BYOB Coffee Roaster

营业中

休息中

平日晚上八點去食，唔洗等位，餐廳都幾闊落，岩哂食下野傾下計。叫左個牛油果蘋果沙律，最鐘意啲醋，同啲蘋果好match,另外仲有合桃係面 ,好好食。另外仲叫左個明太子帶子意粉，啲明太子多到每一啖都有，十分足料！下次再encore

因為是黃店的關係，到場支持一下。餐廳位置不算易到達，但也不算很難才找到。環境不錯，略嫌冷氣可大點。點了五款意粉，味道大致可以😄特別愛卡邦尼和明太子，好味道。不過只有意粉，沙律，和豬手，如果有其他小食會更吸引。

虹橋一向都多小鋪同好野食，今次經過呢間byob覺得個裝修幾吸引，幾文青，而且入邊都幾多客人，就決定入去試下佢！呢到係冇lunch set既，全部都係要散叫，所以相對之下夜晚呢會比較抵。其實一入鋪頭就聞到好香黑松露味，咁身為黑松露迷既我就梗係諗到唔諗，直接叫呢個果松露意粉啦！😍😍呢到檯面都真係聞到好香既😢只不過一食落口....黑松露味完全冇聞落咁香，都幾淡下，而且意粉煮得太淋，好易斷，完全冇口感🙁諗住呢個招牌闊條麵會好食啲😢點知入同樣都係煮得太淋。不過個醬汁調味係好食既，而且好多蟹籽蟹肉，都算足料既。

係屯門要搵小店就要離開市中心身為屯門人發現虹橋多左小店繼2間比較出名既咖啡店之外今次朋友介紹我地去呢間慶祝生日我地5點幾去到佢地準備中但都肯俾我地坐住等，都算唔錯既去到見地方都幾大，坐得幾舒服見到個餐牌就主要食意粉，沙律Lunch同dinner都一樣價錢同選擇咁計落就好似食晚餐抵d~~我地叫左2款意大利粉，1個沙律同一隻豬手見佢個廚房唔算大，但係又估唔到handle到咁大間餐廳既野食唔駛等好耐就有得食喇！意大利粉同沙律都好好食意大利粉煮得乾身，唔會過軟口感唔錯，出奇地係有水準既～加上佢既醬汁味道唔會過咸，調味得唔錯煮的幾有心機，加分不少呢沙律就覺得份量少d,價錢相若叫意粉比較抵之後豬手就上枱喇～比想像中大隻切開後份量都幾多，好彩有男仔係度幫手食味道就真係相對咸左少少，送酒比較好飲品方面我叫左杯茶$28但佢個杯好細，真係2啖就飲完覺得好唔抵....多數餐廳都會有茶包可以加熱水呢方便可以改善下就好了因為有朋友生日，試左佢3款蛋糕味道唔錯唔會太甜，佢地仲好好咁加左蠟燭俾我地

次次經過BYOB都好多人等位，終於約左個朋友去試下！夜晚7點幾去到門口已經好多人等緊位拎左飛要等8張，所以周圍行下見附近都幾多小店行左陣就係門口長櫈坐低等位成日好大陣黑松露味飄出黎。好香差唔多到我地既時候 店員會問定我地要唔要豬手因為豬手係招牌菜之一加上即叫即焗 所以幫我地落定order 大約過多陣就有位入面裝修幾簡單、 d檯擺得幾鬆動下坐得都幾舒服無加一、 所以要自己去收銀落order順便比埋錢，同要自己拎餐具 水 餐牌上款式唔多 無小食得意粉 salad 豬手 咖啡 茶我地Order左大蝦闊條麵 黑啤焗豬手 2杯凍朱古力過左5分鐘到， 朱古力到凍朱古力 冰唔多 唔會好凍 麥芽味較重 唔太甜 過多陣大蝦意粉都到份量正常大蝦有4隻 都幾大隻 好彈牙 意粉軟硬適中 略嫌有少少唔夠juicy 但都已經叫合格 唔錯過多15分鐘到 豬手到 豬手唔係脆皮個種好大隻 2個女仔一定食唔晒肉好淋 但芥末醬比得唔夠食唔出黑啤味 甜甜地 食左一大半 已經飽到上心口淨到既 朋友+$2拎外賣盒連骨打包走完全無浪費店舖9:00pm就唔接客我同朋友坐到9:40pm店員告知收9:45pm咁我地都即刻走人 見餐牌個牛

