Cafe Paradise

481
47
25
港铁太子站 D 出口, 步行约4分钟 继续阅读
所有分店 (3)
电话号码
34892212
开饭介绍
环境舒适、价格适中的餐厅,是与朋友聚餐的好地方。 继续阅读
营业时间
今日营业
12:00 - 22:30
星期一
12:00 - 22:30
星期二
全日休息
星期三至五
12:00 - 22:30
星期六至日
11:30 - 22:00
付款方式
现金 支付宝 AlipayHK
座位数目
70
其他资料
网上订座
酒精饮料
自带酒水
切蛋糕费
支持减塑
电话订座
赏订座积分
当面支付
前往餐厅网站
http://www.cafeparadise.com.hk/
有关餐厅
All Day Enjoy All Day Paradise
Café Paradise 感恩一直有大家的支持 我们每天都会费尽心思 为客人提供优质的食品及窝心的服务
成就了我们的
All Day Enjoy All Day Paradise

更成为了很多客人 生日派对 特别日子 记念日的首选地方
我们会努力成为
The Best for Celebrating

人气爆炸的All Day Breakfast
讲到Cafe Paradise的皇牌食品,一定不少得All Day Breakfast,还有各款Pasta、鸡翼、沙律、咖啡等等。
有关奖赏计划
食记 (590)
等级4 2018-12-31
998 浏览
今日趁放假去做facial,迎接除夕同元旦,以靓靓嘅姿态同老公、朋友见面。 做facial期间,美容院嘅老板娘又介绍一间话系我杯茶嘅餐厅畀我~Cafe Paradise,横掂做完facial都会同老公食晚饭,而且又喺美容院附近,一於就去呢间。当我同老公去到Cafe Paradise, 见到餐厅门外内嘅装修、装饰,真系超喜欢,绝对系我杯茶,好有圣诞气氛,更爱那旋转木马嘅装饰,好典雅,重拾起小时候於主题乐园游玩时嘅回忆。打开餐牌时,也会看到旋转木马嘅踪影,超靓,女士们见到实喜欢。享受环境嘅同时也享受以下嘅美食:蟹籽蟹棒忌廉意大利宽条面($73)蟹籽多有咬口,蟹棒多而且鲜甜, 每条宽条面都挂上忌廉汁,实在太太太美味了。辣辣芝麻鸡翼($48)炸得外皮金黄酥脆,咬开内里藏着雪白嫩滑嘅鸡肉,香口非常。冻鲜奶咖啡($39)咖啡好浓郁,鲜奶香滑,不会太甜。焦糖鲜奶咖啡($35)拉花好漂亮,咖啡配上焦糖,口感更丰富,更有层次,啖啖回味。老公不但称赞这里食物好味道, 还赞赏这里嘅侍应态度好nice,好helpful,真系要多谢美容院老板娘嘅好介绍。 继续阅读
(以上食记乃用户个人意见 , 并不代表OpenRice之观点。)
等级4 2018-12-03
1148 浏览
今日6pm黎到唔算多人,但6点半後d人就陆陆续续咁黎喇! 冇订位既仲要去到八点先有位,所以大家黎嘅时候记得订位啦💕因为圣诞节就嚟喇~见到餐厅喺布置上面都花咗好多心机🎄🎄Set dinner 包左一款是日餐汤、田园沙律、主菜、是日甜品同埋餐茶我地今日嘅是日餐汤系《甘笋忌廉汤》甘荀粒好多,好甜,味道唔错~《田园沙律》配上左bb牌芝麻酱就一定冇得输啦~其实佢既沙律菜都好新鲜,分量都好大架😊😊至於main course 就拣左 《香辣鲜虾意大利饭》意大利饭上面配上左一只天妇罗虾🍤~ 个饭呢就酸酸辣辣~蕃茄味重,因为有小小茄蓉同茄粒系饭入面!非常开胃但有小小辣😂😂但都会一口接一口架😋😋《士多啤梨雪糕》呢款雪糕就唔似一般既色素雪糕..啖啖都食到士多啤梨籽同埋士多啤梨肉,而且佢唔系死甜! 系酸酸甜甜的😌😌另外我地仲叫多左个《Carbonara》 $63意粉软硬度好好,入面有鸭胸肉同菇!烟鸭胸味好香,平时唔多食鸭胸既我都食左几旧🙈🙈🙈意粉质感亦都好好,好creamy!好味道🥰🥰🥰 继续阅读
(以上食记乃用户个人意见 , 并不代表OpenRice之观点。)
