BYOB Coffee Roaster

营业中

休息中

虹橋呢排越開越多正嘢食見到呢間工業coffee shop好耐一直都覺得幾吸引，終於今晚決定佢試意粉冇我想像中咁大碟，初頭以為會唔夠飽，點知最後又OK😂不過味道差咁啲啲， 冇睇相咁正，不過都值得一試嘅👍🏻

環境不錯價錢不算便宜但服務態度岀問題店員擺底食物就走叫極唔該都不應你油煙味又勁食到一肚氣補充Wifi可以選擇印係單上作為一間coffee shop wifi都要問先有

一到weekend就好想周圍走去食下好野，拎個電腦出去做下野咁，但係奈何香港好多cafes都係打住cafe嘅旗號，實際上又嘈食物質素又低，仲要空間感好差好易聽到隔離講咩，今次我特登走到出屯門就真係覺得無揀錯。早餐淨係想食得light，所以我淨係嗌左個牛油果沙律同lime soda，點知一上碟真係嚇親，竟然擺到咁有心機全部都砌得咁fancy!!!無花果牛油果都好新鮮，如果覺得唔夠黑醋可以叫佢加比你，份量真係大到我食左成朝都食唔曬...我感覺呢間舖有心機做，但係略嫌餐牌選擇唔夠多呢，希望佢遲啲會豐富佢個餐牌等我嚟好好食一次！

行街見到有一間冇招牌既cafeshop，咁就見佢個樣唔差諗住入去食下啦。點知又係中左伏，依間cafe既食物質素、價錢出黎既性價比真係唔多掂，簡單黎講就係唔抵食。首先碟黑松露菇意粉餸既份量極少，意粉就極多，食完之後超滯。墨汁海鮮意粉可能價錢貴d，但左dd餸，但都係唔得。餐廳環境還算可以，但燈光太暗。服務方面好彩佢唔係收加1服務費，否則就完全唔得。整體黎講都係唔會再回頭既餐廳!評分:食物:3/10態度:4/10環境:5/10性價比:2/10總分:14/40 (唔合格)

屯門新墟食肆林立，BYOB cafe 我幫襯過幾次，主要係佢啲食物有心機，環境又好。老細係愛單車之人，落地大玻璃窗也方便睇住泊街嘅單車。佢午市主打各式意粉。亦有薯條，沙律之類的輕食和大份嘅主食如焗豬手。一班朋友或一丁友都方便。Order 要自己去櫃台落，即叫即做，唔收加一。每款意粉都係$60~80, 以做到Al Dente口感計係非常合理。飲品就要另外叫，約$20~30. 我唔係咖啡人，但睇得出佢呢方面都幾得體。黑松露芝士焗薯角（$38) 呢味餸只要新鮮即焗，已經無得輸。薯角夠香脆，黑松露醬同芝士係最佳拍檔，邪惡得嚟物有所值。「大蝦闊條麵」係人氣no.1之選。四隻用香草，牛油，蒜蓉調味再煎香嘅大蝦，加上用上忌廉同炒嘅闊條麵，香氣四溢，食唔停口。「墨汁海鮮意粉」啲海鮮一啲都唔馬虎，魚柳，青口，魷魚同大蝦都夠晒大隻兼肉質緊實，味道唔似普通嘅急凍海鮮。墨汁有鮮味，不會太咸。「明太子帶子意粉」和風嘅明太子撈落意粉，加上木魚絲同帶子，係比較淡口嘅選擇。個人都係比較鍾意上面嗰兩款意粉。

閒日中午1點幾黎到都唔算太多人即使一行六、七人亦好快能入座咖啡廳採用自助形式由落單到攞餐具都係由客人一手包辦店內更設有水機 客人可以按自己所需取水值得欣賞既係 店家係水機到貼左張紙 提醒客人要珍惜食水按自己需要取水 值得一讚lunch menu以pasta為主 有5-6款選擇既有意粉店常見既carbonara 亦有海鮮類同素食意粉而向來熱愛黑松露既我就叫左黑松露雜菌意粉未食時已經聞到陣陣黑松露香味一食之下更感驚喜!幾乎每條意粉都能沾上醬汁醬汁以黑松露加忌廉打成creamy之餘亦非常濃稠食落會有種漿住個口既感覺 可見濃度有幾高!! 意粉帶點咸香 所以食落唔會好膩加上意粉裡面有好多菌類 整體既味道變得更為豐富面層亦有兩條竹筍 味道爽甜又起到裝飾效果!唯獨意粉硬度未拿捏得好 有少少淋身建議可以再煮得硬身少許 相信會更好食!佢既咖啡聽講品質幾好不過今次就冇試到 有機會會再去試!

