Cafe Paradise (已結業)

響附近睇完戲，睇吓有咩食果陣見到呢間有幾多好皮，就特登行過嚟。點解話佢隱世，因為佢個位置真係有啲難搵，但咁樣係一件好事，因為晚餐時間唔使排隊就已經可以入去食嘢。鋪頭細細，但好有聖誕氣氛，門口：入面：裝修就幾耐靚啦，唔知嘢食點呢？我同朋友仔睇緊餐牌嘅時候，有個職員特登行過嚟同我地講今晚晚餐餐牌安排，我見佢每一台客人都會講一次，非常細心有禮貌我哋叫左兩個set din，一個set有頭盤沙律，餐湯，主菜，野飲一杯，甜品。本人通常都唔太鍾意食沙律菜，因為苦，但呢度嘅沙律菜非常新鮮，美中不足係加左沙律醬，如果可以換成芝麻醬，或者橄欖油會好食啲。餐湯係洋蔥湯，有驚喜因為有好多粒蜆肉蜆肉係晒底度，基本上每一啖湯都可以食到一粒蜆肉。主菜我叫咗黑松露野菌闊條麵，好似好齋咁但一啲都唔會，好香黑松露味，而且大量嘅野菌感覺清新健康。朋友叫咗個豬手，豬手軟淋淋，但皮香脆，味道唔太鹹啱啱好，豬手底下仲有薯菜，女仔一個食好夠，順帶一提豬手一上嘅時候有個姐姐行過黎問我地要唔要茄汁同芥末汁，好細心啊嘢飲方面叫咗杯拖肥牛奶，一上枱朋友就話好香呀，杯野白雪雪，望落似一杯普通牛奶，但味道並不簡單，唔太甜又有拖肥嘅香味，建議大

星期日傍晚時分同朋友嚟食，地點唔算太方便，舖面較細，目測約容納20 – 25 位食客。不過臨近聖誕，餐廳加左唔少聖誕裝飾，幾有氣氛。我叫左一個set dinner, 前菜係田園沙律，唔似其他餐廳，呢到係會用沙律醬做sauce… 之外再上一個餐湯，然後就到主菜 - 香脆豬手配燒汁。豬皮整到脆脆地，配埋燒汁，的確幾好味。最後仲有是日甜品同加左$15轉左一杯peppermint mocha。整體嚟講食物味道唔錯，但分量唔算多，大食既人或者要叫多個小食先夠飽。

家姐放工，好少一起行街，今次行太子，行完街要在附近食好西了。開始開餐，晚餐有黑松露栗米忌廉湯、沙津、美國頂級肉眼、藍莓蛋糕及飲品。(黑松露栗米忌廉湯)忌廉湯入口香香的，快些喝，夠熱才好味。(飲品)不愛酒精的我，檸檬茶至好吧，檸檬清清地，十分清新。(沙津)份量尚算ok，蔬菜清爽，車厘茄豐盈，要加分，我來了即時想食呀，足料好味。 (美國頂級肉眼扒)主菜來了，大件頂級肉眼扒，入味無比，醬汁至夾，多少少汁仲好食。(藍莓蛋糕)蛋糕入口細滑，原來都不錯吧，女仔會比較愛。

經過被這個旋轉木馬吸引住了，好美，從小就很喜歡樂園裡的旋轉木馬，只要在餐廳消費儲滿印花就可以換取了，實在有點難度，不過我們照樣進去吃一餐吧。薯仔煙肉忌廉湯，薯仔肉半溶在忌廉湯裡，有點鹹的煙肉在湯裡剛好用來調味，忌廉湯Creamy軟滑，還有些香草在裡面，很好喝又飽肚前菜沙律，菜份量小小的，味道清新而且沙律醬剛剛好龍蝦汁海鮮意大利飯，看似份量少但一個人吃卻很足。意大飯煙煙韌韌，醬汁偏稠，微微龍蝦醬汁味，裡面有夾雜點海鮮，整碟飯很Creamy凍榛子咖啡，有一層細綿泡沫在面，榛子咖啡味道微甜，不會太甜甜品是紅桑子蛋糕，微微的酸酸甜甜，最上層是啫喱，中間是Cream，下層是海綿蛋糕，海綿蛋糕柔軟有微微蛋香，一件有點小一口就可以吃掉了友人點了一份牛扒，薯角非常香脆，牛肉Juciy厚肉，配鹽更好吃！

