BYOB Coffee Roaster

营业中

休息中

位於虹橋既 有捐過錢唔熟屯門既路/唔係住嗰頭會覺得好難搵佢地鋪頭好大間 枱與枱又隔得開令你成餐飯都食得好舒服完全無壓迫感一入到去拎個餐牌 諗好食咩出去俾錢叫埋跟住佢就會送上黎$88 勁多好多蜆肉蟹肉蟹籽🥰😍但如果無番茄無洋蔥我會開心啲朋友叫咗個蝦意粉好creamy但食起上黎完全唔會好濟！佢哋嘅份量好多 唔使西餐會食唔飽杯咖啡就普普通通咁 無話特別好飲$126黎講算ok 又唔洗加一如果佢地嗰位置再方便啲我諗我會成日都encore😂

這裏環境非常舒適，空間感十足，服務親切友善！挑選了墨汁海鮮意粉，十分值得一試！墨魚汁鮮、濃，芝士香配合意大利粉，加入四種海鮮包括蝦、魷魚、青口、魚，味道方面唔錯！

✨蕃茄忌廉蟹肉寬條麵🍅（$88）意粉上碟既速度好快，order左一陣就有得食。有一大份蟹籽鋪面，蟹肉分量都幾多，撈埋一齊食每一啖都有蟹肉同蟹籽，亦都食到蕃茄嗰隻酸酸甜甜😉✨北海道帆立貝明太子意粉（$98）2粒帶子煎得岩岩好，唔乾好易咬開。意粉硬度適中，明太子意粉汁好creamy，配埋木魚絲，幾夾👍🏻👉🏻餐廳係Open Kitchen，食完個身會有陣油煙味😌👉🏻上網睇餐廳收10點，我哋大約8點50分到，先得知原來9點30分就關門。可能就黎close所以態度就......哈哈唯有下次預早啲去，唔好阻人收工啦😂

今日夜晚同朋友嚟呢間食，呢間餐廳都幾抵食，意粉只係60蚊起，全日價錢一樣冇分時段。唯獨餐廳的職員態度欠奉，明白多人排隊，佢哋唔憂做，但係態度可唔可以好少少呢？黑口黑面咁，有啲畀錢買難受的感覺撇除職員的態度，佢哋的食物係好食嘅😋德國豬手平時出面食的豬手，總會好鹹。但係呢間唔會，味道好好，皮好脆，值得一試👍🏻黑松露雜菌意粉我本身好鍾意食黑松露，黑松露嘅味好濃好香卡邦尼意粉卡邦尼意粉都好有水準，啲醬汁掛曬喺個意粉度，唔錯墨魚汁海鮮意粉如果味道再濃少少就較好，略嫌味道較淡

這間位於屯門虹橋的Cafe，不經不覺已經開了幾年，每逢假日都會很多人等位，之前都已經吃過幾次，味道很好，環境很舒適。.找位置坐下來，決定吃什麼後，需要直接先付款，然後有職員送餐。水及餐具都需要自己自取。.「挪威煙三文魚沙律」$78🍽：擺盤很美，煙三文魚捲成一朵花，再用沙律菜在外圍擺放，很用心，值得加分！👍🏻味道當然也不錯，沙律上淋了醋，酸酸甜甜很開胃，煙三文魚亦有很多片！.「墨魚汁海鮮意粉」$88🍽：青衣柳、青口、蝦、墨魚，海鮮份量不少，每條意粉都充滿墨魚汁及忌廉汁，很鮮很好味。唯一不好就是每次都會吃到整個口變黑！😆

有一日，行山入屯門，要找東西吃，不想去大商場，去了井財街，找找小店，BYOB。  餐廳內，簡約設計，落地玻璃望向大街。開放式廚房，即叫即炒意粉。 卡邦尼意粉，$68，大部份餐廳都有卡邦尼，要好食幾考功夫。這個卡邦尼，不太creamy，好吃，要追加一碟。 蕃茄忌廉蟹肉寬條麵，$88，紅汁，好有驚喜，蕃茄汁和忌廉混在一起特別，再加蟹肉，更上一層樓，我喜歡這個。  北海道帆立貝明太子意粉，$98，汁一般，北海道帆立貝幾大隻。不過還是比較喜歡蕃茄忌廉蟹肉寬條麵和卡邦尼。  最後是大蝦寬條麵，蝦又大又多，$78，物有所值。這間餐廳的寬條幾好食。 總評味道：好食；環境：簡約設計，開放式廚房，落地玻璃望向大街；服務：即叫即做，上菜速度幾快；衛生：OK抵食：OK啦

屯門閒遊完再去搵食醫肚😋享用晚餐時間比較早，所以唔洗排隊北海道帆立貝明太子意粉味道香濃👍🏻意粉煮得剛剛好煙韌度適中德國黑嘜啤慢煮咸豬手🐷👋🏻份量十足食唔晒未能食出黑麥啤味，只係聞到同食到香噴噴味道😂值得一讚👍🏻飲茶的話個杯幾靚😍整體環境食物都不錯可能晚餐叫多人🐷👋🏻，製作時機器聲音比較嘈

