Cafe Paradise (已結業)

上星期收工嚟咗呢一間Cafe食晚餐，大概七八點去到，門口都有少少人等緊位，不過等左一陣就入得啦。今次我叫咗個set dinner, 因為一個Set有餐湯同埋沙律，叫咗一份香脆豬手$168 幾抵食雖然個沙律普通，但我幾鍾意個餐湯，係南瓜湯，有好香濃南瓜味好滑！豬手好大份啊！上到嚟仲係熱辣辣，外皮好香脆，配菜有薯角蔬菜。講下隻豬手先，我覺得隻豬手調味做得幾好，肉質亦都好嫩，配埋香脆嘅外皮真係幾好食。因為豬手本身調味唔重，所以配埋佢嘅特製燒汁味道就啱啱好食落唔會有好heavy嘅感覺。另外值得一提嘅就係呢一杯Chocolate Paradise！提提大家飲之前記住攪勻個底， 因為下面有好多朱古力醬架，面頭個朱古力雪糕好好食，因為裏面仲有好多朱古力碎，值得一試

等了半小時！很多人！證明食品同服務有一定保證。入到去，水係有檸檬味的。食品其實好多都想試！不過人小小就難點了。叫得cafe paradise,以為coffee會幾出色，不過最後就有點失望了。

聽聞呢度既意粉好出名，所以叫左個菠菜汁露筍雜菌意粉，隨主菜仲會奉送一碗超creamy既蘑菇湯，蘑菇湯好香濃，冇交行貨，未食主菜已經好有驚喜。主菜賣相不錯，有啲菠菜青綠色點綴，味道亦都好有層次好豐富，食到有菠菜絲好清新，又有香濃又creamy既忌廉汁，各式菇菌好爽口，露筍份量都ok多，口感爽脆，香草亦為整碟意粉增添香氣，而呢度大受好評既意粉果然係冇令人失望，係完美既al dente、有咬口！見到招牌寫住dessert bar，帶住期待叫左個朱古力栗子蛋糕，賣相真係幾靚，但味道真係好一般，係好普通既朱古力海綿蛋糕，面層有一層雪硬左既榛子醬，好似食緊繽紛樂咁，食到最後一啖我先食到有栗子蓉，有啲失望。另外，抵讚既係服務態度好好，店員主動提出幫我放好手上好大一束既花。店舖係有啲細，但服務好好，加上意粉真係好好食，味道一流，值得encore!

一個hea lunch，雖然唔係weekend，但食完會有放假既感覺😌真係好正👍🏼btw 我想放假🙃。蟹籽蟹棒忌廉意大利寛條麵 $73蟹籽加蟹棒好穩陣既選擇，唔會差得去邊，蟹棒食得出係貴價既，味道唔會好假，當然無得同真蟹肉比啦🦀。寬條麵口感唔錯，有咬口唔太淋，又唔一patpat，忌廉汁可以掛到上啲麵上面，very good👍🏼雖然唔係好大碟，但食到最後係有啲膩😬。士多啤梨沙冰 $15跟餐好大杯呀，上枱既刻影兩張相先啦📷不過唔好飲既😰好假好假好假既士多啤梨味，陣味似嘉頓威化餅個隻味，而且啲味同冰好似分開左咁🤦🏻‍♀️點解一間cafe可以啲嘢飲咁趕客😶

去完旺角行街SHOPPING都要搵下野食今日突然想食返D好少少既野對我呢D本身食開劣食既人都有時會食返D好少少啦唔算可以話好好但冇理由成日食茶記既所以就搵咗太子呢間Cafe Paradise我之前係未食過咁本身出到旺角都係四圍行下所以我都冇BOOK位好在既係我地去呢間野既時間好早六點幾 入到去佢話最低消費每人一百人同埋話要八點交枱咁都冇問題既其實所以入咗去坐一坐底都係HEA一陣先點野叫咗兩個晚餐食一個長通粉同埋個意大利飯好的色既飯 個飯有D過膩既感覺 但又食唔飽咁 長通粉唔夠汁麻麻地 味道唔多夠唔算稱得上好食整體比較差咋 同預期有出入我覺得性價比亦都比較低

