BYOB Coffee Roaster

营业中

休息中

早排見谷友話紅橋新開左間cafe，今日終於有時間帶女朋友黎食，byob門面簡潔，主要賣沙拉，意粉，咖啡同茶😊店內行半自助形式，我地order左卡邦尼意粉同黑松露什菌意粉，有點失望，意粉上枱時一睇就知，卡邦尼意粉over time，漲了無口感😔黑松露食左啖，唉好咸😵忍吾住同店員講，佢地都好有禮貌同好好咁幫我煮過，可能系自己問題，走左鹽都仲有小小咸，我呢碟個黑松露其實可以少番小小🤔啲咖啡就普通啦吾夠香濃😶二百蚊兩個食個lunch有點貴😢

BYOB，令的想起N年前政府提倡市民自備購物袋的宣傳廣告。石屎灰色主調，木桌椅，簡潔寬敞的工業風。食物選擇不多，就十款以內，到櫃台order時能看到店員用小小的電爐炒著意粉，很家庭式。價錢不算使宜，六七十一個意粉，沒有餐，加上咖啡要上百元(買意粉飲品可減$5)。味道也沒有很突出，意粉不夠彈牙，沒有煙肉香。拍過些飲食節目，黑松露其實沒有什麼味道，香氣主要是來自白松露油，但看master chef，Gordon Ramsay及Joseph Bastianic都說市面買到的白松露油都只是化學物質，他們極之討厭。這裡也是食開那樣似是而非的黑松露味。

等章魚燒時在附近行逛，發現這家新張不久的BYOB Coffee Roaster cafe。 門面比較平凡，雖然店很大，但不太起眼。如果門口擺番個大餐牌，應該更多人留意得到。門口寫著意粉只在晚上供應，就找個夜晚來試。 Cafe空間寬敞，燈光柔和，非常舒適。閒時點杯咖啡，打發時間蠻寫意。 很喜歡這個掛滿茶杯的裝飾，讓我想起白川鄉的「浪人cafe」～ 好想再去一次呢！ 種類不多，除了咖啡，就是意粉和沙律。 落單流程寫得清楚，讓食客不會糊裡糊塗。 cafe有聽障人士店員。體驗社會共融，值得一讚！ 大蝦闊條麵 $78 大蝦以蒜香輕煎，再灑點香草，爽口、惹味。意粉口感蠻煙韌，軟硬還算適中，份量也合理。 卡邦尼意粉 $68 Carbonara賣相也不錯，但意粉creamy度一般，口感偏爽。惟一喜歡就是蘑菇夠爽脆。 Cappuccino $32 來到cafe，咖啡當然才是重點。原價$32，跟意粉點餐減$5，只需$27。老實說，這個拉花不算出色，面頭泡沫也不夠細滑，而且咖啡不夠香濃。Latte $32 Latte的拉花更加不堪入目⋯⋯而且杯邊還有咖啡漬⋯⋯ 過不了心理關口，還是換過杯新吧。 店

今天到屯門探朋友後本想到虹橋附近吃日本丼，但該日本食店假日不做午市，唯有四處行行覓食，看到這西餐似乎不錯就試下吧! ******************************大蝦寬條麵 (8/10)忌廉汁夠香夠濃，用料新鮮份量剛好。大蝦有鮮蝦味，煎得金黃, 香口惹味, 麵條也處理得剛好，亦沒有過熟。 ******************************卡邦尼意粉Carbonara (7/10)加一隻水波蛋，吸引力大增，忌廉醬汁掛在意粉，每條意粉都充滿蛋香，火腿配合芝士，不會變成稀薄 食物質素不錯，因走近年流行的Raw風格，服務感覺比較隨心，看見人多時客人站在食客身後等位，而且出菜亦慢, 有很大邊進步空間, 不過有心做的都不會差, 加油！

