😇 我哋book 咗6點，但同朋友都早咗到，餐廳6點先開始，但都比我哋喺入面坐住等👍🏻👍🏻👍🏻👍🏻未到聖誕，餐廳已經好多佈置，好有氣氛🌟我哋叫咗豬手、鮮蝦意大利飯同埋黑松露薯條。Set dinner 包埋前菜、餐湯、甜品同飲品。- 餐湯幾甜、有蘑菇味，唔錯。- 意大利飯有少少辣，幾惹味，蝦都新鮮爽口👍🏻-豬手真係好大件，仲有配薯菜，烤得個皮幾脆配埋醬👍🏻👍🏻飲品我就叫咗洋金菊花茶，用壺上，仲有小蠟燭熱住，keep 住熱，好好！朋友嘅chocolate paradise 甜度剛好，都好飲！整體嚟講對小店感覺幾好，職員好友善，感覺都係一間用心嘅小店！原來而家仲做緊儲印花，儲滿係換旋轉木馬音樂盒！