Babbo Trattoria (已結業)

同朋友二人好耐冇見，想搵個地方靜靜地傾吓計食吓好嘢。朋友介紹我依間餐廳咁就試吓啦。一入去餐廳環境感覺舒適空間足夠，服務員係講英文嘅，餐廳播緊一啲好舒適嘅音樂。坐低嘅時候我哋先叫咗兩杯野，一杯old fashion,另一杯mojito。Old fashion 係whiskey on rock仲有加咗少少產未，感覺好容易入口。Mojito清新嘅薄荷味，有少少酸酸甜甜嘅感覺。我哋另外叫咗一個小食（炸鮮魷）一個主菜（short ribs)同埋一個飯(芝士牛肝菌risotto)。炸魷魚，佢係有少少辣味嘅加埋旁邊提供嘅青檸味道好清新刺激，食埋個配嘅沙律就唔會太過熱氣。佢個牛一上到嚟你見到已經係燒得超靚，入口呢有少少即溶嘅感覺，配埋佢個酸酸地嘅醬汁超好味。Risotto服務員係你面前將啲飯撈落去個芝士度，你會見到個飯入邊係有超多芝士，配埋上邊嘅火箭菜，剛剛好，感覺10分正宗。下次建議大家可以試吓佢哋嘅Pizza，我見到佢有一啲好似傳統意大利嘅焗爐，好吸引呀。

堂食試過唔錯，咁就試下外賣啦！不過除PIZZA外，意粉同意大利飯都麻麻，主因係食物唔係一次過出，焗過之後同堂食差很遠。餐飲檸茶唔好飲。給合外賣食物質素、等候時間以及埋單既體驗，我諗唔會再幫襯了。

今日同個朋友黎食飯，特登搵左一間意大利餐廳。兩個女仔食唔到好多野，所以叫左兩樣食物開心share啦！我地叫左生牛肉他他，用上美國生牛肉，加左火箭菜和芝士，入口酸酸甜甜好開胃，牛肉薄切，加上大量蔬菜，唔會好膩，賣相好靚好吸引。我地見到餐廳主推pizza，我地就叫左八種芝士綜合pizza，雖然係芝士但係入口完全唔膩唔飽濟，加左蜜糖仲愈食愈開胃架！批底夠薄，麵包麵粉味夠哂香濃，好重麥香。我同朋友都好鐘意！

同朋友喺銅鑼灣羅素街食lunch，五十幾蚊都有個Set，估唔到價錢咁超值，而且枱凳相當闊落，環境十分舒服隨餐附帶的凍檸茶同橙汁❤︎另外加錢加$20，各自要咗個餐湯同沙律，味道正正常常，尤其是沙律，菜十分新鮮爽口，好開胃<3塔雷吉歐芝士薯仔pizza，十分之喜歡，pizza焗得香脆，芝士味道偏濃郁，配搭醬汁同薯仔，好出色朋友order的BBQ窯烤半雞，賣相好，色香味俱全。外皮酥脆，但雞肉依然嫩滑，雖然是半雞，但份量都十分多呢

這個下雨的晚上，我有我的好閨蜜相約去燭光晚餐。這個銅鑼灣的特色意大利餐廳，打開電梯門就嗅到一股又香又濃的芝士味。步出電梯後，我被這個滿滿的意大利式設計吸引。酥炸墨魚汁芝士小飯團，葡萄酒芝士細扁意大利麵，再來一個辣味意式臘腸培根比薩，兩個女生能吃這麼多也是大胃王了。這個酥炸墨魚汁芝士小飯團，香脆，芝士味濃，加上滿滿的墨魚汁，真的是一個很特別的菜式。小飯團外脆內軟，加上軟心芝士，作為小吃真的沒有選擇錯誤。葡萄酒芝士細扁意大利麵，這個不得不提，如果你們要去，一定一定一定要吃，這個真的非常好吃，芝士加上醋再加上葡萄酒，還有一個帥哥幫你攪拌，一點點的酸加上濃濃的芝士醬，口感層次充足又開胃。辣味意式臘腸培根比薩，比薩來了，在我們面前打上一個蛋黃，帥哥又過來幫我們切比薩，真的非常享受，在你面前打散的蛋加上芝士真的第一次體驗，雖然很飽，但給人一種意猶未盡的感覺，好像不同的菜式會有不同的表演方式，下次我要再去試別的菜，看看有什麼特別的再跟你們分享。

