Bove (已結業)

近日日本沖澠有間好出名班戟專門店到香港開分店，我本想同妹妹入去幫襯。可惜太長龍唯有放棄。但心癮難止，唯有近近地幫襯我公司附近食！葵芳廣場新開一間這樣班戟，我見有人排隊。我本想買set 綠茶or 朱古力味「疏番厘」班戟，但他們說一早買晒，唯有買原味加朱古力醬加木槺味cream.見前後都$8要個金莎朱古力，我就加la.班戟好鬆軟中間有個朱古力醬，ok 好食，如果可以外圍硬些更好。個cream 冷泠地加埋一齊食ok.個人認為金莎朱古力即焦糖爆谷，得幾粉加錢唔化算。

每次去葵廣必定會幫襯卷之屋，今日食完卷之屋，發現佢隔離出現左條小人龍，原來開左新店，係食梳乎厘嘅。一場嚟到，又見到係新嘢，抱住一試無妨嘅心態去買一份試吓啦！行埋去睇緊餐牌嘅時候，職員主動同我地講話下一輪籌要七點先至開始派發，我哋都打咗個突竟然要攞籌？仲係要七點之後先開始派！(當時係晏晝四點幾)我哋心諗:有無咁受歡迎呀？正當我哋仲考慮緊攞唔攞籌嘅時候，職員就話而家仲有大概3份左右嘅原味或者係朱古力味嘅梳乎厘可以order，問我地有冇興趣要，咁我哋就話要啦(等到7點就真係下次先😓）等咗大概15分鐘左右就有得食喇。我哋order嘅係朱古力梳乎厘+$8 金莎朱古力醬，配Oreo忌廉 (chocolate lover 梗係要由頭到尾都chocolate）先講朱古力梳乎厘，一份兩件，拎出黎食嘅時候都仲係暖暖地嘅，睇起上嚟的確係有種鬆軟嘅感覺。但係入口就會覺得自己係食緊一Pat朱古力漿😓裡面仲有少少綿花糖。雖然成個梳乎厘由頭到尾都係朱古力，但係好彩佢唔會話甜到漏；朱古力漿係有流心效果，但金莎味唔夠突出；而伴碟嘅爆谷（大概有3粒）都已經漏風可惜。總括嚟講，＄38得到呢個份量算係抵，但係就質素來講，只屬

之前睇facebook見有人介紹過呢間野，就約埋朋友去葵涌廣場shopping la...順便食埋!!去到佢間鋪位，首先係一大堆垃圾係佢地間鋪門口，對面d鋪頭到已經提醒佢地要清理下但都冇人理啦，跟住再有個清潔姐姐黎話佢地唔可以任由客人放d垃圾係到！但店員都係冇理啦！好啦，我地做完花生友就去落order, 落左個原味想試下係咪人講到咁好食！ 等了又等，明明等到叫我地前一個號碼以為下個就到我地啦，點知跳左10個號碼，我地心諗可能人地唔同味道啦，跟住繼續叫其他號碼，我地忍唔住問店員引點解我地個號碼消失左！ 佢話就快啦，咁我地都冇咩事都過幾個都未到我地今次就有d嬲咁問店員明明其他客人同我地order都一樣點解唔比我地先，佢地竟然答：岩岩個清潔阿姐攪到佢地d單亂左，嘩🙀🙀真係O咀！你地亂左姐，咀我提左你地我地仲未有嫁麻，唔係我錯呀麻！！算啦，終於等到，見到外表都已經好似麻麻, 試左一啖之後, 嘩!!呢d 叫梳呢d 叫梳乎厘班戟, 寫好食個d 有冇食過真係好食ga梳乎厘班戟, 佢似蛋糕多d 囉..入面已經係實晒心, 一d 都唔鬆軟!!我只會講~我以後唔會食佢, 要食就去k11

今日同老公去開葵芳廣場，大約12點4,5個字經過見到BOVE，老公話想試下，不過店內員工表示，佢地正在準備開店，正式營業係一點。咁我同老公食下其他野就去返BOVE，點知見到未夠一點已經有人開始排隊個時太約12點9。老公話我地都快d排!! 拎左籌之後就落單。我同老公叫左個原味梳乎厘加朱古力棉花糖餡，面頭再加蜜糖！落單後等左大約20分鐘，終於有得食！好好味！我同老公誤打誤撞排左頭幾個，仲食到好野不過附送嘅爆谷就一般，太冧，應該係放太耐