於附近戲院看電影後與朋友閒步至BYOB，記得有一天平日下午特意來卻撲空沒開門，幸好今次有開門！位處新墟輕鐵站附近，附近均為街坊店，所以下午茶於此閑坐甚美好。走過隧道左轉就是BYOB，裝修似採工業風，樓底高，座位之間有距離，談天不怕人聽到，哈哈。當天為暑假平日，人流不算多。店採用至櫃位點餐及付款方式，再有服務員送餐點，不需要加一服務費，餐點價錢中等。是次與朋友各點一個主菜及一杯飲品，食物份量頗多，飲品有水準。我點了寬條粉，蟹肉碎平均全碟粉，上面魚子與粉同吃好夾，份量真係多，大食如我都未能吃畢整碟粉，吃到後期稍嫌膩。朋友點的，我當然有試食，味道就是平日吃到的屬美味的松露雜菌意粉，哈哈，如果意粉可煮得更有彈性便好，此碟份量則好夠一個正常食量的女生。朋友點了抹茶🍵飲品，而我點了鮮奶咖啡，拉花圖案好療癒，味道不算太濃，剛好，過猶不及。下次想試BYOB的沙律系列，牛油果及無花果看上去都很吸引呢！

It has been a while I didn’t visit this restaurant. As far as I remembered, servers got altitude but in a good way. Nice to have a revisit.The squid ink pasta with seafood is tasty. It is a little bit too salty for me. Assorted seafood like shrimp, fish, mussels and squid can be found. The spaghetti itself is al dente and is with garlicky aroma.The crab meat fettuccine is more in the creamy side. Crab eggs are crunchy and give an extra texture to the pasta. The crab meat itself is tasty and is n

和同事去食lunch, 食物係冇問題但係由一落單開始就俾人命令式咁serve落order 唔俾落單住一定要你話俾佢聽你坐邊先餐具自助其實冇問題，但剩係擺咗叉出嚟又唔擺匙羹得小朋友用的匙羹咁唯有攞小朋友匙羹啦點知一攞起就俾個waiter喝止，話＂嚟個係小朋友用嘅，放!低！問！我！攞！＂我食個飯都冇預你serve 我你喝我？重要同我講＂我哋係咁架啦＂真係呆曬...講嘢無尾音，一句唔該多謝都冇我真係食得好嬲囉如果唔係我D同事D野食未嚟齊我驚你會加料,我現場爆咗你好耐啦！

——————————————————呢間BYOB 係屯門都開咗一段時間，舖位都好大，落地式玻璃工業風裝修，晏晝嘆啡好RELAX!夜晚就比較多人～—————————————————🔹蕃茄蟹肉忌廉意粉 ($88)🔹北海道帆立貝明太子意粉 ($98).呢個意粉係小店招牌作！好耐之前已經想試～蕃茄切成顆粒，酸酸甜甜，撈埋蟹肉碎，用闊條麵比一般意粉掛到更多忌廉汁，好creamy好滿足🥰但又唔會過分飽滯，必食！😬.明太子中毒粉紅色好鬼靚！帆立貝新鮮大粒，不過意粉彈牙程度可以再加強！🤪..