自己很愛吃意粉，見到屯門開了新餐廳，很快便去試了。明太子意粉，賣相十分吸引，而且材料十足，但吃落口後卻感到味道不夠，有點過淡，是甜味酸味還是咸味都不太吃得出來。不過帶子大大粒，煎得剛好，表面再加了些木魚，十分好吃。

今天是中秋正日，沒理由虧待自己，當然要吃點好的。原本打算來紅橋嚐嚐餃子與章魚燒，恰好這兩間店都休息，無緣品嚐。不過紅橋還有很多小店選擇，不少我都未吃過，從中再挑選就好。最後我去了BYOB Coffee Roaster，因為我挺喜歡它的簡約風格，假期就是要輕輕鬆鬆嘛。店內頗有空間感，不是密麻麻的桌椅，佈置上簡潔不花巧，反而在廚具上花上心思，看得出這店所追求的是食物質素。這裡點餐流程很簡單，半自助形式，先自行找位子，在下單時說出枱號，之後自己再取餐具，餐點則由店員送上。做法方便餐廳也方便食客，店員可更專注烹調食物。看看餐牌，意粉方面有七款可選，並各有它的風味，不少都是我喜歡的味道。在我細想之下，蕃茄忌廉蟹肉寬條麵最合我的味兒，吃些開胃的口味。茶方面本身想喝大吉嶺玫瑰，可惜已經售罄，唯有另選蝴蝶夫人綠茶，直覺上淡雅清茶配蕃茄忌廉蟹肉寬條麵蠻相配的，我滿心期待著。熱水沖泡出來的蝴蝶夫人綠茶茶底聞來十分幽香，有些熱茶聞起時雖香，喝進口卻沒有甚麼味道，而蝴蝶夫人綠茶入口仍有不錯的茶甘味。蕃茄忌廉蟹肉寬條麵份量十足，不論是蟹肉或是蟹籽和寬條麵如「火焰山」般高，而且用料實在，蟹肉更使用肥美的蟹鉗部份。

今日同事帶咗我去試依間佢話唔錯嘅餐廳，話係食pasta嘅～中午十二點去到， 剛開舖。點餐時都陸續有人入座，都幾旺場喎！我地一行五人，每人點咗個pasta同飲品！首先黎到既係墨魚汁海鮮意粉 ($88), 份量比我想像中大兜! 味道方面比較咸, 但程度仲係可接受既!個魚都係偏咸!之後就係試大蝦闊條麵 ($78), 個名好簡單, 但食落有驚喜喎入面有好多蒜粒, 味道唔會太咸, 好香口呀!再黎既黑松露雜菌意粉 ($68), 一黎到就聞到超濃既黑松露味, 鐘意黑松露既話真係唔好錯過呀!味道恰到好處, 價錢都合理!跟住既蓄茄忌廉蟹肉寬條麵 ($88) 係我既最愛呀!! 廚師落既材料一d都唔孤寒, 有超多蟹肉響入面, 同d麵一齊食真係啖啖肉架!!平時唔多鐘意食蕃茄pasta既我都好滿意, 整體唔太酸!最後既欖油蜆肉意粉($78) 就比較失色喇, 可能前面幾個pasta太濃味, 所以食依個既時候只係聞到少少香草味, 食落好似太淡咁, 比較岩鐘意清淡既人!整體來說, 性價比都幾高, 下次有機會會再黎拜訪啊!  

每個週末只想懶慵的過，或是到咖啡店過慢時光，只是屯門的咖啡店選擇不多，而像BYOB Coffee Roaster如此規模的更是少有，正因如此，BYOB在小區裏算是小有名氣，相信除了屯門咖啡店難求以外，親民價錢也令這家小店很受歡迎。也許是咖啡店已有固定的落處，即使知道BYOB 已有一些日子，卻是昨天才有了到訪的念頭。周末下午的BYOB是人滿之患，難得的是有不少食桌，等位也未算太費時。水泥的牆身營造簡約的工業風，木系桌椅、綠色植物加上日光感覺溫暖，如此簡約、自然、舒適的環境，誠然很適合周末來放空。BYOB的主打，是簡單的家庭風意粉，也有數款健康清新的沙律，咖啡師都是擁有專業資格的，咖啡的選擇眾多，意式咖啡以外也有手沖咖啡，但更難得的是供應TWG靚茶，還是最Signature的口味，來個英式下午茶也不錯。喜歡這家牛油果華道夫沙律($68)，instagramable的花形牛油果，聽說自製牛油果花一點也不困難，但對於手殘的我來說就是難事了。新鮮的牛油果、蘋果片、紫葡萄、車厘茄、生菜片，配以和風沙律醬，感覺甜美清新，定價也算合理。香蒜橄欖油紐西蘭小蜆意粉($78)，家庭風的意粉口味不會太濃，愛重

