BYOB Coffee Roaster

营业中

休息中

聽朋友講呢間咖啡好飲今日順路黎左試試佢 等左5分鐘就有位嗌左一杯dirty 一杯手沖咖啡geisha同北海道帆立貝意粉 蕃茄忌廉蟹肉寬條麵整體來講有驚喜，首推呢度嘅手沖咖啡好好飲 geisha 都係$78 簡好要咩豆後 佢磨完豆會拎比你聞 好貼心嘅服務。 杯野上黎係琥珀色 好清 飲落冇平時手沖好驚個陣好酸既咖啡味 好香 果香同花香味， 大推！第二 北海道帆立貝意粉好食 水準以上既咖啡店食物 好足料 用左北海道帆立貝刺身黎略略煎過後放上去 入口好嫩好juicy 另外啖啖都有明太子 好掛汁 好食！ 另外杯dirty都幾好飲 一黎到面頭個crema好靚 雖然比個待應拎黎個陣朗左幾下 冇咗好dirty既感覺 第一啖就飲到啡既香滑同奶既甜味 蕃茄忌廉蟹肉寬條麵 一般 本身見其他叫左黎到好大堆蟹籽而叫 但係味道偏腥 撈埋之後揾唔到味道偏重 食到最後唔係好知食緊咩 但係都足料 好多蟹肉蟹籽。總括嚟講， 咖啡黎講呢間值得一試！ 好飲！ 野食水平都係average 以上， 以cafe food嚟講都抵食！

大概七點多到達餐廳，當時只有兩枱客人，我是第三枱。按照指示先探熱，後使用酒精搓手液，再拿餐牌到位子坐下。到第四枱客人進入餐廳，是一位中年女士，她沒有為意要自行探熱，便直進餐廳。當時一位男侍應很大聲呼喝她。其實將心比己，溫柔地提醒一下客人並無不可，但如此態度，值得商榷。因為餐廳是自助型式所有餐具都需要自取拿畢餐具想多拿兩隻碟用以分享食物正當我伸出手拿餐碟時，有一女侍應大聲呼喝我：「你想拎咩呀？」我：「唔好意思...我想拎兩隻碟用....」女侍應：「唔係呢啲碟囉，唔係係度拎架，係收銀果邊拎架！」我：「........」女侍應：遞出兩隻碟給我，再附上一句「下次問我地拎呀！」客人第一次光臨，就有如此對待，想說支持黃店，支持黃色經濟圈.....但很抱歉，絕不會再光顧了叫了兩樣食物煙三文魚沙律沙律新鮮 三文魚份量正常擺盤幾靚帆立貝明太子意粉味道足夠 帶子仍juicy 但表面加上柴魚，明顯同明太子味道有衝突唔加比較好只談食物的話，尚算接受得到但假如要受氣的話，不了

上次黎虹橋食飯見到呢間Cafe已經想試 枱與枱之間都分得幾開 所以都坐得舒服 呢度主張半自助形式 客人去收銀落單拎水拎餐具 收銀個位店員我都唔知話佢cool定串 但比我既感覺係串😂食物種類唔算多 Pasta基本上用忌廉汁 大蝦寬條麵$78有4隻蝦 煎得好有鑊氣 爽口彈牙 好食 寬條麵唔會太乾身 軟硬適中蕃茄忌廉蟹肉寬條麵$88賣相都幾吸睛 寬條麵上有好大份蟹子 每條麵條都掛上蟹肉同蕃茄醬 好食 餐牌有溫馨提示有機會出現蟹殼 可惜真係食到幾次蟹殼 不過朋友上次食係無蟹殼既牛油果華道夫沙律$68Plating都幾靚 用牛油果砌左朵花出黎 沙律仲有蘋果片 車厘茄 提子同菜 材料感覺新鮮 醬汁用左日式沙律汁 有少少咸味 感覺似魚生醬油🤣 感覺都幾特別 另外仲有松子粒 幾香口Grand Wedding $50嗌左一壺 可以refill熱水 茶既色水係就係好深色 亦都聞到好大陣桃既香味 但飲落係無乜味😂😂😂 茶味亦欠奉😂😂😂 唯一讚既係個杯好靚🤣Keep住都有客人排隊 所以我地食完都要離開 食物價錢都唔算貴 有機會都會再食

