Café Kool

营业中

休息中

試過有幾年生日都係呢度食Buffet慶祝，食物質素都真係算幾穩定，而且每次嚟都有啲小驚喜，食物選擇都算多，海鮮、日式、西式、中菜樣樣齊，同埋環境都幾舒服。.特別推薦蟹腳好新鮮，D蟹肉好厚好飽滿；羊架烤得啱啱好，肉嫩無羶味，配香草好香口，我連續食咗三隻😂 反而牛扒就冇咩味。。刺身選擇多，三文魚、油甘魚、甜蝦都夠新鮮肥美，入口滑溜；乳鴿外皮香脆，肉質多汁，仲有淡淡煙燻味，幾有驚喜。同埋最鍾意甜品區，成個甜品區都係童年回憶，有迷你冬甩，造型得意又唔會太甜，仲有得自己夾軟糖，又有自製棉花糖，大人細路都好興奮。🙌🏻.所以結論係我都仲會再去，呢間係我時不時都想去懷緬一下的Buffet，每次諗起想食Buffet係頭三甲諗起嘅選擇🤣

價錢貴但食物種類少。Youtuber 介紹個d 好多都冇 eg. 麵包蟹/鵝肝/蟹粥等等。龍蝦好耐先出一次，仲要冇清走內臟，係d膏度藏左好多黑色野見到都唔開胃最後甜品，大部分都好甜，甜到難入口。全晚最好食就係水果

約朋友聚會…諗唔到食乜好，就決定不如食buffet. 咁就乜都有得食……今次第一次去食…一去到就見到現煎牛排＋龍蝦湯，一啲高檔食材無限供應！肉品等級不馬虎，入口即化超驚豔………

5月份再次幫襯這裏的晚餐，老實說，選擇不太多，晚餐可能比午餐稍為遜色，比較可以吃的有三款：1. 香煎鵝肝牛柳2.自製榴槤雪糕加心太軟3. 自製大量三文魚魚子壽司飯其他的菜式真的不太掂：1. 燒牛肉是普通的美國grain feed 牛；2. 所謂的花膠鵝掌，鵝掌不好吃，花膠是小型的；3. 粉絲蒸龍蝦，是將熟龍蝦放在蒸籠，再加粉絲蒜蓉，肉質非常之鞋；4. 另外有小籠包，本身有肉汁，但是因放在籠裏太久已經變得乾爭爭，坦白講，真的沒有什麼好食😕，有點失望。坦白講，不知道是將貨就價還是其他原因，如果餐廳只是賣品牌，而不能提升食物質素，可以令顧客回頭的話，只會越做越差，我很喜愛香格里拉品牌，去了旗下的餐廳20幾30次，希望餐廳可以改善一下。

以現時嘅優惠喺尖沙咀區屬於高質素食物種類多.冰鎮海鮮屬於高質,特別係長腳蟹鮮甜.有馬來西亞沙嗲串燒,最近還有清真嘅食品.種類多元化可以滿足唔同客人嘅需要.個人覺得非常好

香格里拉我都係第一次食，咁啱佢係一個齋月嘅自助餐，有清真認證食物，我都係第一次接觸，感覺ok嘅比較有感覺嘅係有個燒羊嘅飯，唔錯，但羊肉比較小。芝士得三款，正常發揮。海鮮凍盤有 龍蝦，蟹腳，蝦，青口，小龍蝦等等大路貨色，品質中規中矩。凍肉盤，兩款牛都ok，牛舌都唔錯，雞肉可以唔食。恆常有嘅燒牛，一般，隔離有羊柳略嫌老，另外有一款件頭嘅燒牛要咬耐少少。佢仲有一個細煲仔嘅花膠掌，味道一般，冇乜大驚喜。燒味方面，有一個凍牛肉辣辣地ok嘅，隻雞可以省略，大墨魚唔錯。佢哋仲有燉湯，有一籠燒賣，有籠蒸海鮮，都好一般，魚有嘅起燒牛肉旁邊係鹽焗嘅，都係一般。甜品，可以直接忽略。真心以香格里拉嘅招牌，收600+(網上平台訂)依個質素同食品選擇，屬於中下游，成個場星期五一半人都無，上到去都心知不妙。下次有機會再食多次時，希望會好啲。戴返頭盔先，我覺得好唔好食≠你覺得好唔好食，好唔好食因人而異。