約左朋友傾野, 就佢近屋企附近.屯門對我黎講係零認識呀!! 冇人帶我都唔識黎~黎到呢度時8點幾... 得返一台人.可能就黎收工, 呢度D燈光都幾暗~我地一行3人黎到同包場冇乜分別~呢度以輕食為主~ 係自肋形式既,落ORDER 畀哂$ 再慢慢等..我叫左黑松露雜菌意粉 $68. 跟餐叫飲品可減$5~ 味道不過不失~ 不過就冇話好香既黑松露飄埋黎~ 煮得又唔算油~整體唔太差~朋友叫既.北海道帆立貝明太子意粉. $98.呢個睇落唔錯, 好CREAMY 咁~ 不過我唔食明太子, 所以PASS~香蒜欖油小蜆意粉.$78睇落好似都幾吸引!!朋友轉左杯MOCHA~~~~原本我地諗住呢度可以舒服D 慢慢傾, 但之後慢慢FEEL 到好似得返我地一台, 阻住人收工..都唔係好傾得到....(我都係E家睇返先知呢度收九點...)如果可以早D 黎, 呢度都係一個唔錯既地方. 坐位闊落唔迫~坐得好舒服~

一直係instagram見到呢間西餐廳既相都好吸引 想試好耐!!!!今日經過呢頭 決定試試佢😋餐廳行工業風 都幾舒服😌黎之前都知menu選擇唔係好多但覺得款款意粉都好吸引😍最後決定叫左蕃茄忌廉蟹肉寬條麵$88同北海道帆立貝明太子意粉$98蟹肉好足料 但唔算好重蕃茄味覺得可以濃多小小 個味道有小許差dd明太子意粉都唔錯 但可惜得2粒帶子整體價錢 屯門黎講其實小貴有小小失望 個味道硬係差咁d☹️同埋如果有set dinner會開心d🙈但感覺到係用心既小店 值得支持👍🏻

接左女朋友放工後，原本打算到景峰食d小食就算，不過離遠就比佢嘅裝修吸引左，是一間走工業風格的coffee shop。坐入去，環境優美、寧靜，燈光偏暗但整個氣氛很舒服。望一望menu，由於只得文字，沒有任何相片，要自行再上網search圖片，建議menu加番相片會更方便食客。最終選擇了蕃茄蟹肉忌廉寬意粉同帆立貝明太子意粉。每碟的份量都足夠，不會太少亦不會太多，蟹肉很多，毫不留情🤩帆立貝意粉略嫌味道不夠濃，但帆立貝剪到半熟，非常美味！

多謝各老闆進駐紅橋，因太近我家，隨時隨地想黎就黎，紅橋第三間cafe了， 仲係隔離左右，前者兩間都試過，呢間就第二次黎， 上次黎只係試啡，今次係見到朋友既食相而黎，指定一定要試佢地既牛油果萍果沙律，再叫了松露香菇意粉，一食之下，連我嘴刁既朋友都讚好好食，賣相精美味道食材都值得推介既！ 不過初初上菜時意粉竟上先好古怪，佢地主打應該係食物，我認為應該都要有質量既咖啡同多點飲品種類供應，如果係的話就完美喇！！

Staff態度麻麻，擺低食物唔出聲，欠缺笑容環境唔錯，枱與枱之間有距離，空間感夠，坐得舒服食物方面點左橄欖油蜆肉炒意粉同蕃茄忌廉蟹肉意粉，蟹肉Pasta唔錯，面頭有一大堆蟹籽，蜆肉意粉就一般，味道略淡上菜有少少慢，上左一個pasta要等十分鐘先上第二個pasta，變左兩個人食完一個到一個當日小食暫停，無得試飲品點左凍朱古力及hazelnut latte，朱古力唔太濃，hazelnut latte就一般，好過starbucks少少