米白色嘅湯身主要由忌廉同薯泥混合而成，入口幼滑，而夾雜嚮稠湯之中嘅薯仔粒同蘑菇粒，為原本口感單調嘅湯身增添咗一重層次感。煙肉粒嘅加入，同原本香甜嘅忌廉味好夾，甜中帶鹹，起咗提鮮嘅效果。味道總括嚟講，夠哂濃郁，但作為主菜前嘅餐湯，就未必人人都鍾意濃湯，有人可能會偏向選擇清澈見底嘅清湯，而我就覺得，濃湯對味蕾而言係一種熱身，透過刺激，喚醒返味蕾嘅敏銳感，等佢可以為嚟緊嘅主菜做好準備。邪惡嘅芝麻雞翼，表皮整到金紅鬆脆，再灑上粒粒白芝麻，除咗可以增添香味之外，仲可以加強口感，淨係外表已經夠哂呃like。 咬落就同想像中一樣咁滋味，內層肌肉質感唔會太乾，而且仲好嫩滑同入味。如果可以食多幾隻就好喇⋯⋯ 呢塊牛扒嘅最大問題唔係面積細，而係太薄，因為牛扒嘅最佳厚度應該要1吋左右，咁樣煎出嚟嘅牛扒，咬落先會有層次感，而且亦都更容易將肉汁鎖緊。相反太薄就會失去咗牛扒應有嘅質感，同食普通牛肉無分別。 不過好彩嘅係，我食嘅時候無覺得呢塊牛扒好乾，而且仲有肉汁滲出，調味亦都算出色，但始終牛味唔重，同埋口感唔夠豐富，稱唔上頂級，只可以算係中等質素。

臨近聖誕，小店已已經佈置到好有聖誕氣氛🎄🎠🎁，未食心情已經好好。不過話明小店，枱同枱之間好窄，係完全可以聽到隔離枱講乜野。鬼叫香港寸金尺土，為左做多少少生意，都冇辦法。粟米湯唔係罐頭湯，粟米煲到溶哂，令到成碗湯都好濃，好稠，每啖都飲到粟米味豬手份量一d都唔少。用左薯角鋪底，隔離係自制既豬手燒汁，味道甜甜微酸，同豬手幾夾。重點豬手炸得香脆，絕對冇炸到過左火，食入口仲有啖啖肉汁，好嫩滑。豬手皮脆得黎不失煙韌口味，會令人食到停唔到口。意粉煮得軟硬適中，係我鐘意既口感。忌簾汁加左洋蔥粒煮，不過蜆肉有d洗得唔夠乾淨，食到少少沙，扣左d分。整體上不過不失。- 好味指數: 7.5/10賣相: 7/10性價比: 8/10

話說FIF將左朋友係太子附近睇戲,睇完之後當然要搵食!友人話今日想食西餐,一打開openrice見到呢間咁多笑!馬上去! 去到門口已經有唔少人排緊隊啦~但最後都係等左10-15鍾左右~都唔算耐! 餐廳好快已經應節,開始準備緊聖誕裝飾~好啦講番食物~一位友人話唔太想食一個set, 所以我地就一個叫set一個單點意粉 我地就叫左招牌既香脆豬手~配白湯~都幾有忌廉味~仲有沙律,都好新鮮~仲有小蓄茄! 主菜來啦~香脆豬手!你睇下!真係有手掌咁大嫁!仲有配埋烤薯角~店員仲好好問我地要唔要茄汁~當然要啦!!而店員仲貼心咁提示我地~反轉個豬手比較容易切~~個豬手既肉好嫩滑,但個皮又好脆,仲有唔同香料係皮到, 所以係又香又脆又滑!正啊!唔怪得係招牌!而薯角都炸到外脆內軟~perfect match! 仲有配杯凍檸茶~紅茶味都好香~~另外我仲加左25$升級做心太軟! 睇上去賣相已經唔錯~一切開,係流心既朱古力啊!仲有Vanilla既雪糕! 配埋一齊,成餐完滿咁畫上句號! 3個字: 大滿足! 友人就叫左忌廉煙三文魚蜆肉天使面~友人話味道都唔錯!天使面既質感煮到岩岩好, 而煙三文魚都好香~ 佢仲加左黑松露薯