最近喺屯門虹橋呢度多咗好多餐廳，但係都冇揀呢一間餐廳排隊嘅人潮，記得好耐之前有呢一度試過，不過唔係太有印象，今次再同朋友嚟試吓睇吓有冇進步！環境🌟🌟🌟🌟🌟呢度嘅環境真係值得一讚，因為枱同枱之間係有足夠嘅距離，絕對唔會令你覺得好迫！不過，就唔好期待呢一度有啲乜嘢嘅服務啦，因為你係需要自己出去出面點餐，自己攞水同埋攞餐具嘅！介意嘅朋友就真係要諗吓啦食物🌟🌟🌟🌟今次叫咗兩款，一款係大蝦闊面， 而令一款就係明太子帶子意粉。整體來講兩款嘅意粉都冇太乾身，有足夠嘅汁，而且配料亦都非常之新鮮！尤其是係佢嘅帶子真係值得大家試！整體來講其實呢度食物嘅質素都唔錯，不過繁忙時間大家都真係預咗要排隊，至於值唔值得排超過一個鐘頭以上，就真係見仁見智啦！提提大家，等位既時候呢到係冇飛攞嘅，所以如果大家真係有興趣等位真係唔可以行開啦！

我經常要去屯門返工 間唔中都會去呢間Cafe食嘢 而且工作忙碌左一星期 要食餐好嘅😍想食好野唯有懲罰下黃店啦💛🤤 1️⃣北海道帆立貝明太子意粉🍝 $98明太子份量好多 每一啖意粉都食到濃好香既明太子 汁濃味香 帶子夠厚 煎得岩岩好🌟2️⃣Cappuccino $32☕️呢度最出名咖啡所以都試吓 香味好突出而且飲落口好滑🤗呢間Cafe好舒服坐落 裝修係簡單嘅白色 好有文青feel 而且枱與枱之間都坐得幾遠 係一間非常之舒適嘅Cafe 無論係環境同埋食物都好出色非常之推介

👫我地發現唔係好多cafe既食物都有水準。呢間係紅蟜既cafe食物水準相當高，輕工業風裝修舒適地方闊落，就算平日都有唔少客棒場。 佢有自家咖啡豆賣，相當專業。而且佢係黃色，門口每日都會擺蘋果架！🙂不過有啲奇怪係佢冇紙巾提供，我哋咁岩又冇帶紙巾……想抹嚇張枱抹下啲刀叉都唔得，所以黎食記得自己帶定紙巾呀。另外因為佢係開放式廚房，所以店內都有陣油煙味，淨係想歎杯咖啡既朋友要留意！😳［黑松露雜菌意粉＄68］📌8.4分中意黑松露意粉嘅你一定要試呢個。開頭以為平平無奇，食落相當有驚喜，滿滿黑松露味濃雜菌味香。我地平時都有煮下蘑菇意粉，都煮唔出甘濃既菇味。😅［蕃茄蟹肉忌廉扁意粉＄88］📌8分今次食落比上次冇咁濃蟹味，個醬汁有啲稀，冇上次甘creamy。不過佢嘅醬汁一D都唔孤寒，每啖意粉都掛汁同滿滿蟹籽，好好味！

屯門係好多人眼中屬於偏遠地區。但其實搭公共交通工具入去都方便，亦唔算好哂時間～只不過作為一個係市區番工既人，平時好少入大西北😂今次踩入屯門又無為左探朋友😳～地頭蟲就推薦我幫襯呢間黃色既 BYOB Coffee Roaster~蕃茄忌廉蟹肉寬條面 $88蕃茄味好香濃😳d醬夠每條意粉都沾到，就咁食d醬偏酸，但撈埋意粉食就真係岩岩好 perfect match~佢d蟹肉唔會話好大舊，以蟹肉碎既形式出現，但蟹味好濃，同埋份量都真係好多下😳佢仲灑左好多蟹籽係上面，令口感更豐富😍佢仲有少量蘑菇系入面～Overall 黎講我覺得佢用既材料，無論款式同份量都好有誠意～對得住個價錢大蝦寬條麵 $78佢堅係大蝦🍤有4個大大既蝦仁😘食落都無咩冰鮮味。呢個意粉相對材料款式無咁多，所以更考佢個忌廉汁既功架～我覺得個汁煮得相當出色，唔會有平時個種好cream好漏既忌廉汁感覺，佢亦加左好碎既洋蔥落d汁到，食落除左口感豐富d, 個味亦更有層次！污糟咖啡 （凍）$38上枱有少少失望，因為唔太覺得佢污糟😂同埋都相對細杯，少少似茶餐廳凍飲咁。飲落都ok，咖啡豆味都濃郁既，但相對甜左D~入面個環境好chill，工業風裝修有種

如果服務正常既話，都會想再黎，但態度唔係一般既差。當我行到counter話落單，其中一個店員（年紀最老 睇落係老闆）大聲講‘等陣先啦’，唔係普通大聲 ，係直頭喝罵個種。如果係忙而我又係咁催都講得通小小，但我只係講左一聲. 然後落單個陣 ，語氣係同一講數咁，完全無喱頭.但持平番，環境係幾好 ,夠晒大,佈置係幾靚,最緊要係黃店，想支持下. 不過食完就完全唔會推介畀人.咖啡極麻麻，意粉味道係唔錯，但同好多黃店比較只係好低水準.

