Anchor’s Seafood and Beer House (已結業)

本人近呢幾年都好少食自助，因為都知道自助餐無乜太大特別和近驚喜，今次黎到酒店餐廳環境都算吾錯，人流吾多所以靜靜地同女朋友食飯傾計是一個不錯的選擇蠔、海鮮、頭盤、熱食、湯、甜品都中規中舉，咁低價錢有咁上下水平食物質素我個人認為已經值回票價。最有意外驚喜是服務員的服務態度，多次留意我枱面整潔、有問食物質素如何、有禮貌、健談，非常專業，他的服務必定有fine dining 水平，在這多謝Leo Cheung 當晚食飯好滿意

聖誕節月份總是讓人放下防線，任意地大吃大喝的！趁衣服還能遮掩一下，這晚跟閨蜜去到汀蘭居Anchor's Seafood and Beer House任食生蠔滋味自助晚餐。有即開生蠔，仲送餐酒/啤酒或汽水一杯，只係HK$278.6，你無睇錯，我無寫錯，真係抵到癲!生蠔是我喜愛的澳洲coffin bay，重海水味，肉質爽口有彈性，不肥不瘦，配著餐酒倒是不錯的。凍海鮮有雪場蟹腳、熟蝦、幼嫩藍青口、翡翠螺，蟹腳看似不太肥美，但卻鮮甜多汁，必吃呀！沙律前菜都好有heart，有自製凱撒沙律， 芝士迷可以不停地拌上芝士啦!風乾火腿、芝士盤、水牛芝士沙律、煙三文魚等等等等....前菜都有這麼多雖然沒有壽司師傅註場，但依然有刺身壽司冷麵啊！熱葷方面幾有特色，密密refill，有糯米飯、野菌闊條麵、胡椒蝦、辣炒蜆等等，樣樣都好惹味，好有水準，那晚算是我吃自助餐以來，第一次吃那麼多熱葷的啊！飲料方面，有中西湯、咖啡、茶，今晚的菜乾湯夠晒清熱潤肺啊～甜品角亦也有很多選擇， 有dreyer's雪糕、自製班戟、窩夫、日式甜品、朱古力鍋等等...... 不過不失。對我來說，地點是偏遠了點，但交通方便，而且以二百多元

今次已經係第2次黎食，上次食大閘蟹，而今次因為轉左生蠔做主題所以再黎食多次。一入到去就見到個生蠔吧真係留晒口水，啲蠔係即開超新鮮，加埋長腳蟹真係無得輸。好老實講，咁既價錢食多幾隻生蠔都回返本。

不說不知, 原來青山公路汀九段有自助餐吃, 在荃灣綠揚新邨多層停場車內乘96M小巴, 約7-8分鐘就到汀蘭居, 也算方便.  自助餐fans表示十分關注是否有生蠔食, 告訴你: 今個12月有蠔食!! 還要是coffin bay, 但只在晚上供應. 生蠔都算新鮮, 偶有大小不一, 是否拿到大隻的, 就要看彩數啦! 蠔身有海水味, 咸度適中, 群邊脆口. 餐廳為每位奉上一杯紅酒或白酒, 今晚吃海鮮較多, 當然選白酒. 酸度高, 有果香, 一口白酒再來生蠔, 反而令白酒酸度減低.  凍海鮮有4款, 是自助餐基本款式, 包括蟹腳、青口、蝦及螺.雖然蟹腳表面有點黑, 但仍是首選, 因為很實淨鮮甜, 青口也不錯.日本冷麵、刺身及壽司都不缺. 手握壽司種類不多, 但飯粒黏度暖度都掌握得不錯. 這邊亦有蕃茄水牛芝士及煙三文魚. 除了海鮮, 另一推介會是沙律吧! 十多款沙律配料, 新鮮蔬菜, 又有亞枝竹及黑醋. 這是傳說中的芝士嗎? 把煮至半熟的意粉放進去, 以熱力溶化芝士! 不過今次是以匙刮起芝士放進沙律. 做一份Caesar Salad也不錯. 這份是我自家製的, 除了挑選對的醬汁, 蔬菜也真的夠新

