BYOB Coffee Roaster

营业中

休息中

是日喺返屯門區搵食一行四人尋找黃店去到等左一陣 齊人探熱後就可以入座啦輕輕食 傾下計店內裝修簡單舒服 環境幾寬敞呀先付款下單 慢慢坐開放式廚房 一入到去就聞到香味喇Dirty - 熱咖啡好香 加上冰凍鮮奶 又香又滑推介！松露意粉🍝 好香 好creamy 份量足夠！招牌沙律 - 甜甜嘅醬汁 加上配料爽爽嘅口感 好fresh既感覺！個人好喜歡呢個沙律！三文魚沙律 - 比較下較普通 但味道OK!屯門區嘅可以一戰！經濟之選，齊人先可以入座呀，醫護有折扣

周六晚餐廳外有約十人分3台排隊，不設派籌，等了20分鐘左右。今次點了明太子意粉，三文魚沙律，和銀月綠茶。意粉份量細，男人食會唔夠，不過明太子推滿了意粉面，意粉都好入味。我本來就打算之後去別店食甜品，所以就無所謂了。銀月綠茶是一種花茶，淡淡清香，配精緻茶具，好高雅。但不知是否餐廳設計問題，人不多卻嘈到像茶樓一樣，想寧靜享茶就好難，不過和朋友談話就肯定別台聽不見。

我本來打算幫手懲罰黃店... 但係我食完呢間野之後覺得...唔係黃店就要幫手懲罰既...都要睇質素既...我食lunch既, D野食唔差係大碟既, 但係價錢偏貴仲要冇set...D店員態度唔太好, 喂人去收銀個邊量體溫...點解唔貼張告示係門口, 叫人入店就去左收銀個邊量體溫先搵位...開放式廚房個抽酒煙機好嘈又冇咩用... cafe 黎講真係好嘈...食完成身油煙味走...

其實已經好耐冇食呢間舖頭～屯門來講真係好少Cafe，以前突然Cafe癮發作都會去食下。但自從連續俾個廚窒左兩次之後，我冇再去啦。首先講嘢食，其實唔係唔好味，我哋全家人都覺得ok，先會食咗幾次。不過所有都係港式材料煮法，帶子/雜菌加個汁咁(個汁都算creamy)。想食平時常見嘅pasta/risotto 配搭嘅菜式，而唔係蕃茄溝忌廉咁煮(利伸：可能我少見識)或者好注重蘑菇香唔香，洋蔥有冇caramelised，carbonara texture係點就唔好去食～不過我明嘅，始終好賣先係重點，口味可能比較切合香港鍾意嘅味道，其實只係類別問題。All day breakfast/ brunch類別完全係冇嘅，可以去對面嗰間（雖然舖頭係冇咁大😌）由於我至少食咗三次，個post都太長啦，再寫落去真係有排都睇唔晒，所以我覺得我要開多個post講吓究竟服務態度發生咗咩事。

難得有朋友相約，帶佢地去呢間平民西餐廳試一試，性價比高，質素不比連鎖店差。四人叫一個帶子蟹子意粉，一個卡邦尼意粉，一隻慢煮啤酒豬手，一碟水牛城雞翼同埋黑松露薯角，四杯野飲。唔記得影粒帶子賣相一流，食落去有淡淡既芝士味，不俗。啖啖肉，軟硬適中，食肉獸之選。芝士黑松露薯角，新鮮做起，舊舊薯角都熱辣辣，黑松露味又唔會大搶，值得推薦。污糟咖啡 dirty cappuccino左係冰咖啡 右係焦糖咖啡

今日冇返office，就打算附近搵間cafe 做嘢。order 咗杯咖啡，坐咗40分鐘，就因為有人排緊隊被趕走。其實去得cafe，一般都係做下嘢，隔一陣再order d 嘢食or 再叫多杯嘢飲。做做下嘢，40分鐘就話要交枱，真係好匪夷所思。我都知生意難做，亦都冇打算$40 霸你成日枱。請留意去cafe 幫襯嘅客戶心態。如果係要限時，請入座就講好，大家可以選擇去第二間。一飲完就趕走，我會以爲自己去做澳牛。雖然好小事，但以後應該唔會再幫襯。

🦀蕃茄忌廉蟹肉寬條麵 $88食材新鮮 面頭嘅蟹籽好大粒 好爽脆🤤蕃茄連皮經過烤熟 混合埋一絲絲嘅蟹肉撈匀晒嚟食 每一啖都帶有微微嘅海水味醬汁以蕃茄甜味為主調 忌廉味比較輕身寛條麵有咬口 整體係濃郁得嚟又夠清爽不過個人就偏好忌廉黏口嗰種油膩感🌛. 🐖德國黑麥啤慢煮鹹豬手 $138超誇張！製作需時要四十分鐘 但係值得以黑啤慢煮而成 就算肉身咁厚都冇騷味油份同肉嘅比例岩岩好 唔會去到好肥膩焗嘅時間偏短 所以豬皮嘅質感幾煙韌🤤皮脂下帶有滿滿嘅膠質 唔會整到好熱氣仲有拌碟嘅烤翠玉瓜 同西蘭花很好吃🥦食膩咗可以蘸黃芥末 絕對係大胃王之選！

井財街有唔少黃店本身唔係打算黎呢間不過其他想試果啲都無開所以無得揀不過都好呢間未試過餐牌選擇唔多同係意粉/沙律係all day meun無lunch set- 黑松露雜菌意粉$68（ 三個入面最好食係呢個， 濃濃嘅黑松露忌廉醬， 包住每一吋意粉同磨菇）- 海鮮墨魚汁意粉 $88（ 我好鍾意食墨汁，有嘅一定會試，呢個味就無咩太特別，少少鹹，有唔同海鮮鋪面）- 大蝦寬條麵 $78（ 三個入面最清淡，淨係食到少少芝士味，3隻大蝦擺面，最唔值得試）份量都算大起碼有一碗半嘅份量

