Babbo Trattoria (已結業)

今天約了朋友在銅鑼灣午餐，原本打算去飲茶，因人多要輪候，所以改變主意，去了二千廣場一間意大利餐廳‘Babbo Trattoria’。此處地方舒適寧靜，裝修典雅，甚有意大利風情，先來一杯冰凍意大利啤酒，點了兩客磨菇湯，一客芝士牛肝菌意大利飯和一客牛肝菌肉醬千層意大利麵。磨菇湯香濃味美，牛肝菌意大利飯製作認真，廚師在客人面前先將車胎般大的巴馬臣芝士面上加火煑溶，再加入煑好的意大利飯在芝士面上反覆兜勻，上枱時濃郁的芝士味撲鼻，令人垂涎欲滴，食指大動。牛肝菌肉醬千層意大利麵亦相當美味，賣相美觀，芝士焗至金黃色，包裹著肉醬千層麵，揭開芝士，熱騰騰的肉汁，散發出的香味令人聞香下馬。

今日好友請食飯，揀咗好耐先揀到Babbo Trattoria去試。一坐下，朋友話我知呢間餐廳係台灣人開，心諗台灣人响香港開意大利餐廳！有意思、有意思。試完之後想推介以吓幾個菜，最可惜今日無薄餅供應。凱薩沙律，第一次食度啲Caesar salad 上面鋪滿Grana Padano 芝士刨到好似白朱古力碎咁樣，食落有啲軟綿綿，入口即溶，再配上爽脆羅馬生菜同薄薄烤麵包片，口感非常豐富，一啖咬落去軟香咸甜脆齊哂😋。窯烤綜合蔬菜，蔬菜新鮮，車厘茄經過窯烤將本身甜味再提一層，意大利青瓜烤完後仍保留咗鮮甜瓜味仲帶小小脆口，洋蔥就更加不在話吓，因為啲洋蔥被其他蔬菜蓋住去烤，所以除咗本身甜味，亦吸收咗其他菜味道！仲有值得一提嘅普利亞海鮮麵片雙人鍋，見個名幾得意就叫佢啦，上菜時待應哥哥再三提醒個鍋好熱要小心。望落去海鮮好新鮮，但唔覺有麵，朋友食咗幾啖先發現細細片四四方方𠴱啲就係麵片。如果想食al dente 就一到時盡快食。鍾意啉身啲就嘆吓先食。個蕃茄湯吸收咗啲海鮮味，非常鮮甜開胃。

Babbo Trattoria - 情調十足的意大利餐廳餐廳的燈光非常柔和，燈光聚焦放著滿滿紅酒、白酒的酒架，水泥色的地板配上牆身的特色磚牆，加上仿圓拱形的黑鐵框窗，仿佛置身外國的地道餐館。杜蘭小麥酥炸鮮魷熱騰騰特酥炸鮮魷，炸皮薄薄脆口的一層，上面佈滿調味粉，內裡鮮魷有咬口和彈牙。北義啤酒燉牛肉燉得非常腍身的牛肉，啤酒作底的香濃濃汁，加上流心蛋，順滑又夠口感，配上脆口法包片一拼吃。紙包窯烤青醬蛤蜊義大利麵錫紙包裹著的焗義大利麵，麵身偏向硬身，濃濃的羅勒青醬和牛油感，加大大隻的蛤蚧令鮮味提升，蘑菇粒增加口感，有特色的義大利麵。

因去了銅鑼灣血拼SOGO 後就行過想食意大利午膳，去到時代廣場斜對面二千年廣場五樓的Babbo Trattoria 食意大利菜，現在都比較少找到意大利餐廳，而且最好BOOK 定枱呀!             餐廳佈裝潢有情調坐位闊落，將空間感綴得極具氣質     店員安排了好舒適既坐位比我地，行到腳較坐得舒服是好緊要的。         套餐由HK$78 - HK$ 108 於鬧市暢旺地方吃個午膳價錢都合理   餐湯細細杯如果大杯的就更好   餐湯今天是南瓜湯，香香的南瓜湯味道口感香滑又健康。     午市套餐有餐湯、 沙律及包一杯飲品   沙律菜鮮嫩爽脆配上檸檬汁醬汁，有菜有芝士味道非常夾，炎炎夏日口感更清新。          煙燻乳酪忌比廉比目魚斜管麵 焗烤皇帝蟹忌廉意大利飯   來到剛剛焗好真的熱騰騰，正中央有半熟雞蛋，吃時可以質其他的食物混於一起吃。     每一口都係蛋黃既味道，意大利飯煮得岩岩好軟得來有口感，一邊吃一邊覺得身邊於異地，好有意大利既感覺。餐飲凍檸茶它們非常好，糖水會另外