等级4 2018-10-22
4975 浏览
女友之前黎过呢间西式cafe不可不试咁话喎最近又少食西餐试下罗,怕你呀?==============================吞拿鱼忌廉汤先黎餐汤味道都几浓郁最估唔到系竟然会有大大旧吞拿鱼食之前仲以为只系猪肉丝真系估唔到沙律不过不失菜都算新鲜芝麻酱如再香d会更好香辣鲜虾意大利饭首先必须一提既系,呢个饭都真系几辣下不过我就食开辣既,所以唔怕,冇食开既朋友要留意下而我就好锺意佢既辣,辣得黎好香好开胃,真系依家谂返起都流晒口水而佢既虾都炸得好靓好香脆入面都几足料下除左有好多虾仲有好多烟肉啖啖都系滋味满分280克美国顶级肉眼牛扒配烧汁块扒都煎得唔错叫左7成熟入面既肉汁都仲保留到更重要系牛扒既肉味好香浓油脂都好丰富一咬落口爆发出黎既肉味同油脂味令我好似去左草原同几百万只牛一齐奔跑咁配埋个汁简直就系一绝!饮品叫左奶茶虽然几好睇,但有d失望唔知系咪我饮唔惯定见识少啦因为佢d茶系暖暖地偏冻既(我叫左热)加埋d奶就变埋冻饮同埋茶都几淡下,唔够香有改善空间不过好彩,有个好既甜品作个完美既句号呢个系曲奇雪糕好香好滑好浓郁而且唔会太甜好过好多雪糕店 继续阅读
(以上食记乃用户个人意见 , 并不代表OpenRice之观点。)
等级4 2018-10-18
93 浏览
有日在youtube睇到段片是介绍风筝的,原来香港还有好地方放风筝,同埋,仲有地方卖风筝,地点就喺界限街 “志成”。今晚就的起心肝去了 “志成”,买了两只大嘢,谂住周末去放风筝。老板仲醒了几招如何放得好添。买完嘢,就拿着战利品到附近食埋饭先返屋企。见到呢间餐厅外墙咁啱有青天白云,啱晒我想放风筝嘅feel,门外仲有个旋转木马小摆设,无办法,被吸引了,就系咁,入咗去食晚餐。坐低就见到个吊柜贴咗好多相片,好利害!呢度啲侍应好殷勤,又会推介餐厅招牌菜。就系咁,我就叫咗【香脆猪手配烧汁】set dinner,跟埋沙律、餐汤、餐饮和甜品,都只系 $168,几抵食。【田园沙律】、【西兰花忌廉汤】沙律菜新鲜,最欣想佢系加咗日式麻酱沙律汁,所以好滋味。平时啲是日餐汤多数系罗宋汤或蘑菇忌廉汤,比较闷。呢个西兰花忌廉汤反而有啲新鲜感,汤里面仲有好多西兰花蓉,都几好味。【香脆猪手配烧汁】只猪手大到不得了。层皮脆卜卜。侍应姐姐温馨提示: 记住反转嚟切,会易切啲。外皮脆,肉质腍嫩,有肉汁,又入味。薯蓉绵绵滑滑,跟脆猪手形成强烈对比,呢个配搭比起用炸薯条做配菜更好。即磨咖啡几香浓,餐後饮可以醒一醒神。最後系食雪糕做餐後甜品,带有椰子云呢拿味,清清哋,几好呀! 继续阅读
(以上食记乃用户个人意见 , 并不代表OpenRice之观点。)
等级2 2019-01-15
14 浏览
同好耐冇见嘅朋友食饭一定好多偈倾所以想搵个静静地嘅地方一边食嘢一边倾计☺️出到地铁站其实见到有一间不过好似冇乜位职员同我地讲话附近仲有另一间嗰边会多位啲於是就过咗另一间啊😗我地得两个女仔所以都食唔到好多嘢我哋嗌左一个鸡翼做前菜因为鸡翼都系我一个朋友食晒佢食完都饱饱地所以我哋就再叫多咗个烟三文鱼蚬肉天使面嘢饮我就嗌咗一杯Cafe latte ☕️好得意架佢个嘢饮Menu打开会有一个城堡弹起身🏭鸡翼一共有四只有好香嘅芝麻味 未食闻到都已经好吸引🤤到呢个肉天使面其实佢啲海鲜料算多蚬肉同其他海鲜都几多嘅只不过个汁有啲淡加上同啲天使面唔知点解硬系捞唔埋所以食落去有面同汁分开嘅感觉麻麻地🤐出奇地个latte做得几好奶同埋咖啡个比例做得啱啱好饮落去唔会太重奶味 咖啡味有够浓🤩食完我哋仲叫咗一个芒果cake做甜品呀呢个芒果cake啲芒果够甜中间啲忌廉的配搭起上嚟都唔太漏嘅所以做甜品都唔错系食完正餐仲想食多少少野嘅时候啱啱好可以填饱个胃🥳如果想搵个静嘅地方倾计 呢度几好😛 继续阅读
(以上食记乃用户个人意见 , 并不代表OpenRice之观点。)