Café Kool

营业中

休息中

非常令人失望的自助餐！食物選擇少，味道一般。服務差，侍應唔收碟，一邊答客人問題一邊走。點心皮厚、魚生不新鮮、燒牛肉無味、欠蔬菜。想不到香格里拉的水平如此差！絕不推介！！

計上一次食完之後，今次又再食多次，因為朋友人生日，難得六五折優惠仲有，去到已經人山人海。因為我太喜歡冷盤長腳蟹同2款青口，我最起碼要食兩碟。熟野我最喜歡日式燒雞翼及蟹鉗，而我仔最喜歡吃麵包、蟹鉗、蒸新鮮海斑及雪糕。今次發覺佢甜品種類多了! 嗰個椰汁木瓜西米露、焦糖燉蛋同榴槤甜品非常好味，但已經冇咗上次嗰隻芒果味，但唯一唔好就是排隊攞雪糕, 我等得太耐了,等咗足足成15-20分鐘，因爲有些人一個人竟然攞九球雪糕,好過分下。

又一年生日食自助餐⋯⋯因為近日社會情況，很多酒店自助餐都推出折扣優惠，今次香格里拉都無執輸，星期日午市首100位訂位都有7折。十一月的星期日中午很多人，熟食多到食唔切：中西日泰印都有，補都很快。最緊要都係海鮮齊全又新鮮，青口大蝦螺都有，較高檔的生蠔和長腳蟹就預左無。甜品方面，H字頭的雪糕仍然大受歡迎，其他甜品已飽到食唔落啦⋯⋯隔離枱同酒店西餅部訂左生日蛋糕，都唔知點食得落⋯⋯350幾蚊食到5星級的自助餐，都算合理。

今日同媽媽，阿妹去cafe Kool食自助餐，阿妹係openrice睇到，只要訂位時提供優惠碼，就享有65折優惠，每人大約$270我地12:10左右到，已經人山人海哩度沙律有好多選擇，仲有凍肉和不同口味芝士海鮮有長腳蟹，蝦，蜆等，海鮮非常新鮮，肉質彈牙，同鮮甜刺身有三文魚，北寄貝，比目魚等，三文魚肥美，北寄貝，比目魚爽口燒牛扒，較生，但入口好有牛味另外熟食有中式點心，日式天婦羅，星架坡叻沙，印度食品，同西式燒烤等天婦羅粉漿薄，入口鬆脆星架坡叻沙好重椰香味，但較辣甜品唔多，但最要推薦的係日式梳乎厘，非常軟熟美味，加少許蜜糖，更加好味，但可惜，每人每次只可取一件，想多食，就要多排幾次

因為市道唔好，好多自助餐都有優惠。我食過好多間自助餐，呢間對我嚟講係最好食嘅。因爲我比較注重冷盤海鮮同埋甜品。而家300元有找已經可以食五星級酒店嘅自助餐，真係抵到不得了。一坐低我就拎特長的鮮甜長腳蟹，肉質鮮甜，我已經一下子食了兩碟。佢嘅凍，翡翠螺及青口也不錯。至於熱食我鍾意食佢燒原隻雞翼同埋大塊的燒牛扒。甜品款式不是十分多。但係我最喜歡食佢個芒果蛋糕。同埋最緊要有品牌雪糕，口味多到不得了，任食，我食左幾杯已經飽。

早前網上見到做緊優惠 就立刻上網買左餐券買左之後 要成一個月前book定 原來都幾full下當日呢一個中午全場都滿座 人山人海咁 都好受歡迎下d野食都算多 一間五星級酒店自助餐係有d水準種類繁多有中西式 日式 泰式 等等...但是我想吃生蠔竟然冇有我最鐘意食三文魚🍣同蟹好新鮮下吃到舔舔脷 不過飲品每人包一杯冇得任飲係欠缺左呢樣 如果有埋呢樣會更好的環境坐得非常舒適 價錢都算便宜嘅可以吸引到更多人幫襯總括來講都可以不妨一試既

成家人一齊過嚟食自助餐，都算系值回票價啦！呢度嘅生蠔超大只而且只只都好肥美飽滿食落去入口即溶啊，海鮮區地已經有好多種海鮮可以揀喇，麵包蟹、青口、翡翠螺、龍蝦都有而且樣樣都好新鮮，真系可以食返個夠本啦啊！

今日朋友請我食生日午餐，帶咗我去九龍香格里拉食呢個自助午餐心知未入到酒店都知多人架啦，點知真係好多人，基本上係成場都full晒，平日星期四，多人到咁，真係有d意外呀一入到門口已經排晒隊，人人都等緊入去。仲見到有d人一個人黎食，我都覺得應該唔錯，等左10分鐘左右，我就排到入去坐啦。一入去就見到起碼有30人排隊去拎海鮮，我真係唔敢排人太多了，我轉戰去左拎sushi同刺身先，d食物都好新鮮，女服務員好好禮貌。包咩唔包咩。都講解好清楚總結： 款式好多，d野都新鮮嘅，之前4xx,,而家2xx都食到，真係推介呀

I decide to go to café Kool for lunch buffet as I don’t need to work today. There are so many types of food. Their seafood are really fresh, especially the crabs. Besides, they have roasted beef, sashimi, sushi, etc. Don’t forget the desserts and cheese! 😌