為朋友做慶祝，到了一間銅鑼灣的中高價西餐館，價錢不算大眾化，最平的2人餐要5百多元，考慮到環境及地點，算是可以接受。首先來的是沙律，非常意外，竟然有店員在你面前刨芝士，然後再放上碟。因為太多芝士關係，味道偏咸，芝士控會很喜愛。餐湯是蘑菇湯，蘑菇香味很強烈，但入口反而不太強。鮮魷意粉有微辣，但這樣反而更鮮味，意粉不會很生，適合香港人口味，魷魚很厚身，亦彈牙。Pizza選了蛋黃煙肉，整體偏咸，但批底很有彈性及軟熟，而且店員會在你面前即場問你想切多少份。整體餐廳格調不錯👍是談天的好地方

忙咗成朝終於有時間食飯 , 太好啦 今次輪到我朋友負責諗食乜嘢, 我銀包都未拎，朋友就一支箭標咗出門口，原來佢帶我去銅鑼灣2000年廣場食飯, 仲揀咗間高級意大利餐廳。 餐廳位處5樓全層, 裝修雅緻高貴, 環境氣氛一流， 彷如置身意大利餐館，感覺好chill。揀左陣就決定食西西里帶子意粉， 意粉軟硬適中， 帶子份量都唔少，粒粒都好厚肉 咬落去好爽好鮮味 成碟意粉，諗唔到有咩可以挑剔。主角三文魚配奶油醬，伴有矮瓜同番茄仔， 三文魚一啲都唔老又唔鞋口，煮得啱啱好， 配角矮瓜同蕃茄仔簡直有畫龍點睛嘅效果，吸唒d醬汁, 非常入味，減少食野嘅罪惡感；最後嘆番杯咖啡，為忙碌的一天打打氣！！

神神秘秘，都不知道他會帶我去哪兒？原來帶了我去銅鑼灣二千年廣場的Babbo Trattoria。Babbo Trattoria在地鐵出口向時代廣場方向行，數分鐘就已經到達。環境偏暗，地方都幾大，而且牆面格局有歐美feel。義式蔬菜湯，$68。果然是蔬菜湯，一整碗都是蔬菜，哈哈，材料充足。將半硬口感的麵包沾一少許湯汁，另一番味道。湯汁味道適中，不會過咸。蒜炒蘑菇佐羅勒鮮蝦，$138。蝦有蘑菇味，蘑菇有蒜味，還有少許麵包乾，第一次食，感覺都幾好。而且份量亦不算小。八種綜合芝士Pizza，$178。這款食得最多，因為覺得好好味。Pizza 有濃濃芝士味，不同的芝士味道配合在一起，配合得相當好。食完不太感受到飽滯感，反而越想追食這款Pizza。想再補充一句，旁邊伴隨有蜂蜜醬(蜜糖醬之類），將此蜜糖醬倒在芝士pizza 上面，再一起吃，味道即刻進入另一個層次，芝士和蜜糖的配搭，令人越食越起勁。還有一杯Cranberry juice，$58。最後埋單連加一服務費，大概$486左右，平均人均消費$243

