BYOB Coffee Roaster

营业中

休息中

附近完活動肚子餓，決定食完晚飯先返屋企。經過見到呢間cafe大大間、靚靚地，就坐左入去。可能因為星期一，餐廳唔多人。加上空間感十足，坐得好舒服。間cafe個setting雖然似普通餐廳，不過都同其他cafe一樣係要出櫃檯俾錢叫野食，之後自助倒水拎餐具。叫左個蟹肉寬條麵，味道唔錯la...蟹肉都幾多幾足料，唔會太濃味。 因為野飲要分開叫，所以我飲水就算，無叫野飲。如果有set的話，飲多杯野，坐多一陣其實都幾輕鬆。

已經由一開始到現在隔一兩個月都會來。水準保持得好好！我每次都叫卡邦尼意粉$68，好少見有蛋黃咁上！大蝦寬條麵$78亦正，蝦煎得好香！哩個水準，咁嘅價錢真的超級抵食！之前如果人多我地一定叫豬手，好軟身、好香啤酒味，不過要人多先食到，女仔食一兩口已經好飽！一定會再回來！👏👏👏👏👏👏

性價比算幾高嘅意粉！我已經食過好多次嫁啦，今次終於記得寫番個食評🤪🤪呢個價錢嚟講份量算多，食落好有咬口，醬汁味道香濃，不過食完有dd渴。如果大家星期六日嚟食有機會要排隊呀！

2019年2月26日（星期二）即興屯門虹橋食西餐，見餐廳闊落又有位，一於幫襯！訂餐係自助形式，响櫃面先買飛、斟水、攞餐具。卡幫尼意粉（ $68 ） 上枱香噴噴、賣相吸引。蛋香配埋甜甜嘅洋蔥碎，美味可口！黑松露雜菌意粉（ $68 ）唔好睇佢平平無奇，其實係超級好味！冇得彈！雜菌同意粉相互交融，充滿着芬芳馥郁嘅橄欖油香味，好均勻，冇得彈！意粉香口、軟硬度適中，廚師功力夠！意粉𡁻𡁻吓仲有淡淡嘅甜味添，久久不散，令人好滿足!反而最搶眼嘅蘆筍就有「筋」，再次證明唔可以單靠外表判斷！值得再幫襯！

今天約朋友在這裡tea一tea，4個人點了4件cake，兩杯飲品，一件蘋果，一件cheesecake ，一件chocolate mousse.蘋果那件還有很多料，很有口感，陣陣蘋果香味，又不會太甜。Chocolate mousse非常滑溜，面層有些朱古力碎片，食落有質感，朱古力味夠香濃。Cheesecake 亦很滑溜，味道香濃。咖啡拉花不是最普通的心型圖案，很花心思很有心機。這裡環境非常舒適，地方濶落，很有空間感，實在是閒談好地方👍

今日出席完義工活動大家去搵一個地方EE肚，傾下計有個朋獲介紹呢間餐廳，佢之前係呢度食過德國豬手就帶我地黎試試啦我地三個人叫左兩個麵一隻豬手大家開心Share卡邦尼意粉$68係我地知4腦入面，呢個應該係必食習慣性諗法就叫左了佢有隻流心蛋，加埋入去更滑意粉好有口感，彈牙的之後就到左朋友極力推介的慢煮德國咸豬手，$138好大隻真係要一大班人食先得個皮好脆口，唔會話好肥膩最後到左我最鍾意食既黑松露雜菌意粉$68呢個真係無得頂黑松露既香味，未入口已經聞到重點係食落去唔會好似平時食果啲有gas味呢個真係好大驚喜推介這個要自己先買票，再拎餐具回座位等美食喔無加一服務費