係網上睇到anchor's推出任食新鮮即開法國野生生蠔，即刻流哂口水，馬上訂枱。預訂咗7pm兩位，到咗餐廳即刻有服務員帶我哋入座。一坐底就嗱嗱聲去攞蠔先，每次每人攞兩隻，肉質鮮美，海水味重，真係唔錯。食食下咁就食咗兩打。跟住去食其他海鮮，有長腳蟹，翡翠螺，藍青口，凍蝦，全部都值得一試。再嚟食熱嘢，有燒牛肉，烤雞，當日仲有户外BBQ燒烤，有烤香腸，烤羊架，烤菠蘿。。。。真的十分不錯。服務員收碟都好快手, 另外每人仲有一杯嘢飲送，我哋問有咩飲都細心解答，服務不錯。再到甜品，款式尚算多，有tiramisu， 蘋果批，小甜品如Pana cotta， 朱古力brownie，仲有一個朱古力小火鍋，令整餐自助餐劃上一個完美句號。環境我只可以講冇得輸，對住成個海，價錢又只係3百幾，啲蠔有咁嘅質素，所以已book定下星期同一班朋友再嚟，繼續嘗鮮！

諗住生日，下午經網上訂位，特意留卡位，以為ok，7點準時到，門口個帶位話我知無晒台wor，個位哥仔既大概意思係要坐就坐出去門口位唔關事既bar台，唔坐就算，又話咩openrice無update無得訂，你無得上網訂就唔好俾人選。我住屯門專登坐車帶埋小朋友黎你個山卡拉地方食個自助餐姐，我小朋友得四五歲個bar台又高你叫小朋友點食。即係點？問多兩問重行開唔彩。都算啦小朋友已經肚餓谷住道氣坐底食啦，又話咩任食生蠔，點知係每人只可以拎個兩隻，我老婆帶住兩個小朋友行唔開想話我幫手拎埋都唔得。ok, 食物水準好一般，菜品極度極度極度(重要既事講三次)少，生蠔無味，重要細到差唔多無肉。 甜品得個幾粒每人有杯野飲，想搵個人落單叫重難過乜，終於落左order我叫左有半個鐘啦先肯俾杯我，我老婆小朋友個d差唔多想走先拎黎，好似唔多想俾咁想點？衰過荼記服務。我地食左唔夠一小時頂唔順要閃。再唔閃我怕我會爆真係一餐非常難忘既生日飯。只係平。永世無下次。

我星期五晚食的dinner buffet，所謂的自助餐d熱葷同甜品選擇相當少，bbq的食物燒完後好乾，食物選擇不是太多，有以上這麼多缺點的情況下，價錢算貴，環境還可以. 不過都是抱住食環境去的，應該無下次

心血來潮去到深井，當然要試下汀蘭居的自助餐啦！要海鮮，有海鮮。要魚生，有魚生，但較少選擇。也有燒烤類的。甜品種類多。更一人送一隻大閘蟹。老實說不是十分美味，但勝在夠抵食。

如果唔係買一送一根本唔會有人入去咁偏僻的地方食自助餐！垃圾！無野食、甜品又唔得！無無限野飲！啲服務員又木口面、唔知以為係賓館食野！環境都唔係好靚！無咩特別的餐廳！最好唔好晒車錢入去！完全對自己無要求！十分差的自助晚餐！

環境舒適優美寧靜已完全值回票最驚訝係衛生都極佳,在白光下仔細看D碟塵都唔多粒唯一係熟食較一般,總類較少但甜品非常不錯海鮮只有蝦較好但整體非常之好  絕對值我推介

晚市自助餐, 星期六晚的價位, 成人$278.6, 小童$139.3, 您說, 是否堅便宜? 說的是汀蘭居的Anchor’s Seafood and Beer House, 或許這裡位置有點不便, 但只是較好時間, 從荃灣搭shuttle入來, 也挺便利的.由冷盤說起, 這次餐廳的主題是滬菜, 冷盤的供應包括有雞絲粉皮, 樟茶鴨, 鎮江餚肉, 雪菜毛豆, 烤雜菜, 以及窩粑等等, 真的是自助餐比較少見的項目, 特別有我最愛的雞絲粉皮, 平日吃一碟要六七十元, 這晚, 當然不要錯過.萬人迷自然是海鮮, 也是指定回本位. 長腳蟹, 青口, 凍蝦, 以及翡翠螺, 您愛吃那一款? 似乎長腳蟹就是最受歡迎, 而這裡的出品, 也很鮮甜.另外一個萬人迷就是刺身及壽司, 吃自助餐, 怎少得這個部份. 而CEO還是主打沙律, 他這個人, 最愛吃菜.吃完一輪冷盤, 不如喝口熱湯, 中西湯分別是霸王花豬骨湯, 以及椰菜花湯, 還是前者合我胃口, 不過有點油, 還是不給小晴晴喝好了.主菜的重點之一是戶外燒烤, 很有風味的, 不過是晚人多, 大廚的燒烤速度沒有大家吃的那麼快, 要吃, 就要等.想吃肉的話, 還可