今日嚟到呢間西餐叫咗個豬手同皇冠婚禮飲品，味道唔錯，我哋見隔離枱啲豬手好大隻所以就叫左，啲肉都有味同夠林，唔算太鞋，啲皮都脆，汁係芥茉，至於杯嘢飲好香味道都唔錯，我哋入去嘅時候都爆場。食嘢唔使+1服務費，啲位都幾好坐，價錢都唔貴，值得推介。

搬左番屯門住之後，繼續係屯門搵好野食🥰呢間係朋友推薦嘅cafe，有好嘢食，有正coffee飲。因為係夜晚，我驚飲完咖啡訓唔著，所以無叫到最出名既咖啡黎飲，下次搵個晏就一定要黎嘆番杯coffee🤣餐廳主要係自助模式，自己出去俾錢買完之後，閂埋位等嘢食度，可以自己斟水飲，自己拎餐具同紙巾～有好幾款唔同嘅招牌意粉，我哋就叫咗黑松露野菌意粉，黑松露好香，加上海量嘅野菌，意粉嘅軟硬度適中，好入味，非常好食！😍「明太子帶子意粉」明太子醬汁好濃郁，仲有粒粒粉紅色既明太子，夠哂足料，帶子大粒，咬落去少少彈牙，整體黎講都好出色！😆住喺屯門嘅朋友一定要黎食下！🥳

今日10月10號，專登擇左間小店去懲罰下佢！雖然間野吾細，但黑麻麻又吾熟個頭既路只能靠地圖搵呢間野。一入到去都full左8成，都係吾知道自助搵位，而店員都係直行直過（因為都忙）。感覺吾係所講既咁chill....搵左位之後，出去counter俾錢叫野食，呢間野係無小食選擇，只有意粉🍝同沙律，吾算話多選擇。所以就叫左個卡邦尼意粉（$68）。雖然份量吾算多，但我覺得好食喎，意粉煮得岩岩好，吾會話好淋，亦都好creamy。再叫左個雞胸凱撒沙律🥗 （$58），呢個不過不失，對比意粉黎講，就真係吾值咁既價錢。至於杯西柚汁（$25），正常發揮喇。而（杯）伯爵茶（$28），就真心貴喇，好小既一杯。如果有set dinner會更好，散叫吾係咁抵。同埋選擇可以再多d。

對於一個喜歡食西餐勁喎，對even嘅質素都唔係好要求，屯門呢一區其實真係冇咩特別有質素嘅意粉，經過朋友介紹嘅，今次嚟到呢一度試吓嘅意粉，其實佢嘅意粉亦都唔算太平動輒也要八十幾$90.1個，我就叫左一個明太子意粉，佢叫完之後會即時炒俾我睇，但係呢度嘅主要都係要自己去攞餐具自己去攞餸菜，其實以呢個價錢來講真係有點小貴，不過去呢度以簡約為主， 對於一啲文清嚟講係一個唔錯嘅選擇地方，食完意粉去睇一睇書，甚至享受一杯咖啡，一個下晝已經好好嘅唔錯選擇

每次都係為左豬手要黎食。好好食！ 雖然要等8個字倒製作，但係好值！ 可以話呢個係招牌呀～ 好入味！大蝦🍤意粉，蝦夠份量夠大隻，意粉係好好好入味，粉量岩岩好！經典卡邦尼，個汁好濃好夠味，結結地既，唔想咁結身可以唔好撈隻蛋！ 呢個推介，好食過出面好多所謂卡邦尼！墨魚汁海鮮意粉，有蝦、魚、青口&魷魚。我覺得個魚最好食！ 墨魚汁好濃，都係結結地身！廚房&cashier 位置。要自己出去買的，買完佢送野食過黎。餐具、水都係自己搞掂，所以佢唔收+1架！

今日行完山返回屯門，梗係搵間好嘢食啦，行過見到呢間coffee shop好大間，裝修好似好relax大幅玻璃設計加強光線及座位擺放闊落唔焗促.叫左個無花果藍莓沙律（$68）賣相精緻，無花果厚身都大隻，份量不少，相反藍莓比較細粒加上味道超酸，配合日式芝麻醋，酸酸地好開胃。意粉叫左黑松露雜菇意粉（$68）賣相唔錯，充滿濃濃嘅黑松露味道，忌廉味不太突出，露筍加上雜菇，份量夠大，層次豐富，性價比高。是一間可以回頭嘅coffee shop 值得推介。