今日到女神同我食生日飯喇，唔係講笑，好彩有book位，因為book左枱都要等一等見到有一對情侶walk in, 因為full booking, 所以見佢哋懷着失望嘅眼神離開🙈女神話呢間cafe嘅豬手好多人話好味，所以決定要試試佢我同女神每人叫左一個set 開心share ，當然女神係要叫豬手，而我就想試試佢嘅卡邦尼意粉豬手果然係名不虛傳喎個皮夠薄夠脆，咬落去D肥膏好有啖啖骨膠原嘅感覺，唔覺得好肥膩喎。其實我個碟卡邦尼意粉都不比豬手遜色㗎，濃杰度適中，芝士味剛好，值得推介另外個南瓜湯都想讃一讃，雖然冇其他配料，不過好似打容左D南瓜咁，杰杰地，正待應生仲好好服務吖，餐前介紹menu之餘，仲好細心咁幫我地換碟，笑容可掬雖然個場爆掤，人手緊張，但佢地都好好服務態度環境呢就坐位有限，所以要book枱，不過個氣氛同裝飾真係好適合情侶來撐枱腳而且算扺食，呢個價錢又係太子區，值得再幫襯PS: 女神讚個杯拖肥鮮奶好味

星期六晚，4個人叫左4個set首先環境方面，間鋪細細間，坐得唔算好逼，但都唔算闊落1. 黑松露寬條麵 好細碟，寬條麵太硬，黑松露味唔濃，男仔食一定唔夠飽2. 牛排係就係大塊，但唔厚身同埋好肥，牛味唔濃，普通貨色3. 羊架有3件，冇咩特別，唔蘇既4. 豬手冇想像中咁大隻，皮脆既但肥膏都幾多，唔算多肉飲品方面叫左4杯沙冰，好耐先黎，味淡埋單$8xx，好貴又唔算，但完全唔值，完全唔明點解咁多好評，同區都有好多更好既選擇

平時經過太子，都冇特別留意到呢間餐廳， 但最近聽朋友講呢間餐廳好多人食，仲要提早book位，所以就有興趣過去一探究竟~首先叫左一個瑞士汁雞翼，煮得非常入味，骨肉分離~加上喺雞翼表面灑上嘅一啲碎嘅香草，食起上嚟就更加有風味，份量亦充足~之後就叫左個焗豬手， 一上堂嘅時候就聞到一大陣香味，非常大隻，表面焗到扑扑脆， 用刀叉敲擊表面都聽到啲清脆既聲音， 內裏嘅肥瘦均勻，分開啲肉先發現原來舊骨好細，其他全部都係肉，調味亦佳~

星期日同銀細路行過呢間野見到餐牌好似幾正，諗住入去試下我地叫左兩個set、呢個就係個餐湯同頭盤沙律，我就先試左個湯，今次飲個個係雜菌忌廉湯，覺得味道不錯，味道好鮮甜濃郁，一d都唔流好正！ 沙律d蔬菜好新鮮！黑松露雜菌飯，一上台就好有已有一陣香味，真係急不及待就想食，飯好有口感加上黑松露的味道，值得一試。之後我既set餐叫左香脆豬手，豬手一上台就嚇緊我，見到好大份，豬手的表皮很鬆脆，成件豬手都好軟硬適中，再配合埋d汁，天衣無縫。醬汁另外仲有芥末同埋茄汁之後我叫左個玫瑰花茶，因為店家會給你一個小蠟燭將花茶保溫，呢個行為真係好甜心，同埋飲落玫瑰茶都幾清新。甜品係綠茶紅豆糕，雖然我唔係好鐘意食甜品，但如果唔係好鐘意食甜品既人都可以試一試。

有住係太子既朋友推介呢間cafe，所以今日專程同男友過黎一試食物價錢合理，配set既話埋單每人150左右。沙律菜十分新鮮甘荀忌廉湯頗為幼滑巧合地，我同男友都選擇左蟹籽蟹忌廉意大利寬條麵（$68）賣相頗為精緻呢～意粉水準好高煮成al dente，外軟而中間半生，食起來十分有口感蟹籽份量十足，拌勻後每啖都咬到蟹籽，令口感更具層次。忌廉汁味道濃而不膩，寬條麵均勻地掛滿醬汁，整體表現相當不錯跟餐既甜品就不過不失。食物水準不俗，服務亦相當有效率，難怪會成為區內既人氣cafe!（當晚6:30去到已幾近滿座，7:30離開時更有不少人在等候呢～）