忙碌的一天, 最後一站, 來到汀蘭居. 晚上來到這裡, 景致, 很美. 最近, Anchor’s的晚市自助餐推出七折優惠, 我們星期六晚上來到, 價位只是成人$278.6, 小童$139.3, 超級便宜.頭盤: 8分, 由頭盤開始, 四款凍海鮮, 分別是長腳蟹, 青口, 凍蝦, 以及翡翠螺, 皆是新鮮的貨色, 吃自助餐, 總要吃凍海鮮吧.至於冷盤方面, 選擇包括有雞絲粉皮, 樟茶鴨, 鎮江餚肉, 雪菜毛豆, 烤雜菜, 以及窩粑等等, 有不少滬菜供應. 當中雞絲粉皮很清爽, 雪菜毛豆亦有水準.少不了的是凍肉及沙律, 除了薯仔沙律以及Vermicelli Salad, 還有不少沙律菜供大家自行混合, 配搭, 我當然要吃. 另外, 還有各式刺身及壽司供應呢.湯品: 8分, 兩款湯分別是椰菜花湯, 以及霸王花豬骨湯. 我還是愛喝中湯, 天氣涼了, 喝口湯, 暖暖胃, 真好.主菜: 8分, 來到主菜的環節, 堂弄的出品, 永遠是我的首選, 熱辣辣嘛. 如小籠包, 鍋貼, 生煎包, 擔擔麵, 以及蟹粉雞粥等等, 選擇不少. 鍋貼跟生煎包稍嫌皮太厚, 未算太香脆, 但肉餡就幾有鮮味. 擔擔麵個湯底不

現在食酒店自助餐真係好少這個價錢，不要期望太大！因為我地選擇尾場8:30後買一送一！有好多熱賣想食的都無哂了，都好理解嘅！這間酒店相信如果你唔係揸車，或者唔熟荃灣區會覺偏遠，位於海邊感舒服，酒店不算大勝在遠望汀九橋😂講返食物質素，上算就平均！基本上真係過口引的一餐！

還記得去年尾初訪荃灣汀蘭居的 Anchor's 時，對其環境一見傾心，一直盤算幾時再來吃自助餐，終於前晚拖著老公去吃了。講真食物質素只是平平，但餐廳有七折優惠，週一至四折後只$257，就算原價加一，埋單仍是$300有找，還奉送每位大閘蟹，實在抵食之極！ 還記得多年前首訪汀蘭居，兩口子慢慢由荃灣西步行過去，好沿路欣賞美麗的景色；然而這幾天熱得要緊，夜晚景色也不如日間，兩口子索性由荃灣搭的士去了，大概$40。順路的，也可以搭96小巴前來。除了晚市自助餐七折優惠，餐廳又有 Happy Hour 買一送一，以及 $68 啤酒汽水任飲套餐；不過大閘蟹向來寒涼，配啤酒不是太好，大家要注意啊～ 看看食物內容，這樣的 buffet line 不算很多，但也是應有盡有的：凍海鮮有長腳蟹、青口、熟蝦、翡翠螺四款，令人期待的大閘蟹則是店方按人頭數奉上。 其他冷盤包括冷麵、雞絲粉皮、樟茶鴨、烤雜菜、脆窩粑、上海肴肉、粉絲沙律、雪菜毛豆、長通粉沙律、凍肉等等，上海菜的比例不少呢。 靠牆是一系列以滬菜為主的熱盤：松子黃花魚、籠仔蒸糯米蟹、上湯砂窩雲吞雞、瑤柱獅子頭、東坡肉、雲腿上湯津白... 另一邊還有更多

打算同屋企人食過relaxing既lunch,終於選左呢間。去既時候問過要係荃灣轉巴士/小巴，比想像中近。一入去見到salad bar,但係無人serve坐位，終於被安排坐位後，無人點餐，再被告知自助餐未開始。無所謂，同屋企人傾下計，傾傾下其他客人開始salad bar,咁我地就一齊開始啦。Salad bar野好食，新鮮。種類唔多，但足夠。一款湯，小吃，沙津同甜品。普遍水準above average,唯配湯既麵包硬到可做殺人兇器😅😅食左30分鐘之後仍無人幫我地落單，問待應就勉為其難咁幫我地點，一行四人點左四個唔同既餐⋯點知main無一個好食⋯懶得寫咁多字，概括黎講雞-乾魚-腥豬-尚可合格素-同salad bar既grill vegetable 無分別，只係入左pita bread 入面甜品除salad bar外，有杯裝Dryers雪糕食。總結：環境無得輸，寬敞舒服。但食物質素仍有進步空間。零服務