今天是我倆的紀念日，準備妥當的我當然要準備好今日的晚餐，留一個難忘的晚上予另一半。說實話，在香港美食眾多，各國的菜式應有盡有，該是時候找一個我倆都比較少食的盡興一下。所以我就預先做好功課，在我們工作附近的銅鑼灣找到一間入選OpenRice熱門名單的意大利菜餐廳，Babbo Trattoria。Babbo Trattoria，在Times Square正正對面的Plaza 2000，非常方便，走兩走已經看到餐廳的招牌。上到去，已經感受到那種傳統西式餐館的氣派，環境氛圍。餐廳內比較寧靜，輕輕地播放著意大利文的歌曲，真的是很適合紀念日、情侶、小型聚會。餐廳內的裝潢真的是非常傳統，令人就如去到外國一樣，感受一下外地特色。而且，Bartender 調酒的地方亦是非常公開，大家可以看到調酒師的現場表演。Babbo Trattoria 究竟是什麼? 無理由連自己吃的餐廳的名字都不知吧。其實，一打開餐牌已經將所有東西話過你知 (我亦按著餐牌慢慢向另一半講故仔)，Babbo Trattoria 在意大利文的意思是爸爸的餐廳，而這間餐館原來是來自於台灣團隊，將意國飲食的風味由日本，傳承至台灣，再引入至香港

Babbitt Trattoria 餐廳就在銅鑼灣鬧市，跟時代廣場只是一街之隔。我和朋友經常流連銅鑼灣，喜歡在這裏逛街找節目和搵食。這晚我們選了這家燈光略暗，情調10分好的西餐廳。他最有名的是芝士，然而我和朋友都不太喜歡吃芝士，所以我們點了有許多番茄元素的菜式。第一道菜是餐前小吃，我點了香草烤薯仔。薯仔烤得香脆，滲入香草的特有氣味，吃起來很可口。另一道菜是海鮮蕃茄飯，沒想到他的蕃茄會如此濃郁入味，連同海鮮的味道一起滲入飯中，加上特有的香草，吃起來有多重味道，感覺很不錯。我們還點了羊架，廚師加入了南瓜🎃蓉伴碟，而南瓜蓉滲入香草，跟羊肉10分搭配，另外還有我最喜歡的火箭菜。這家餐廳的廚師真的喜歡及善用各種香草。令食物的味道具多種層次。讚👍我們的甜點點了很有特色的杏仁朱古力片，脆脆的感覺咀嚼起來既有朱古力的香甜也有果仁的口感，令人回味無窮。這家餐廳很清靜，設有悠閒角落，是友人聊天，情侶💑談心的好地方。

在時代廣場附近，很容易便找到這家樓上意大利餐廳坐下來發現環境很有格調，以意大利食材作佈置率先登場Babbo 凱撒沙律，另外加了煙三文魚上菜前，店員會問他們的招牌芝士Grana Padana 要放在沙律上還是另外放，之後便即場在面前把芝士片刮下，服務體貼食材新鮮，不得不提芝士配沙律真的非常夾等了不久杜蘭小麥酥炸鮮魷便登場魷魚炸得香脆彈牙入口帶點辛辣的味旁邊有一塊青檸，更加開胃鮮魷伴了一點沙律菜吸收油膩感Pizza點了Margherita雖然等待的時間較長，不過還是值得的Pizza可以看得出不規則，突顯是師傅手打拍成，上面有芝士、蕃茄醬及羅勒葉簡單的配料，更能突出麵包口感pizza別有一番風味店員亦細心地在送上pizza是附上濕紙巾

服務態度超級唔好，同佢講明超級趕時間，order果時話半粒鐘一定可以上齊，足足等左一粒鐘，只上左starter 問個manager幾時ok，次次都話好快好快來hea我地。邊有可能義大利飯搞了一個鐘未整好，意粉搞左個半鐘囉。最後reception果位外籍姊姊黑面比我地睇，乜服務都冇仲要charge我地10%服務費，連sorry同 唔好意思都冇。叫埋單就fing張bill埋你，勁冇禮貌。今時今日咁嘅服務係唔掂嘎！！！

