BYOB Coffee Roaster

营业中

休息中

接左女朋友放工後，原本打算到景峰食d小食就算，不過離遠就比佢嘅裝修吸引左，是一間走工業風格的coffee shop。坐入去，環境優美、寧靜，燈光偏暗但整個氣氛很舒服。望一望menu，由於只得文字，沒有任何相片，要自行再上網search圖片，建議menu加番相片會更方便食客。最終選擇了蕃茄蟹肉忌廉寬意粉同帆立貝明太子意粉。每碟的份量都足夠，不會太少亦不會太多，蟹肉很多，毫不留情🤩帆立貝意粉略嫌味道不夠濃，但帆立貝剪到半熟，非常美味！

多謝各老闆進駐紅橋，因太近我家，隨時隨地想黎就黎，紅橋第三間cafe了， 仲係隔離左右，前者兩間都試過，呢間就第二次黎， 上次黎只係試啡，今次係見到朋友既食相而黎，指定一定要試佢地既牛油果萍果沙律，再叫了松露香菇意粉，一食之下，連我嘴刁既朋友都讚好好食，賣相精美味道食材都值得推介既！ 不過初初上菜時意粉竟上先好古怪，佢地主打應該係食物，我認為應該都要有質量既咖啡同多點飲品種類供應，如果係的話就完美喇！！

Staff態度麻麻，擺低食物唔出聲，欠缺笑容環境唔錯，枱與枱之間有距離，空間感夠，坐得舒服食物方面點左橄欖油蜆肉炒意粉同蕃茄忌廉蟹肉意粉，蟹肉Pasta唔錯，面頭有一大堆蟹籽，蜆肉意粉就一般，味道略淡上菜有少少慢，上左一個pasta要等十分鐘先上第二個pasta，變左兩個人食完一個到一個當日小食暫停，無得試飲品點左凍朱古力及hazelnut latte，朱古力唔太濃，hazelnut latte就一般，好過starbucks少少

看著這餐廳裝修 等到開業立即去試試入到去感覺很舒服 地方大 每枱的距離較遠和朋友聊天的好地方另外一邊更有自成一角的感覺見很多人放部電腦在枱上一邊上網一邊飲咖啡 很悠閒自己出去選了食物先付款那次吃了一個墨魚汁意粉 吃完個咀黑蚊蚊😵抹了很久才抹乾淨晒 和朋友互相對望著笑了🤣另外還有豬手也不錯之後還吃了兩件蛋糕 有個黑芝麻的幾好味😋可惜飲品選擇只有西式茶和咖啡 沒什麼特別 只是罐裝的茶葉那些 這比較失望如果飲品有多一些其他選擇就perfect了

第一次黎到既時候已經過左last order既時間所以今次就早啲到呢到20:30就截單今次都只係岩岩好趕得切餐廳內已經滿坐人我地都要等一陣先有位每個位都有一個餐牌去收銀處點完餐就可以埋位等食今日叫左一個卡邦尼意粉同出面有啲唔同既係呢到會連埋一隻旦黃督穿個旦黃個一刻即刻變左流心旦睇住啲旦黃慢慢流出黎撈埋之後口感豐富白汁加埋旦黃汁 口感好creamy好滿足意粉唔係好幼身個一種 食完都幾飽架！下次要試埋個豬手

食過返尋味因為近屋企而且環境舒適，所以我又黎encore 喇！最愛既凱撒沙津水準同上次一樣雞夠淋 菜夠新鮮好味呢個牛油果沙津好靚淨係賣相已經好高分牛油果含豐富omega3,係健康既脂肪牛油果下面有沙津菜外面有蘋果片同提子圍住未食已經覺得維他命豐富上面再加左d 合核碎令整體口感好豐富醬汁方面你配左沙津醋酸酸甜甜夠開胃而且用沙津醋仲冇沙津醬咁肥相比凱撒沙津係個比較低卡既選擇如果有多隻蛋就仲好！有埋蛋白質岩晒減緊肥既女仔食