這是一間簡單的cafe，意粉亦簡單經典。是日晚餐有大蝦意粉，明太子帶子意粉，蕃茄蟹肉意粉😍😍😍大蝦意粉香草牛油味非常重，未食就已經好吸引，大蝦煎到外皮香脆但肉又未老，意粉為闊條麵，口感十足。😋😋😋帶子意粉帶子沒有雪味，爽口彈牙，明太子味淡淡的，整體是款清新的意粉，不適合重口味人士。🙈蕃茄蟹肉意粉基本上只食得出酸甜的蕃茄味，蕃茄味完全蓋過蟹肉感覺有點可惜，建議加重芝士粉，令意粉升級😂

食左大蝦寬條麵，啲蝦煎得勁脆勁好味，個汁勁香牛油同香草，三個意粉黎講呢個最好味！ 仲有叫左蕃茄蟹肉寬條麵，驚喜嘅係佢有蟹籽係面頭，同埋都算多蟹肉，不過略嫌冇乜咸味，後尾加埋芝士粉就剛剛好！ 仲有一個帆立貝明太子意粉，明太子唔算好多，但都有少少辣味，帆立貝煎得都唔錯。 整體黎講，唔算太貴都質數幾高，其實佢有野飲散叫，叫意粉可以減五蚊，不過我地冇叫野飲，下次可以再試下。 成間鋪半開放廚房同埋得四個職員，如果多人叫完野食就要等多等喇！

本來食另一間，試下新野，但冇開。所以又黎呢間我幾鍾意既cafe。呢間cafe係先去counter俾錢買野，話佢知你坐邊張枱，佢就再送到。水同餐具都係自己拎。我叫左蒜香欖油小蜆意粉，朋友叫左墨魚汁海鮮意粉，兩碟都有水準！墨魚汁當然食到好黑，但同時顯得出足料，比一般食既墨魚汁意粉既texture更濃，有蝦、青口、魚柳，海鮮意粉黎講都叫交足功課；欖油意粉都好夠味，同埋蜆都好新鮮，雖然係細蜆，但舖滿碟感覺好良好，起碼睇同食到一定份量既蜆。特別一提，鍾意呢間cafe唔太密密麻麻，而係位與位之間都好有空間。可能唯有喺呢啲小社區既舖位先做到，希望佢地可以一直做落去啦！

屯門紅橋近幾年開左好多有特色既café，間間都試過，今次輪到寫下呢間BYOB CAFÉ。呢間CAFÉ已經係黎左第二次架啦，第一次係下午茶時段，個時呢間CAFÉ開左無耐，人流唔算好多，兩個女仔叫左壺茶飲左一個下午都無比人趕走，店員仲比我地揀杯，好NICE。今次去既時候係晚餐時段，明顯人流已經比之前多左好多，但係都唔使等搵到位坐。卡邦尼意粉 ($68)卡邦尼汁唔算多，但吸曬落意粉入面，好入味，仲有溫泉蛋撈埋黎食，十級享受。墨魚汁海鮮意粉 ($88)未見過墨魚汁意粉個汁會黑到咁，證明真係入曬味，食到成個口都係黑色好滿足，配料都係好出色，滿分！感覺到老闆對煮既野食有要求，好有誠意，呢個價錢食到呢個質素真係無野可以彈。聽人講過老闆份人好惡，成日會鬧人，但我又唔係好覺，可能只係COOL啫。