呢間野每次經過都好多人排隊，今日lunch time決定一試！佢第一輪派籌係12:50pm, 未關門已經有人等緊！而且未開門綠茶味都已經sold out可能今日無供應！1點就開始落單，店員話大約等15-20分鐘！我地揀左朱古力味，金莎朱古力流心配蜜糖醬及木槺忌廉！結果等左35分鐘左右終於到我地因為佢整哂原味先整朱古力味，所以就算我地好早買左仲等得耐過之後買既人！其實咁樣唔順次序就唔係咁好，要等耐左賣相都算唔錯，勝在新鮮即整，但係味道就認真麻麻, 無咩蛋味，似雪芳蛋糕多d! 入面蛋糕質地咁，朱古力流心太甜，食唔出係金莎味，但絕對唔係梳乎里pan cake旁邊既爆谷好林，唔知擺左幾耐都幾失望！食過幾間推介的梳乎里pan cake，全部都名不副實！傳媒效應吧！真心覺得只有K-11 Pan de Pain 先真正稱得上梳乎里pan cake！完全好有距離如果要等咁耐味道又咁普通，我就覺得唔太值了！試下無防，但唔會再去！完全唔係傳媒寫到咁好食！非常失望

打開IG 近期最流行嘅其中一個小食就係位於葵涌廣場嘅呢一間全港首創疏附里班cake，基本上每一日都會見到佢嘅蹤影。星期六，我突然興致勃勃要過嚟呢邊掃街，行吓行吓見到呢間pancake 店，嗰陣時嘅時間係夜晚七點半，其實籌已經排晒啦！不過店員話如果做完籌的有時間都會接多少少單，一場黎到就喺度等下啦，其實大概都只係等多左10 分鐘就已經可以比我落order。不過已經冇咗另外果兩個特色味道只剩返原味，對於我來講絕對唔係壞事因為我來食pancake只係希望食佢嘅原汁原味。要知道你嘅功夫得唔得，只需要叫一個原味就得，未必需要咁多包裝，咁多配料。＄28一盒兩件嘅原味pancake，簡單的配上蜜糖醬已經好夾。再等多10 分鐘班cake已經到手。熱辣辣嘅疏附你班cake會印上佢哋嘅logo，淋上糖粉同蜜糖醬。$28 ，係$28 你仲有咩要求？上個星期我特登去到K11食一個好好食嘅疏附你班cake，買單連飲品大概120 ，我覺得好超值好抵食，水準好高。然而＄28有一樣份量嘅疏附你班cake，當然大家唔可以祈求佢係真係同日本來的呢一間知名pancake店一模一樣啦，不過，絕對已經係水準之上。震騰騰開心心蘿

放工嚟咗葵涌廣場行街，周圍行左一陣有啲肚餓，所以搵嘢食。喺Instagram見到有人介紹3樓有間新開的pancake店，就直接上去買來試吓。店仔細細，所賣嘅只係獨沽一味pancake ,但係有噱頭嘅係，佢pancake入邊可以加餡料，變成流心pancake ,。買咗個宇治抹茶pancake黎試吓，因為對流心餡料冇興趣，所以冇特別加錢去買。因為標榜pancake即叫即製，所以製作需時，足足等左成20分鐘有多。Pancake都算幾好食，佢唔會似一陣風咁，有啲口感，但又有梳乎厘感，甜到剛好，綠茶味都算濃，比起好多出面其他餐廳，呢個pancake完全不遜色。價錢＄30蚊 ,下次會加錢，點流心餡黎試吓，應該會更加好食，不過，希望下次來之前，間鋪頭仲未執，等我仲有機會試。

之前未經大家廣泛介紹葵涌廣場bove時，我早已與朋友在吃卷之屋時順道一試。當時我與朋友那時已滿腦子興趣，因為bove所賣的流心餡料梳乎厘班戟，確實在葵涌廣場的小食與眾不同。我們兩個都思前想後選甚麼口味，最後大家都一致選了宇治抹茶梳乎里班戟配金莎朱古力，baileys忌廉，朱古力醬。由於是即製關係，所以要等20分鐘。梳乎里的外型當然沒照片般精美，三十多元即製不可要求太多了。梳乎里班戟相當鬆軟，口感軟綿綿的，然後輕輕切開梳乎里班戟，金莎朱古力醬熱呼呼，緩緩的如岩漿流出。味道方面我們都覺得偏甜，不論是梳乎里班戟，還是金莎朱古力漿。本身抹茶粉漿略甜，個人認為可以採用較甘香的抹茶粉調味，那麼就可以取其平衡，既不會過於死甜，又不會互相搶去各自的風采。Baileys忌廉的Baileys味薄弱非常，不太吃到應有的Baileys香，滑溜感屬一般。不太起眼的一角爆谷反而有驚喜，一入口，蠻香脆呢。