聽說景豐新開了一間cafe, 放假無聊就約朋友去食午餐~估唔到都幾多人食, 不過cafe幾大間, 坐得幾舒服~ 因為訓到11點先起身, 無食早餐好肚餓快快手點好野食!!!雞胸凱撤沙律想不到幾好食~ 首先個賣相睇得出佢有心機~ 擺到靚一靚~然後沙律上有一片片的芝士片, 配上雞肉/生菜都好食黑松露雜茵意粉我覺得是合格咁囉~正正常常~但黑松露味唔夠濃, 我喜歡更濃郁一些海鮮墨汁意粉唔錯, 海鮮都新鮮的, 隻蝦都彈牙的~ 比黑松露雜茵意粉好食朋友點了凍榛子Latte, 正常OK我點了杯熱Latte, 都係正常OK, 不過個拉花唔夠另一間海圖拉得靚, 好似係;P整體都幾好, 下次再來試食其他菜式

黎左呢間幾次，初頭試業已經幫襯。之後都食左兩三次。今晚，突然間心血來潮又想食，放工速速回到屯門後同老公二人世界下。我今晚叫了蜆肉意粉，老公叫左碟豬手。一落order 講明等廿五分鐘，我地都ok..咁就等啦。當時食客不多，所以我碟蜆肉意粉好快就到。味道賣相都不錯。🤗點知，當第一隻豬手出爐時竟然比左我地之後黎果位人客！😡😡😡 有冇搞錯!!!!!!!!! 唔係我地自己見到同佢反映，佢仲話以為出左我地隻豬手。無錯！如果你人多，客滿我可以當你記錯！問題係我落單到等都係得三、四檯客，而有兩檯已經係食緊，另外個檯就係後過我落單的，咁都可以搞錯？咁客滿你咪打杖？之後去問佢，佢竟然話以為出左！我覺得好過份！我知比我地後落order 那檯客係熟客，我私心地諗係咪特登比佢先。😞😞😞但真正令我失望係佢處事手法，佢話不如退錢比我地算。我地真心想試你豬手先黎遮，退錢比我，時間我就等左，野食就無。我先生強調唔係錢問題，佢地先正視話再等多十分鐘內有。。。。。後續雖然十分鐘後隻豬手就黎，但對於佢地處理訂單次序真係無言。。。夠膽話以為隻豬手黎左都有。😡😠😡😠😡如果真係處理唔到同記唔住咁多單，不如參考其他食肆做法啦。好失望

原先諗住去紅橋搵晚餐食，點知想去個間又無開，行下行下就見到呢間餐廳，平時少留意，不過應該都係新開😅決定行埋去八下有咩好食啦😝喺門口見到係寫試業中，希望佢成功啦😋餐牌食物款式唔多，但價錢唔貴，決定比個機會佢啦，原來係一間自助cafe ，先自己到付款處落單及結賬，取餐具，之後就會有人送餐😅卡邦尼意粉，$68，原來加隻生雞蛋會好食好多，好juice 海鮮墨汁意粉，$88多料，有墨魚、青口、鮮蝦同魚柳，意粉夠哂味道雖然只有數款菜式，但味道真係唔差，價錢適中，希望佢遲下會有更多菜式

星期日午餐時段嚟到，門外未見人龍，店門張貼「試業中」紙條我估，可能只係試業左短時間，未有人慕名而來入到餐廳，比佢嘅raw裝修吸引，有一種莫名嘅自在不過餐廳暫時無排隊機制（亦唔知佢有無打算有），顧客入內要好似快餐店咁，企係人地背後等位店內大約40-50個位，大約分14-15張枱顧客可以自行由其他枱拉走餐櫈，所以形成一張6人枱坐8人，2人枱坐3人。。。。令到可能會有張6人枱得番4張櫈，一張2人枱無櫈餐廳可能要係安排座位上動下腦筋了搵到位之後，自行去counter落order，因為枱上無號碼，顧客雖有指指點點，話比店員知食物需要送去邊張枱眼見因爲係自行等枱，所以有幾枱顧客因為見到有較好嘅位置，就算落左order後都自行轉枱，令店員送餐出現混亂餐廳可以考慮係枱上設號，或者比號碼牌顧客拎埋位，店員就可以憑號碼送餐食物選擇唔多，不過都夠了，起碼唔會令我覺得「無野想食」「揀唔落手」4款茶供選擇，均用 TWG 茶葉，可選一杯或一壺我點左一個「1837黑茶」同「無花果秋葵沙律」黑茶送到時香味四溢，一種帶點甜甜嘅花香（我決定都要去買番罐），味道令我聯想到 法國Mariage Freres 嘅 Marco