屯門紅橋出名多野食，今次就黎試下呢間半快餐店式嘅cafe☕️今次黎到見到餐廳門口都有唔少人排隊等候，不過因為店舖比較大，所以十五分鐘左右就可以安排到入座！一入到去，店員就會俾個menu你，揀好野食之後就自己出去櫃枱點菜，點完之後就係旁邊自己拎餐具🍴同水！以呢個價錢食到呢個質素嘅食物，性價比都幾高，不過食完返到屋企都幾口渴，食物整體黎講比較濃味！**********<蕃茄忌廉蟹肉闊條麵> $88一望落餐牌，意粉類大部份都係以忌廉汁做主打，略嫌類別比較少！講返個闊條麵，蟹肉🦀份量都幾足，不過食落會有少少蟹殼，蕃茄汁帶有微酸，都算開胃🍅**********<德國黑麥啤慢煮咸豬手> $138咸豬手🍖份量極大，2個人黎食都夠！切開隻豬手，可能因為係慢煮嘅關係，肉質淋身而且一啲都唔老！但美中不足嘅係，豬手嘅皮都好淋身食落唔脆，如果可以焗耐少少，個皮脆身啲就好好食！

虹橋附近好多黃店 💛今日帶媽媽去左BYOB 試試d 野食🤩間店都幾大 好寬闊 D台都相隔幾遠 （岩曬呢D非常時期）👍🏼💯今次試左個番茄忌廉蟹肉意粉 （$88）同 大蝦寬條麵 （$78）個番茄忌廉蟹肉意粉🍅🦀好正 好多次 爆多蟹子 勁抵食大蝦寬條麵🦐相比下就唔咁出色 不過都唔錯再加左杯matcha 🍵latte 有點甜 但matcha 味好濃💚環境都唔錯 幾chill 😊D staff 都好friendly 🥰總之 正正正 值得再去

平日番工番到攰，星期六日一定要訓番夠本，雖然晏咗起身，但第一餐點都唔可以求其，就搵咗間Cafe 諗住relax一下，食番個brunch。依間位於紅橋既cafe，以灰黑色為主調，灰色既水泥牆，黑色既（門？牆？）框，配埋啲射燈，設計都幾時尚，但唔知係咪樓底問題，有時覺得佢回音幾大，隔離枱人大聲少少講嘢都會覺得好嘈咁。餐廳係半自助嘅形式，要自已去cashier叫咗嘢食，同拎餐具先，嘢食煮好咗，就會送到你面前架啦。叫咗個卡邦尼意粉，份量適中，亦都好Creamy，$68都算可以接受。另外仲叫咗杯Cappuccino，都係正正常常咗啦，但佢用咗我鐘意既黃色杯，成件事額外再加咗分。

屯門虹橋嘅食店林立，今日就嚟到一間coffee shop呢度採用嘅係半自助形式首先落單然後取自己所需嘅食具，同埋自行搵座位最主要我係俾佢嗰個番茄忌廉蟹肉闊條麵所吸引呢個闊條麵一上枱我就已經心心眼左因為佢嘅蟹籽鋪滿左係闊條麵上面而蟹肉呢亦都明顯有好多賣相已經好高分啦！到食落口嘅時候呢，蟹肉的確呢唔會好腥，而闊條麵呢嘅口感唔會好林，配上蟹籽咬落去好有口感另一款我哋嗌左大蝦闊條麵佢嘅賣相雖然冇錢寫咁靚但係呢都唔差㗎呢個闊條麵係以蘑菇白汁做底非常之香滑

嚟到屯門，去左搵間中價黃店幫襯下！入去自己拎menu叫order, 之後就會有店員送過嚟！叫左水牛雞翼，不錯但可以辣啲！黑松露雜菌露筍意粉，黑松露味道濃郁，正！大蝦闊條麵，都有4，5隻蝦，啖啖肉，味道不錯，鍾意辣可以落辣椒仔！咖啡叫左佢個BYOB coffee比較酸，唔鍾意，但熱愛咖啡嘅愛好者可能會鍾意嘅，可惜我唔係🤣餐廳環境都幾舒服，枱夠大，地方都夠大👍🏻年輕人style, 都幾vintage㗎

My husband and I came here on a Friday afternoon and the place was busy but seating was well spread out. The place is pretty big for HK and has nice seating. The menu is pretty small but the food we had was good. The price is really good worth for the food you get. The host who greeted us was very nice and spoke decent English. English menu is available but could not tell what the specials were. The coffee was delicious here! Two recommendations for the cafe: 1. Display the cakes and desserts. 2

疫情下，來到屯門吃午餐，想搵一間比較寬躺的食店，咖啡控又想喝咖啡所以就選了Cafe。這間Cafe空間夠寬敞，坐得比較舒服自在，這間Cafe是採用半自助式服務的，首先要到收銀處下單，之後店員就會把食物拿到你的位置。下單後，食物很快就準備好，咖啡是手調的，因此要等候一下。點了2款招牌菜，蕃茄忌廉蟹肉寬條麵，一大堆的蟹籽非常搶眼，令整碟寬條麵的顏色非常colorful 爽口的蟹籽加蟹肉非常不錯。餐牌更溫提客人寬條麵是先鮮蟹肉，因此有機會有蟹殼，要小心啊雞胸凱撒沙律，滿滿的雞胸鋪滿了整碟沙律，雞胸肉質結實，只是黑椒略嫌重手了一點。