第一次行入二千年廣場，原來咁多餐廳，地鐵站一出黎就係，好方便，又唔使次次都係去大食代。Babbo Trattoria 在5樓，我們兩個人居然坐到了圓形沙發位，好開心🥳餐廳環境好cozy有格調，本來開完會趕來吃晚飯，頓時覺得節奏被放慢...兩個人都不是很餓，所以只點了湯、兩個appetisers和一個pizza，之後有點後悔沒點意粉～巴拿馬火腿配蜜瓜，最常點的前菜之一，特別的地方是加了意大利黑醋伴碟，令人更開胃。泰式汁芝心墨魚小飯團，這個超驚喜！黑色的墨魚汁竟然是泰式酸辣味，煎得香脆的小飯團包裹著芝士，真外脆內軟，配酒一流！不過最中意個pizza, 選最簡單既pizza margherita，一直都覺得簡簡單單經典味道的pizza才最有意大利風味，才能試驗餐廳的水平。pizza可以選擇切開6件或8件，我地兩個人一人三件，都一點也不覺得多，批邊pizza的精髓，咸香厚薄適中。我們要沒有點意粉，但看到侍應拿出大芝士就隔壁桌子點了，不知道味道如何，但空氣中都充滿芝士香氣，下次想試，聽講一舊芝士好好好貴。

 近期比較喜歡食意大利菜, 特別是 Pizza, 所以約朋友到銅鑼灣羅素街, Baboo Trattoria 意大利餐廳.  從地鉄站行去只 5分鐘.位於 2000 年廣場 5樓.  燈光較暗, 好有情調.入門已見酒吧, 餐廳裝修踏實, 以木桌椅及梳化為主,  感覺環境舒適, 座位闊落.牆上掛有意大利品牌的芝士及麪粉圖片.服務員安排座位迅速, 我們先叫了一杯紅酒及 朋友叫了Mocktail,  服務員很快便送來, Barone Chianti DOCG, 酒味濃香.New Mother,  夠冰凍,  天然清新, 也清涼.一齊細看餐牌.  首頁有餐廳簡介.  餐廳主打用意大利食材: Granda Padano 芝士, 意大利米, 小麥粉, 橄欖油, 烹製地道傳統菜式.看見服務員很努力地即刨 Grana Padano 芝士,我們點了 Baboo 凱撒沙律 沙律表面鋪滿了芝士, 生菜非常新鮮, 爽脆清甜, 連同獨特的芝士香味 ,  口感一流.帶點沙律醋, 好開胃.我們也叫了 Pizza,  所以忍不住看看厨師的烹調手藝. 看來功夫了得.  這個開放式厨房給客人好大信心.Pizza Sepp

今日和先生到銅鑼灣晚膳，Babbo Trattor位於二千年廣場，具歐洲風味，芝士是意大利菜嘅重要食材，餐廳走廊陳設著鼓型大芝士，展開芝士美食之旅。我喜歡鹹香帕爾馬火腿夾著清甜哈蜜瓜，是美味和諧嘅组合。牛肝菌芝士意大利飯清新可口，厨師將飯在芝士鼓內拌匀，突顯牛肝菌嘅清香，令意大利飯更香滑美味。海鮮麵片窩有新鲜嘅青口，大蝦，墨魚圈和蜆，蕃茄湯甜而不酸，能提升海鲜鲜味，出色。意大利臘腸薄餅辣香惹味，芝士令薄餅煙韌可口。Tiramisu 鬆軟香滑，芝士融合可可粉和蛋香，清甜而不腻，出色嘅甜品。

今晚和太太吃意大利菜，餐廳位於銅鑼灣二千年廣埸，裝修古雅，柔和燈光给人舒適嘅感覺。帕爾馬火腿哈密瓜:火腿鹹香哈密瓜清甜是最佳配搭。艾西亞哥芝士牛肚菌意大利飯:厨師把熱飯在鼓形芝士內炒香，令飯融合芝士和牛肚菌清香味道，更軟滑可口。普利亞海鮮麵片雙人鍋:熱鍋盛著鮮甜蕃茄湯，大蝦，青口，蜆和墨魚在湯內更能突顯海鲜鲜味，麵片煙韌爽滑。辣味意式臘腸培根薄餅:沙樂美腸和臘腸鹹香味濃，窩蛋混和薄餅既煙韌又juicy，好味。傳统Tiramisu甜度適中，可可粉清香给人愉快嘅感覺。