同屋企人及朋友去呢間新開小店食個晚飯環境空擴非常舒適。無普通餐廳果種壓迫感叫左3樣野食。海鮮墨魚汁意粉海鮮足料。墨魚汁不會太咸又不會太淡味道岩岩好大蝦扁意粉大蝦夠大隻夠彈牙。意粉及調味亦剛剛好唔會太重口味最後叫左個慢煮咸豬手 (推介)因為即叫即整。最好預早落單整定食開豬手都知個豬手皮好重要呢隻豬手個豬皮唔會太硬又唔會太*林*外面薄薄一層脆皮。入面肥肉同瘦肉比例岩岩好。一啖皮一啖肉VERY GOOD。點小小芥辣就更加好味重有杯鮮奶咖啡都值得推介

屯門其實真係有好多好嘢食，仲有好多特色嘅餐廳，今次經過就見到呢間cafe，門面裝修幾有feel就決定入去同男朋友去試下新野地方又大又寬敞，又唔洗唔使等位，仲好好服務一見到有客人黎就即刻執枱比我地坐低係自助點餐服務嚟嘅，點完餐就開始等啲嘢食嚟啦，今次就叫咗個雜菌黑松露蘑大利粉同一個大蝦闊條麵大概等左15至20分鐘，雖然時間唔係好快，但相信係即叫即煮所以會有啲需時雜菌黑松露意大利粉($68)撈勻啲黑松露醬黎食，好香好好味，材料充足啲面嘅軟硬度又啱啱好大蝦闊條麵（$78）大蝦住得味道剛剛好，大蝦材料新鮮，配上濃濃既嘅芝士忌廉醬 值得一試其實間餐廳仲有好多沙律同埋特色飲品，有機會下次會再黎試其他新嘅菜式另外一講嘅係環境真係好好啊同埋價錢公道！係個同朋友或者係拍拖談心嘅好地方

19-8-2017 (Sat)等老公放工後,傍晚入屯門探佢上司病,探完食晚飯,由於唔餓,我o地行到o黎青菱徑一帶搵o野食,見到Pizza Baby有人等位,睇吓menu,普通o既pizza都唔平,小食都要$68.00起,於是我自己再搵吓先,見到光猛o既呢間o野,食西餐o既,選擇唔多,原來係試業中, 意粉$68.00起,叫意粉送汽水.同老公商量完就決定食呢間.我o地坐低後,自己出去點餐俾錢同攞汽水,用具,而我o地要o左$68.00o既黑松露雜菌意粉同$78.00o既大蝦闊條麵.等o左10分鐘左右,老公o既大蝦闊條麵o黎到,見到唔大碟,食吓先,闊條麵都幾夠味,而且唔會太腍;大蝦有4隻,爽口彈牙,香草調味又o岩o岩好.味道: 5分之後我o既黑松露雜菌意粉到o黎,意粉口感同樣唔會太腍,但唔多食到黑松露味,只有黑椒味,呢個差o左少少.味道: 1分服務:我入去問老闆娘有冇位?佢話開埋另一邊,但o野食可能要等好耐.我答冇問題,我o地等.之後由於我o地轉枱,通知老闆一聲,佢都唔介意,同好有禮貌咁執o野同抺o野.環境:睇裝修,呢間前身應該係酒吧o個類.o衣o家係俾人簡約,悠閒感.