Café Kool

营业中

休息中

每年都會黎九龍香格里拉酒店🏨食自助餐慶祝週年紀念日😍今年雖然疫情問題，但都不礙我們食自助餐的雅慶。只要記得餐前餐後配戴口罩，用餐前消毒清潔雙手也不太大問題。當天六時準時入座，早早指定座位，希望坐一個不要太多人經過的位置，同時享受二人世界。礙於疫情，自助餐採用單一入口和出口，由職員於入口位呈上餐碟。海鮮類：多膏麵包蟹、瘦削龍蝦🦞、無咩味青口、大大隻螺、同埋非常扎實鮮蝦，仲有即開生蠔🦪都夠海水味🌊，可惜好細隻。沒有對比沒有傷害。之前係有賴尿蝦㗎🥲海鮮方面真係不過不失。熱盤部分，有泰式炒螺、印度薄餅、中式麵檔，甚至有點心供應，其中仲有片皮鴨，可惜片皮鴨係保溫燈照射下肉質偏乾，不是咁好食。刺身方面都有六款有甜蝦、三文魚、吞拿魚八爪魚、魷魚🦑希靈魚、甜蝦焾身，希靈魚好甜好似浸左糖水咁🤨麻麻，感覺只係食得下。甜品🍮：多款精美甜品有紅絲絨蛋糕但不夠滑、迷你芝士蛋糕一口便夠了、斑斕雞蛋仔林晒，最穩陣一定係食雪糕🍦總結：食物款式吾夠多同吸引 整體質素下降可能要再諗諗仲有沒下次

同朋友去尖沙咀購物後，突然好想食自助餐，就打了電話到香格里拉酒店問問有沒有枱，幸運地有枱，就和朋友馬上去到香格里拉酒店，到達自助餐 Café Kool 後，職員安排了我們坐外面，可以望得到樓下大堂的噴水池，環境非常好及高貴，裝潢美輪美奐，金碧輝煌，氣氛與美食質素非常高！自助餐必食的是刺身海鮮，早已聞名這裡的評價很高！我取了半邊龍蝦非常多膏，而且是橙紅色的，味道鮮甜，口感爽滑；生蠔富有海水味，最重要是很新鮮即場由職員開穀及沖水，確保了衛生，麵包蟹的蟹膏非常多，蟹味甘甜。必食推介是北京填鴨，師父在你眼前親手包起來，鴨肉很香，京蔥可自行再加，更香更有口感，另外雞肉及豬肉串燒同樣好食，兩者肉味足加上各式醬音很有風味！朋友取了燒羊肉及燒牛肉，羊肉肉質感滑，富有羊味，牛肉口感略帶唷頭，肉汁多，加上英式及法式芥末，好食！天婦羅的軟穀蟹炸得香脆可口，再一口清新的南瓜天婦羅也是言等享受！最後我們取了血橙奶凍甜品，血橙略帶酸甜味非常搶口，奶香又夠滑，今晚的自助晚餐非常滿足，性價比高，食物質素款式很好，想推介給喜愛吃自助餐的各位！

疫情下都有唔少人嚟食自助餐選擇唔算太多！咁嘅價錢竟然連長脚蟹都無有麵包蟹，但頭一兩轉嘅質素就OK，有紅色蟹膏，但後期好少出！而且無紅色蟹膏反而龍蝦🦞質素OK刺身都係普嘢

提早今個月為朋友慶祝生日，打去酒店想問因提早左一個月慶祝，可否安排有免費蛋糕及生日牌，（知道佢地既蛋糕係甜品區取）酒店好好話冇問題，重應我要求整個朱古力生日牌加埋個名，當朋友收到時十分開心，真係多謝酒店既安排同配合，待應送上時重主動問要否幫柏張照片，服務態度很好很nice.食物味道同款式唔錯，當天客人亦不是太多，防疫措施亦做得很好，有指定方向取食物，減少客人互相面對面既機會，同朋友享受左一個愉快既午餐時間^_^

