BYOB Coffee Roaster

营业中

休息中

本來食另一間，試下新野，但冇開。所以又黎呢間我幾鍾意既cafe。呢間cafe係先去counter俾錢買野，話佢知你坐邊張枱，佢就再送到。水同餐具都係自己拎。我叫左蒜香欖油小蜆意粉，朋友叫左墨魚汁海鮮意粉，兩碟都有水準！墨魚汁當然食到好黑，但同時顯得出足料，比一般食既墨魚汁意粉既texture更濃，有蝦、青口、魚柳，海鮮意粉黎講都叫交足功課；欖油意粉都好夠味，同埋蜆都好新鮮，雖然係細蜆，但舖滿碟感覺好良好，起碼睇同食到一定份量既蜆。特別一提，鍾意呢間cafe唔太密密麻麻，而係位與位之間都好有空間。可能唯有喺呢啲小社區既舖位先做到，希望佢地可以一直做落去啦！