Bove (已結業)

今個夏天soufflé pancake 大熱，我一直想食呢種富空氣感嘅班戟呢⋯⋯恨左食soufflé pancake 好耐，但一直苦無機會。難得去葵涌廣場，就試下其中一間soufflé pancake店啦。黎到呢個地方搵食，真係少啲耐性都唔得。呢間店喺3樓，排隊一陣已買到，但我見後來截左龍，要下一輪至有得買。買完飛之後要等15-20分鐘，但我諗我等左差唔多30分鐘至到我。三種soufflé pancake味道，我揀左原味加朱古力醬（$28），賣相幾好，但係蛋味不足，梳乎厘唔夠軟身，冇左果種空氣感，不過有兩件而且只係$28，咁都抵食嘅，如果你唔介意企喺側邊快食的話。要食好味嘅soufflé pancake，我認為去間坐得舒服嘅cafe 慢慢嘆更好。（雖然會貴好多）

黎葵廣掃街，又點少得呢個港女正品！港女食物通常都淨係得個靚字，份量細，又貴又唔抵食，難得連男友都識得欣賞，梗係要俾番個大大個好評！超抵價28蚊，加埋8蚊流心餡，都係36蚊咋！兩大件梳乎厘，醬，爆谷，cream，抵都爛！即叫即整，要等15-20分鐘左右，熱辣辣，震騰騰，老細話我地個件煎燶左少少，問我地要唔要再整過，我地見都唔咩燶，同唔想再等，就話唔洗啦，老細仲好好咁吱多啲醬俾我地。平日夜晚黎到，已經賣哂綠茶同朱古力味，咁唯有點原味啦，加左士多啤梨朱古力餡，揀左baileys醬，超！好！味！梳乎厘超級軟熟，啲士多啤梨朱古力係流心架！仲有啲焦糖(?)(三角朱古力裡面白色個啲)係裡面，好甜～再配埋baileys就啱啱好中和番，味道超夾！（朱古力味道已經夠甜，所以建議醬料可以揀冇咁甜嘅baileys）份量超多，十分飽肚！推介！

前幾日諗住去葵廣食pancake 點知俾我發現咗有新野🤤估佢唔到喺綿綿冰啊😍-首先必定要講 我最愛嘅 柑桔檸檬綿綿冰 ($22)平時食綿綿冰都要入鋪頭食 但啊姐我咁鍾意購物點可以坐喺到 唔周街行🌚今次呢個綿綿冰就夠哂方便🤤可以拎住一路行街一路食 重點喺柑桔檸檬味食落酸酸甜甜 夠哂清爽之餘又夠冰感👅而且個底仲有台灣好興嘅愛玉 愛玉簡直喺為成個冰帶嚟口感上嘅衝擊🤤呢個配搭夠哂新鮮 但又出奇不意地咁好食🤤雖然我最愛喺柑桔檸檬 但其實佢仲有好多味 特別啲就有白兔糖味 時令嘅就有蜜瓜同白桃仲有一款 啱味 啱哂你👅

其實知道左呢間甜品店都一段時間，但每次經過想試嘅時候一係就好多人賣哂，一係就岩岩食飽。不過今晚胃口出奇地好，7點幾時食左個小雨天米線，行左陣街就消化左！所以就去Bove踫下運氣啦！去到門口都係好多人，不過幸運地仲未賣哂哈！叫左個原味+蜜糖+金莎朱古力+Oreo忌廉～（有選擇困難症的人表示諗左好耐～） 等左20分鐘左右就整好！Um...梳乎厘食落都幾鬆軟，不過金莎朱古力饀都頗甜，再加埋蜜糖，食左幾啖就覺到好漏總結黎講有新鮮感，但味道就無喜出望外的感覺,,一試無妨～

呢度係我搵到比較平, 又多好評GE SOUFFLE PANCAKE, 但等左好耐! 先等佢派籌, 25分鐘, 再等佢整, 20分鐘...$28 已經有2大舊, 望落好厚好賁在, 但食落去真是好似SOUFFLE, 好輕身, 但又未至於食空氣, 都有少少似PANCAKE 。 我地叫左原味+ 朱古力醬, 我先食一舊完全無醬GE, 食落去好香蛋味! 我最中意原始味道再食加左朱古力醬, 就得番CHOCO 味, 蓋左D 蛋味,所以唔怕乾的話, 應該乜都唔好加~

葵廣岀名多野食 不斷有好多新食店開這間班㦸店都開了一段日子，可惜我摸門釘好幾次了。現在有好幾段時段派籌，1240 1430 1630 還有一個時段忘記了🤦🏻‍♀️這一次試原味梳乎厘班㦸 流心餡是金莎朱古力 配朱古力醬和木糠忌廉大約等了20分鐘⏱ 即叫即整班㦸都挺身 而且空氣感十足 仿佛會搖動一樣流心餡不算太多 不過班㦸夠熱 可以溶化朱古力 形成流心而且甜度合理反而附送的爆谷味道一般不過今次主角是梳乎厘班㦸整體不錯 可以一試

來到葵涌廣場掃街，眼見有好多同類型小食店，喜見三樓呢間Bove，店鋪門口以eye catching嘅橙色佈置。梳乎厘有三種味道 (原味,朱古力,綠茶)除了味道，也有配料/Cream嘅味道/醬選擇，好多野要揀😅由於當時朱古力和綠茶味已sold out (但當時只是下午5時)，我選擇了原味,金莎流心,蜜糖醬,Oreo cream。大約等了十分鐘，熱騰騰嘅梳乎厘有得食喇😎餡料尚算流心，不過梳乎厘唔夠軟身，冇入口即溶嘅感覺，但係幾有heart嘅製作，試一次就夠