當日是我媽媽生日,一行八人膽粗粗試下香格里拉,話曬五星酒店, 一入門口有個靚女侍應帶我地分二張枱坐,之後拿拿林去拎野食,首先去海鮮BAR,雖然無蠔但有我最愛既龍蝦,又有麵包蟹,青口,涷蝦 等等,熱食都有好多選擇有好好味既喇沙,片皮鴨,中西湯唔錯值得推介,魚生唔小得,鍾意食芝士既朋友都可一試,好多選擇,最後甜品BAR有太多太多根本試唔齊已經好飽,食物我覺得有80分, 反而我覺得員工態度好好,一食完就好快收碟,唔會放到成枱碟,最近主動幫我地影張靚靚相,但唯一缺點洗手間距離餐廳遠左小小

同事今日生日，諗住去食buffet,見到openrice 有7折,香格里拉buffet 質素一向都有保證，今次亦都沒令我失望。今晚唔算太多人，唔洗點排隊，海鮮幾新鮮，龍蝦多膏彈牙，蝦幾大隻同埋鮮甜，片皮鴨，喇沙，羊架值得一試，甜品款色多，最值得試就係佢果隻日式梳乎里，師傅即場制作熱辣辣,正!

紀念日join了staycation包晚餐同早餐，雖然沒有長腳蟹，但有龍蝦，面包蟹，凍蝦好食乾淨腸無屎，點泰式辣汁加檸檬汁超正，甜點有pancake, movenpick雪糕，cheesecake …仲有椰子雞湯，南瓜湯，羊架，每樣質素都好好，因為我係玻璃肚，食完無痾已經代表好乾淨 👍👍因為晚餐食得好飽，所以早餐都食得唔多，但係都好正，薯餅好脆熱，有隻杏仁牛角飽正都不得了，一定要食…整體對這間餐廳評價非常之好，有5星質素 👍👍

真係好耐冇出黎食飯。打電話book 枱得喱度有位，以前耐唔耐都黎食buffet, 都唔錯呀，就決定再黎食。點知今次咁失望。其實貴左唔係重點，重點係啲種類少左，質素又差左。甜品就一向都差差地架喇，今次直情冇一樣得。唉。又少個地方食飯喇。講環境，衛生，服務 三樣野都okay 嘅 ，可惜啲食物唔得。冇下次lu...

令人好失望嘅自助晚餐！同屋企人入座後滿心歡喜出去攞野食, 行個圈睇吓有咩好食先, 點知一睇, D食物賣相唔多好咁嘅, 款式又少喎, 心諗呢晚價錢一D都唔平架喎, 信用卡88折後都差不多要$700 一位, 咁就希望味道搭夠啦！點知食落D熱盤食物唔熱, 冷盤食物質數差, 沙律唔新鮮, 串燒豬肉仲竟然唔熟 ... 想點 😂 海鮮種類好少得青口, 蝦, 龍蝦, 麵包蟹, (生蠔) 無, 連(長腳蟹)都無 😂 鮮果小之又小, 甜品都整得唔好味道 😂 唉 ... 呢個價錢真係好唔值吖, 一定唔會再去！

五星價錢，兩星水準。上年來過，覺得唔錯所以再來，但今次非常失望。款式少冇貴價嘢食都算，都期望食品精緻好味，居然連啲好基本嘅菜式都唔掂。天婦羅唔脆，秋葵老，栗子燒唔掂，長洲$7件紅豆燒好食好多，魚生係爭鮮質素。認真唔抵！

cafe kool 中午自助餐一向抵食，今次疫情放緩再去食，今次優惠價格也貴了。冰鎮海鮮最受歡迎，尤其麵包蟹和長腳蟹，魚生有三文魚和油甘魚厚切，扒只有羊扒，以前牛仔肉和牛豬扒沒有了。中式有炒海鮮和點心。試試西式黑豆麵很硬身吃不下，仕應巴迅速向廚房反映。燒味只有雞，很滑身。甜品種類不少，最好味是疏芙厘pancake。

以往每月都食一次buffet,自從疫情年初開始出街食飯真係好少，今次媽媽生日而且疫情緩和左就試下食自助餐，平日中午buffet大約$270連加一都好抵。海鮮有長腳蟹，麵包蟹，青口，螺及蝦，但冇生蠔，長腳蟹d肉唔夠彈牙，蝦好新鮮。熟食不過不失，湯就有2款，分別係好杰嘅羅宋湯，好味精蓮藕湯，沙律款式多且新鮮，而且有風乾牛肉片，好薄又好甘香。甜品都好出色，款式多而不太甜，芝士餅最令人回味，又有車輪餅，人氣pancake新鮮熱辣😋😋整體餐廳衛生做得好好，除左食物有蓋蓋住，連飲品都提供紙杯蓋，如果忘記帶口罩離座，職員會提醒大家的🤗🤗

