Café Kool

营业中

休息中

真係好耐冇出黎食飯。打電話book 枱得喱度有位，以前耐唔耐都黎食buffet, 都唔錯呀，就決定再黎食。點知今次咁失望。其實貴左唔係重點，重點係啲種類少左，質素又差左。甜品就一向都差差地架喇，今次直情冇一樣得。唉。又少個地方食飯喇。講環境，衛生，服務 三樣野都okay 嘅 ，可惜啲食物唔得。冇下次lu...

令人好失望嘅自助晚餐！同屋企人入座後滿心歡喜出去攞野食, 行個圈睇吓有咩好食先, 點知一睇, D食物賣相唔多好咁嘅, 款式又少喎, 心諗呢晚價錢一D都唔平架喎, 信用卡88折後都差不多要$700 一位, 咁就希望味道搭夠啦！點知食落D熱盤食物唔熱, 冷盤食物質數差, 沙律唔新鮮, 串燒豬肉仲竟然唔熟 ... 想點 😂 海鮮種類好少得青口, 蝦, 龍蝦, 麵包蟹, (生蠔) 無, 連(長腳蟹)都無 😂 鮮果小之又小, 甜品都整得唔好味道 😂 唉 ... 呢個價錢真係好唔值吖, 一定唔會再去！

五星價錢，兩星水準。上年來過，覺得唔錯所以再來，但今次非常失望。款式少冇貴價嘢食都算，都期望食品精緻好味，居然連啲好基本嘅菜式都唔掂。天婦羅唔脆，秋葵老，栗子燒唔掂，長洲$7件紅豆燒好食好多，魚生係爭鮮質素。認真唔抵！

cafe kool 中午自助餐一向抵食，今次疫情放緩再去食，今次優惠價格也貴了。冰鎮海鮮最受歡迎，尤其麵包蟹和長腳蟹，魚生有三文魚和油甘魚厚切，扒只有羊扒，以前牛仔肉和牛豬扒沒有了。中式有炒海鮮和點心。試試西式黑豆麵很硬身吃不下，仕應巴迅速向廚房反映。燒味只有雞，很滑身。甜品種類不少，最好味是疏芙厘pancake。

以往每月都食一次buffet,自從疫情年初開始出街食飯真係好少，今次媽媽生日而且疫情緩和左就試下食自助餐，平日中午buffet大約$270連加一都好抵。海鮮有長腳蟹，麵包蟹，青口，螺及蝦，但冇生蠔，長腳蟹d肉唔夠彈牙，蝦好新鮮。熟食不過不失，湯就有2款，分別係好杰嘅羅宋湯，好味精蓮藕湯，沙律款式多且新鮮，而且有風乾牛肉片，好薄又好甘香。甜品都好出色，款式多而不太甜，芝士餅最令人回味，又有車輪餅，人氣pancake新鮮熱辣😋😋整體餐廳衛生做得好好，除左食物有蓋蓋住，連飲品都提供紙杯蓋，如果忘記帶口罩離座，職員會提醒大家的🤗🤗

九龍香格里拉Café Kool自助午餐，食物質數、味道都唔錯！折扣後兩佰柒拾幾蚊嘅lunch Buffet真係算抵食👍🏻海鮮新鮮，長腳蟹鮮甜肉質嫩滑，麵包蟹超多膏，凍蝦肉爽彈牙，螺肉質感爽口，仲有青口、蜆肉！剌身4款新鮮又鮮甜。沙律🥗cold cuts、芝士，樣樣齊之餘仲有即煮意粉🍝至於熱盤味道都唔錯，尤其咖喱最出色🥰。燒味有好滑嘅白切鶏、义燒。我最欣賞佢哋嘅叻沙湯底，真係一定要試，香濃惹味👍🏻👍🏻👍🏻👍🏻👍🏻👍🏻甜品區味道有驚喜，個人推介必食拿破崙、榴槤卷仲有成十款嘅‭Mövenpick雪糕選擇，豆腐、紅豆味雪糕最吸引我😉‬