用信用卡預訂食自助餐，而家低至六折，每位都係二百幾蚊。呢個自助餐整體係我食過咁多個自助餐最好食的。凍盤好新鮮，長腳蟹好鮮甜又啖啖肉。帶小朋學友去食，熟食都好重要。小朋友可以食下魚，壽司，雪糕，餅乾條，蝦片，蛋糕，生果。而熟嘅炒蟹、牛扒同埋泰式青口都唔錯。甜品款式唔特別多，但味道不錯。而甘平都有haagen dazs雪糕任食，食多幾杯已經抵返晒！

第一次黎香格里拉Cafe Kool，可能係星期六而且有折關係，全場爆滿，其實都有d嘈雜，不過食物質素就加番晒分啦😋海鮮區 ，我主攻一定係長腳蟹，海水味唔重，好新鮮，refill得好快。燒烤區，燒牛肉，牛肉好嫩滑，唔會過老，燒雞翼，好香炭燒味，小小濃邊，好正，最估唔倒，燒得最好味係燒菠蘿🍍，嘩，經過燒烤之後，甜度及菠蘿味提升到一個點👍🏻天婦羅，粉漿唔會太厚，熱辣辣做得非常好，可惜個汁冇配蘿蔔蓉。搭正1:00開始見有人龍喺甜品區排隊，原來甜品師傅開始即場製作疏乎厘Pancake😋,呢個一定要試，好鬆軟😋最後攻甜品🍮同雪糕，呢度嘅Häagen-Dazs雪糕係鋪頭賣嘅味道，食返三、四球已經回本啦🤣

現在聚餐如在市區也只約早上或中午，才可成功聚餐；晚餐約了也沒法到目的地，唯有吃早上或中午😐！這天預訂時說明慶祝生日，店方也有送上準備好的一件小餅作祝賀！那天有點小插曲，因為飲品是每位一杯；送餐飲者未能分別咖啡和奶茶，居然當着客人面去【聞味】。不知5星酒店是怎樣訓練員工？會做如此《失分舉動》😨！九龍這店自助餐食品種類也算多，但食品質素只可以說《非常一般，也可說有點失望。》。在中國福建吃過香格里拉自助餐，比較下這店失分嚴重；服務和食品，也不合格。有機會去香港島那店試試，親友介紹話比較好^_^！

難得OpenRice有自助餐折扣決定一試黎嗰 香格里拉 餐廳香格里拉個名就改得好聽呀又話係五星級酒店但係啲嘢食真係。一坐低夾咗啲龍蝦 蟹 螺，點知真係大失所望。啲龍蝦嘅肉係霉嘅,蟹就有一陣臭味, 螺就有沙，生蠔又唔肥美，最恐怖喺唔知點解連啲水都有一陣臭味,友人仲要抵死話唔知啲海鮮係咪患左香港嘅腳，搞到有陣陣臭味。雖然呢到自助餐種類算係咁，有中式，日式，印度野，海鮮，同甜品，但係要搵一樣野係好食或者令人難忘嘅都搵唔倒。至於服務我覺得可以話係冇,侍應著到件制服leilei feifei,態度輕挑,｡當中一個廚師非常之搞笑,負責切片皮鴨，見到有一個人係度等就望住你唔切住，見到多幾個人係度排隊啦就開始施施然樹懶上身咁樣慢慢動作切，好似隻鵝養左好多年佢唔捨得切咁樣。總括黎講，就算折左都要差唔多呎600蚊一個人，咁既質素,佢做多幾次折扣都只會做到新客,完全留唔住舊客。呢到可謂可一不可再。

原本係掛住之前係到食過嘅麵包蟹以黎但可能seasonal嘅問題🤷🏻‍♀️所以今次黎食無麵包蟹😛😛但係作為蟹迷嘅我，立昕轉戰雪場蟹腳🦀全部蟹腳都係連殼係寶寶幫我剝哂蟹😙💕💖Sweet sweet💏👫佢話前後幫我剝左最少50隻腳wo😆😆（仲未計我自己剝個d）😆😆除左蟹今次仲出左賴尿蝦🦐其實甜品都好吸引Btw我欣賞依家嘅擺位好過之前有個玻璃雪櫃係到阻住視野咁樣擺一眼就睇哂有咩甜品👍🏻👍🏻👍🏻其他熟食都唔錯😋😋😋隨便就擺到一碟好靚嘅主菜😆仲有一樣野之前無提過每位客人有一杯免費餐飲架！仲可以揀橙汁，不過如果餐飲都有埋自助就會更加perfect喇！同樣都有65折折左兩個人total $540.5

生日約好朋友一齊食Buffet,九龍香格里拉以前口碑都唔錯,尤其是晚市buffet，但係而家晚市就大不如前，可能酒店最近做好多折扣優惠，所以將貨就價，用料好一般，沒有一般大酒店的有主打菜色，食成晚亦都冇一樣食物係要encore，咁我寧願酒店冇折扣，而比D好質素食物好過，而家折後都要5百多一位去食比三星酒店還要差食物，咁其實重貴左，以下是我一枱4人對食物評價。海鮮:我真係覺得整體貨色好一般,麵包蟹好腥,龍蝦就淡茂茂冇乜味有點靭, 生蠔比佢沖水10秒都依然鹹到苦，蟹腳比前者正常D, 花蟹肉甜，但係細隻 呢度refill嘅速度都相當之快,唔會有食物盤吉咗喺度既情況出現。魚生就一般, 吞拿魚唔掂Cold Cut就一般芝士都一般肉眼熟度真係幾好，唔鞋口，唔靭，但冇肉味鹽焗三文魚好鞋印度咖喱唔夠味同埋稀燒排骨肉質好似煲完湯咁鞋天婦羅好厚皮甜品:Movenpick雪糕好味，其他麻麻地