Anchor’s Seafood and Beer House (已結業)

05-2-17和朋友慶祝生日食自助晚餐，因為在OpenRice 訂有75折，看了食評都不錯，就決定去食，地點有點隔攝，荃灣有小巴，和酒店專車可以去到，非常方便，入到去，環境氣氛不錯，唯一破壞氣氛，隔離枱怪獸老母，不停同個B女大聲講英文，但個B女零反應，之後B女不停超大聲講I love u,我用英文叫B女收聲，怪獸媽即刻同我們講拍video 大晒.講番食物質素，生蠔超新鮮，不過長腳蟹比較瘦，款式選擇不多，BBQ食物ok,keep住不停供應，甜品款式比較多，包一杯飲品，啤酒/果汁/汽水。會安哥和家人食生日飯～

因為同家人食團年飯，所以今次試食生蠔自助餐，用西式團年。好老實講，咁既價錢有即開法國生蠔，長腳蟹，刺身壽司，真係好抵。同埋啲生蠔長腳蟹好新鮮架!亦都有燒雞燒牛肉。食返隻雞應下節就最好不過。沙律吧有超多配料，再加埋巴馬火腿同芝士，出面食一碟都要百幾蚊啦!

以為一分錢一分貨，原來只得半分貨，主題生蠔超細小，小如五毫子乙，無鲜味，長腳蟹一般貨色，其它食物款式少，甜品少，粗製濫造，交行貨，不美味，吃了最多是～大排檔的炒芥蘭菜！..............................

今年屋企團年飯見人少少，阿媽又冇所謂，所以走去食自助餐!2星期前已訂位，當時佢話訂位名額已滿，放我入 waiting list，但到最後都有位畀我，當時我諗自己真係好好彩，點知食完就發現...去到 settle down 之後梗係第一時間去睇下有咩食啦～ 一眼睇晒! 有生蠔、沙律、生滾粥/麵、長腳蟹、青囗、熟蝦、翡翠螺、壽司、三色刺身、巴馬臣火腿、多款芝士、西式餐包、迷你 pizza、辣酒煮蜆、炒時菜、蒸魚、燒骨、合掌瓜豬骨湯、甘筍橙湯、黑松露薯蓉、糯米飯、胡椒蝦、BBQ 專區、朱古力噴泉、各式甜品、Dreyer's 雪糕...味道嘅嘢真係食過先知，以下因為不能詳述，只能簡述。長腳蟹用左好多鹽嘅鹽水煮熟，好鹹! 青口、蝦、翡翠螺新鮮，ok。辣酒煮蜆得個辣字。蒸魚好 "鞋"燒骨有D乾pizza 唔錯巴馬臣火腿應該係24個月嘅，唔太鹹，ok。胡椒蝦完全唔得! 冇胡椒味D蝦肉又 "梅"。BBQ 專區有羊肉、青口、肉腸、茄子、魷魚、菠蘿，廚師即場好努力燒，但可能現場太黑，唔係好睇到熟唔熟，燒到有燶味 (黑色一間間果度)，本身D食材亦冇乜味 甘筍橙湯... 好似飲淡味加熱左嘅橙汁生蠔超細隻，品質

同朋友一齊食個年尾飯，三間選一間，呢間係價錢中中地重有生蠔食，就決定去馬。地鐵/西鐵過去都要搭一程車，到步坐落位置唔迫。有生蠔、魚生、壽司、蝦蟹、芝士、西式甜品、雪糕，重有意粉、中式粉面、雞粥、中西湯、沙律、水果，食物位置有d分散。服務員做野快手又有笑容，其中服務員Betty小姐好好人幫左我地好多～優點：食品味道幾好服務員落力座位唔迫室外風景靚價格公道即開生蠔缺點：食物種類少位置唔就腳(但有接駁車)魚生一般

今晚預祝媽媽生日晚餐 去到已經睇到食物種類好小 有生蠔 但好迷你 刺生乾爭爭 得三款簡 唔會定時補返出來 已經感覺唔係咁好 之後侍應服務係超級差 我地一家食緊嘢 媽媽剛食完一碟女侍應問都無問就放左隔離枱食淨碟垃圾碟放係我媽媽碟上面 話 擺住先 然後去收再隔離枱 😦我地一家呆左 之後食嘢途中 媽侍應不停跌嘢落地 又反跌左張椅 自己整跌左嘢食落地 又唔抹返 搞到差d跣到人 爸爸形容以為自己去左大排擋 都算 無啦啦有另一位侍應隊張單埋黎 咩都無講 我地又呆左 我覺得起碼你要講句 唔好意思 我地埋數 介唔介意埋單 我從來都未預過咁既待遇 好差好差🤦🏼‍♀️🤦🏼‍♀️一定無下次

價錢低而又有即開生蠔，適合想吃自助餐而胃不太大的人士。最愛凱撒沙律配自己加芝士，另一推介是牛排及辣酒煮蜆。甜品有我喜愛的Dreyers開心果雪糕。可惜，熱盤太少選擇!