依然記得幾年前係雜誌寫專欄時，曾經介紹過一間位於灣仔清真寺內的餐廳。當時是街外人都可以進入用餐，但之後便改成了一定要有信徒帶領先可以光顧。而每年的「齋月」 是伊斯蘭陰曆的第九個月份， 全球回教徒在此期間進行禁食、祈禱及反思， 在這個月份，大家從黎明開始到日落前都會禁食，好讓信徒專注於靈性成長以及人際關係間的連結。位於尖沙咀的九龍香格裡拉酒店榮獲國際知名穆斯林旅遊指標「新月評等 」的五級認證，足以證明酒店的穆斯林友善住宿及美食體驗達國際水準。而酒店亦於2025年2月28日至3月30日下午六時至9時30分的齋戒月期間，在 Cafe Kool 咖啡廳推出清真美食推廣，讓更加多本地食客認識清真美食，同時也滿足清真客人的精緻飲食需求。收費 :   星期一至星期四(每位港幣$758)星期五至日及公眾假期(每位數808)4-11小童半價另收加一服務費要提一提大家，因為餐廳將於3 月30日有烤全羊供應，香港真係好少地方有。根據網上資料，清真美的要求相當嚴格， 部分更要經過誦經才可以屠宰。先講講馬來西亞牛肉蘭博粥（Bubur Lambuk），看起來平實不顯眼，但入口綿滑，既有肉香，又帶香料的氣味，原來是

九龍香格里拉酒店，最近首獲得國際知名穆斯林旅遊指標「新月評等」的5級認證，除了有穆斯林友善住宿，更由2月28日至3月30日限定推出「齋月祝福盛宴」自助餐；可以品嘗到大量清真美食，如燒羊腿配布里亞尼飯、土耳其旋轉雞烤肉、羊肉塔吉鍋、煎羊肉餡餅、串燒羊肉、印度咖喱炖羊肉、素多湯….. 等等。除了清真美食外，自助餐還包括有冰鎮海鮮、冷盤沙律、刺身壽司、蒸海鮮、燉湯、中式小菜、泰式美食、馬來西亞美食、印式美食、多款燒味、即切燒西冷牛肉、泰式烤肉、椰子雞煲、即煮粉麵、甜品…. 等。「齋月祝福盛宴」自助餐供應日期：由2月28日起至3月30日時間：下午6時至晚上9時半地點：尖沙咀麼地道64號九龍香格里拉閣樓Café Kool價錢：星期一至四：成人$758*星期五至日及公眾假期：成人$808*（另收加一服務費）*經OpenRice訂位，可享七折優惠#香格里拉會會員惠顧自助餐，同行之兒童賓客(0-11歲)可享特別優惠，詳情請直接與餐廳查詢。Café Kool(香港)地址: 香港尖沙咀麼地道64號九龍香格里拉大酒店閣樓電話: +852 27338753

最近去咗Cafe Kool食自助餐，佢地整體黎講，食物質素都相當高，款式好多～可以滿足唔同食客嘅口味。我首先試咗個他他，配新鮮嘅蝦同埋蕃茄，味道清新又開胃～😆熟食方面我試咗紙包魚、雞肉串、牛扒….，肉質鮮嫩，加埋特製醬汁，真係一流。而且仲有多款配菜可以揀，例如香煎南瓜同沙律，味道都唔錯！甜品區亦都好吸引🤩，我選咗幾款巧克力蛋糕同埋馬卡龍。巧克力蛋糕濃郁，口感滑順，美中不足嘅係，馬卡龍有啲太甜🥲。