今日約左個好耐無見既朋友食tea, 揀左呢間人氣cafe, 貪佢近我返學，又近地鐵。由地鐵站行去過兩條馬路就到，好方便。門外既裝潢擺設已經吸引左我地，仲有埋聖誕裝飾，順便感受埋聖誕節氣氛。餐廳入面仲靚。d椅套全部都係雪人同鹿仔，好吸睛。呢到好多食客會係到留倩影呀咁靚既剪影，可以係餐飲menu到揾到。呢到都幾奇怪，冇lunch set但有tea set。雖然冇lunch set，但叫佢地既主食係會有餐湯送呀。今曰餐湯係忌廉磨菇湯，超濃郁，好重磨菇味。 賣相好靚，黑松露未食都嗅到香味。而濶條麵煮得剛剛好，唔會太腍或硬，而每條意粉都像包上一層薄芡般光令令，又帶有濃濃既黑松露味，好食。另外叫左兩個下午茶餐（好似食好多野添）車打芝士焗薯條，又係d超邪惡既食物。芝士唔算多，但薯條好脆，熱辣辣，仲要係粗薯條，食到停唔到口。芝麻雞翼配沙律菜，雞翼外皮炸得好脆，內層肉質好嫩滑，咬落去仲有d汁流出黎，食得好滋味。下午茶餐配特飲。今日係青蘋果綠茶，只有凍沒有熱。不過職員好好，主動建議我可以走冰。另外朋友叫左杯棒子牛奶，外觀係全白色，好重奶味，但入口就真係有棒子味，唔太甜。朋友好滿意呢一餐，話要再黎喎。離開時

去開太子行到界限街果邊，咁岩有啲肚餓，又咁岩睇到呢間cafe排哂隊，排哂隊就一定好食，所以今日就揀左呢間cafe paradise，排隊等左五分鐘到就入得，入到去呢間cafe雖然唔大，但都坐得幾舒服。前菜叫左個南瓜湯同沙律，南瓜湯好香好滑非常之好，之後主菜就叫左豬手同意粉，先講個意粉，好creamy好好味，意粉又唔會太淋，有口感，而個豬手脆卜卜，又唔會太咸，同埋非常之大份，兩個人食都好飽，最後就不得不提杯朱古力，除左個味好濃，朱古力味好重之外，佢重有一球雪糕係面，一次滿足你兩個願望，岩哂喜歡朱古力既我。呢餐真係抵食又滿足。

同朋友選擇左黎cafe 可以慢慢食傾下計，一坐低店員非常有禮貌且細心介紹menu,我地決定叫2個set dinner, 再加左薯條試下先頭盤有沙律 及 蘑菇忌廉湯個湯非常驚喜 睇佢外表平平無奇 飲落去非常濃郁而且creamy 非常鍾意香脆豬手卜卜脆外皮 豬手食落去好juicy , 口感非常好煙三文魚蜆肉天使麵望落雖然份量唔算很大 不過因為佢個cream sauce 真係好濃郁 所以份量岩岩好 再食會好「漏」黑松露薯條熱辣辣面且係粗身既薯條 香口美味最後再配埋今晚的提拉米蘇蛋糕 估唔到跟餐送既蛋糕都咁有質素 今晚每道菜都令人有驚喜 好好味

今日同個朋友收工之後一齊去咗呢間餐廳食晚飯，地方唔係好大，但係感覺都幾整齊。而且佢有個位貼晒啲即影即有相，感覺幾舒服。我地兩個叫左2個餐，有湯有沙律仲有買杯野飲。佢嗰日個湯係忌廉蘑菇湯。個湯唔會太稀又唔會太杰，而且好濃蘑菇味。我同個friend仲一齊講話個湯都幾好味喎😂😂😂我哋另外嗌咗個意粉同埋豬手。呢個意粉真係要推介，好似係叫蜆肉煙三文魚忌廉意粉。真係估唔到細鋪頭可以做出呢個水準。忌廉味好香好重，佢個忌廉唔會淡茂茂，而且啲忌廉可以包住每一條意粉，好好味！真係好好味！個豬手d皮好脆，而且唔會太肥。同埋，佢本身已經好夠味，唔點個汁都得。個汁應該係加左紅酒既燒汁。我另外叫侍應姐姐俾左d芥末我，芥未配豬手，一流呀🤣🤣野飲，我就加錢要咗個玫瑰花茶，佢d玫瑰花都好多！而且好大壺😂唔使refill都得，有排飲！