呢幾個月間間酒店都keep住搞discount，絕對係食buffet解饞嘅良機😋本來擔心食物質素會大打折扣，好在shangrila都仲keep到水準。Lunch buffet盛惠$388加一，另有七折，$300就有得任食兩個半鐘。首輪當然係冷盤，lunch提供海蝦、蟹、長腳蟹、青口、海螺，龍蝦只限晚市。海蝦青口新鮮鮮甜，蟹膏算幾多，不停有refill。waiter好貼心，一見我摵蝦就送上一疊紙巾同濕紙巾👍🏻次回係西式肉類，廚師現切有燒雞、豬柳，熟食有紅酒燴牛肉、煎盲鰽、多款德國香腸等。盲鰽帶油香，表皮香脆，魚肉鮮嫩；紅酒燴牛肉炆煮至軟身，伴有濃郁葡萄酒香，相信花費不少時間烹調。中間果嚿就係傳說中嘅豬柳，厚切得嚟肥瘦分佈均勻，無絲毫油膩感，入口稔滑。其餘熟食類有多款印度咖喱，可自配脆片或薄餅等蘸汁食；日式嘅煎三文魚頭、關東煮、天婦羅；馬拉嘅串燒同河粉類；亦有中式咕嚕雞、蒸魚、燒味、點心等。嚟cafe kool一定要留肚食甜品，以酒店buffet計頭幾位出色，雖然偏甜，但款式多同較為特別。個人推介拿破崙，酥餅鬆脆，唔會有擺得耐受潮嘅感覺，中間夾有超級多朱古力醬，一咬落去有爆漿感🤤🤤椰子芒果

亞洲美食+開放式廚房主題的自助午餐, 今天星期日$478+10%, 匯豐信用咭有75折, 平均每人大約$400, 不是特別平, 食物質素下降了不少, 除東南亞廚房都可以保持水準外, 中菜廚房食物質素非常差, 枝竹抄小棠菜, 枝竹有少少變味可能天氣太熱豆類食品易變壞, 而冇小心處理好, 另外煮鱸魚啲鱸魚味香好鮏, 覺得條魚好唔新鮮, 义燒太瘦太硬, 不過點心就好好味, 牛肉球、蒸素餃味道都唔錯蒸得啱啱好, 中式湯都好清甜！冷盤區有大量長腳蟹, 又有麵包蟹、蝦又大大隻、青口同螺都好鮮甜, 不過冇生蠔就有點失望！整體食品係一般及部份更需要改善！另外服務方面直得一讚, 我在中式廚房區向一位中廚查詢為何今天蒸點沒有燒賣, 隔了大約15分鐘竟然送上一客燒賣(有4粒), 令我非常驚喜及有親切感, 其他餐廳服務員態度都很好, 回應也很快！**不過酒店泊車優惠應該改一改, 優惠只有兩小時, 除後是每小時$90, 食自助餐一般都是食到盡(因為又要食又要同親友吹水), 午餐時段是12:00-14:30, 那又要提早5分鐘到, 無理由食到一大半就要趕住走, 非常奇怪！可能想迫你比$90, 所以為食得及吹得盡慶

我食過最難食既自助晚餐。感覺比放題仲要差，食物種類又少又唔新鮮。龍蝦冇味，牛羊都係唔好食、啲牛肉好似蒸出黎咁！600蚊一位但完全冇蟹腳、生蠔之類既野食，入面既野食種類真係太少！

公司阿媽陪伴咗我15年，今日係佢既大日子，返埋今日佢就榮休啦，㊗️ 退休生活開開心心♥️💖，自由自在🤩🤩，食遍8方😋😋，日日整新野👍👍，最重要身體健康💪💪💪。Kowloon Shangri-La, Hong Kong九龍香格里拉 Cafe Kool我哋就提早同佢食個榮休飯，因為限聚令既關係，我哋就唔可以似往年咁，幾圍人同佢慶祝，只可以人少少咁去咗九龍香格里拉食返個自助餐。😋😋😋起初我都好擔心，因為聽好多人講香港香格里拉好過九龍香格里拉好多，我心諗，今次唔通要開伏？點都好啦！鬼叫又限聚令，又父親節前後，問咗廿幾間，都話full house，咁就冇計，心諗，唔試過又唔知嘅，咁點都要試下。🙈🙈🙈去到餐廳，感覺良好，食物種類好多，除咗冇蠔，冷盤有開邊龍蝦，龍蝦鉗，麵包蟹，凍蝦，青口，魚生，壽司，手卷等等。熱盤真係好多，各國食物都有，咖哩，片皮鴨，燉湯，燒味，點心，串燒，天婦羅，喇沙，即制意粉等等，甜品種類又多，仲有梳乎厘，movenpick雪糕，真係應有盡有，每樣食一啖都冇可能食得晒。🤣🤣🤣因為我哋有一位成員一星期前先食完香港香格里拉，大家既總結，九龍香格里拉係好過香港香格里拉，食物質素好同種類超