自助餐新體驗。全新「齋月祝福盛宴」今次自助餐主題之前從未接觸過，喺好特別嘅清真美食一晚試齊不同國家傳統美食九龍香格里拉最近更榮獲全港首間榮獲「新月評等」5級認證之酒店足證酒店的穆斯林友善住宿及美食體驗達國際水準有傳統的印度菜餚「燒羊腿配布里亞尼飯」用充滿土壤氣息的材料醃羊腿，然後慢燒四小時，配香氣四溢的印度香米飯，並以焦糖洋蔥和細緻的番紅花點綴又有東歐美食「土耳其旋轉雞烤肉」雞肉用乳酪、芫茜和惹味的中東香料等醃製，現場垂直旋轉烤爐內烹調保留雞肉嫩滑多汁仲有摩洛哥的濃郁「羊肉燉菜」清甜番茄與乾果的甜美如葡萄乾、杏脯和西梅乾等互相配合並加上絲絲的辣椒香，配嫩滑的羊肉和時令蔬菜，香濃惹味現場即煮仲有「馬來西亞咖哩牛肉蛋三文治」燒牛肉配上即場製作的煎蛋，夾在自家製的麵包中，滋味無窮必試廚師自家製酥皮「煎羊肉餡餅」包入咖喱羊肉餡料，然後香煎，配酸甜爽脆的醃紅洋蔥，風味獨特除了以上幾款清真美食，仲有原定晚市自助餐的美食一樣令人垂涎欲滴當然唔少得龍蝦、長脚蟹、青口等等夏沫最欣賞熱辣辣嘅燉湯清甜可口，忍不住飲了兩碗還有超大塊花膠，滋補養顏甜品選擇亦相當之多小朋友最喜歡的甜品區現場還有夾公仔機俾10歲以

全港🇭🇰首間榮獲國際知名穆斯林旅遊指標🎖️新月評等Crescent Rating🎖️5級認證既酒店🏨(穆斯林友善住宿🛏️ & 美食🍴體驗達國際水準)齋月係伊斯蘭陰曆既第九個月份，全球回教徒係此期間會進行🔸禁食 • 祈禱 • 反思🔸依個月份內💁🏻‍♀️大家由黎明開始到日落前都會禁食，專注於靈性成長 • 人際關係間既連結💫而九龍香格里拉大酒店🏨 • Café Kool 咖啡廳🍽️推出🆕全新創新清真餐飲體驗自助晚餐🍴為本地穆斯林社區 & 旅客呈獻地道既清真美食😋依個期間既自助晚餐中，食物都係不含豬肉，穆斯林朋友們都可以安心食用🤗~•~•~•~•~•~•~•~•~•~•~•~•~•~•~•~•~•~•~• 🌙 齋月祝福盛宴 Blessing Feast of Ramadan 自助晚餐 🌙📅供應日期 : 即日 至 2025年3月30日 • 18:00 - 21:30(星期一至四 $758/成人 • 星期五至日及公眾假期 $808/成人) (4-11 歲小童 有半價優惠)✨燒全羊將於結束齋戒月「開齋節」 (*2025年3月30日)自助晚餐中供應✨.💁🏻‍♀️多款亮點清真美食，其中包括▫️羊肉布里亞尼飯(傳統印

情人節怕晚上多人擠迫，特意揀間餐廳食午餐，見cafe Kool 竟然冇加價仲有75折，就決定去試下。步入餐廳感覺侍應的welcome n greet 做得比以前好很多，第一感覺十分好。先吃魚生，水準保持，十分滿足。 之後試下他們的肉眼及牛肋骨，肉質鮮嫩也有牛味，錯。麥奀記雲吞面好吃，面質爽彈，雲吞则一般。 即做的芝士意大粉的芝士味十分濃郁，好味。甜品方面，十分喜歡他們保持了原個蛋糕，感覺比起其他洒店的bite size蛋糕好很多。整體而言，感覺餐廳的服務及食物質素都比以前有所提升。