聽朋友講呢間咖啡好飲今日順路黎左試試佢 等左5分鐘就有位嗌左一杯dirty 一杯手沖咖啡geisha同北海道帆立貝意粉 蕃茄忌廉蟹肉寬條麵整體來講有驚喜，首推呢度嘅手沖咖啡好好飲 geisha 都係$78 簡好要咩豆後 佢磨完豆會拎比你聞 好貼心嘅服務。 杯野上黎係琥珀色 好清 飲落冇平時手沖好驚個陣好酸既咖啡味 好香 果香同花香味， 大推！第二 北海道帆立貝意粉好食 水準以上既咖啡店食物 好足料 用左北海道帆立貝刺身黎略略煎過後放上去 入口好嫩好juicy 另外啖啖都有明太子 好掛汁 好食！ 另外杯dirty都幾好飲 一黎到面頭個crema好靚 雖然比個待應拎黎個陣朗左幾下 冇咗好dirty既感覺 第一啖就飲到啡既香滑同奶既甜味 蕃茄忌廉蟹肉寬條麵 一般 本身見其他叫左黎到好大堆蟹籽而叫 但係味道偏腥 撈埋之後揾唔到味道偏重 食到最後唔係好知食緊咩 但係都足料 好多蟹肉蟹籽。總括嚟講， 咖啡黎講呢間值得一試！ 好飲！ 野食水平都係average 以上， 以cafe food嚟講都抵食！

大概七點多到達餐廳，當時只有兩枱客人，我是第三枱。按照指示先探熱，後使用酒精搓手液，再拿餐牌到位子坐下。到第四枱客人進入餐廳，是一位中年女士，她沒有為意要自行探熱，便直進餐廳。當時一位男侍應很大聲呼喝她。其實將心比己，溫柔地提醒一下客人並無不可，但如此態度，值得商榷。因為餐廳是自助型式所有餐具都需要自取拿畢餐具想多拿兩隻碟用以分享食物正當我伸出手拿餐碟時，有一女侍應大聲呼喝我：「你想拎咩呀？」我：「唔好意思...我想拎兩隻碟用....」女侍應：「唔係呢啲碟囉，唔係係度拎架，係收銀果邊拎架！」我：「........」女侍應：遞出兩隻碟給我，再附上一句「下次問我地拎呀！」客人第一次光臨，就有如此對待，想說支持黃店，支持黃色經濟圈.....但很抱歉，絕不會再光顧了叫了兩樣食物煙三文魚沙律沙律新鮮 三文魚份量正常擺盤幾靚帆立貝明太子意粉味道足夠 帶子仍juicy 但表面加上柴魚，明顯同明太子味道有衝突唔加比較好只談食物的話，尚算接受得到但假如要受氣的話，不了

上次黎虹橋食飯見到呢間Cafe已經想試 枱與枱之間都分得幾開 所以都坐得舒服 呢度主張半自助形式 客人去收銀落單拎水拎餐具 收銀個位店員我都唔知話佢cool定串 但比我既感覺係串😂食物種類唔算多 Pasta基本上用忌廉汁 大蝦寬條麵$78有4隻蝦 煎得好有鑊氣 爽口彈牙 好食 寬條麵唔會太乾身 軟硬適中蕃茄忌廉蟹肉寬條麵$88賣相都幾吸睛 寬條麵上有好大份蟹子 每條麵條都掛上蟹肉同蕃茄醬 好食 餐牌有溫馨提示有機會出現蟹殼 可惜真係食到幾次蟹殼 不過朋友上次食係無蟹殼既牛油果華道夫沙律$68Plating都幾靚 用牛油果砌左朵花出黎 沙律仲有蘋果片 車厘茄 提子同菜 材料感覺新鮮 醬汁用左日式沙律汁 有少少咸味 感覺似魚生醬油🤣 感覺都幾特別 另外仲有松子粒 幾香口Grand Wedding $50嗌左一壺 可以refill熱水 茶既色水係就係好深色 亦都聞到好大陣桃既香味 但飲落係無乜味😂😂😂 茶味亦欠奉😂😂😂 唯一讚既係個杯好靚🤣Keep住都有客人排隊 所以我地食完都要離開 食物價錢都唔算貴 有機會都會再食