疫情後首次自助餐，訂咗幾次位先訂到，除咗因為減價外，好多自助餐迷都同我一樣終於等到疫情緩和咗，可以比較放心食。之前一直都想嚟呢間酒店試吓，今次午巿自助餐都做緊匯豐信用卡7折優惠，除返開每位$300有找，今日係父親節後一日，順便補祝埋。自助餐區有兩區，分別設有出入口，職員會喺入口遞上乾淨嘅碟比客人入去拎嘢食，而且一定要帶上口罩。食物方面部份好部份差，海鮮質素真係幾好，而熟食真係麻麻，雖然款式多，除咗有幾款可以，其他真係唔好食。服務方面好滿意，食完有笑容，有禮貌，清潔快，而且環境唔錯，令人食得安心。餐具同杯會蓋好。海鮮吧種類唔少，除咗翡翠螺有沙外，其餘都食得出新鮮，由其青口類，覺得少有咁好味。呢區全場最多人排隊就係刺身，真係唔錯，由其左口魚同三文魚。熟食區我覺得較好嘅係，燒牛肉，拼盤腸，串燒豬頸肉，串燒雞，牛肉外其餘真係唔好食。麵檔嘅清湯河湯無味，河粉唔滑。墨汁意粉，我揀咗雲吞同忌廉蘑菇，意粉好似食橡筋嘅口感，可能我唔識欣賞，忌廉汁有少少燶味。湯無咩味精都幾足料，青口蘿蔔湯，蘋果雪耳燉湯，另外有南瓜忌廉湯。另一區係甜品區，每款都有心思，味道有啲漏。即製梳乎厘班戟好鬆軟，好味。水果分好晒一份

無蠔無鵝肝無蟹腳，究竟想俾啲咩人客食，仲衰過300蚊lunch buffet！成六百蚊嘅dinner buffet竟然要淪落到夾腸食，因為真係無嘢好食！唔好諗住有牛扒食叫好，因為連舊牛都係切唔開嘅！唯一見得下人嘅熟食係片皮鴨，不過我諗六百蚊你出去叫兩隻鴨黎食都仲得囉！其餘熟食有串燒、咖哩、炒飯，大概都係啲平時dinner buffet都未必會食嘅嘢啦！仲有兆萬放題質素刺身連生果都係得一粒粒嘅生果杯，想夾返片西瓜食都無嫁！

5星酒店，3星自助餐。剛試過自助晚餐，差。龍蝦肉淡又實，又冇蟹腳，青口和凍蝦幾好幾鮮甜，麵包蟹 refill好慢。刺身普通。牛肉和羊咬唔開。熱盆普通，得粉麵飯菜大路貨色。甜品極少，得一個芝士 cake(有些酒店 tea buffet 都有幾款 cakes 如黑森林，鮮忌廉，栗子等，佢就只得一個)。生果係切定一杯杯，每杯分左有西瓜和蜜瓜共有 5粒左右，如不想食蜜瓜就唔使攞。咁慳皮都係第一次見到。

冇生蠔冇長腳蟹冇鵝肝既5星級酒店dinner buffet.啲龍蝦又un 麵包蟹又唔好食，啲螺有沙得青口叫好食少少。。刺身選擇少。要熟食菠蘿炒飯，咖哩，同沙嗲串燒幾好食。羊扒第一次攞好食，第二次就好un ，差好遠甜品味道唔錯但選擇好少，仲有啲係重覆咁擺，雪糕得好少味揀個人覺得花生糊同心太軟好食。生果個度好孤寒，得一杯杯切哂粒，一杯幾粒，兩粒西瓜三粒蜜瓜咁冇得自己揀，未自己自助餐啲生果係咁樣比人需要改善！

今次自助午餐都有九成滿座，依家出去攞嘢食要去特定嘅入口，有員工會遞隻碟俾你。先排隊攞海鮮，凍蝦同蟹腳都幾鮮，麵包蟹同螺就麻麻地。油甘魚真係好食，但係第二次攞已經冇晒，海蜇都唔錯。麵部叫左一碗喇沙瀨粉，麵都新鮮，湯都算夠味，但可以再濃一啲，佢可以加龍蝦鉗等配料，麵都有幾款揀。意粉就差啲，汁煮得太稀，又冇咩餸揀。炸物烤物部有驚喜，佢哋都係即場造，多春魚天婦羅值得一讚，串燒配上沙爹汁更係一定要試！我幾鍾意佢有川菜，平時自助餐都唔多見，有口水雞同川味海鮮，兩款幾惹味開胃。最後到甜品部，我覺得有兩款一定要食，其他都不過不失。朱古力慕絲蛋糕朱古力味超濃，法式杏仁批個酥皮好夠牛油味，自己都食左兩件。總括：買coupon有六折都算抵食，食物普遍不過不失但不時都會有佳餚點綴。