太子向來多美食，不是一般的集團式經營，而是特色小店。下午六時多來太子覓食，竟見這家西餐廳已接近坐滿，決定試試。當店員遞上餐牌時，亦會介紹套餐和餐牌食物，很貼心。餐牌上的Pasta也可轉為套餐，但晚餐套餐實在太吸引了先上煙肉忌廉湯，湯很溶，邊喝邊有薯仔可咬口，不是水稀稀的西湯。沙律不是只有一款生菜主打焗豬手配燒汁上場了只看外觀已經感覺很脆皮，先切了旁邊的肉來吃，肉跟筋位一起吃，很軟腍，像吃了很多骨膠原焗的時間掌控得很好，所以豬手的肉不會太硬，而是軟腍腍的，很好味！焗豬手的豬皮焗得好不好吃也是很有難度的，這個豬手皮沒有焗得死硬，是很脆而又不硬的，有點像薯片一樣，連上有點筋和脂肪一起吃，很令人難忘豬手本身已很入味，燒汁也可不用醮，推薦友人點了扒羊扒跟燒汁，讓我吃了一件。羊扒不是全熟，反而又腍又有咬口，香草已經入味，又是不用醮燒汁也已經很好吃！跟餐甜品是香芋慕絲蛋糕，吃得出香芋味，也不會太漏跟餐甜品可加$20轉心太軟，朱古力味濃濃的，內裡流心朱古力配上朱古力蛋糕和雲尼拿雪糕，為這個美味的晚餐作個很好的結尾餐廳環境不算大，但小店就是這樣，反而更讓人驚喜！除晚餐set、Pasta，亦有All da

由於很久沒有食西餐，喺太子區經OpenRice search，見評分不錯就入去試一試，去到時六點半左右，本以為應該未到食晚飯時間，應該冇乜人，誰料已經差不多滿座，幸好由於2人進餐，還有僅餘一張枱給我們進餐。店舖空間不算很大，亦未致於很擠迫。等候用餐時間大概10分鐘左右。最好從晚餐餐牌點了羊架及豬手，由於是晚餐的關係配有是日餐湯，沙律，甜品及飲品。而每樣甜品及飲品亦都可以加錢轉特飲及特別甜品，可以提供多些選擇給食客的確不錯。薯仔煙肉白湯用料十足，每口湯都有薯仔粒，亦有煙肉碎，不錯！至於沙律就正正常常沒有什麼特別。扒羊扒跟燒汁，我選了是七成熟的羊架，有三塊份量適中，表面輕微燒到脆脆的，肉質很林，亦有羊味，只需加少量的燒汁亦很美味，再加上配上薯角，亦有小量蔬菜平均返，不致於太油膩！第二樣主菜點了香脆豬手配燒汁，基本上配菜都是薯角及蔬菜，至於豬手肉質則焗到好林，值得一試，表皮如果脆d效果會更佳，整體來說都很好。最後說說飲品跟甜品，意想不到的是竟然有我兒時愛飲的黑牛白牛，雖然要加小小錢，但係都是值得。甜品是香芋朱古力慕絲，份量只是一口，小食多滋味，另外加錢轉了朱古力心太軟配雲尼拿雪糕，都是保持水

未到12月，周圍都充滿住聖誕氣氛，Cafe Paradise都吾例外，餐廳佈置都迎接住聖誕節既來臨。今次系第二次食，試下其他吾同既菜式。叫左個徳國豬手，炸到好香脆，肉質嫩滑吾會好乾，仲有肉汁添，而且薯角都炸得好香好好味，不過份量就吾算好多，對男士黎講一定吾夠飽。麵類要左三文魚蜆肉天使麵，個人鍾意天使麵多過意粉，因為幼身d，沾系麵身既汁都多d，所以食落去吾會乾身，啖啖都系忌廉白汁味之後叫左個香辣芝麻雞翼，一d都吾辣，芝麻味好香。

餐廳細細，但好多人幫襯，平日夜晚都有人系門口等位。意粉份量吾算多，但都系六十幾至七十幾蚊，所以都吾算貴，意粉可以加五十蚊度跟餐。跟餐有餐湯，田園沙律，甜品同餐飲。蟹棒蟹籽意大條闊條麵原來闊條麵撈埋啲蟹籽食口感系咁得意，蟹籽咬落去會爆開，爽爽脆脆，口感非常之豐富，但蟹棒食落就無咩特別，有d似高級版平民蟹柳。芝士肉醬焗薯角佢同出面其他餐廳食開嘅有啲唔同，芝士份量比較少但肉醬就好多，肉醬嘅味道都唔錯，薯角炸得好香口。總括黎講味道吾錯，但份量就有d少。