今日難得假日，可以訓晏少少，一訓醒就想食d特別少少既野食，於是男友就提議一間餐廳，出名食德國咸豬手呢間餐廳叫<BYOB COFFEE ROASTER>，位置係屯門虹橋附近。由於我地去到已經兩點多，過左lunch time，所以人唔算多，唔需要等位。餐廳既裝修較簡單，偏向簡約風，而服務傾向自助形式，需要自己去櫃枱點餐同自取餐具。今次我地點了黑松露雜菌意粉($68)，加慢煮德國咸豬手($138)等左約五分鐘，意粉就送到了！未進食前，已經聞到濃濃既黑松露香味，令人垂涎三尺！聽講呢間餐廳除左豬手著名外，意粉都非常出色。果然，無令人失望！整碟意粉食落非常creamy，醬汁香滑，一般餐廳食到既較咸較膩，但呢碟完全無油膩感覺，加上意粉上另有兩條竹筍，食落爽口清新，令整體味道更加豐富，值得推介由於德國咸豬手即叫即烤，需要用烤爐特別製作，所以需要等半個鐘以上。等既過程中見到隔離枱既cheesecake賣相不錯，所以我地都點了一個柚子味cheesecake($3x)，味道比較清新。由於柚子味既淡香跟芝士味混合，所以整個蛋糕唔會太膩。享用完芝士蛋糕後，德國咸豬手終於送到了！呢隻豬手果然真材實

再來到BYOB coffee roaster意粉真係仍然咁好食，煮得多用心，蟹肉和大蝦一樣份量十足。今次我想介紹既係佢地架咖啡，一飲難忘！上次已經被咖啡香吸引住，今次飲埋覺得係無錯，又夠滑，榛子味唔會被咖啡味蓋過，值得一讚！一杯三十幾蚊，有大師水準，真係值回票價！請餐廳老闆，繼續堅持用心製作，食客係會感受到哦！

有心機既cafe同CP值很高一入到cafe，就聞到咖啡既香味海鮮墨汁意粉：濃濃既墨汁包住意粉，再配埋蒜香。海鮮不是白烚，係有炸過架。成個意粉分量十足，男仔都夠飽。卡邦尼意粉：一上菜，心裡就哇左一聲，已經好少餐廳或cafe，可以煮出咁靚既卡邦尼意粉。因爲一隻蛋黃，望落已經行正宗，好少好少有餐廳會加蛋黃了。蛋黃包著意粉，令芝士味以外既意粉，加多左一份蛋黃香。下次去試下佢既咖啡先得。

呢間cafe係第二次嚟食，Cafe係半自助形式，先搵咗位之後再去cashier落單。叫咗嘅食物就會由餐廳職員送埋位。今次叫咗蕃茄忌廉蟹肉寬條面。寬條面煮得岩岩好，入口彈牙。而蟹肉份量好多，用料充足，入口啖啖都有蟹肉，食得出啲蟹肉係一絲絲，唔會霉。配埋個蕃茄忌廉汁味道酸酸地好開胃，加上啲蟹籽入口卜卜聲，再有埋啲黃椒同車厘茄，食食下就忍唔住成碟食哂👍🏻另一款叫嘅係北海道帆立貝明太子意粉。上次嚟都食過真係要encore!! 個意粉食落creamy, 調味方面主要都係明太子本身嘅咸鮮味。意粉一樣煮得好彈牙，而兩粒帆立貝有煎過好香口，加埋啲木魚乾，醬汁濃郁出面其他餐廳都冇佢整得咁好食！Cafe仲有唔同嘅茶可以order, 店員仲會配上一套好靚嘅西式杯碟享用，不過今次我就冇試到，下次可以叫返一壼嘆返個下晝！

要等人等兩個鐘，又冇戲睇，一路係市中心遊蕩到紅橋一帶，終於畀我搵到地方hea啦！見間cafe好多位但都幾多人係度tea，於是我地又入左去坐，發現啲咖啡價錢都好相宜，都幾抵食～泡沫咖啡 $32熱度岩岩好嘅泡沫咖啡，咖啡好香，奶泡都好多呀！不過我都係鍾意飲latte多啲hahaha番茄忌廉蟹肉闊條麵 $88無論麵定係啲料都好多，個汁非常creamy係完全可以痴係啲麵度，蟹肉係一絲絲仲食到啲殼，雖然我覺得好麻煩成日要吐出黎，但都feel到係真材實料嘅～榛子鮮奶咖啡 $35 跟餐價減$5朋友嘅latte其實冇乜榛子味，不過奶都好夠，不俗。