終於得閒㴝食呢個疏芙厘啦去當日係平日六點鬆啲，已經大排長龍，大家為左食佢都不顧一切企定定等佢派籌。無辦法啦。想食好吃的就要付出。之前係旺角甜品店食過呢種如疏芙厘，收八十幾蚊。但係十分唔好食，中間更加係無仼何餡料。以後我都會返返BOVE 食架啦哼講多無謂，有圖最實際！

經過葵廣人氣鬆餅店，見冇人排隊，就去試下啦！因為 pancake 需要用較長時間細心煎烤，由8:13落單等到8:40，花了27分鐘，終於食到紮實口感鬆軟內餡嘅班戟。原味梳乎厘班戟 $28 + 金莎朱古力 $8 配木糠忌廉同唔脆嘅爆谷。班戟充滿蛋香味，暖笠笠朱古力內餡，好好味！木糠忌廉原來係士多啤梨味忌廉灑點餅碎，帶點微酸。個人覺得比起am.pm更勝一籌。

老公知我想食最近好潮的梳乎厘班戟，1pm前去排隊攞籌，攞到第三個，等到1:25pm就有得食梳乎厘蛋味夠香濃。中間金沙朱古力味夠真。好味！絕對值得一試（再試）的梳乎厘甜點

梳乎厘班戟近排開到成巷成市 港九新界都有佢既踪影！葵廣呢間就主打流心 有3隻味道既班戟 6款流心餡料 3款醬 連忌廉都有3種俾大家任意配搭~小編就揀左原味班戟+流心草莓朱古力+蜜蜂+Oreo忌廉~~ 班戟既質地勉強做到梳乎厘效果 入面比較散唔夠挺身 似似地半熟蛋糕個種質地 蛋味本身亦唔係咁濃 配埋個頗甜既流心朱古力同蜂蜜 蛋味即刻失蹤 所以我諗唔加流心會比較好 坦白講一樣既價錢 旺角個間元祖高質好多

葵涌廣場！超抵食！梳乎厘班㦸！$36 🥞🍫。等了超久才等到，但完全值得！因為店家在繁忙時間採用派籌制，所以店內的每一件震騰騰的班㦸，都是用心製作、新鮮出爐！上碟時都是熱乎乎的、擺盤美美的！我們點的是金莎朱古力餡料，實在很美味美味，不同於純朱古力味的單調，榛子醬實在別有一番風味！梳乎厘班㦸又綿又軟，不過要說蛋味和奶油味的香濃，當然還是平平（不要和日本的比較、不要和日本的比較🙈）但以這個價錢可以享到兩塊精心製作的班㦸，價比性實在技壓群雄！店員小姐貼心的說，不夠甜可以再加蜜糖！🍯

Kwai Chung Plaza is an interesting foodie destination. It always has the oddest small take away only shops serving the most strangest food items ever.Bove is one of many small take away shops. But what they sell is a little different. They sell souffle pancakes. Yes, the currently popular Japanese style souffle pancakes.The shop is very small. One window is to order. Ordering is done in certain time slots that they will post at the cashier.  The other window is pick up.When it's time to order, y

八號波一落就去葵芳行街而家葵芳真係愈黎愈多小食又有泰式炒雪糕⋯不過成間鋪得一個妹妹係度做，見佢炒一個已經成頭大汗就冇幫襯啦～都係下次人少少先試講返正題，5點半去到已經冇哂想食既綠茶味只係淨返原味⋯雖然下一輪既派飛時間係7點，不過原來都可以照落單，等25分鐘後返去拎。於是就係度行街買衫，仲以為會有遲冇早所以大約30分鐘之後先返去，去到已經有得拎，幾準時唔會好似元朗某某雞蛋仔咁⋯食落唔算難食，普普通通，略嫌濕左少少不過以$28蚊兩個黎講cp值算唔錯下次再食綠茶味先！

近期鬆餅熱潮起飲食界上佔一席位，例如尖沙咀有PAN de PAIN Pancakes & Sweets、西環的點子、旺角的I Love You Dessert Bar、什至黎緊將會起銅鑼灣開店、由日本過江龍而來的Flipper's，都牽起了鬆餅熱潮佳話。剛巧這天起葵涌廣場發現新大陸，看到不少後生的公子哥兒都在排隊，一於看過究竟。原來這間的骰的店舖Bove，同樣主打熱潮主流的梳夫厘鬆餅，價錢仲非常親民，由基本原味無饀的$28蚊起。味道除了原味蛋黃味外，仲有朱古力Valrhona同宇治抹茶口味。《原味梳夫厘鬆餅 ($28)》由於朱古力同宇治抹茶的口味都售罄，無得揀之下唯有要了原味。俾完錢攞住張飛，店員就建議我地起周圍行下，約20分鐘再回來待取。反到黎要再多十分鐘，梳夫厘最終才到達我的手中，在熱潮新店之下要等大概是常識吧。梳夫厘賣相很不錯，印有餐廳的logo，即叫即製之下，暖暖的溫度瀰漫地散發出濃濃的蛋香，很迷人。而且空氣感也很充足，用木匙稍為撞一下鬆餅，也有種「動L」的跳脫效果。內饀可自選流心饀料，例如草莓朱古力、金莎朱古力、棉花糖、朱古力棉花糖、草莓朱古力棉花糖同辣味朱古力等六款 。就連