Hello 大家好🙆🏻‍♀️今次要介紹嘅食物就係位於屯門！💛黃店📜”BYOB Coffee Roaster (屯門)📌地址: 屯門青桃徑5號文翔大廈地下2A號舖1️⃣ 黑松露雜菌意粉 $68 (左上)2️⃣卡邦尼意粉$68 (左下)3️⃣挪威煙三文魚沙律 $78 (右上)4️⃣大蝦闊條麵$78 (右下)呢度食嘢要自己出去落單☑️自己拎水同餐具🍴自助為主👀燈光有啲暗但係幾有情調🌹每份意粉都係大大份 😝4個人share都食吾曬🤣KS評分 (5個最高)環境:⭐️⭐️⭐️味道:👅👅👅抵食指數：💰💰💰#kskfoodie #美食推介 #屯門區 #屯門美食 #屯門美食推介 #黃色經濟圈 #hkfoodie #美食分享 #hkfood #美食 #吃貨 #hkfoodig #hkfoodlover #食評 #foodieksk #foodieksk屯門 #hkig #尋找美食 #食 #香港美食 #食好西 #美食好推介 #foodpics #852food #屯門黃店

屯門越黎越多高質素既西餐😍 BYOB Coffee Roaster就係其中一間!! 蕃茄忌廉蟹肉寛條麵 $88好大堆蟹籽呀!! 見到即刻心心眼😍 撈混左真係每一啖都食到蟹籽😋如圖中所見，意粉比較乾身 (唔係我最鍾意既勁creamy sauce) 蕃茄忌廉sauce既味道都好夠，但蟹肉就相對地少左啲，同埋有啲殻!!睇番menu有寫係用新鮮蟹肉烹調，有機會有蟹殻!!證明係新鮮!!德國黑麥啤慢煮咸豬手 $138食肉獸當然要嗌大大隻既咸豬手😍隻豬手真係好大隻!! 見到係黑麥啤好似幾特別，但食落好似無咩黑麥啤味，仲有些少過咸!!送酒係一流既，不過我地2個人又意粉又豬手又雞翼，就覺得有啲滯，食剩一半要打包😂下次真係食得曬先至好嗌😜

之前下午都食過, 覺得呢間D意粉好好味, 有晚去搵屯門朋友食飯, 大家都想食意粉, 就決定推佢入坑. 今次係打電話落單外賣自取, 即叫即做大約20分鍾就可以拎啦!煙鴨胸沙律 ($68)份量足夠, 沙律醬汁酸酸甜甜, 開胃之選. 煙鴨胸配上清新的蕃茄片剛好去除了油膩的感覺.蕃茄忌廉蟹肉寬條麵 ($88)又係超多蟹子灑係上面, 很喜歡寬條麵的口感, 比一般圓意粉更有咬口, 掛汁能力亦比較強. 蕃茄同忌廉很平衡, 唔會有一邊搶左味, 加入了蟹肉為這個寬條麵加入了海水的咸香. 每一口都好讚~同朋友都非常推薦呢一款!北海道帆立貝明太子意粉 ($98)超多明太子既意粉底, 每一口都充滿鮮味, 帆立貝肉厚肥美, 輕輕香煎一下剛剛好, 不會變左縮水帆立貝.幾樣菜都感受到餐廳的高質素廚藝, 每樣的味道都是互相配合把食材的優點都煮出來了. 誠意推薦~ 唯一要提醒既係 午市通常都好多人排隊, 要有心理準備.