九龍香格里拉Café Kool自助午餐，食物質數、味道都唔錯！折扣後兩佰柒拾幾蚊嘅lunch Buffet真係算抵食👍🏻海鮮新鮮，長腳蟹鮮甜肉質嫩滑，麵包蟹超多膏，凍蝦肉爽彈牙，螺肉質感爽口，仲有青口、蜆肉！剌身4款新鮮又鮮甜。沙律🥗cold cuts、芝士，樣樣齊之餘仲有即煮意粉🍝至於熱盤味道都唔錯，尤其咖喱最出色🥰。燒味有好滑嘅白切鶏、义燒。我最欣賞佢哋嘅叻沙湯底，真係一定要試，香濃惹味👍🏻👍🏻👍🏻👍🏻👍🏻👍🏻甜品區味道有驚喜，個人推介必食拿破崙、榴槤卷仲有成十款嘅‭Mövenpick雪糕選擇，豆腐、紅豆味雪糕最吸引我😉‬

呢幾個月間間酒店都keep住搞discount，絕對係食buffet解饞嘅良機😋本來擔心食物質素會大打折扣，好在shangrila都仲keep到水準。Lunch buffet盛惠$388加一，另有七折，$300就有得任食兩個半鐘。首輪當然係冷盤，lunch提供海蝦、蟹、長腳蟹、青口、海螺，龍蝦只限晚市。海蝦青口新鮮鮮甜，蟹膏算幾多，不停有refill。waiter好貼心，一見我摵蝦就送上一疊紙巾同濕紙巾👍🏻次回係西式肉類，廚師現切有燒雞、豬柳，熟食有紅酒燴牛肉、煎盲鰽、多款德國香腸等。盲鰽帶油香，表皮香脆，魚肉鮮嫩；紅酒燴牛肉炆煮至軟身，伴有濃郁葡萄酒香，相信花費不少時間烹調。中間果嚿就係傳說中嘅豬柳，厚切得嚟肥瘦分佈均勻，無絲毫油膩感，入口稔滑。其餘熟食類有多款印度咖喱，可自配脆片或薄餅等蘸汁食；日式嘅煎三文魚頭、關東煮、天婦羅；馬拉嘅串燒同河粉類；亦有中式咕嚕雞、蒸魚、燒味、點心等。嚟cafe kool一定要留肚食甜品，以酒店buffet計頭幾位出色，雖然偏甜，但款式多同較為特別。個人推介拿破崙，酥餅鬆脆，唔會有擺得耐受潮嘅感覺，中間夾有超級多朱古力醬，一咬落去有爆漿感🤤🤤椰子芒果

亞洲美食+開放式廚房主題的自助午餐, 今天星期日$478+10%, 匯豐信用咭有75折, 平均每人大約$400, 不是特別平, 食物質素下降了不少, 除東南亞廚房都可以保持水準外, 中菜廚房食物質素非常差, 枝竹抄小棠菜, 枝竹有少少變味可能天氣太熱豆類食品易變壞, 而冇小心處理好, 另外煮鱸魚啲鱸魚味香好鮏, 覺得條魚好唔新鮮, 义燒太瘦太硬, 不過點心就好好味, 牛肉球、蒸素餃味道都唔錯蒸得啱啱好, 中式湯都好清甜！冷盤區有大量長腳蟹, 又有麵包蟹、蝦又大大隻、青口同螺都好鮮甜, 不過冇生蠔就有點失望！整體食品係一般及部份更需要改善！另外服務方面直得一讚, 我在中式廚房區向一位中廚查詢為何今天蒸點沒有燒賣, 隔了大約15分鐘竟然送上一客燒賣(有4粒), 令我非常驚喜及有親切感, 其他餐廳服務員態度都很好, 回應也很快！**不過酒店泊車優惠應該改一改, 優惠只有兩小時, 除後是每小時$90, 食自助餐一般都是食到盡(因為又要食又要同親友吹水), 午餐時段是12:00-14:30, 那又要提早5分鐘到, 無理由食到一大半就要趕住走, 非常奇怪！可能想迫你比$90, 所以為食得及吹得盡慶