論及本年度甜品新貴，絕對非梳乎厘班戟莫屬。在日本，梳乎厘班戟總是擺盤精緻、賣相高雅；引進香港後，搖身一變成為街頭小食，方便快捷之餘價格大幅減少，首當其衝的有旺角I Love You Dessert Bar，風頭一時無兩。而葵涌廣場貴為美食天地，自然有人看準商機在此開設梳乎厘班戟店，但隨著競爭對手與日俱增的趨勢，墨守成規但要突圍而出可謂天方夜譚，故此這裡的梳乎厘班戟加入了一項「呃Like」必備新元素——流心，哪有不特意到訪一嚐的藉口？當時小店開張不久，未經媒體雜誌大肆宣傳報導，只有一兩位顧客等候，即叫即製等候約十分鐘後便可取餐，值得一讚的是店員謙恭有禮，態度親切。宇治抹茶流心梳乎厘班戟 ($40)本身宇治抹茶梳乎厘班戟索價$30，另加$10升級至士多啤梨朱古力棉花糖流心餡，另外可以再從蜜糖、朱古力醬、士多啤梨醬中選一淋面，以及Baileys忌廉、木糠忌廉或OREO忌廉。木糠忌廉其實是於士多啤梨味忌廉上灑上些少餅碎，平凡不過，爆谷硬實黏牙，配料方面水準偏低。主角抹茶梳乎厘班戟充斥一陣假而具有香精感覺的抹茶味道，更遑論帶有回甘；不過班戟質地輕盈柔軟、綿密濕潤，不如K11中一間名店一樣好比一陣

位置又係你地最愛既葵廣 🤘🏿 食完卷之屋發現隔離係角落新開一間隱世梳乎厘班戟專門店，仲要前所未有破格玩「流心」，令梳乎厘班戟更上一層樓！趁未被雜誌報道搶先食是常識吧 😏😏😏今次唔係愈難愈愛，係愈愛愈食 🤘🏿 無懼世事變改，一口氣食哂 4 隻款式！甜品就係有一種魔力呀親 🤤 對甜品既愛就係愛愛愛不完，果團火係唔會熄架 (熄左就撻返) 🤤 yumyum 😋😋而每款梳乎厘班戟可以配一種醬，蜜糖、士多啤梨醬、朱古力醬，而本身既梳乎厘班戟係冇流心既，要另外 +$ 加流心，不過本身個班戟已經好抵食，一式 2 大件，又平又大份，就算加流心都抵食 🤘🏿 流心餡有 6 款選擇，士多啤梨朱古力 +$8、金莎朱古力 +$8、綿花糖 +$8、朱古力綿花糖 +$10、士多啤梨朱古力綿花糖 $10、辣味黑朱古力 +$10，如果 + 流心餡仲可以揀一種忌廉，Baileys 忌廉或者木槺忌廉，當然唔要都得 🤷🏿‍♂️先食個 #原味梳乎厘班戟，最原始正宗，帶空氣感既班戟，完美平民版 The Pantry，The Pantry 食落有啲太生，呢個整得岩岩好，價錢仲要係一半再一半 😨 即係 The Pantry 1 份班戟

🐝🍯🐝🍯🐝🍯<<支持下梳乎厘班戟小店！意想不到的蜜糖味🍯>>朱古力梳乎厘班戟配金莎朱古力流心餡 （$30+8）去開葵廣買鞋，知道有間新開嘅#梳乎厘 店@bovehk 係ig嘅評價都幾好，一於順便去試試。梳乎厘班戟有3款味，原味，Valrhona朱古力同宇治抹茶。然後再係3款醬料中揀一款，貪心d嘅可以好似草根咁加$8-10要個流心餡。草根今次就揀左朱古力味班戟配蜜糖醬，另外加（$8）配金莎朱古力流心餡🍫。因為加左錢要流心餡，所以可以揀埋Baileys忌廉/木糠忌廉/oreo忌廉，另外仲送一塊蜜糖脆餅。落單後即時製作，需時15分鐘左右⏱。其實都幾耐，唯有周圍行下。叫到我地先知原來一份有2件，外表冇網上面睇個d甘飽滿漲身，不過算啦即本睇下味道係點。梳乎厘唔係得空氣感，口感其實都鬆軟，係草根中意嘅質感。中間叉開發現其實冇想像中咁流心，可能係焗耐左d，而且2塊流心程度唔同，另一塊更熟，有d小失望😢。不過估都估唔到亮點係個蜜糖醬，係超香#蜜糖 味 🍯，唔係平日得甜味個d，完完全全搶過平日好霸道嘅朱古力味！！幾本上啖啖都充斥著芬芳嘅蜜糖味🐝，所以草根覺得其實凈叫原味配

早幾日見網上介紹葵芳開咗呢間食梳乎厘既咁琴日咁啱就去葵芳唸住一定要留肚試下呢間野因為即叫即整既關係所以都等咗大概15分鐘到既時間落單既時候店員都提醒咗需要d時間等等咗15分鐘終於整好(由於朋友要介口所以冇要到我最想食既朱古力金莎流心改為草莓朱古力流心然後個梳乎厘就要咗原味忌廉就要咗木槺忌廉 Total就36蚊)份量一個女仔黎講算多所以同朋友一齊share就好啦因為佢係有2件梳乎厘㗎一切開d草莓朱古力已經係咁流落黎我相信如果我叫朱古力金莎流心會仲正食落去食落去我覺得中規中矩啦唔難食但又唔係特別不過下次都會試下朱古力金莎流心睇下有冇驚喜啦