嚟到銅鑼灣二千年廣場，成幢大廈好多餐廳，一早已經揾定資料想食呢一間西餐。中午時間可能唔係好多人，餐廳裝修精美都幾高級，店員好好招呼不斷倒水。叫咗一個 西西里番茄綜合海鮮意大利飯$198，好多材料，有青口，蝦，魷魚等，配上濃烈嘅蕃茄味意大利飯，飯粒粒粒分明，煮的時間岩岩好。另外在叫咗個威尼斯墨魚汁鮮魷寬扁意大利麵$198，意大利粉煮到啱啱好，唔會太淋，口感夠，而且好爽口。中間有garlic and basil，令到味道更出。最後叫左杯latte$38，latte有拉花，咖啡味濃郁。

又到happy Friday, 當然要和Honey 食餐好。我地今日選了近時代廣場的一間樓上餐廳，貪佢氣氛好，情調十足。我們被安排座於圖桌卡位，非常闊絡舒適，私隱度又高，很適合傾偈。我們今日選了一個 Set Dinner for 2最愛就是巴馬火腿配蜜瓜，一咸一甜簡直就係絕配。火腿質感亦好軟腍。再來一碗熱辣辣的雜菜湯，很足料，調味亦恰到好處，唔太酸和太咸到主菜了，幼身扁意粉，口感很好，沒有過硬或過林掛上番茄🍅汁，很醒胃。有三大隻元貝，軟腍鮮甜，新鮮焗起，香噴噴，以幾款不同芝士焗成，非常邪惡，記得一定要趁熱食先最好味，而餅底則口感軟糯會見到服務員即場在準備芝士菜式。再加上兩杯冰凍意大利beer, cheers🍻

同同事去到銅鑼灣做嘢，想搵間冇咁嘈嘅餐廳，上網搵一搵之下，發現左呢間喺羅素街嘅一間樓上意大利菜，燈光柔和，環境清靜，舒舒服服食一餐紓緩壓力午餐牌以銅鑼灣呢個地段，一間標準意大利餐廳嘅裝潢，午餐做到呢一個價錢，可以話係無敵，連埋加一，最平嘅餐都只係50幾蚊，呢佢仲有邊度搵到BBQ窯烤半雞外皮烤得香脆，可以有效鎖死雞嘅肉汁，所以切開之後，雞肉係非常嫩滑雞當然係主角，但配菜嘅雜菌同薯仔一啲都唔輸蝕，以香草烤香，配合雜菌嘅獨特香氣，烤一烤令兩者融合西西里蕃茄海鮮佐特製麵包有大蝦，青口，蜆以及蕃茄混煮而成，番茄帶出海鮮嘅鮮味，而海鮮嘅鮮味又令到番茄湯更濃郁鮮甜。特製嘅麵包，點一點番茄醬，就將海鮮嘅鮮味，好似海綿咁，索晒入口中每個餐仲配一杯飲品環境見到呢個環境，諗起呢個價錢，食到吸引嘅食物，下次再嚟銅鑼灣，食lunch別無他選

呢間意大利菜餐廳芝士幾出名，環境又舒適，今次帶好朋友黎食下。惡魔風酥炸雞翅 fritti pollo $88呢道菜好邪惡，雞翼外表酥脆，辣得黎好惹味。艾西亞哥芝士牛肝菌意大利飯 $198risotto alla asiago con porcini第一次食 Asiago 芝士，未食已經好期待。㕑師會即席喺芝士輪用火槍燒，芝士溶左會將佢混入意大利飯，牛肝菌同芝士味都相當濃郁，加上火箭菜好fresh，又可以減膩。瑪格麗特 Pizza Margarita $148番茄、水牛芝士同羅勒葉既配搭雖然簡單，但不失傳統風味。

依度環境幾靚之前晚上黎過一次，同朋友飲野為主今次就係去times square血拼之前，黎食左快靚正既lunch☺️☺️坐底見到menu都嚇一嚇以銅鑼灣既西餐廳黎講，價錢都幾平（仲要係時代對面咋喎🤔🤔）Caesar salad $10新鮮蔬菜配上酸酸地嘅醬汁零舍開胃～ 微微鹹香嘅芝士碎、煙肉片同埋超級脆嘅多士，令到個沙律更正👍🏼👍🏼唔錯 唔錯 $58因為想食魚，叫咗3號比目魚斜管粉煙燻乳酪忌廉汁都幾特別有芝士既鹹香，芝士仲拉到絲🤭🤭🤭😲😲😲忌廉汁令到啲粉滑滑地，味道唔會太濃郁配埋幼幼嘅蘆筍同埋厚厚、啖啖肉比目魚塊口感豐富～ 唔太膩或者太寡鍾意食魚嘅人要試試！由於食完野準備去血拼所以飲番杯咖啡，定一定神～雖然佢哋有酒供應，又好有酒吧feel但咖啡都唔錯✨✨平時lunch Time或者happy hour 同朋友黎坐下，飲吓嘢，食下野，都係個幾好嘅選擇！