#慶祝生日 首先要贊美熱食的，全部菜式都係色香味俱全，推薦的熱食實在太多，我就挑選其中2款必食不過如果只愛凍食刺身類的，可能就不太適合因為凍食刺身款略微不起眼和款式少但是如果是小朋友和年長的人士又喜歡熱食的非常推薦燉湯係蒸點心位置一定唔好錯過百份百足料夠火候我和小朋友都不停飲天婦羅蝦直情是令我不太愛炸物的人也要給100分我要食炸天婦羅蝦還有生日只要提前預訂還有免費寫碟生日小蛋糕最特別係仲有得夾公仔小朋友免費有金幣

屋企人想食自助餐慶祝生日，所以選擇了Café Kool的國際自助晚餐，週一至四透過OpenRice預訂有7折優惠，其他時間就只有香格里拉會會員限定優惠，成人2-7位有85折，同行小童半價，整體體驗算尚可。📍 環境與服務 ⭐⭐⭐⭐餐廳裝潢高雅，座位寬敞舒適，服務人員態度親切且補充食物迅速，不過收碟速度過急，這方面是有點扣分。🦞 海鮮區 – 新鮮度一般，選擇豐富 ⭐⭐⭐海鮮的選擇算多，有波士頓龍蝦、麵包蟹、凍蝦、青口、螺等，但龍蝦肉質一般缺彈性，麵包蟹不會補，遲來一點蟹蓋都沒有了。🍣 日式刺身與壽司 ⭐⭐⭐跟海鮮區是在同一區，刺身區的三文魚、帆立貝、吞拿魚等沒特別鮮甜，給的量很少只有一件。唯一推介是日式炙燒和牛壽司，值得推介。🥩 熟食區 – 多樣化選擇 ⭐⭐⭐⭐其中一項特色是現場烹製的意大利麵，廚師將新鮮煮好的意大利麵放入巴馬臣芝士輪中攪拌，讓麵條充分吸收芝士的香濃風味，喜愛芝士的話一定不能錯過。另一個推介的是燉湯，蠻足料的，也是必吃的。可能因為獲得「清真友善餐廳」認證，可提供一系列正宗的清真食品，咖喱等相關食品不錯。燒味方面儘管與鏞記合作，但叉燒等燒味不符預期，比較失望的是燒腩仔的皮是硬

踏入九龍香格里拉酒店，低調奢華的氛圍撲面而來。而位於酒店大堂層的 Café Kool，更是將這份奢華延伸至味蕾，帶來一場難忘的環球美食之旅。**環境：Café Kool 擁有寬敞明亮的用餐空間，落地玻璃窗將維港美景盡收眼底。現代簡約的裝潢風格，搭配柔和的燈光，營造出舒適放鬆的用餐氛圍。餐廳分為多個主題美食區，包括海鮮區、日料區、中餐區、西餐區、印度區以及甜品區，每個區域都經過精心設計，令人彷彿置身於小型美食博覽會。**美食：Café Kool 以種類繁多的自助餐聞名，食材新鮮，品質上乘，烹飪手法精湛，令人目不暇接。* **海鮮區：龍蝦、螃蟹、蝦、青口等應有盡有，鮮甜肥美，令人垂涎三尺。* **日料區：** 壽司、刺身、天婦羅等經典日式料理一應俱全，食材新鮮，製作精良，口感細膩。* **中餐區：** 燒味、點心、小炒等中式美食琳琅滿目，口味地道，令人回味無窮。* **西餐區：** 烤牛排、羊排、意大利麵等西式佳餚香氣四溢，肉質鮮嫩，令人食指大動。* **印度區：** 咖哩、烤餅等印度風味美食香氣撲鼻，香料運用恰到好處，令人胃口大開。* **甜品區：** 蛋糕、慕斯、冰淇淋等各式甜品精緻誘