一直都知道大西北地區有唔少美食，奈何真係太遠，bookmark左好多餐廳都未的起心肝去試🙈 而呢間💛cafe隻大豬手🐷好吸引又勾返起我條為食癮，想唔遠征去懲罰佢都唔得啦😈.Cafe入面格局雖然簡單，勝在地方闊落坐得舒服☺️ 呢度採半自助形式不設加一股務費，餐牌係入口處度拎，落單行埋去收銀處order就得👌🏻，店員會問返坐邊張檯，當食物同飲品製作好會送上，而餐具🍴/水杯/水擺放係收銀處隔離最近cafe仲做緊優惠🈹，無論堂食定外賣意粉減10蚊，飲品就減5蚊，更加抵食💰.餐牌選擇貴精不貴多，一頁就列晒招牌菜👍🏻 + 6款意粉🍝 + 5款沙律🥗；反而咖啡☕️種類就有唔少，事關呢度有兩位認證國際咖啡質量鑑定師，咖啡品質有保證👍🏻另外幫襯當日cafe仲擺左好大疊 #蘋果日報 📰 係度俾客人自取，撐💛店同時可以睇好報，一舉兩得😆******************************✨蕃茄忌廉蟹肉寬條麵🍝 ($88-$10)食意麵最怕醬汁唔夠乾爭爭，呢份寬條麵既蕃茄醬汁🍅適中，酸酸地食落幾開胃😋蟹肉食落唔腥帶幾分鮮味，份量其實都唔少，只係撈埋寬條麵同醬汁之後就覺得唔太夠🙈 而最正既係上面有大量蟹籽令

因為疫情既關係，堂食只限兩人一枱。想找個有足夠枱與枱距離既食肆食個lunch同飲杯咖啡，呢度係唔錯既選擇。但想坐耐d 既傾下計既朋友，呢度就唔係咁啱啦，因為佢有限時，由淨飲/食件cake到食正餐都有不同時限，45mins到個幾鐘不等。呢度主打意粉，即炒係有水準。係街外等位時亦會聞到強烈既香氣。🥶咖啡也不錯，足夠為我一天上到電。牛油果沙律清新好味，牛油果花砌得好靚👍🏻有時晚餐夜左去食就會賣哂🤪

喺全日禁制令之下最後一日食晚餐由於男朋友未食過依一間印象中第一次食嘅時候覺得啲食物非常之難食但係唔知係咪由於廚師轉左人食物品質唔同咗覺得異常地好食唯一唔好嘅就係坐喺餐廳近門口位置同埋有風口吹住啲食物令到啲食物激快速涼左

喺屯門揾到間💛既平價西餐~~住屯門既我同朋友都食過依間好多次下🤤基本每次去同朋友都會叫佢個黑松露同蝦意粉 朋友比較中意佢個黑松露意粉而我就中意佢個寬條麵多啲💛大蝦寬條麵~~寬條麵就咁用橄欖油煮香啲蒜黎煮 食落去好香蒜味 中意香蒜乾炒意粉既人一定會中意💛蝦應該油過 咬落去有小小脆口🤤而個人好口意寬條麵既質感 所以每次去都會叫~~黑松露意粉~~朋友好中意佢地既黑松露意粉 所以基本上每次黎我地都係叫依兩樣野😂😂個意粉既黑松露好多下 吾會好似有啲餐廳俾得好小黑松露 而且佢個汁吾會太多搞到食到最後會好膩 同朋友叫左凍抺茶latte同凍朱古力 抺茶latte同出面飲既大致上一樣~~而朱古力冇飲就吾太清楚😂

個日去到已經有人龍排緊隊 等咗大概15分鐘左右就入得啦 入到去係自己出去嗌野食 本身諗住戒咖啡 點知見到枱枱都嗌咗 忍唔住要飲返杯🤪👉🏻卡邦尼意粉 $68👉🏻北海道帆立貝明太子意粉 $98其實兩碟分量都好多 兩款我都食咗 個人比較喜歡明太子意粉 海量嘅明太子 再配埋大大粒帆立貝 味道比卡邦尼更豐富👉🏻Mocha Baileys $45Baileys味好重 我個人中意齋啡 但對住酒 忍唔住 勝cold brew一籌👉🏻Cold Brew $50見到個樽仔 好有睇西片 d鬼佬飲酒嘅feel😆好特別 唔知有無得拎走 但我就無拎😂😂