好耐無同舊朋友聚一聚我地肯定有排傾計，黎到咗呢間食意大利菜的餐廳。環境好舒適，裝修精緻，座位也比較寬敞，非常適合聚餐的好地方。意式薄片生牛肉他他 朋友點名要叫的薄片生牛肉他他,，牛肉薄片上鋪滿芝士，加上檸檬汁，肉質鮮美，配上芝士、火箭菜口感豐滿，味道好清新，十分開胃！蒙地納葡萄酒醋嫩煎帶骨豬扒超大份黎講338 蚊唔貴 兩件大大既帶骨豬扒 係有哂煙靭既肉 近骨既筋位 加埋肥膏 幾重口感豬肉夠厚切 淡淡肉 口感好鬆軟 厚身 煮得好好醬汁，值得品嘗！泰式汁芝心墨魚小飯團賣相好精緻！黑色的墨魚汁竟然是泰式酸辣味，煎得香脆的小飯團包裹著芝士，真外脆內軟，配酒一流！整體味道：OK環境：OK服務：OK

朋友話呢間之士好正，好有外國風味，心諗有無咁正先，一於黎試下有幾外國！係網上見到好多適合我口味既款式，但原來已轉左餐牌，我想食的都沒有，哭哭。朋友為左安撫我，好快咁叫左食物黎塞住我把口又辣又脆卜卜的雞亦。好惹味！唔係韓國個種純辣咁單調，食得出用左好多種香料配出來的辣香料！真係好外國風味。加上炸得剛好，裡面仲有汁，唔會好乾！厚切煙肉加上勁多之士。好邪惡！那之士被切開時，個幾條之士絲，睇見都興奮！食完呢個我已經飽到出唔到聲，再無怨言，哈

同朋友搜尋下地鐵站附近有甚麼好食的，就發現左呢棟大廈，在銅鑼灣站行3分鐘就到了。這裏是有格調的餐廳，環境寧靜，可以跟朋友慢慢聊天，促膝詳談。至於美食，我們點了三樣：惡魔風酥炸雞翅Fritti Pollo - 初初以為惡魔般的辣度，原來都不至於辣到飛天，而是那種微辣讓我很開胃，很惹味。北義啤酒燉牛肉Carbonata alla Manzo - 很特別的味道，啤酒味道已滲透在每塊牛肉了，肉質亦都好鮮嫩，應該花左好多時間去燉，配起多士來，多士亦即時吸收了燉牛肉的肉汁，很好味道。威尼斯墨魚汁鮮魷寬扁義大利麵Fettucelle Seppia - 從來未食過咁鮮味的墨汁呀，味道一點都唔假，鮮魷又煮得夠林，時間岩岩好呀。

地點方便，鄰近time square， 但入口有啲難搵，要喺鵝頸橋嗰邊入。裝修時尚，環境舒適。早嚟被安排坐U型梳化單邊位， 適合鍾意有私穩嘅你。經典凱撒沙律本來以為係一般嘅沙律，但 侍應會即場刨一個巨型芝士，叫Grana Padano， 味道濃郁而又不會太鹹，配上新鮮生菜，覺得錦上添花!意大利飯配紅酒燉牛肉 飯好creamy，米質較為硬身。 紅酒味唔算特出，不過牛肉超淋好入味，似係慢煮咗好耐，輕輕一切就放到入口。經典漁夫薄餅 顛覆咗我對一般薄餅嘅感覺。皮薄又煙靭， 會喺客人面前即場切開， 熱騰騰，香噴噴。薄餅上有車厘茄， 醃製過的豆，鯷魚。鯷魚味道略鹹， 配上番茄醬，鹹鹹地，別有一番風味。

已有一年沒有來過，環境依舊，價錢卻有意外驚喜減價了。午市套餐一百以下，對於銅鑼灣區內少見，質素又有番咁上下。點了一個碳烤三文魚佐白酒忌亷醬汁。份量不會因價錢減了變得少。三文魚烤得熟度剛好，還保持肉汁，不會乾巴巴。白酒忌廉汁不膩喉，味道恰到好處。配菜頗為豐富，新鮮爽脆。跟餐會有一杯果汁，蘋果汁，橙汁和紅莓汁。當然不是新鮮榨的，但味道甜度也不錯。如喜歡沙律，餐湯，甜品....的話，可追加價錢，隨意配搭。