星期六下午係屋企附近搵食紅橋近年開左好多食店茶記 小食 酒樓 小菜 泰式 日式 西式 咩都有今日就試試呢間西式cafe 啦店內裝修簡潔有d 文青feel幾個女仔黎食tea 影相吹水係唔錯既選擇可能以紅橋黎講價錢唔算平不過計埋環境同食物我覺得都ok 既！不過如果lunch hour 有lunch set 就更好啦平時最愛凱撒沙津呢度都冇令我失望雞胸肉冇乜脂肪夠晒健康而且煮得唔硬，完全唔鞋好淋，好好味醬汁又唔會太咸幾好未食已經聞到好香黑松露香味岩岩煮好拎過黎，熱辣辣超正呀黑松露嗅覺上贏，卡邦尼就味覺上贏兩款我都好鍾意

係屯門食厭左連鎖式大集團，可以黎試下呢間cafe~當晚唔算太多人，大概等左半個鐘就有枱，職員將我地帶到座位，話我地知陣間要自己出收銀到落order，付款之後職員會送菜上枱。本來想order一個豬手，但咁岩到我就賣哂，與佢無緣😭最後我點左個蕃茄忌廉蟹肉寬條麵，賣相好靚，橙橙紅紅，見到蕃茄粒，可以廚師唔係求其落茄膏落去煮就算，真係有用新鮮蕃茄架而主角—蟹肉都唔係得幾條絲，而係好多pat😂份量都多啊，起碼每三啖就可以食到蟹肉，大滿足而且我估唔到個麵竟然有落蟹籽，o趙落脆卜卜~而個寬條麵都唔差，唔會過淋，亦唔會糊埋一舊。美中不足既係我係個麵發現到紅椒既蹤影個麵仲要好大浸"椒味"，食到我怕怕下次我食一定會走紅椒

🔸大蝦寬條麵 $78平時外面既大蝦意粉可能係原隻蝦上，但得兩隻。依到既寬條麵份量好夠，大蝦有四五舊。煎過既大蝦咬落彈牙爽口。配上忌廉汁，唔乾，好食。🔸墨魚汁海鮮意粉 $88墨魚汁有好香既奶油味，海鮮份量依個價錢黎講算幾多。有兩件魚柳、兩片魷魚、兩隻煎蝦球、一隻青口。煎蝦球幾爽口，全碟意粉香草味都好香。🔸MOCHA 凍朱古力咖啡 $38🔸MACCHIATO 特濃泡沫咖啡 $25點餐時服務員有刻意提醒，此為細杯裝。＊凡惠顧任何意粉，飲品減$5。＊

上次去海圖飲咖啡時發現對面有一間更大的咖啡店，今次就試埋佢。餐廳以單車為主題，環境舒適。先揀好座位，到櫃枱下單時講出枱號，下單後就有店員送餐。1. 蕃茄忌廉蟹肉寛條麪: 蕃咖汁酸酸哋幾開胃，不過混入忌廉就沒有那麼清新輕盈，蟹肉和蟹子份量十足，不過蟹肉頗多殼，要扣分。2. 鮮奶咖啡: 本來不太喜歡帶酸味的咖啡，此咖啡只是微酸，可接受，而且夠香滑，不錯。食pasta叫飲品可減$5 

食店環境開揚舒服 可惜廚房抽風應該有問題 食完成身油煙味 Order左一碟意粉/沙律/2杯各凍熱咖啡本身預算叫既水牛城雞翼/牛油果華都夫沙律都話無曬 但時間只係星期日下午2點左右.....意粉好有住家感覺 無咩味 又唔係難食 好食又講唔出口 沙律醬太多 似食醬多d 咖啡正常 我諗喺屯門呢間cafe可以一食呱

星期六入屯門行完山或者踩完單車，時間仲早又肚餓，去邊hea好？ 可以試下BYOB coffee roaster😎 有咩咁特別？好少餐廳會比大家擺單車入內，會佔太多空間，呢間coffee shop就唔同，了解到單車友當單車係老婆/老公，比你地帶埋佢地入去，等你地可以安心咁嘆咖啡☕️😍Cafe老闆本身都係單車發燒友，餐廳內都有幾架單車。餐廳都幾大幾闊落，坐得好舒服。食物既選擇唔多但大眾化，實有一款岩你🤩蜆肉意粉完隻蜆連榖上☺️ 蜆肉雖然唔大隻但都幾甜意粉軟硬適中意粉只用來欖油炒，唔會太膩得黎又唔油，岩曬下午茶食Carbonara原隻蛋黃比大家撈落意粉食蛋汁尚算香濃，相對地會較膩兩個人share就岩岩好Caramel Latte香濃既咖啡味配上幼滑既奶泡🤤行完山飲簡直一流焦糖味夠香又唔會太甜👍🏻要係市區開呢d咖啡店就無咩可能嫁啦，有位都擺多兩張枱啦🤦🏻‍♀️ 點會比你擺單車🤷🏻‍♀️ highly recommend 各位單車友可以入黎屯門呢間咖啡店話唔定會結識到志同道合既朋友☺️