咖啡店，是許多客人的心靈休息站，也是許多喜歡咖啡的人追夢及圓夢的地方。而咖啡，可以是好個人的，所以，我很喜歡拜訪咖啡小店，因為許多都有自己的咖啡故事、許多都有充滿個性的主題。這一次，我繼續在井財街、新墟村一帶尋找咖啡店，這一次就在井財街看中了一間比較大間的《BYOB》，我印象中，《BYOB》是 Bring Your Own Bag 的意思。見有趣，也見咖啡師有一份專業同熱誠，決定試一試咖啡，也試一試午餐。地方很大，灰灰暗暗的空間也就是工業風設計帶來的觀感。雖然，工業風的這一個 style，暫時來說仍百看不厭，但近來到過的新派咖啡店同食店，都用上這一個風格，似乎，許多人都只是跟風而已。不過，感覺上，這灰灰的空間感，其實又幾舒服既。說《BYOB》了。這店的《BYOB》，我查找過，是 "Be Your Own Barista" 的意思。在這兒，自己，就是自己的咖啡師。這兒雖然是一間咖啡店，但也有很好的食物，而他們的招牌菜是德國咸豬手。不過，這一定要好早來或者是預訂，因為是每天限量供應的。而且，夠人多才好叫。以我目測，份豬手好大件。所以，我同太太一人一份意粉更好。大蝦寬條麵，濃濃的蝦肉蝦子味完

作為屯門人，BYOB已經去過好幾次，之前一直都好滿意，無論係咖啡、食物定環境，實在係區內數一數二既cafe。都知道一向好受歡迎，星期六下晝4點鐘去都要等位，唔緊要，點知去買咖啡個刻，佢先話只限坐30分鐘⋯⋯ 講真，去得嘆咖啡，有幾何會咁快走？明白你受歡迎，人流多，但希望只少坐1個鐘頭會好啲，30分鐘真係咖啡嚟到飲完就即刻要走，真係好失望。希望可以改善一下，否則又要重新搵過區內嘅好cafe😟見到有好多負面評論都係講服務態度，其實態度唔算好差，只少都好有禮貌，按規矩做咁囉⋯⋯

人生第一次寫食評，比咗BYOB😅時間：1915（1930入座）人數：2人食物：2意粉，2飲品，1小食首先今次係第二次到BYOB食野，上次因為時間尚早，所以不用等位。但等位時間大約15分鐘左右，尚算可以。裝修風格：餐廳裝潢為簡約工業風、簡單、整潔。食物：款式唔多，主食只有7款意粉，5款沙律餐具、水、落餐都係自助式客人需要到櫃面叫餐，然後取餐具完成後，職員會將餐送到枱上。————————分隔線—————————今次點了兩個意粉，一個小食主食一個「蕃茄忌廉蟹肉寬條麵」$88，意粉軟硬程度適中，唔會太軟，有咬口，忌廉味道唔算太濃。蟹籽份量都算多..。優：意粉份量多，蟹籽份量多。劣：忌廉味唔算太濃郁，可能被蕃茄味遮蓋。一個「海鮮墨魚汁意粉」$88，同樣地軟硬程度適中，有咬口。配料上，青口入味質地唔錯，未煮到爛而入味。魚柳及魷魚有種煎出黎既香味，魚柳唔會一夾就散。肉質結實。相比之下，單單墨魚汁意粉可能會容易食到「好漏」但海洋配搭下。又唔太覺。優：意粉份量多，海鮮味道香口；但份量還好。劣：N/A小食一份「芝士黑松露薯角」$45，薯角香口優：薯角香口，份量多，唔會整到好硬，好乾。劣：味道上略嫌唔夠。因

之前黎到都淨係飲野，今次係第一次幫襯晚餐，要企係門口等位，要齊人先可以入，但都有8-10個人係外面等，所以大家最好預返d時間。餐牌選擇唔多，幾款沙律小食，十個主食左右，仲有craft beer。我叫左煙鴨胸沙律，味道唔錯酸酸甜甜，煙鴨胸煎得夠香，配上蕃茄一起不會有肥膩感覺。黑松露芝士薯角，正常，份量十足大蝦忌廉寬條麵，我幾中意d蝦係剝左殼既，夠大只同新鮮，味道方面都幾好，忌廉濃郁所以食物方面整體不錯，係屯門算是比較好又有主食提供的咖啡店。