呢個價錢，又有即開生蠔長腳蟹、 翡翠螺 等等而且仲有燒烤 ，另外甜品款式亦多味道不錯 ，係一家大細嘅好去處。 美中不足地方比較隔涉， 幸好有接駁巴士到荃灣地鐵站， 會繼續支持

假期前，朋友介紹試了位於汀蘭居內之Anchor's Seafood and Beer House嘅自助餐。大概8點正到達已經坐滿了人，服務員帶我們進場內安排了靠窗口之位置，望出去是海景，非常舒適。第一時間馬上試食即開生蠔，另外到芝士及Ham,蟹腳，翡翠螺，魚生壽司，甜品，咖啡，食物一應俱全。最為滿意之地方就是露天望海之吸煙地方最後一提，環境優美，服務一流。

這個地點對個人來說是實在方便，因為在 葵芳 葵涌廣場 的另一面會有綠色小巴直達，車程只需要半小時便到達。 在等待 6 : 30 pm 吃自助餐的同時， 往外面平台欣賞黃昏下的夕陽美景。 自助餐價錢詳盡睇 ... 減價、 減價、減價，似乎是晚市自助餐的價錢最抵，有減價之餘還備有任吃的生蠔。 晚餐的任吃生蠔是即開，今期是法國的 natural wild oyster，口感非常爽脆，有先鹹而後甜的海水清新味。繼續吃凍海鮮，是晚有凍蝦、翡翠螺、藍青口、長蟹腳，凍海鮮的件頭是通通也不細隻，吃下去的肉質也不差，沒有雪味。沒有吃過壽司所以不評，刺身中的三文魚是肥美兼厚件、八爪魚是切得薄卻彈牙鮮美，反而立魚是讓我接受不來，腥氣逼人的程度是連我不怕腥的也怕了。沙律的配菜有很多，隨自己喜歡去左撈右撈，餐廳供應的蔬菜是厚片兼清爽乾淨，同時有 辣肉腸、甘香的 巴馬火腿 等供應，自己左拼右配已可成為一碟坊間餐廳有售兼價值數十元的沙律了。固體食物吃多了那麼先來喝碗湯吧，中式西式任客選擇，是晚的 青紅蘿蔔湯 及 意大利雜菜湯 都是很家常的湯款；若然湯的款式是不合口味，咖啡或茶或檸茶檸水都是自助的。自助晚餐除了有減價

今日一家5口去食buffet 做冬，折左大人每人300蚊左右，小朋友就5歲以下唔洗錢。有即開生蠔食，每次限拎2隻，生蠔size 偏細，但好重海水味，好鮮，只可惜開得唔太好，大部都有蠔殼。魚生方面有三文魚，吞拿魚同章紅魚，仲有凍青口，蝦，蟹腳同螺。沙律方面都好多選擇，仲有好多ham 同芝士提供。反而熱食比較少，大約只有6款。今晚有蒸魚，糯米飯，咖哩牛肉，鴨胸，意粉，同菜。另有2款湯，1中1西，中嘅今日係蕃茄薯仔煲豬骨，西嘅係甘荀湯。有燒牛肉同燒雞。仲有越南粉面，個牛肉湯底十分好味。甜品方面就有3款蛋糕，有窩夫，有pancake ,布甸等，同埋dryers 雪糕。中式甜品有紫米露。仲有3款生果。餐飲就每位包一杯凍飲，可以揀啤酒，紅酒，白酒，果汁或汽水，當然5歲以下嘅冇得飲。另外仲有任飲嘅熱飲，例如咖啡，檸茶，檸水。另外餐廳環境唔錯，大部分位置都可以望到海。唯一美中不足係侍應嘅服務，問咩都答唔知，話要問下人先，但最後都冇任何人答返我。同埋問佢地拎野佢地都只會應你'等等'但轉頭又冇左件事，今日係星期一，又唔係話全場full左，但一樣有呢d問題出，真係要好好改善一下。

近呢幾年食過最滿意的自助餐，质素比起食過嘅五星级酒店還要好。食蝦有蝦味，食蟹有蟹味，呢個價仲有生蟓，就是没那么肥美，但已经很難得有生蠔。選擇方面可能没有那么多，但也很足夠。

星期五晚，剛好安排了在荃灣西站附近收工，之前聽朋友講過果度附近有家自助餐廳，所以約了另一位朋友去試試汀蘭居內的Anchor's Seafood and Beer House。可能由於是星期五晚，一到餐廳門口已見不少人在等待安排入座，眼見應該要等前門幾張大枱先進，估計要等一會，誰知另一位有位靚仔服務員過來協助帶位，我見場內已大半滿，向他表示想找個比較安靜的位置，這位靚仔服務員為我們安排在附近沒有人的高枱，正合我意👍說到食物，先來海鮮有蟹腳、蝦、青口、翡翠螺，魚生壽司，ham，水牛芝士、前菜沙律一應俱全。在我們拿完第一round前菜頭盤後，之前那位男服務員Leo為我們親手逢上飲品時，他應該留意到我們碟上沒有生蠔，特別提醒我們生蠔在凍海鮮櫃旁（我們真的忘了有生蠔供應😅），真貼心，抵讚！老實講食物方面不算有特別驚喜，但以價錢三百零蚊計，我覺得質素比之前去同價錢的酒店還好。特別一提就是餐廳有個露天望海的outdoor area 可以坐下來嘆杯酒抽根煙～環境恬靜幽美整體來說這次光顧算是滿意，短期內會再來。室外環境優美一面望青衣方面另一面看汀九橋

先講服務，絕對自助，若叫服務員，結果都係等，同埋面容同枱一樣。。。木造。再講食物，款式數量同二餸飯揀餸的量相同，味道方面就比二餸飯好，因自助關係，最緊要眼明手快，如果唔係，都可以望梅止喝。再到飲品方面，茶啡任飲，同時包一杯果汁或啤酒，建議飲茶或啡，若order包的飲品，這裏實行專員服務制，會有專員來到你坐的位置落order，切記不要行開，否則便要考慮服務員的記憶力了。最後，或枱椅配合海景，坐下後，便要坐定定，或你想感受隨風搖動的意景。

有啦啦想食即開生蠔上網搵到哩間價錢一啲都唔貴，地方都方便既地方食，雖然熟食款色唔多，我最欣賞雞粥同牛肉，如果有埋白飯配咖哩就最好喇，不過樣樣都好食環境又好，下次一定會再黎