想要找一家咖啡店或餐廳慢慢坐的時候，就會想到來這裡喔！😝是日又來到這裡吃午餐，之前都有試過數次不同的意粉，今天想要試一下海鮮墨魚汁意粉。開放式的廚房，即叫即煮，賣相特別好，味道特別香！🦐🦑🐙🐟海鮮都很新鮮，份量十足，有大青口、魚柳、大蝦、魷魚，都能吃到是精選的海鮮，絕不馬虎！墨汁和意粉也是高水準的食材和烹煮技巧，這個價錢能吃到這麼高質素的意粉，還有能坐多久就多久的坐位，真是一大享受喔！😝😝希望水準能夠一直保持下去！😋

美, 是用作形容食物; 不足, 是用作形容價錢和服務態度。其實數數手指, 已經光顧過BYOB兩次, 因為佢地既意粉真係唔錯, 仲好足料! 今次我點左大蝦寬條麵, D醬夠香, 麵質岩岩好, 而且蝦既份量都唔少而另外點既朱古力咖啡, 雖然咖啡未算好香, 但味道岩岩好, 唔會因為加左朱古力而太甜! 所以食物方面, 確實不錯!價錢方面, 我覺得係屯門區黎講, 真係有d貴。 一碟意粉要$68-$98, 唔包飲品, CP值都幾低嫁, 但食物確實補救到依樣不足。但服務態度方面, 就真係點都補救唔到。 第一次自己去已感受到嗰種愛理不理既態度,好似唔憂做咁, 但都未至於反感。 但第二次專程帶家人一齊黎試試, 一行5人, 一開始有好幾張空枱但未有大枱, 咁正常都會留張枱等其他枱既人走左再拍埋一齊吧。 點知咩都冇做, 有新既客人就隨便坐, 就算我地出聲問都繼續愛理不理。。。。。另外我地點左一隻豬手, 其實因為係即焗, 所以都等左好耐, 一上枱就即切黎食, 但發現入面唔熱, 都算, 搵職員幫手時, 雖然願意幫我地再焗, 但後補一刀:"下次唔好放咁耐先食"呆左。。。明明係佢地食物有問題, 我地都冇責怪仲有禮貌地

井財街現在簡直是屯門的新食街，處處卧虎藏龍，食物美味的小店越來越多，令原來已有選擇困難症的更難選擇。人在BYOB 附近，往往又想吃魚匠屋，又想吃 Marka House, 有時又想試拉麵，要花好一段時間內心爭鬥一番，其實這幾間店的Menu 已十分簡單，但仍費煞思量，計算肚子有多餓、 考究邊樣會最好吃，BYOB 總是勝出，全因味道和温度大勝。BYOB 的意粉百吃不厭無得彈，是因為次次都包保是剛離鑊熱辣辣冒着煙。試過黑松露雜菌意粉($68)、蕃茄忌廉蟹肉寬麵($88)、䉒茄大蝦寬麵($88)和北海道带子明太子意粉($98)，黒松露意粉最合不太餓的日子吃，最令人喜出望外是這價錢竟可以吃到鮮甜的蟹肉和煎得焦香的大蝦，蝦是爽甜，不似其他店的大而無味。 北海道带子就更是外焦香，內軟滑，帶着甜香，我本不好明太子，這𥚃的明太子卻不辛不辣不死咸，透着是恰如其分的鮮香，㕑功夫了得，令每一條意粉都掛滿淡紅色的明太子，入囗脆卜卜，然後是creamy, 然後是鮮味，這道意粉絶對是活色生香。p.s. 其實在BYOB 𥚃也次次經歷選擇困難的挑戰，款款意粉都想吃，肚子有涯，食物無涯。