Cafe Paradise (已結業)

次次經過餐廳都見到入面好熱鬧，今次終於book 咗枱😇 我哋book 咗6點，但同朋友都早咗到，餐廳6點先開始，但都比我哋喺入面坐住等👍🏻👍🏻👍🏻👍🏻未到聖誕，餐廳已經好多佈置，好有氣氛🌟我哋叫咗豬手、鮮蝦意大利飯同埋黑松露薯條。Set dinner 包埋前菜、餐湯、甜品同飲品。- 餐湯幾甜、有蘑菇味，唔錯。- 意大利飯有少少辣，幾惹味，蝦都新鮮爽口👍🏻-豬手真係好大件，仲有配薯菜，烤得個皮幾脆配埋醬👍🏻👍🏻飲品我就叫咗洋金菊花茶，用壺上，仲有小蠟燭熱住，keep 住熱，好好！朋友嘅chocolate paradise 甜度剛好，都好飲！整體嚟講對小店感覺幾好，職員好友善，感覺都係一間用心嘅小店！原來而家仲做緊儲印花，儲滿係換旋轉木馬音樂盒！