平時都系叫dinner set，今次就試下佢既小食。瑞士雞翼雞翼內質嫩滑，吾似茶餐廳嗰d浸左成日p味道就不過不失。旁邊有沙律伴菜，系同set嗰個沙律一樣。如果有吾同就好啦。蝦餅應該系泰式蝦餅，同系泰國餐廳食既一樣，仲有泰式甜酸醬，唯一吾同就系多左d沙律菜。豬手配燒汁豬手系用炸既方式烹調，豬皮炸得幾脆幾香，不過有d熱氣。呢隻豬手有d肥，皮下面成吋脂肪，都吾系好敢食。好多情侶幫襯既餐廳，餐廳地方吾大，同隔離枱黐到好近，同撘枱無咩分別，聽到晒隔離講咩。

星期日同朋友係附近行街，行到累就諗坐搵個地方坐抵食下野，經過呢間餐廳見到門口放左旋轉木馬好似幾有氣氛，然後望左入邊既環境都唔錯就入去試下。入到去職員好詳盡好有禮物咁講解晚餐例湯，甜品，食曬既碟時候職員都好快咁將碟收埋。不過打開個餐單既時候又見個到旋轉木馬好別有用心。一開始熱下身先食個雜菌忌廉湯同田園沙律，個人覺得個湯味道唔會太濃岩岩好，同埋好足料叫左份280克美國頂級肉眼扒配燒汁，呢份牛扒有成手掌咁大，叫個陣冇諗過，我地叫左7成熟，食落都幾多汁，7成熟岩岩好，食到好飽。野飲就叫左個玫瑰花茶，因為見天氣入秋有小小凍，玫瑰花茶岩曬，加上茶壺下面有個蠟燭一直點住所以都暖暖地。最後綠茶紅豆蛋糕，如果有既我會食左件

位於太子較內街既餐廳，附近都有幾間有特色既餐廳，呢間見佢門口有人等位，估佢應該都吾差，於是就入去試下。叫左一個dinner set，main course加沙律加餐湯加甜品加餐飲，百幾蚊。沙律幾fresh，醬既口感油脂感太重，用沙律醋可能會好d。餐湯系薯仔湯，味道清淡，入面好多薯仔粒，飲完都飽飽地。主菜要左三文魚蜆肉意粉，系用幼身既意粉，白汁既味道都吾錯，忌廉味重，只系三文魚既份量比較少。甜品系橘子啫喱慕絲蛋糕，上層啫喱酸酸地，中和番中層慕絲。

與朋友在旺角購物，得知朋友推介在太子一間小店味道唔錯。今日就去試吓！我哋入去嗰陣時啱啱好係晚市時間，於是我哋就決定試吓佢個晚市套餐，包括左餐湯沙律同埋一個主菜仲有甜品同飲品添我哋嘅主菜揀咗芥末長通粉。見到餐牌仲想叫多幾種小食試吓所以就叫咗雞翼同埋黑松露薯條。我哋再另外加左一個鱈魚添餐廳格調氣氛好好。服務員嘅態度一流，係我哋點野食之前會為我地介紹餐廳有啲咩嘢嘅特別推介。而且嘢食都好快就上到黎。我最鍾意食嗰個芥末長通粉，小小的芥末味同埋啲醬汁配上長通粉個口感簡直一流。加埋佢個黑松露薯條一路點醬汁加上鬆脆口感令人沒齒難忘

今日喺太子行完街，去完書局之後覺得有少少肚餓，就決定入嚟呢一間地舖Cafe試一試😁😁😁餐廳嘅面積唔大，但係餐牌設計得非常而且清晰，給人一種好簡約的感覺，因為只有少許肚餓，所以就要與一個意粉和甜品就心滿意足了！你個三文魚蜆肉天使麵，中間有龍龍嘅芝士味，份量啱啱好不會令到天使麵黐埋一舊一舊，但又唔會太淡！另外當中蜆肉也十分飽肉，好正。食嘅事三文魚的份量太少而且味道味不太特別～至於個心太軟甜品就不過不失，做到圖出來的朱古力長，味道香濃，而且雪糕入面有雲呢拿子，可見用心👍🏻😁